金田家 (已結業)

之前系元朗果邊試過一次幾好食，見地九龍都有間分店系黃埔，但系兩間既味道差太遠。黑豚拉麵 $98，湯底似溝左水，清水中有點豚骨味甘，可能系煮完麵冇fing乾啲水，令到湯底淡左。湯底系拉麵既精髓，敗筆！男爵薯餅，肉末拌入薯仔泥，吉烈炸法，香脆可口，不過薯仔太粉，味道單調，配普通沙拉醬。

有親戚住紅磡介中都會去下果邊今日忽然想食拉麵，親戚就話去呢間位置不多介中都要等下位。入到去好有日本風味柚子辛口拉麵加左溏心蛋，同粟米豚骨湯，黑豚叉燒，芽菜，紅洋蔥，紫菜溏心蛋夠流心黑松露拉麵用豚骨湯，有黑豚叉燒，黑松露醬，黑松露油，木耳，紫菜青蔥拉麵粗度剛好，湯底夠濃郁，叉燒好淋身份量好大確，夠熱，不經不覺連湯都飲埋，本身怕吾夠加左叉燒小食有男爵薯餅牛肉薯餅，紫薯栗子薯餅剛剛炸好，勁脆身，肉餡好足料，份量大，食完一塊，飽左四分之一位面有冰水，配菜，好有日本特式，如果坐巴枱仲有日風味食拉麵點可以冇野飲，叫左杯乳酸一流可解少少辣

This is one of my favorite ramen places in Hong Kong.Came here with my friend on a Monday night around 19:30. We were lucky enough and got the last 2 seats.Overall, I’ll rate 4.5/5 and suggest the restaurant for all ramen lovers.Chashu Tonkotsu Ramen:- About 8 pieces of tender chashu, added an egg, which was cooked nicely. Must try!! Chicken Tonkotsu:- Rate 4/5Chicken Karaage:- Rate 5/5

食親拉麵嘅舖頭通常人頭湧湧, 呢間鋪頭都唔例外食嘅期間, 都有好多客人入嚟 ,證明質素一定有保證!今次我兩個人嚟食,又咁啱窗口有兩人位,自成一角,邊食邊睇街上面嘅風景呢杯係可爾必思其實即係好似益力多咁嘅味, 不過冇咁甜, 同埋清d, 我嗰陣喺台灣飲過一次點餐紙上面選擇非常多,而且有關注到客人需要!因為其他拉麵舖最多問你要軟麵定係硬麵! 但係呢度麵嘅軟硬度足足都分咗四款 ,好細心而且麵嘅款式都好新穎,我喺其他鋪頭未見過😊其他舖頭可能會做辛辣味 ,或者海鮮味等等... 呢度居然有黑松露味同埋辛口柚子味! 聽落都夠曬特別!好!!!即管睇下你碗麵有幾柚子!!!就咁聞落去, 柚子味係淡淡清新,食落去都一樣,其實唔係好重。 但係每一啖都會慢慢咁樣飄出來 ,都幾清新溏心蛋好出色, 完全食到蛋黃嘅香甜😊😊😊我追加咗芽菜同埋粟米, 加埋落個面度就更加有口感啦!呢個黑豚拉麵湯底好濃郁 !!!但係卻又飲唔到豬臊味, 只係保留咗豬骨同埋豬肉嘅香 !上菜嘅時候,黑豚肉圍住個碗邊,好似朵花咁樣。加啲自家製醃菜先,加完重惹未呀我開頭都估緊咩嘢叫做伯爵薯餅 ?! 雖然 ,食完都唔知點解,但係原來薯餅係有兩隻味道架

琴日係紅磡開完會，又肚餓又想速食解決。 結果同老公去咗間外表簡潔，日本風格十足嘅拉麵店。 可能當時六點鬆少少，未見要排隊等食飯嘅事情發生。 位置唔太寬闊，其實同日本拉麵店一樣。它們家用素木設計，卻是令人舒服我叫咗個雞湯豚肉拉麵拉麵的湯底好重要，雞湯濃度適中，而且不油。係食得出睇得到嘅廚藝功架好食，我選拉麵硬度是普通，麵質彈床吸湯。 真心好食。 我老公叫辛子黑蒜拉麵叫有辛子，就知辣啦⋯⋯不過唔係一味麵。 味雷會試到黑蒜味，之後辣味漫漫滲出嚟，好過癮！ 大家可以試下。 我同我老公都係食肉怪叫多咗兩個肉一個係黑豚叉燒（左） 一個係腩肉叉燒（右） 腩肉叉燒好好食，油脂分佈平均大家一定要試。 最後一味-炸雞。 本人對拉麵店的炸雞無咩期望，唔好難食便可， 點知出乎意外嘅好味。 炸皮簿 ，雞件大份又嫩口， 好正滿足感十足嘅晚餐

