金田家 (已結業)

這間金田家聽聞是九州來的拉麵店，店面不是太吸引，抱著不是港式拉麵就合格的心態一試。叫了一個拉麵加一份炸雞，發現拉麵的味道很正宗，湯底濃，麵質爽另外值得一贊是炸雞，即炸炸得非常香嫩可口，推薦

冇可能沒有負評. 同埋有更改個rating. 咁難食嘅lunch!我認真地方好乾淨, 服務態度ok, 但係食物嚟講好認真一句真係唔好食而咁嘅價錢. 我極力相信隔咗一個月後我呢個post 我畀人取消咗. 第一啲肉真係唔好食好乾. 湯底完全唔得, 得個鹹字完全冇其他味道, 求其買包日本調味粉都仲好食過嚟湯底.咁嘅價錢 咁嘅面真係完全唔該去返日本試一試 人哋點做先開舖. 真係好惡言點解會有咁高 好平.Try at your own risk. honestly no where near average. I can get much better ramen rather than coming all the way to eat this! Not Happy!

朋友叫咗我去黃埔上一個跳舞班，第一次去玩又幾得意，玩完就梗係要搵地方食嘢啦！我哋行過見到有一間叫金田家嘅日本菜小店，門口寫住日本九州第一拉麵，咁我哋咪就入去試吓！店舖環境唔係太大，不過乾乾淨淨又光猛，主打拉麵，仲有啲小食。我哋叫咗一碗激辛拉麵$93，但又怕太辣，所以叫師傅辣醬另外上，果然落咗少少都覺得幾辣下😅如果鍾意食辣嘅可以試吓。另外就叫咗一碗柚子辛口拉麵$98，呢個就比較清淡啱晒我，叉燒唔錯😋我地另加左流心蛋，一人半隻！另外叫咗個男爵薯餅，其實係牛肉薯餅及紫薯栗子薯餅$38，牛肉加入薯餅口感又幾得意，可惜我朋友唔食牛，叫嘅時候就要小心啲啦！朋友話好耐都冇飲過波子汽水，今日就順便飲下，仲叫咗個可爾必思，食住啲辣嘅麵，最好飲佢中和下😊

之前都食過金田家，今次再嚟試一試，依家分店都幾多，所以都幾容易去喔可能係比較新開嘅關係，裝修都比較新淨、舒服，好有日式嘅感覺。而晚上八點左右，人流都幾多，好彩等咗15分鐘就有位。今次是柚子辛口拉麵，因為當日胃口不好，所以叫左啲感覺上開胃少少嘅拉麵味道不錯，喜歡打淡淡清香柚子味，味道小辣，配上豚骨湯，降低油膩感之餘，仲越食越開胃豚肉部份肉味香，唔算乾身，油脂部份相對無咁強🐥麵的軟硬度能夠自己選擇，我就選擇了硬，口感幾好小食試左餃子，感覺一般，皮既部份厚左小小

知道金田家好出名，所以想去試下係咪真係咁正。店面好細，坐位都好少，我地揀左坐BAR位。見餐牌都幾多選擇，咁我就揀左辛子黑蒜拉麵($88)見到咁黑，但係冇乜黑蒜香味，叉燒係好味嘅，而且配料都足夠，但份量唔多，以咁嘅價格黎講，其實可以再多返少少就完美。老公揀左激辛拉麵($93)，我唔知評價如何～2個人一共食左$199，好奇怪點解要加一服務費？斟茶拎杯拎餐具又係自己，除左要搵人拎碗麵過黎，我諗唔到那裡有服務可言.....可能係舖租加人工費掛～不過總體係ｏｋ嘅，但食完覺得未算好飽咁囉。

放左工，就打算係黃埔附近食個晚飯，見到呢間金田家拉麵🍜裝修唔錯，就入去試試啦！叫左份豚骨拉麵🍜拼炸雞，拉麵軟硬適中，配合埋味道十足即豬骨濃湯，口感同味覺兩得意，實屬有質素既拉麵。

Kanada-Ya is all over the world and there are three branches in London.This is my second time at Kanada-Ya .Went to the branch at Whampoa where it is quite a small joint with a bar by the ramen kitchen.Obviously the drinks are slightly different internationally.In UK, they have exclusive corn fed chicken whereas Tonkatsu is the main theme here.There are quite a few main ramen broth bases to choose from. For starters had the gyozas and kaarage with mayonnaise.For noodles had the Spicy Yuzu ramen

