金田家 (已結業)

知道金田家好出名，所以想去試下係咪真係咁正。店面好細，坐位都好少，我地揀左坐BAR位。見餐牌都幾多選擇，咁我就揀左辛子黑蒜拉麵($88)見到咁黑，但係冇乜黑蒜香味，叉燒係好味嘅，而且配料都足夠，但份量唔多，以咁嘅價格黎講，其實可以再多返少少就完美。老公揀左激辛拉麵($93)，我唔知評價如何～2個人一共食左$199，好奇怪點解要加一服務費？斟茶拎杯拎餐具又係自己，除左要搵人拎碗麵過黎，我諗唔到那裡有服務可言.....可能係舖租加人工費掛～不過總體係ｏｋ嘅，但食完覺得未算好飽咁囉。