去完紅磡見工，朋友又剛好係呢頭返工，於是就約佢去黃埔果頭望下有咩野食啦。行行下見到大大粒字寫住「九州第1拉麵」，仲有個Q版金田先生GE人像Icon係度，睇佢GE相貌我諗佢應該係日本人黎XD，越洋野BOR！一於試試先，望多兩望覺得金田生個樣有D似成龍~哈哈！餐廳嘅設計簡單、乾淨企理，我地坐左係面街GE高身吧檯度食野。餐單以拉麵為主，仲有麵嘅硬度同蔥花俾你簡，另外，拉麵可以追加配料、小食同飲料。價格我覺得合理嘅。我就簡左雞白湯豚骨拉麵 ($85)，追加左木耳($7)、粟米($7)，麵身我就簡左硬身同正常蔥。拉麵入口係順滑GE，佢嘅湯係雞湯Mix 豬骨熬成GE嘅湯底，所以會帶D乳白色。2種湯同肉煮出黎GE湯應該會幾肥下，但湯底又無點沒浮油，應該有飛走多餘嘅油份，感覺亦無咩味精味。我唔鐘意食太肥GE叉燒，呢碗拉麵GE肉剛好係邊邊位係肥肉，所以我好易咬走佢，而肉有輕輕煎封過，帶少少脆GE口感，同埋食落口係軟身D，唔錯！我追加GE木耳同栗米，店家好好咁用碗仔分開裝盛，嘩，倒落碗拉麵到，個口感同層次又再豐富左！我朋友就叫左豚骨Mix 拉麵($78)，追加左溏心蛋 ($14)同黑豚叉燒($33)，佢嘅

日式拉面店係香港愈開愈多，但正宗有日本風味又好味既就唔多，今日試呢間金田家無論湯底定面質，都保持到日本風味~一入鋪店已經覺得有點日式風味，我地揀左坐BAR枱，餐牌可以揀既拉面款唔多，但豚骨、雞白豚骨、黑蒜、激辛呢D口味全部都有，我同朋友一個鐘意食直面一個鐘意食曲面，所以一人點左一碗拉面，SHARE一個小食~雞白湯豚骨拉面我揀呢款面既主因係因為佢係唯一一款曲面，其次係被佢油脂分佈均衡既腩肉叉燒吸引~ 除左叉燒外，呢款面仲有糖心蛋～！同埋紫菜、蔥花！食落曲面彈牙，湯底濃郁，完全無味精味！黑豚拉面朋友鐘意食直面同極瘦既肉（怕肥），所以呢款面就岩哂佢心水，叉燒瘦得黎唔會乾爭爭，帶有好少好少肥肉，令叉燒食落得有香味，一碗仲有五大塊叉燒圍滿碗面！除左叉燒，呢款面仲有好爽口既木耳，紫菜同蔥花，湯底係濃濃既豬骨味，食落都完全味精既感覺！最後加左個唐揚雞塊一件件雞塊炸到脆卜卜，但咬落唔乾身，反而好juicy，有d雞汁流出，脆卜卜既皮仲有少少柚子甜香，配埋檸檬汁同沙律醬食，好好味！仲有唔同飲唔叫

愛食日本拉麵的我, 相隔一段日子便會去食, 今試去了位於紅磡的金田家. 我選了黑豚拉麵, 麵要軟身. 另外加了溏心蛋和粟米. 小食點了男爵薯餅. 飲品選了可爾必思走冰. 店員先奉上黑豚拉麵. 這個拉麵相當豐富, 义燒圍係整個碗邊, 一共有六片. 义燒係我鍾意的瘦身為主, 肉質夠稔身. 溏心蛋基本上食拉麵必點. 蛋尚算流心. 我自己鍾意食軟身麵條, 因為更能吸收湯的精華, 特別好味. 其他配料也不錯. 男爵薯餅. 一共有紫薯粟子和蕃薯牛肉兩款. 外層炸得夠鬆化, 口感不俗. 若牛肉和粟子份量多一點會更好味. 可以一次過試晒兩款口味, 最啱貪心的我.

