金子半之助 (新都會廣場) (已結業)

好佩服日本人對事情食物嘅專注同尊重。日本有好多店舖只會專注做一款食物， 貴精不貴多。今次喺香港葵芳新都會廣場都搵到同一間貴精不貴多嘅日本餐廳“金子半之助“，專門食天婦羅，整個餐牌得三個選擇，「江户前天丼」$138，「上天丼」$118 同「天丼」$98。 如果有選擇困難症嘅朋友相信都唔會太頭痛。今次點左用穴子造嘅「江户前天丼」$138 ，用咗成條穴子(即星鰻)做嘅「江戶前天丼」，份量十足，啲餸依然鋪滿哂飯面，價錢都十分合理。穴子啖啖魚肉嘅滿足感，呢個穴子食落稍肉質膩幼滑，另外我好鐘意嗰個魷魚天婦魚，切成一粒粒炸，每一粒上面都有香脆天婦羅炸漿，配合爽滑彈牙嘅魷魚肉相映成趣，而且天婦羅做到脆而不油膩。侍應姐姐仲好貼心教我地成到一半記得用雙溫泉蛋撈飯，同埋介紹醃蘿白同牛蒡可以消滯解膩，幾好服務。同埋呢度有款黑豆荼可以無限添飲，出面好少見，飲落甜甜地幾特別。餐廳環境都以木做主色，背景播放日本三弦琴古音樂，有少少去左日本旅行嘅感覺，幾適合幾個朋友一齊靜靜地傾下計。

東京過江龍必食餐廳之一!江戶前天丼好多款天婦羅!有大蝦2隻、什錦海鮮炸，炸青椒，炸紫菜炸原條鰻魚!非常長!炸温泉蛋!原條鰻魚好吸晴，而且唔覺膩又無鰻魚腥味，處理得好好海鮮炸，好中意呢個，應該係花枝魷魚果類炸蝦，好香囗，見到炸粉好薄上天丼唔同既魚，有炸温泉蛋，大蝦，魷魚炸，炸海苔魚肉，好嫩店舖建議當飯食到一半先篤爆隻蛋第一次食炸既温泉蛋，有啲似煎蛋味道，蛋漿撈落珍珠飯，有蛋香配上醬油撈飯香，好正!珍珠飯，口感軟硬適中，配上醬油，咸味適宜，又不會蓋過飯香仲有湯品，白羅白，蒡開開胃!一個丼份量超級多! 好飽大滿足亦試左佢既啤酒，好多氣泡，好舒服，味道非常易入口! 就算放涼了都唔會苦!

初嘗這店。對天婦羅有期望，很想在香港找尋到沖繩的天婦羅味道，可惜又再次失望離去。食材和廚師態度非常重要。擺法似曾相識。別以為炸得太濃，是假像喔，只是店員上菜前在天婦羅上加了他們的醬汁。 看見他們將炸物放在熱煱裏再將炸漿滴上，食下時感覺炸漿太厚且不平均，油氣味多了。 麵豉湯都是一早在機裏造好，拉個制可放入碗內，味道很咸，是開粉沖成嗎? 那酸蘿蔔不入味，可能太厚吧。有沒有看見碗子很大很高? 別擔心喔~ 飯不多，但如果你當天沒謂口就感覺很多吃不下了，就如我一樣，只吃了一半。看到了嗎? 碗子就是這樣淺。吃了好幾件炸物都不能再吃下去了。油氣食物就是這樣令人有飽足感，但在日本吃就可以吃得很多哦。（不是因為我謂口不佳吧?）我那個是138元，是最貴的一個。貴在是那條魚，（穴子稱為星鰻）魚香味濃，只可惜炸漿太厚了。有很軟的墨魚粒天婦羅，但不太新鮮，又食到那陣怪味哦。雞蛋天婦羅（soft egg），可以將整隻雞蛋混入飯中一起吃，這是我慣常食法，可能炸漿和醬油味濃，雞蛋味不太明顯。後記：1. 下單後3至4分鐘去找店員幫手改動一下訂單做“少飯”，最後沒做到給我。那店員正是負責裝飯給我的那位小姐。2.

