金子半之助 (新都會廣場) (已結業)

日本第一天丼香港有唔少過江龍都不時喺度開新鋪頭今日就嚟到葵芳食天婦羅丼自從疫情爆發之後一直都好掛住日本嘅食物所以今日就專程嚟到葵芳試吓呢個丼飯分別叫左兩款丼飯 - 豐盛華麗之江戶前天丼同埋用料上乘必點上天丼 豐盛華麗之江戶前天丼入面有穴子，海老，小柱魷魚天婦羅餅，溫泉蛋，海苔，莢豌豆。最鍾意就係啲長到個碗都放唔晒既星鰻☺️ 成碗飯嘅天婦羅都唔會炸粉太厚！本身係啲飯入邊已經淋左汁， 天婦羅都唔會比啲汁整整林晒 因為佢即刻炸好拎過嚟俾我哋 唔係炸定喺度嘅即叫即炸果然係唔同啲另外嗰個用料上乘必點上天丼入面有喜魚， 海老，小柱魷魚天婦羅餅，溫泉蛋，海苔，莢豌豆。入邊嘅天婦羅同之前嗰個差唔多，除咗貴啲嗰個係有鰻魚，呢個就係喜魚。喜魚既魚味唔係好濃，啱晒啲唔係好鍾意食魚嘅朋友！

第一次試這一間從日本來的過江龍。平時經常排隊，但由於疫情關係，所以少了很多人。餐廳很乾淨，亦見工作人員不停地在清潔，服務亦好好，有日本服務至上的feel。食物方面，好有睇頭。大大碗，好抵食。我點了江戶前天井，主角穴子星鰻超長，好鮮甜，但肉質比較實，不是我想像中的海鰻肥美質感。很喜歡流心溫泉蛋，好柔軟，配入珍珠白飯一流！天婦羅海苔亦好新鮮及香口，可以食多幾片。海老及魷魚天婦羅都很好味。喜歡吃炸物的朋友一定會很想去試。

主餐牌得3樣野你揀 而3款嘅分別係江戶前天丼(穴子) /上天丼(鱚魚) /天丼(菇菌) 我哋揀嘅都係上天丼我哋傍晚時間去 得幾枱客 因為即叫即做 所以都等咗大概10-15分鐘先有得食 食落夠脆 仲幾好味 tempura汁足夠 唯獨是我隻蛋唔夠流心(朋友嗰隻就流囉🙄)可能因為唔係繁忙時間 我地真係無遇到之前大家嘅不愉快經驗 整體嚟講真係唔差呢🙌🏻

全球疫情封關已經好耐無出過街今日迫住要到葵芳做嘢順便食埋晚餐見金子唔洗排隊又掛住日本既味道即管食下我比平時早開飯1830餐廳比較少人得一枱客感覺很有空間感抗疫期間餐廳職員都好好咁盡量隔開座位我同另一枱客分別佔據餐廳各一方，很好食過都知，餐牌得3款主打1菇$98, 1魚$118, 1上等魚$138Set 的話連小食(醃大根。人蔘)連麵鼓湯我不好魚點了菇丼菇丼有菇菇(原棵菇菇、紫菜一片、小柱魷魚一餅、豆豆一條、中蝦兩隻、温泉蛋一枚)之前食過咁多次最愛的還是小柱魷魚餅口感煙煙韌韌温泉蛋蛋汁撈飯其實點都好食丼份量好多我就無次食得曬(好浪費。。。)其實天婦羅要脆、粉漿要薄係基本話明日本過江龍呢兩點一定要做到而且做得好醬汁甜甜地唔太鹹係幾好味既可惜炸得僱油膩食到一半已經開始漏但值得一提既係佢個茶採用黑豆茶杯中有3粒黑豆所以黑豆味濃而且感覺解油食完飲返杯又好似心感無咁肥罪惡感減少咗咁羅

