影片
更多
2018-09-05
950 浏览
去完紅磡見工，朋友又剛好係呢頭返工，於是就約佢去黃埔果頭望下有咩野食啦。行行下見到大大粒字寫住「九州第1拉麵」，仲有個Q版金田先生GE人像Icon係度，睇佢GE相貌我諗佢應該係日本人黎XD，越洋野BOR！一於試試先，望多兩望覺得金田生個樣有D似成龍~哈哈！餐廳嘅設計簡單、乾淨企理，我地坐左係面街GE高身吧檯度食野。餐單以拉麵為主，仲有麵嘅硬度同蔥花俾你簡，另外，拉麵可以追加配料、小食同飲料。價格我覺得合理嘅。我就簡左雞白湯豚骨拉麵 ($85)，追加左木耳($7)、粟米($7)，麵身我就簡左硬身同正常蔥。拉麵入口係順滑GE，佢嘅湯係雞湯Mix 豬骨熬成GE嘅湯底，所以會帶D乳白色。2種湯同肉煮出黎GE湯應該會幾肥下，但湯底又無點沒浮油，應該有飛走多餘嘅油份，感覺亦無咩味精味。我唔鐘意食太肥GE叉燒，呢碗拉麵GE肉剛好係邊邊位係肥肉，所以我好易咬走佢，而肉有輕輕煎封過，帶少少脆GE口感，同埋食落口係軟身D，唔錯！我追加GE木耳同栗米，店家好好咁用碗仔分開裝盛，嘩，倒落碗拉麵到，個口感同層次又再豐富左！我朋友就叫左豚骨Mix 拉麵($78)，追加左溏心蛋 ($14)同黑豚叉燒($33)，佢嘅
去完紅磡見工，朋友又剛好係呢頭返工，於是就約佢去黃埔果頭望下有咩野食啦。行行下見到大大粒字寫住「九州第1拉麵」，仲有個Q版金田先生GE人像Icon係度，睇佢GE相貌我諗佢應該係日本人黎XD，越洋野BOR！一於試試先，望多兩望覺得金田生個樣有D似成龍~哈哈！
餐廳嘅設計簡單、乾淨企理，我地坐左係面街GE高身吧檯度食野。餐單以拉麵為主，仲有麵嘅硬度同蔥花俾你簡，另外，拉麵可以追加配料、小食同飲料。價格我覺得合理嘅。
我就簡左雞白湯豚骨拉麵 ($85)，追加左木耳($7)、粟米($7)，麵身我就簡左硬身同正常蔥。拉麵入口係順滑GE，佢嘅湯係雞湯Mix 豬骨熬成GE嘅湯底，所以會帶D乳白色。2種湯同肉煮出黎GE湯應該會幾肥下，但湯底又無點沒浮油，應該有飛走多餘嘅油份，感覺亦無咩味精味。我唔鐘意食太肥GE叉燒，呢碗拉麵GE肉剛好係邊邊位係肥肉，所以我好易咬走佢，而肉有輕輕煎封過，帶少少脆GE口感，同埋食落口係軟身D，唔錯！我追加GE木耳同栗米，店家好好咁用碗仔分開裝盛，嘩，倒落碗拉麵到，個口感同層次又再豐富左！
我朋友就叫左豚骨Mix 拉麵($78)，追加左溏心蛋 ($14)同黑豚叉燒($33)，佢嘅湯底飲落同我果個其實差唔多，但跟拉麵嘅叉燒就類似港式薄切腩片嘅，口感係硬少少。@0@追加嘅黑豚叉燒應該係3款豚肉入面就好GE部位，因為食落口最香，自身帶D咸味，同埋口感係軟硬得宜，唔會鞋口嘅！
我地叫多左份大將餃子($30)，呢款餃子幾好食！佢入面有菜GE比例比較高GE，再有肉、胡椒粉、鹽等調味，食落去會帶有蔬菜GE甜，同其他調味料嘅咸香味，皮又唔會太厚皮，煎得都幾靚仔，味道係夾得好嘅！
我地傾左幾粒鐘，大部分野都自助嘅，對我地呢D怕要交檯俾人窮JJ黎講，無人打擾我地就係最好最自在嘅環境。
张贴