終於有機會食到葵芳呢間金子半之助，由佢新開既時候已經想試，不過當時經常大排長龍。而且我又經常出trip，好小時間係香港。廢話少講！Take Eat Easy!金子半之助當然就係專注天婦羅丼飯，貴精不貴多所以款式不多，共有三款，分別係主角為星鰻（穴子）天婦羅嘅「江戶前天丼」、𨭎魚嘅「上天丼」，同用上菇菌嘅「天丼」。而每款飯都會既配角都會包括有小柱魷魚天婦羅餅、溫泉蛋、海老、海苔同莢豌豆嘅天婦羅，陣容相當豐富。今次我㨂左店內皇牌，豐盛華麗之「江戶前天丼」。金子半之助既天婦羅食起來有種獨特既風味，相信是因為佢配有一個秘製醬汁，據介紹係依據江戶時期嘅古法炮製，有淡淡嘅柚子香，剛好可以消除炸物嘅油膩感。天婦羅都炸得香脆可口，薄薄的。除咗穴子，小柱魷魚天婦羅餅絕對不容忽視！同埋特別鐘意個溫泉蛋天婦羅，真係無諗過半熟嘅蛋都可以炸，同佢啲蛋汁撈飯好好食大滿足。份量好大好豐富，絕對是豐盛華麗，我同朋友都食到捧住個肚走，如果鐘意食天婦羅一定要試下。記得唔好錯過佢地嘅 黑豆茶！

日本過江龍-金子半之助 天婦羅丼專門店🍤上年去東京個陣，食咗呢一間天婦羅飯專門店，當時都要排一個鐘隊先入到去，仲記得嗰陣食到超滿足。🤤今年因為疫情嘅關係冇得去旅行，為咗尋回日本嘅味道今日就揀咗香港分店嚟食🤣🤣週末喺葵芳呢間分店，午餐時間等左大約15分鐘就入得，好開心！😆👍🏻佢個餐牌好簡單，其實就只有三款天丼，每一款有一兩樣天婦羅係唔同嘅。一入去會俾杯黑豆茶你飲下。我就揀左🍤豐盛華麗之江戶前天丼。$138有穴子，海老，帆立貝魷魚天婦羅餅，溫泉蛋，海苔，莢豌豆。連同味增湯，漬物。穴子姐係海鰻，都幾長幾大條架。天婦羅嘅炸醬唔會太厚，剛剛好，入口好香脆。我幾鍾意食佢個魷魚天婦羅餅，好爽口彈牙，充滿口感！個溫泉蛋吉穿左再撈飯一流！😋😋😋呢餐飯食得好滿足，價錢其實都唔會話貴日本好多，留返係香港消費都唔錯😀

話說呢排同事興起玩自家炸野，炸CP雞翼，或雞粒，興起左一陣炸物風。所以忽然想去食呢間專食天婦羅。呢間餐廳餐牌得3個款，價錢每個差20蚊，你可以揀星鰻/鱚魚/菇菌，其他炸物配菜都一樣。我揀左唔係最貴亦唔係最平個個，入面有海苔、莢豌豆、鱚魚、海老同小柱魷魚炸物，仲有隻溫泉蛋，味增湯，漬物（醃蘿蔔同牛蒡）同黑豆茶。一路等上菜期間都會聽到廚房不斷炸野嘅聲音，滿心期待熱辣辣嘅天婦羅。點知有啲失望，入口唔算熱，食到最尾反而覺得凍左，當日餐廳都唔叫多人，冷氣唔算大。個人認為炸物唔算好食，平平無奇。可能只係平時我同事炸得太好食😋😋😋😋。佢隻溫泉蛋，唔明點解都要炸一炸佢🧐🧐🧐，唔炸可能令成個餸冇咁油膩，仲好。反而最surprise我係個鼓油汁，甜甜地撈飯好好食。成個飯係因為個汁我比高啲分佢。成餐都係炸嘢好熱氣，又冇咩菜。雖然啲漬物係可以令到成個口腔清一清，但係此終全部炸嘢唔係太鍾意。如果全部炸物要揀一樣我最鍾意，可能係個小柱魷魚🦑😆。