話說之前金子剛開幕的時候,都需要較長時間等候。皆因現在社會狀況，較少人出外用餐。午餐時間經過，沒有人在排隊便滿足一下好奇心。餐牌上有三個丼飯的選擇，我點了天丼。侍應送上茶杯有，枱上一個茶壺自助，斟好了杯上有一粒粒黑色的豆在浮動，原來是黑豆。等餐的時間不用太耐,由於在吧檯看著開放式廚房，幸油煙味不會太大。當餐上枱時，店員有提示放在中間的蛋，在吃用到一半時，把蛋夾開讓蛋流出拌飲食用。先試了炸蝦，味道尚可沒有驚喜的口感，就正常的天婦羅...可能有澆汁的關係外部的炸粉不算脆。再來試上魷魚，仍然爽口彈牙，口感不錯!! 最後的菌類，忘了叫什麼名字，就平平無奇。 總括整個餐點就很普通，沒有說驚艷，試一次便可。

日本過冮龍金子半之助，終於有機會試到啦！ 佢係日本第一天丼，每碗都用115年祖傳秘方醬汁， 而且用左日本製小麥粉及日本雞蛋調配成天婦羅麵炸漿， 令天婦羅炸出嚟更加脆口。 - 金子半之助只供應3款天婦羅丼飯 分別係江戶前天丼$138、上天丼$118、天丼$98 - 今次就叫左江戶前天丼$138 入面包含左穴子、海老、小柱魷魚天婦羅餅、溫泉蛋、紫菜天婦羅。 穴子即係星鰻，用炸漿炸過後做到外脆內嫩嘅口感，非常推薦。 而海老亦食得出非常新鮮爽口彈身。 - 另一碗就叫左上天丼$118 同江戶前天丼嘅分別就係呢碗有鱚魚而非穴子。 鱚為白身魚，入口魚味重，口感較軟，用作天婦羅非常夾。 - 呢到仲免費提供黑豆熱茶 溫熱而帶淡淡麥香的，驅寒又可養生 食多咗幾杯~ - 而每份套餐都附送漬物及味噌湯， 漬物喺醃蘿蔔及牛蒡，好開胃。 . . . 金子半之助 葵芳興芳路223號新都會廣場1樓107-108號舖

女仔通常有選擇困難症，但呢間以天婦羅為主打嘅日式餐廳得三款菜式選擇，就唔洗煩啦！香港嘅餐廳通常都用各式各樣嘅新菜式吸引人注意，但日本就唔同，「職人文化」正正係專注於一件事，呢間就係天婦羅專家啦！同朋友各自選擇唔同款方便share少少1.上天丼：無諗過食飯都有專屬嘅教學不過就感受到店家好認真對待品嚐美食呢回事咁大隻海老非常搶眼，真係實物如圖，入面有魷魚天婦羅餅（好彈牙，香港唔多餐廳有呢種小食）、另外炸魚都有2件，魚肉好滑而且無骨，海苔又爽脆成座小山丘咁，仲配上牛蒡同小蘿蔔，解一解油2.江戶前天天丼最特色就係穴子，即係星鰻啦，如介紹一樣少d脂肪，所以口感無平日食嘅鰻魚咁膩，肉質實d但又唔會鞋，外皮炸得亁脆唔會厚粉，真係有30cm長！近鏡望下，白色就係肉啦。無乜肥油。作為飯桶，我都俾星星呢間嘅珍珠米，香滑彈牙，配上脆脆天婦羅先襯架！飲品方面就罐裝為主，畢竟唔係主角，但唔洗失望，免費嘅黑豆茶更有特色，又香又去油膩感望住師傅整，件件都係心思之作。環境清新，枱同枱之間唔逼。溫馨提示：份量唔細，大食如我嘅女仔都真係食唔哂一碗，大家可以按需要叫少飯支持環保

