金寶泰國菜館 (已搬遷) 新店位置

嚟左九龍城搵食,選擇係金寶!四個人食左一條明爐生魚,咖哩蟹,活蝦剌身,咸魚芥蘭,春卷凍檬,芒果西米露!明爐生魚既味道ok,酸湯夠酸辣!咖哩蟹個汁幾好,嗌多個法包點汁食,好正!活蝦剌身好好味,酸,辣,甜,味道配合得好好!必食!咸魚芥蘭好油,一般..春卷凍檬味道ok,個魚露又係水準之作!芒果西米露係椰汁底,我唔鍾意椰汁,所以無食到,俾老友吞左!!

情人當日去了金寶吃飯，點知等勁耐都無得食。夜晚9點幾坐低叫野食，同時間附近都有唔少人岩岩坐坐..咁我地叫了5樣食物, 拼盤, 海鮮炒飯, 炒蜆, 蝦醬炒芥蘭同乾炒咖哩雞。等左15分鐘到, 就黎左個拼盤. 但隔離幾台都黎晒d粉麵飯。咁我同男朋友繼續等，等到半個鐘於出聲。個姐姐話炒緊，我心諗，你地炒咩炒咁耐呀. Anyway，終於45分鐘了。同我地差唔多時間坐低既人都埋單走人，但我地都仲係食左個串燒拼盤咁大吧. D野先慢慢咁黎。等到勁mug!!!講返d野食, 其實真係幾好既, 味道幾濃。但泰國海鮮炒飯就同普通炒飯無乜分別，不吃也罷。

我,maggie,rose同埋donut四姊妹晚飯就係喺度食!一入到去,好多明星簽名,似乎應該好好食!我地根據老闆自傳叫左活蝦刺身,老闆炒飯,五香豬手煲同埋咸魚炒芥蘭!活蝦個汁好辣,好刺激,但係我想講,超好食!!我諗無人會反對...老闆炒飯係咸魚什錦炒飯改良而成,味道不錯,豬手煲d豬手炆得超林,鹵水汁鹵得好入味,又係超好食!!咸魚炒芥蘭算ok大家已經讚成下星期再嚟!

新年第一次出街食飯,之前都要打個電話睇吓閞左未,仲膽粗粗咁冇訂位。點知六點半去到已經Fully Booked。好在都仲有兩個位。坐低即刻叫左半打串燒牛肉、雞肉。點知係最後一個上枱.....但係熱辣辣....好味。紅米飯燴牛肉粒,正。啲牛肉粒唔un,紅米飯有好重嘅蕃茄味。最後係酸辣冇骨鳳爪。勁辣,食左兩隻已經成身熱哂。不過可能係第一日開鋪嘅關係,短短半個鐘有三個客人投訢埋單耐、計錯數、叫左外賣半個鐘都未有......仲要初三加一添....

今晚係喺度食晚飯,天氣凍,食d辣野唔知會唔會好d!食既野唔多,但係唔少得一條明爐生魚,一路滾一路食,d酸辣湯夠哂辣,ok!再嚟一碟泰式拚盆,蝦餅good,香葉包雞ok,串燒豬肉比較乾,雞肉好食好多!春卷係四樣入面最好一樣!加埋炒芥蘭,泰式炒粉,味道幾好,價錢都唔算貴,三個人食左$240,無加一!仲可以再嚟!

尋晚約左成年無見既老朋友, 佢問我食乜....其實我好怕人地咁問, 諗黎諗去....叮, 終於起我搭船果一刻, 突然好想飲陰公湯喎於是提議左去九龍城食泰菜, 去到車位都係好緊密架, 都係泊番起停車場喇, 起搵車位既期間, 就諗到去金寶...去到第一時間叫陰公湯, 生蝦, 明星菜同埋越式蝦卷前三味都好正, 係越式蝦卷唔得, 好似好dry, 雖然佢有汁比我地點, 但味道淡而無味陰公湯好似辣左少少, 不過佢d料好吹, 蝦頭有膏架生蝦都好新鮮好租明星菜入面係有豆腐乾粒, 椰芯粒, 蠔仔, 雜菜粒咁炒, 好惹味

一直想知．．醬爆蝦丸係什麼味．．因為，成日有人話好食！今日同朋友一行三人終於的起心肝去食一次！一客有四粒，我問個侍應可唔可以叫三粒？佢話四粒以上先可以逐粒嗌！咁算！惟有叫四粒！一咬落口，ｂｅｅｐ！成枱都係蝦高！呀ｍａｎ笑到收唔到聲，真係幾好味既，ｄ蝦高好香，六十蚊四粒，如果一人一粒就食得過，但係我地三個人，結果我要食埋嗰粒，差唔多飽！！活蝦刺身係我發覺唔可以唁食既另一個菜色！佢真係做得最好食！食得都幾開心，不過要洗衫！

同三個同事一起午飯,路過此名店,就食!!叫左明爐生魚:好開胃既酸湯,不過同事paul哽骨,大獲!好彩無事!特別鍾意放底既椰菜,吸哂d湯,正!咸魚a菜:好咸魚味,但係好油,普通..炸蝦餅:好好食!全部都係蝦肉,無溝粉,咁先抵食!幾好,有下次!