之前喺大阪嘅金子半之助食唔到佢嘅江戶前天丼～返到嚟香港又經歷咗一段好忙嘅日子～今日終於抽到時間嚟食香港版金子喇～我揀咗位於葵芳新都會廣場呢間分店～非常易搵，就係喺新都會側門入口嘅位置～下午五點幾去到～唔洗排隊～一入到去就聞到陣陣麻油香氣～環境不大，一眼睇晒～開放式廚房～睇到晒佢製作過程～侍應隨即奉上一杯放咗黑豆嘅杯～再介紹黑豆有消滯功效～香港版嘅金子有江戶前天丼～我緊係揀佢啦，朋友亦跟我一樣～師傅小心翼翼咁放置天婦羅～連漬物都全神貫注咁放～真誇張侍應送餐時有建議食用程序～再強調漬物有消滯作用好震撼嘅天丼，好大條鰻魚啊～好霸氣咁打橫放咗喺碗飯度～份量真係勁量級～首先飲咗碗麵豉湯先～之後就食天婦羅，有莢碗豆(何蘭豆)、尤魚粒、炸蝦何蘭豆清甜好味，尤魚粒軟得嚟口感又好好～朋友話暫時係佢食過最好味嘅尤魚天婦羅～炸蝦仲有兩大隻～就連紫菜都特別炸過～重頭戲緊係條霸氣鰻魚啦～咬落唔腥，滿滿肉感，雖然唔係爆汁嘅鰻魚～能夠炸到剛剛好唔乾爭爭，都唔係一件易事～侍應建議食到一半先將蛋整穿，蛋漿流出再連同飯一齊食嘩～不經不覺就食咗好多啖～終於明白～侍應點解咁強調消滯....因為食完呢個天丼...簡直係飽到上心

係香港 咩國家嘅菜式都可以食到 真係開心 不過我最中意都係食日本菜😋金子半之助係日本第一天丼 主打只有三款丼飯 制作嘅時間大約需時15分鐘 餐廳比較注重出品嘅質素～.👉🏻天丼炸物有天婦羅、魷魚、温泉蛋、菇同海苔粉漿用左日本出產嘅小麥粉 食落去個口感好輕薄 酥脆😈.食丼飯食到一半個陣 整穿個温泉蛋蛋汁滲落去日本飯粒 飯粒好濕潤 好好味！醬汁仲出色 用左百年祖傳秘方醬油採用純天然大豆 味道温和 鮮甜😳.每人仲可以飲到餐廳免費嘅黑豆茶 可以減低食炸物嘅油膩感聽講仲可以美容養顏 好處多多——————————————金子半之助Kaneko Hannosuke葵芳興芳路223號新都會廣場1樓107-108號舖

今時今日食日式丼飯都係個唔錯嘅選擇，一人一碗減低交义感染風險呀嘛！天丼 $138食材包括穴子、蝦、小柱魷魚餅、魚、半熟蛋、海苔。價錢唔平，但還好配料非常澎湃！穴子屬於「星鰻」嘅鰻魚品種，外形比用嚟做鰻魚飯嘅幼細好多，味道亦比較淡口，肉質亦冇鰻魚厚實，不過口感嫩滑。長約30cm絕對係此天丼嘅最大賣點！小柱魷魚餅係哩度自家食譜，細小元貝混合魷魚粒一起炸成天婦羅餅，彈牙口感配上酥脆炸衣，非常好味！炸半熟蛋更加考功夫，丼飯食到底時先擠爆蛋槳，讓蛋槳混和餘下米飯，就算食到底都唔怕單調！天婦羅丼醬汁先係靈魂，哩間聲稱係用百年秘方，比食慣嘅天婦羅醬汁略為濃，甜鹹度適中，送飯一流。