位於黃埔地鐵站附近好方便。座位很少，等了一陣間先有位。個袋可以放喺枱下，有啲好似返學嘅感覺。在等候時點嘅豚骨拉麵很快就上了，叉燒好大塊，不過原來係冇溏心蛋，但我們叫了小食所以都冇追加。湯底豬骨味濃厚又滑，果然沒有令人失望。豚肉又多，圍住碗邊。正！柚子辛口拉麵，辣味不算很辣。叫了軟麵，麵質唔係咁諗，反而覺得係比普通麵更易入口。糖揚炸雞不油膩，仲有檸檬送！伯爵薯餅, 之所以叫伯爵，原來係薯仔品種之一, 北海道土豆,源自英國. 呢度食嘅伯爵薯餅有兩塊，其中一塊入面仲有栗子粒。白色嗰杯係可爾必思，益酸菌來的，比益力多冇咁甜，值得試吓

今晚阿媽唔煮飯，唯有同阿爸出街食，咁當然係食阿爸最中意既拉麵！呢間金田家都有幾間分店，相信品質絕對有保證！門口已經見倒大大個招牌！餐廳唔算大，有bar檯同幾張二人檯，當日坐低後已經好快有人等位！Bar檯仲可以睇住師傅整拉麵拉麵除左常見既豬骨湯底，仲有提供唔同口味，例如係好小見既柚子湯同黑蒜湯底。怕淨食拉麵好悶？仲可以追加配菜或者小食！叫左杯蘋果汁，味道天然，唔會太甜因為阿爸比較大食，所以另外再叫左兩款小食。煎餃子有四粒，個皮煎得非常香脆，見倒脹卜卜就知餡料好豐富，食落仲好多汁！第二款小食就係唐揚炸雞，新鮮炸起熱辣辣！仲配有一小舊檸檬，可以唧喺雞塊上面，中和番油膩感。要小心啲咬因為一咬啲汁流哂出黎雞肉都好嫩滑！主角到喇！阿爸揀左黑豚拉麵，黑豚比普通叉燒較瘦，如果唔中意食肥肉既人就岩哂！係奶白色既豬骨湯啊，湯底好濃郁，但又唔會太膩！我鍾意食辣所以要左激辛拉麵，估唔倒都幾辣！拉麵上仲有一堆香辣肉碎，令個湯底更惹味麵條煮得岩岩好，有嚼勁！叉燒有稍微燒過，好香，而且肥瘦均勻！

去睇演唱會前，近近哋係紅磡覓食，朋友就話去金田家食日本拉麵！咁一入到去見到佢有啲吧枱位同埋幾張嘅四人枱位，咁今次我四個人就坐吧枱位啦！平時日本拉麵我通常都係食豬骨湯底，今次見到呢間有個雞白湯就諗住試試啦！咁佢都係比張紙你自己圈要乜嘢配料同埋麵嘅硬度之類！咁食拉麵我通常都會叫罐汽水嘅，佢又好好咁有個牌棟咗出嚟，上面有QR code幫佢做份問卷就可以有免費飲品！咁我當然立刻做啦！咁我叫咗個雞白湯拉麵走蔥，等左10分鐘左右就有得食啦！雞白湯呢我食落就覺得比起淨係豬骨湯係清d嘅，上面啲肉係有炙燒過嘅，所以好香，整體上碗麵食落去都唔差！

今日去左紅磡灣既分店食，入座時無咩人，店鋪環境清幽，樓面乾淨光猛。我地兩個人分別叫左雞白湯拉麵及辛味柚子豚骨拉麵，店鋪用紙點餐，客人可以自己剔鐘意既口味，如麵硬度及要唔要蔥等等。雞白湯拉麵相對比豚骨湯清淡，奶白色既湯頭飲落順滑，無一般豚油骨湯既油膩感。雞白湯配既麵係太麵，掛湯能力好。豚油湯口感濃厚，飲落口唔味精，配上辛味柚子醬，帶微辣，令豚骨湯無咁單調。小食叫左餃子及唐揚雞塊，餃子多肉小菜，調味較甜，餡料飽滿。雞塊調味香口，可以略唯有點燶整體黎講店鋪豚骨湯好出色，加上店員態度好好，值得一讚