我同朋友仔又去食喇!因為見到欣宜經濟日報話好食,仲要同肥肥嚟,咁..都唔使再諗其他!叫哂欣宜話好食嘅餸,蒸粉包,明星菜,當然唔少得醬爆蝦餅啦!但係咁多樣都好食,始終都係活蝦刺身最好食!食泰菜,我都係嚟呢間!做你嘅fans!

尋晚又到金寶食我至愛嘅活蝦喇!好好食!不過今次有個新發現,就係有個越式鮮蝦捲!用米紙包住檬粉,芽菜,蝦,點酸汁食,之前海港城間rice paper度食過都唔錯,但原來金寶都有得食,仲好好食!食完又打包砍兩碟走,覺得咁至夠喉!

是夜,晚飯在金寶...意外的是坐在我後面的是eason陳奕信同劉浩龍等人,於是我就同侍應講要食佢\地食既野!侍應話:佢\地有八個人叫左十四碟,你得兩個人會食唔哂播!咁我就叫侍應姐姐同我揸主意啦!食左活蝦剌身,蝦丸,泰式拚盆,馬拉盞通菜,不過唔知係唔係全部eason都有食...最好食係活蝦剌身,個辣汁好正啊!蝦都好新鮮,好想叫多碟,但係食唔到咁多野,結果打包左兩碟俾老豆!蝦丸可以,不過蝦高多啲就好!泰式拚盆,馬拉盞通菜ok啦!開開心心又一餐\!^_^

本人到此店晚膳,點了活蝦刺身,咖喱蟹,鳳爪,咸魚炒芥蘭,33啤同埋椰汁糕整體算唔錯,蝦刺身同鳳爪特別野味,不過咖喱蟹略貴,要一百八十蚊碟!好多明星食過,成幅牆都係簽名,不過唔代表無缺點!

金寶已經出左名好耐,好耐之前我已經食過,味道都唔算太差,不過之前既經驗係唔係碟碟菜式都咁好食,所以都無成日去,反而會去吓金泰等等!今日朋友相約到此,吃得算豐富,活蝦刺身,五香豬手煲,生牛肉湯河,串燒沙爹鷄,再加一碟蝦醬通菜..活蝦刺身:相信無須我多講,佢出名係實至名歸..五香豬手煲:這個菜我十分之欣賞,豬手炆得入味,再加上野味既咸菜同埋榨菜,絕對係送酒上佳之選!生牛肉湯河:湯好好味,但係粉份量比較多,好快索乾哂啲湯..串燒沙爹鷄:肉質一般,無金泰咁野味,不過個沙爹汁幾好味!蝦醬通菜:後悔!因為冬天係唔應該叫老通菜,好靭!總括嚟講,都算係一間值得去既餐廳,特別係加埋半打泰啤落肚!

星期六放工去咗食lunch，其實去到都已經三點半，鋪入面其實都係得兩三枱客，不過見佢賣到碗粉咁行(出面勁貼膳稿)，就即管入去試吓。同朋友叫咗一碗生牛肉金邊粉$35，同埋一碟泰式炒粉絲$40，食物水準都可以嘅，再加埋服務態度，我就覺得貴咗些少，因為同區實在有好多可以媲美嘅對手，可能佢就係貴喺個品牌度啦....幾欣賞生牛肉粉嘅配料，用個汁兜裝住咁多款，連芽菜都可以自己加，不過隻辣椒應該幫我切粒囉，用手點搣呀﹖粉絲炒得一般，好黏，味唔係好夠，食咗唔係好多就放棄咗！

This was a place that I wanted to go many times because of its popularity with movies star. Unfortuately, that sets my expectations very high.The 活蝦刺身was good. Fortunately and unfortunately, my friend do not like sashimi so I ate all of it. I find the overall taste is very nice, the sauce is very good - sour and spicy. The prawns are definitely fresh and crunchy.The 醬爆蝦丸was not very good, I expected the prawn paste inside to taste like prawn paste and not so diluted.The 蝦羔炒飯was good, one of t