金樂軒雞煲魚鍋

营业中

休息中

今晚OT,同事住北角，收工就帶左我去金樂軒食雞煲，好好對待五臟腑。入內店子小小，很地道親切的感覺。人多的話更加可以坐房，舒舒服服夠曬私隱。竹蔗茅根，大大壼都係廿八蚊，抵飲！最正就係唔太甜，飲得出係自家煲的！幸運的我們早一步入內，不用等位，但坐落七點幾就開始要等位，有點想不到。見到老闆都會去問下客人食物如何，互相交流，高興起來更會同食客飲翻杯，好親民。總括來說呢一餐算係當日最美好的一件事！希望下次來可以多啲朋友，叫多幾樣菜就好了:-)

天氣凍啦係時候約班兄弟食雞煲雖然食雞煲愈辣愈正但兄弟門都食唔到太辣唯有叫小辣雞好滑又多件仲要唔會太多脂肪 好正啊個汁非常惹味我地愈食個身就愈暖已經忘記冬天的感覺我地仲要叫咗椒鹽豬手超級好味！我真係非常推介椒鹽爆得好香好惹味不在下話豬手仲要熱辣辣又滑我地幾個男人 三兩吓就清光炸大腸都唔錯叫非常肥美炸得香脆可口但又唔會太多油！真心好正！食咁多熱氣野緊係要飲竹蔗水！超級冰涼解渴，又唔會太甜，抵讚我地決定下次都要黎呢度食飯

同事介紹來呢度食晚飯話呢一度嘅雞煲同酸菜魚煲都好好食七點鐘嚟到可能因為平日都唔算好多人跟手阿姐好殷勤咁介紹餸菜佢話呢間鋪有三寶有蠔，豬手，之後個個唔記得左咁叫左個炸豬手，一個桶蠔同蒸蠔餅再叫左一個雞煲同酸菜龍躉煲再叫左個煎墨魚餅同埋炸大腸個雞煲一上枱已經聞到好香今次係叫咗小辣味道好好隻雞同事話係新鮮雞最正係加左支竹勁好食我哋食晒成煲雞煲之後再叫咗碟生菜阿姐叫我地煮1分鐘就拎返啲菜上嚟咁樣食啲菜仲係好脆同埋入晒啲雞煲味個酸菜龍躉又係勁正，好香酸菜味龍躉一啲都唔鞋好滑身我自己連飲左四碗，佢哋會不斷幫你加湯個炸豬手又係一絕外脆內軟非常之咁充滿骨膠原食咗三件都仲想繼續食 炸大腸好有心思佢一定會塞左少少蔥花個感覺清新少少煎墨魚餅又係好好食好彈牙桶蠔我冇食不過個煎壕餅又係好好食，好足料又煎得看之後仲叫咗個炒牛脊肉同豉汁蒸鱔個炒牛脊肉勁有牛味，又唔鞋身豉汁蒸鱔就一般正常啦呢度服務好好不過之後因為有好多人等緊所以我哋大概食左唔夠兩個鐘就係咁比佢哋吹叫我地交枱係呢樣爭啲

金樂軒一入到去，想不到會這樣多人，沒有位子坐了，幸好等了一會兒，便有人吃完離開，這裡的侍應態度好親切的，給予我們感覺很好先來了竹庶茅根（已經只剩下最後一枝），內裏有一根竹庶,粟米紅蘿蔔，味道不會太甜，還是很鮮味呢！重點在於雞煲，我們點的是重慶雞煲，大大份足夠三個人，雞煲的辣度夾帶香味，後來發現其秘方在鍋底下的炒香了香菇，實在是一種很聰明特別的煮法啊！更重要的是這雞煲不會鹹，且肉汁鮮嫩！接著下來，來了響鈴，嘩，不得了！響鈴竟然是新鮮炸出來的，真是第一次見啊！美味極了！點著雞煲內的汁更加好味～

❤美食好去處❤北角街坊餐，發現新食堂 金樂軒雞煲魚鍋 一直在北角讀書到而家住埋在北角，生活左十幾、廿年， 北角一直是大量美食的集中地，咩價錢都有， 想食咩都有～～ 今次好開心發現到新食堂～～食川菜 自從３年前在四川食過之後，都好少食到咁濃味的川菜 今次食真是覺得幾正！！！！！夠熱，夠香，夠味道 店內裝修都乾淨簡潔 因為店內有很多人 感覺很熱鬧 佢有魚煲同雞煲可以選擇，因為我對魚一般所以選擇了雞 佢仲有可以自加配料，例如:枝竹等 不過得兩個人食，就唔特別加啦 老重慶奇味雞煲味道好濃，但唔覺得好喊好大煲，我覺得都夠三到四個人食佢仲可以加湯 做火鍋啲雞同配料都煮得好入味用嘅係唔知是不是新鮮雞，好有雞味而且雞肉一啲都唔鞋，所以食咗好多好多 。。。但係食完一啲都唔覺膩 辣子肥腸好大碟初初見到好驚因為好多辣椒 ，個樣仲好似指天朝椒驚食落好辣，但係原來試一試 ，一啲都唔辣 （可能是之前服務只已經問過我們食唔食得辣） 咁我就大膽試下啲配料 點知連辣椒食落肚都一啲都唔辣 仲好夠鑊氣，連配料都炸到趣曬，超香口 所以就算我少少怕辣，我都食得到 出面食啲炸大腸 ，全部炸得好硬好老但係依個師傅住啲大腸