亞女放閒日真好，行街食飯都唔使同人迫，佢話好耐無行葵廣，順道想試新開的金子半之助，聽講是日本過江龍，主打日式天婦羅丼飯餐廳提供醍醐味，類似七味粉的調味料，啱好辣一族黑豆茶餐廳供應具有滋潤去濕的黑豆茶，十分貼心餐牌餐廳主打三款天婦羅丼飯，絕不賣弄花巧，專注用心桌上仲放咗教人如何品嚐丼飯的步驟，等待期間可以細心閱讀一吓每份套餐都附送漬物及味噌湯，漬物喺醃蘿蔔及牛蒡，清熱解膩，味道酸甜得宜至於味噌湯配搭昆布及豆腐，味道濃郁，味甘鹹香江戶前天丼材料有超長的星鰻配搭鳳尾蝦、帆立貝魷魚天婦羅餅、溫泉蛋、海苔及莢豌豆；天婦羅炸漿是採用日本小麥粉及雞蛋調配而成，加上用胡麻油炸成，炸漿貼薄酥脆，入口充滿麻油香氣，而星鰻的脂肪較少，肉質纖細，沒有土味，口感緊實，甘甜鮮嫩上天丼除咗將星鰻換咗為鱚魚外，其他食材都是一樣的；鱚魚輕薄的魚皮帶有豐厚口感，炸至酥脆的魚身，肉質仍嫩滑多汁 ，味道鮮甜；另外師傅會將鳳尾蝦斷筋，所以炸起來隻隻都畢直企身不會捲起來，入口爽脆彈牙；而香甜軟嫩的帆立貝配搭煙韌彈牙的魷魚天婦羅餅，口感豐富；店員建議食到中段先將溫泉蛋戳破再混和米飯及祖傳秘製醬汁同食，口感更佳飲品除黑豆茶外還有其他

葵涌廣場血拼中途肚餓腳軟決定去隔離新都會搵間餐廳坐低食野休息下先行出葵涌廣場正門就見到喺對面嘅金子半之助日本過江龍金子半之助上年年尾開設香港分店之前已經連續五年獲得日本天丼金賞想試好耐餐廳免費提供黑豆熱茶美容養顏同時活血解毒江戶前天丼餐廳專注製作只有提供三款天丼選擇每款價錢相差港幣二十每款丼飯基本包括兩款海鮮炸物以及三款天婦羅單品超級豐盛：海老筆直蝦肉緊緻；小柱魷魚天婦羅餅揉合貝柱以及魷魚肉質鮮嫩；溫泉蛋半熟流心配搭飯粒綿軟好正；海苔以及莢豌豆清爽輕盈江戶前天丼主打穴子星鰻每條長達三十公分豪邁粗獷而且肉質相對鰻魚纖細緊實同時脂肪含量較少整體輕盈上天丼天婦羅粉漿選用日本製天婦羅小麥粉以及日本新鮮雞蛋調配質感輕薄酥脆百年祖傳秘方醬油採用純天然大豆以及無添加原材料低溫慢火熬煮製成醇厚鮮甜而且炸油選用日本古法精製高級麻油濃香惹味上天丼主打鱚魚魚肉淡雅清鮮而且質感細嫩柔軟配搭天婦羅脆漿油炸層次豐富每款丼餐跟配味噌湯以及漬物味噌湯配搭昆布以及豆腐溫和順口柚子蘿蔔以及牛蒡兩款漬物酸香醒胃同時消滯減膩飲品餐廳供應幾款汽水果汁以及日本生啤可以加配

今日係新都會食午餐，朋友知道推介這一間食天婦羅，午餐時間都多人排隊，不過等左大約10-15分鐘可以入餐廳，餐廳裝修木傢俬為主，播歌係日本歌，好有日本feel,侍應服務好好。選擇三個為主 1.江戶前天井 $1382.上天井 $118 3.天井 $98 我選擇天井 $98 （ 菇菌、海老、小柱魷魚天婦羅餅、溫泉蛋、海苔、莢豌豆、） 餐附上味噲湯、漬物 ，飲茶。侍應送上黑豆茶，好少地方有黑豆茶，好好飲。食天婦羅 飲黑豆 可以化油膩。

今次係我第一次食日式天婦羅丼，雖然鍾意食香脆可口既天婦羅，但係總覺得將咁多天婦羅擺上白飯上面感覺好飽滯，不過今日經過見到之前有唔少人排隊嘅天丼專門店冇乜人，好奇心下又想試吓。餐廳只有三個選擇，分別在於有星鰻/鱚魚/菇菌，因為我唔鍾意食魚，所以我揀左最平既天丼($98)，有菇菌、海老、小柱魷魚天婦羅餅、溫泉蛋、海苔同莢豌豆。材料都非常豐富，一上枱見到炸到金黃色嘅天婦羅好吸引。不過問題就嚟喇，明明已經係即叫即炸，但係夾起件炸到金黃色既炸蝦一食入口，竟然唔係幾香脆，就算係加咗醬汁都冇理由咁快就淋，相信有可能係炸漿或油溫嘅問題。另外佢個醬汁係甜甜地幾香濃，炸溫泉蛋係做得比較好，而且加埋流出黎嘅蛋黃撈飯都好香。亦都可以加啲七味粉落去更加惹味。不過唔好睇佢咁大碗，其實個碗係特別設計，所以啲飯只有半滿，感覺有啲唔老實。加上整體啲天婦羅都有油膩嘅感覺，好快食到有d滯，所以食完都幾失望下。