雖然日式拉麵店於香港已經接近梗有一間喺左近，但各麵店均有名自秘方烹調香濃湯底，再加入各式配菜與或粗或幼的拉麵，又真係百吃不厭，一轉眼又想食過返尋味。今次到位處紅磡灣中心品嚐嘅金田家麵店，店面唔算大，所以要等候大約十五分鐘至有位。店外等候時見招牌標示日本本土多年攞獎，睇落都有啲來頭。入店座底填完纸仔傾唔夠兩句就有得食，自己食嗰份嘅 黑豚拉麵 麵條幼身，普通硬度夠彈牙，沾上香濃膠原豐富邨豬骨湯底，點有可能唔好味，真係食到連個湯湯飲曬。伴菜香蔥黑木耳增添香口及爽口快感。跟湯麵上嘅黑豚叉燒味香肉嫩肥瘦適中，美味嘅薄叉燒多叫另一碟完全係正確嘅選擇。額外追加嘅溏心蛋就接近處處味道一樣，不過無咗佢就唔似一碗日式拉麵。男爵薯餅用紫心番薯製作，賣相吸引，味道香甜，薯餅內肉量唔算多，建議唔點醬料就咁食會較易食出味道。

食拉麵你喜歡食濃味定清d既湯底呢 我自己就中意濃味多d 金田家（有九州第一拉麵之稱）正宗拉麵店 ～💓都有幾間分店 今次就黎左紅磡試試😆叫左個雞白湯豚骨拉麵 仲有黑松露拉麵🍜 兩個都各有特色 我就中意食濃味d 鹹少少 所以會揀黑松露拉麵 其實兩個都好香 d肉都好淋 個雞白湯清清地都幾特別 仲可以加炸雞同餃子 🥟炸雞好食 炸得剛剛好 不會有太油既感覺 但餃子就可以煎得脆口d會比較好☺️ 佢店鋪位置比較細 但係都無阻我地試拉麵既心🤤🙈🙈

跟朋友在紅磡行街之際忽然驟雨, 就找地方先吃點東西, 剛好身後就是一間日本麵店, 小小的看來不錯, 就決定落腳門前見掛著九州第一拉麵, 上網看看原來是九州名店, 聽到隔壁桌子的人在說日文, 應該是附近的居港日本人, 見他們跟店員有說有笑, 想來應是熟客, 雖然盲中中的走了進來, 不過就多了信心保證麵款雖然不算太多, 不過湯底, 豚肉與醬料可以有不同配搭, 多些新口味叉燒特別見有分黑豚叉燒及腩肉叉燒, 那就兩樣也試試吧湯底有豚骨湯與雞湯, 味道多點層次先來兩杯Calpis追加的粟米木耳先上, 還有黑豚叉燒, 咬口即溶, 帶點點黑椒的味道, 跟平常的豚肉味道較濃朋友的辛子黑蒜拉麵, 辛是指蒜的味道, 朋友說味道頗濃自己則點了柚子辛口拉麵, 有一抹辣醬放在麵上, 不算太辣但香口, 拌在湯中有突出的味道; 柚子味淡淡的沒有搶過湯底的風頭, 但總在隱約中展現它的清香, 很有特色; 特別是這兒的溏心蛋,不單止是蛋黃軟滑, 連蛋白都十分香軟, 咬下去不會像其他溏心蛋的只有蛋黃軟綿, 很想多叫一個叉燒香口, 沒有多餘的肥脂, 但仍然不減香糯味道