​ 同媽咪一齊收工後去食雞煲，喺北角嘅內街有一間小店非常有人情味， 好多朋友都介紹而家俾我哋，當日好早就去食飯人數唔多， 點知等等下真係越來越多人，差啲要同人哋搭枱XD 估估到唔係星期五六都咁多人⋯最好就真係訂左枱先! 好多野揀，小菜／火鍋，有點選擇困難症！ 老重慶麻辣雞煲＄168 小辣 叫咗小辣，裏面有好多唔同嘅香料， 包括有芫茜，洋蔥等等，裏面有半隻雞， 雞肉都比較嫩滑味道唔錯，來到嘅時候基本上已經熟晒， 唔可以煮太耐如果唔係嘅話就會老啦！ 即煎墨魚餅＄128 中間有啲即炸墨魚餅，鮮味十足好有自家風味， 表面有啲金黃色但係又唔會油膩，咸香十足， 旁邊有啲香脆蝦餅，令整體唔會咁dry。 頂級安格斯牛肉＄118 ＄118食到頂級嘅安格斯牛肉又唔貴， 每一片嘅雪花分布平均，食牛有牛味， 而且口感鬆軟，一咬即可，即使有極少量肥筋也不影響食用。 雙拼鮮蝦雲吞和菜肉雲吞$58 原來兩款雲吞都是店家親自人手包的， 不是在外面買現成雲吞，鮮蝦爽口之餘亦有鮮味， 用上的豬肉亦有肥有瘦，油香滿溢。 菜肉雲吞就包含了普通雜菜碎和豬肉，調味也是清新。 兩款雲吞最容易分辨的就是外皮

一坐低就叫左個細ge重興雞煲（小辣）佢都好大煲下，d肉好滑，吾似其他果d雞好乾好靭，同埋佢層皮冇咩肥膏，減緊肥都可以食佢如果有fd吾食辣 ，可以叫吾辣，另外再叫 staff 比一碗辣醬你點，或者你覺得個煲吾夠辣可以直接點呢個醬 佢地話係舖頭自己調出黎，其實就咁點佢都夠辣，同埋吾似超市買到果d辣油/辣醬，得個辣字，佢係香辣果種，值得一試除左個煲叫左個BB辣ge水煮牛頸脊 ,似薄片牛肉，但口感厚d同埋大根位吾多，佢下邊係有d粉係底，所以都飽肚跟住小食係脆皮炸大腸（極推薦！超級大份，佢係即叫即炸，好脆口！好食過街邊即炸。d腸又洗得乾淨吾係果d未通條腸就炸，而且肥膏吾多最後辣炒土豆絲，爽口ge，睇落吾辣但食落係辣同有d麻另外叫左一揸竹庶茅根，吾甜而且好清涼，配食辣野岩岩好可以中和反

北角地道中菜金樂軒牆上寫哂菜單各種菜式 圖文並茂 簡單清楚枱櫈具中國風 地方尚算闊落飲品有自家製嘅竹蔗矛根非常清甜 有別岀面街飲到嘅咸肉炒蒜芯 $68平日係街比較少見嘅蒜芯食落似韮菜 但較粗 味道好甜😮用上咸肉黎炒 非常惹肉😋用黎餸啤酒🍻 真係very good👍🏻老重慶奇味雞煲(小) $168 好食指數 8/10抵食指數 7/10冬天最正就係嘆雞煲🐔呢個老重慶風味幾香濃同特別👅仲有勁多芫茜雞既份量都幾多 肉質嫩滑唔夠喉可以加選湯底繼續打邊爐 👍🏻

同朋友係附近搵野食，見到呢間雞煲同小菜都幾吸引，又唔洗等位。三個人叫左個細麻辣雞煲，再加左貢丸、魚皮餃、皇帝菜、支竹、滑牛、豬潤同出前一丁。雞煲幾香，叫左小辣都唔係好辣，但都幾惹味，雞嘅份量都唔少，支竹吸哂麻辣汁好好味。食完雞就加湯打邊爐，加嘅湯唔係白色嘅豬骨湯或者雞湯，而係淺啡色嘅唔知咩湯，打完邊爐嘅食物都幾夠味。打邊爐料都正常，係滑牛冇咩牛味，應該加左好多鬆肉粉令到舊肉林。三個人埋單差唔多$600，不過不失。

餐廳環境幾整潔有小菜同魚煲雞煲老重慶奇味雞煲(小) $168 冬天必食之選就係雞煲🐥又惹味又暖胃 ❤️❤️加左多款香料同辣椒味道香濃豐富👍🏻👍🏻雞肉嫩得黎又彈牙之後仲可以加湯底打邊爐 非常過癮😍蒜香椒鹽豬手 $128 豬手炸到金黃香脆 非常可口🐽而且皮脆肉嫩 蒜香味好濃特製醬汁亦都好好味真係錦上添花🌸🌸