講左好耐想食，今日終於同朋友一齊去食，趁而家肺炎唔多人排隊。大約前面有10個人排隊，等左15分鐘左右已經入得～Menu 只有3款天丼，我地2個女仔揀左中間既上天丼，因為多條魚～落單後20分鐘左右，天丼終將來到，熱辣辣的，不過略嫌少少多油佢有建議食法，外皮炸得都幾脆，入面既食材亦保持到鮮味，不過係油左d中間既溫泉蛋篤穿後，再配飯&天婦羅一齊食，味覺相當唔錯～不過食哂天婦羅已經好飽，啲飯食唔哂😂 性價比來講，個人比較喜歡天吉屋☺️

對於「食」為食妹👧🏻記性特別好😆喺日本橋食過。一直念念不忘。今日黎咗葵芳間*金子半之助*食天丼😃杯入面有兩粒黑豆。係黑豆茶牙。抗衰老😍愛美人仕要飲多兩杯😎開放式廚房。睇到師傅大顯身手。越睇越餓。嘻嘻。😱主角出場啦～天丼有3款。其實大致上材料差唔多。江戶前～穴子上天丼～鱚魚天丼 ～🍄🍄為食妹👧🏻order咗「江戶前天丼」。大大條穴子真係吸睛到爆🤩🤩一個Set有齊漬物。麵豉湯。同大大份丼。店員建議食到一半（吉）穿個蛋lo暈食👍🏻食完真係飽足一個Afternoon❤️

江戶前天丼$138，餐牌上有三款丼飯，我同朋友都點左最貴果個，因為張圖賣相好吸引，份量夠晒多，又足料穴子，即係鰻魚，非常大條，仲要比筷子更長，鰻魚炸得好嫩唔乾身，而且魚骨都軟林左，更易入口，粉漿炸得好簿脆炸海老，共有2隻，同樣地蝦肉炸得唔乾身，咬落彈牙爽口魷魚天婦羅，將魷魚切成粒狀，幾粒拼埋再去炸形成魷魚天婦羅餅，幾新穎，不過味道最重要，食落一粒粒咁，有咬口，唔錯唔錯莢豌豆，賣相較為扁身，有d似荷蘭豆溫泉蛋，精華所在之處，將蛋汁伴飯一齊食，簡直一絕，好滑溜似七味粉之類，同樣伴飯都可以，不過哩個只有微微辣味，落多d都唔怕辣黑豆茶，食左咁多天婦羅炸物，飲啖黑豆茶有助解油膩蘿蔔漬物 / 牛蒡，開胃小食

一直很想吃這間天婦羅店，因為很多朋友都試了，但每次經過人龍都很長！有次來排了10分鐘，最後都是放棄....這陣子人流少了很多，終於不用排很久就可以吃到天婦羅飯！這裏主要是賣丼飯，在日本十分有名，不知道味道是否跟日本一樣的好？！在這裡，大家都各自吃自己的飯，不用share 一起吃，感覺上比較安全放心～天丼飯超澎湃，配料塞到滿滿，有穴子、海老、帆立貝魷魚天婦羅餅、溫泉蛋、紫菜及 豌豆等，夠晒份量！穴子就是鰻魚的其中一種，脂肪較鰻魚少。穴子外皮香脆，內裏嫩滑，沒有魚腥味。炸蝦粉漿不會太厚，酥脆而蝦味濃～這裏有教學，要戳破蛋汁拌勻飯同吃，飯底有日本醬汁在內，跟蛋汁很夾，好吃～帆立貝魷魚鮮味彈牙，沾蛋汁吃，又是另一滋味！整個丼飯都是炸物，難免有點油膩，這個時候最好喝杯提供的黑豆茶，消消滯。