黃埔美食真係多，除左雞蛋仔外，拉麵都幾好食。今次黎到金田家，座位唔係好多，好有日本拉麵店嘅風味。咁餐牌亦非常簡潔，選擇亦都唔算多，但勝在味道夠濃。咁我地2人都各叫左支綠茶消暑。黑豚叉燒即叫即切，並且用火槍燒一燒，但食起上黎有一陣油香，而且肥瘦均勻，值得一叫。我地叫左辛子黑蒜拉麵，聞落味道好香黑蒜味，而食落有丁點辣味，好開胃，所以之後我就加左個麵，撈埋個湯底繼續食。而溏心蛋都整得非常好食，蛋黃唔單止係流心嘅，仲要好入味。另外，我地叫左個黑松露拉麵，黑松露醬好好食。個湯底好味在於d黑松露油，連埋個湯底一齊食，好特別。我地最後叫多個小食，男爵薯餅，一塊牛一塊係紫薯。紫薯個塊仲有d栗子係個餡入面，口感豐富。

裝潢簡潔明亮舒適，每張枱都有儲物架可以存放手袋，相當貼心。柚子辛口拉麵 - 湯身較為濃稠，柚子味同豚骨味配合得幾好， 將唐辛子混和後，為湯底帶黎香辣感，辣度剛剛好，唔會搶左柚子的清新感，反而令味道層次更為豐富。麵條較為幼細，掛湯力唔錯，唔會煮得太過軟，口感彈牙。溏心蛋的蛋黃流心且色澤滿溢咬落滿口香濃蛋味。黑豚拉麵 - 豬骨湯底湯底味道濃郁得黎又唔會油膩，唔會因為太重口味而覺得口渴。黑豚叉燒薄身得來但又相當大塊，脂肪分佈適中，咬落軟腍，肉香好濃。男爵薯餅 -分別有紫薯薯餅同牛肉薯餅。外層炸得金黃、香脆紫薯餅內裏滿滿的薯泥，質感鬆軟甜香，中間夾住一d栗子粒，豐富左口感。

假日，又帶媽咪去紅磡食好野，媽咪話好想食拉麵，於是我地就到有質素保證既金田家啦餐廳風格簡約，燈光柔和，俾人一種好舒服既感覺拉麵都有好幾款，樣樣都望落好吸引，我都諗左一陣先決定到食咩先黎男爵薯餅，兩塊薯餅分別係牛肉薯餅同紫薯栗子薯餅薯餅炸到金黃色，非常吸引，𥚃面既薯仔好軟滑，食落好香口個人比較喜歡紫薯餅，味道有驚喜，好重紫薯味，配埋一粒粒既栗子，口感豐富黑豚拉麵，好多塊豚肉😍😍😍豚肉肥瘦適中，肉質幾腍，好容易咬開。麵係幼身既，口感煙韌，湯底係豚骨湯底，味道都幾濃另外仲加左蛋，係糖心蛋黎嫁🤤，好正仲追加左粟米，令拉麵口感更豐富媽咪就叫左柚子辛口拉麵，由於係辛辣，所以湯底味道更加濃郁，柚子既味道都幾出，唔會話俾辣味蓋過左，反而柚子既味道有效中和油膩感同辣味，更清新食拉麵又點少得要飲野，我地一人一罐汽水整體來講，食物質素唔錯，而且價錢合理，一定會再幫襯

去睇戲前食返碗拉麵先，6pm黎可以避開人龍，早前同朋友食過，今次再返黎食，水準保持到，不愧為日本九州第一拉麵！環境舒適，最鍾意坐吧枱，比較有日本風味，枱底有櫃可以放袋。可爾必思 $20，伊藤園綠茶 $15雞白湯豚骨拉麵（曲麵）($85)，一定要追加溏心蛋 ($14) 。豚骨湯和雞湯混合，雞味濃郁，是我喜歡的湯底，唔會腻。配料有腩肉叉燒、京蔥、紫菜、青蔥，腩肉邊焦焦的，香噴噴，唔會太瘦，少少肥多滋味。曲麵比較特別，似公仔麵，好有彈性。黑豚叉燒($33/3片)有炭燒味的叉燒很軟嫩。枝豆 ($20)很新鮮，加小小鹽巴已經好好味，非常好的前菜。柚子幸口拉麵 ($98)，豚骨湯、黑豚叉燒、芽菜、紅洋蔥、紫菜、青蔥，材料豐富，紅洋蔥甜甜的，多葱，湯底小小辣，幾惹味。麵軟硬適中，份量剛好。追加溏心蛋($14)，蛋燻得很香，超美味！芽菜 ($7)營養價值高，增加拉麵的爽脆口感。想多重口味，可以加酸菜食。