呢度嘅水煑魚好出名，所以同媽咪黎食～一坐底已送上自家製嘅竹蔗茅根，無糖份，潤喉解渴！！叫咗：水煑桂花魚鍋：桂花魚肉好滑，配埋水煑湯底好好味～辣子肥腸：最鍾意食腸，辣得好惹味～尖椒炒豬頸肉：炒得好有鑊氣，豬頸肉爽口～好有水準有鑊氣，服務好好～

今天與喜歡吃魚的朋友去左北角食酸菜魚。金樂軒就在和富中心對面，近北角地鐵。店舖裝修光猛大方～先叫左一渣竹庶芽根$28真材實料, 唔會好甜, 正~終於食到我最愛的酸菜魚啦~用電池爐好安全呀酸菜桂花魚$188呢個酸菜桂花魚的魚肉超滑, 又無咩魚骨最好有得叫BB辣(因為食唔到太辣)~湯底鮮甜美味, 真係飲多幾碗都得酸菜好好食~呢味什菌炒牛頸脊$98牛頸脊好淋，炒什菌又唔會好油，非常好的配搭~蒜香猪手$128呢味係店主推介，炒左的蒜超香口，可以送飯食一流猪手肥美, 好好食~唔算好肥蒜香超香口~最後一味係辣炒土豆絲$60絕對不油膩，薯仔切絲易入口，好淋, 正~這間店舖值得推介~

天氣咁凍梗係好想食雞煲或者火鍋，行開北角見呢間餐廳出名雞煲同魚煲，所以就揀咗呢間嚟食～兩個人同因為有少少喉嚨痛，所以就唔食得辣，叫咗個細嘅「奇味雞煲」，天氣咁凍，送到過嚟熱辣辣，真係好正！！ 雖然我哋冇叫到辣，但係呢個汁已經好惹味，有好多雞同豆卜，啱晒我哋，食唔停口，推介！！椒鹽鮮魷，新鮮即叫即炸，好有鑊氣，好味好香好脆口，極力推介！！什菌炒牛頸脊，個牛肉好有口感，好好味！！鹹肉炒蒜芯，平時我好少食蒜芯，但係炒得好爽口好味！！最後，竹蔗茅根，真材實料，天然無糖份，好解渴潤喉！！呢間餐廳食物好有質素有水準，真材實料，炒得好有鑊氣，服務好好(老闆娘笑容好親切)，會再encore！！

成日聽人講雞煲要冬天去食先有風味，但我有班雞煲友次次約出離都要食盡香港雞煲，所以九月既我地又食雞煲了今次哩間係北角，一入去已經好大陣雞煲味香到陣 係享受主菜之前我地因為怕唔夠食，結果試左哩道菜豬手用料好充足，唔單只離左大概都有十件熱辣辣既豬手，肉質鮮嫩又唔韌，size好容易咬，而且調味好好，本來已經有椒鹽味，加上炸蒜蓉好野味，超級好評唔揀錯然後就到重頭戲啦雞煲調味調得真系好強烈，未攪拌已經可以一直聞到強烈既香料味道，用料亦都好充足，雞都一樣好嫩易咬，而且辣味十足，特別可能因為有少少重慶酸辣粉既味道，食開辣既我地都覺得辣得好有水準留曬鼻水，但的確系值得一贊的美食整體黎講，我地三個人既晚餐的確好滿足，唔單只滿足左我地既雞煲癮，亦都嘗試到好好既新菜式

同上司和同事一齊開完會都已經七點幾無飯食就提議不如一齊食有人話去食雞煲肚仔餓 無咩所謂啦 就行去呢間食-店員好好招呼 入面可以容納40人左右一坐低就遞上佢地親手煲既竹庶茅根入面有粟米紅蘿蔔 俾你見到哂d渣好足料 飲落清甜又解渴-望到menu有雞煲 就即刻落左單先之後再落埋幾個招牌菜唔使一陣就已經到左店員同我地開爐同攪拌 好快就食得阿姐發號司令 各位同事已經準備筷子成個鍋好夠熱 每人夾左兩舊係碗雞肉滑lulu 個秘制汁好濃而且有少少辣(我地叫左bb辣)店員話如果辣既話就夾走d椒其實個辣我地都接受到 但係怕會愈食愈辣我地都夾走一半 哈哈(淆底mode)-說時遲那時快第二碟蒜香椒鹽豬手就送到個南乳汁另外上碟野俾炸蒜覆蓋哂 見到都開心唔好以為成碟都係炸蒜阿 豬手都有7-8舊全部都大大舊我夾起第一舊 無點醬個皮好脆 入面有好多豐富既骨膠原食到會漿住個口架我食第二舊就點個南乳汁我慢慢地南乳汁 不過同事狂點黎食話點左都好食 口味既野人人唔同最緊要係覺得好食咪得咯第三碟係尖椒炒豬潤內臟我少食 除左豬潤最鐘意食爽豬潤 呢碟野愈食愈辣因為尖椒呀嘛 好刺激阿食到呢間野好有人情味見到隔離枱打緊邊爐 老闆送左碟