喺黃埔附近嘅一帶都有唔同嘅拉麵鋪頭，而本人就覺得呢間嘅湯底同埋質素都算係幾好， 入到去七點幾鐘其實都幾滿，啱啱好唔使等位不過正常來講都要等位。激辛拉麵，面頭會有一推辣椒肉碎，建議大家可以唔洗一次過撈匀，因為辣椒肉碎十分之惹味，而且香辣程度十足 如果加晒落去嘅話都相等於譚仔嘅中辣，不過將湯底轉做非常之辣之後其實都別有一番風味，因為麵條十分之掛汁所以每一啖仲有濃厚嘅豬骨湯味，雖然湯頭可能會非常之辣不過都唔會阻止你食到原汁原味嘅豬骨味，而且拉麵軟硬適中啱啱好可以咬下又唔會太硬，而且份量都足夠一個人食飽。日式叉燒方面就切得比較薄不過脂肪比例都較充足， 肉質都容易咬。黑豚拉麵，顧名思義係碗上面有五至六大塊大塊嘅黑豚肉，肉質雖然就冇上一碗咁肥美不過肉的味道就更加突出而且因為有好多肉絕對可以滿足一班食肉獸，而拉麵嘅份量同上一個差唔多不過因為冇辣嘅關係所以豬骨嘅味道就特別突出，而且都唔會有好多味精嘅存在應該係真材實料。唐揚炸雞，炸雞有四至五件大大嚿嘅炸雞每一層出邊嘅炸粉都唔會好口而且都唔會硬熱辣辣，唔係翻炸嘅炸雞，而且因為係新鮮即炸關係所以入面嘅肉汁同埋溫度都非常之多同高，點上小小嘅沙律醬更加好味。最

對金田家印象一直不錯，很久以前在其他分店吃過與朋友在紅磡吃晚飯，便提議再試試，畢竟事隔一段時間而且分店數量急升幸好質素沒有因此而下降每位都給予一張點餐紙，交了之後很快便送上飲品可爾必思（日式餐廳最愛飲料加了冰塊有透心涼的感覺不久小食枝豆便上枱微微暖的感覺配上少許鹽調味讚首先登場的拉麵是濃ってり豚骨豬骨味很濃郁，而且叉燒可口，油脂剛剛好，入口即融另外，柚子辛口拉麵整體味道滿意湯底不會太辣，淡淡的柚子味噌味叉燒邊被火炙微微燒過大將餃子即叫即煎，需要較長時間等候不過皮薄而且餡料足夠

今天下午跟同事經過此名為金田家的拉麵店時，大家都沒有吃過而且覺得味道應該不錯，就相約了收工時一起去這間店吃個便飯。幸好我們都準時收工，所以來到店時店內還有空位，不需要等位。而店內的空間不大，不過座位間的位置夠闊，所以坐得舒服。湯底的種類都算多，經過一番苦惱後我們就點了辛子黑蒜拉麵$88及黑豚拉麵$98。而小食就點了大將餃子$30及唐揚雞塊$35。飲品就點了一杯可爾必思$20。辛子黑蒜拉麵$88-首先份量非常多，有四塊腩肉，湯底濃郁稀稠，帶輕微的辣度，麵條屬幼身，非常掛湯。黑豚拉麵$98-這個是朋友點的，我試了幾口湯底及豚肉，奶白色的湯底濃郁且帶甜。而豚肉有輕輕燒過，更香口美味。大將餃子$30-食日本菜總是忍不住要點餃子，餃子皮薄肉厚且帶肉汁，而且煎得夠香脆，不錯。唐揚雞塊$35-這是炸雞塊，炸雞最重要的是炸粉不能厚，這店在這方面做得不錯，味道都出色。而且有四件雞塊，雞肉又厚，性比價非常高。人均消費$145左右，價錢合理，非常滿足。

寒冷的晚上，和朋友一行二人來到金田家吃拉麵。雞白湯豚骨拉麵湯頭是清澈的淺白色，帶淡淡雞湯氣味，叉燒肥的部分有點入口即化的感覺，瘦的部分如果快能做到這點就更好。配雞湯的麵略粗一點，質感還好，和清淡的雞湯一起掛湯力略不足。另一款是豚骨mix，豚骨味濃一點，叉燒沒有太大分別。較不同的是配上幼直麵，我較喜歡。小食方面，煎餃做得相當出色，外層帶脆，肉餡多汁又鬆軟，調味亦恰到好處。另一道炙燒叉燒亦不錯，脂肪豐腴的叉燒入口即化，邪惡卻令人滿足。