雖然我同老公都最愛日本料理，但係我哋通常都係食刺身壽司，拉麵！天婦羅極少食，但由於家姐極力推介天婦羅丼😂所以我哋都嚟試吓！由於而家肺炎而且餐廳有新政策所以唔會太多人👍丼飯選擇只有三個，主要分別係條魚唔同去釐定個價錢！而我哋揀咗最貴嘅穴子都係鰻魚類！由於都係新鮮製作，所以都要等大概10分鐘左右！而係等嘅時候，待應已經準備咗杯黑豆茶減去油膩🤪而係等嘅過程一路聽到油炸聲非常期待👍👍上枱嘅時候見到熱辣辣，香噴噴，非常脆口，呢個丼飯包括有穴子天婦羅，魷魚餅天婦羅，炸蝦天婦羅，天婦羅溫泉蛋！天婦羅試到好多嘢每一樣都非常回味🤩餸嘅比例比飯多🥰真係食餸飽啊！值得一試😍

又到左放工搵食時間! 有新開的天丼, 無理由唔去熱氣一下 (未去過就係新餐廳的定律) ! 日本過江龍, 主打日式天婦羅丼! 餐廳供應黑豆茶, 豆味香濃, 解毒養顏! 全店只有3款丼選擇, 夠專! 套餐包括漬物 ~ 牛蒡及醃蘿蔔, 唔太酸! 味增湯, 夠咸香, 很多昆布及豆腐粒! 選定最受歡迎的天丼 $98 ~ 好大一碗, 餸完全蓋滿整個碗! 2隻蝦 (蝦肉爽甜), 菇菌 (茲味豐富, 滿滿菇菌香味水潤), 小柱 (肉質結實新鮮), 溫泉蛋, 海苔! 食材新鮮甜美, 師傅功夫極好, 一點也不油膩, 滿滿的麻油香, 口感十分豐富! 註: 最失望係溫泉蛋, 全無蛋香! 

⁣日本第一天丼專門店，如果唔疫情，之前係要大排長龍。今日公眾假期十二點去到居然唔洗排隊可以直接入去。⁣⁣個menu非常簡單，得三款天丼揀。 ⁣⁣🥢上天丼 $118 ⁣由於我唔食穴子，所以就點左上天丼，有鱚魚🐟，海老🍤，溫泉蛋🥚。 食呢個天丼都要識食，首先要食左一半，再拮穿隻溫泉蛋撈埋飯食。⁣⁣天婦羅炸醬係採用日本小麥粉加雞蛋調配而成，炸得剛剛好，唔太油，食落仲好脆。但份量對於大食嘅我就唔係好夠🤣 ⁣

每位客人先量度體溫， 才可進入餐廳， 仲有搓手液提供， 十分貼心，餐廳裝修明亮、 簡潔， 十分舒適。坐下來， 店員殷勤送上黑豆茶，茶味香濃， 杯內放入黑豆， 增添芳香 。餐廳只供應三款套餐：天丼$98、 上天當$118及江戶前天丼$138， 十分專一和用心。 丼飯分別在菇菌， 鱚魚， 穴子(星鰻)， 其餘材料 十分豐富， 有帆立貝魷魚天婦羅餅、 海老、 海苔、 溫泉蛋 、莢豌豆，配味增湯及漬物。江戶前天丼， 即叫即製，需要大約等20分鐘 ，上枱時， 非常澎湃，十分有睇頭 ，所有嘅材料被金黃色的脆漿包著， 熱呼呼 ，香噴噴 ，賣相吸引， 脆漿選用日本小麥粉及日本雞蛋 ，配合而成，原條星鰻外形十分大隻， 用料認真， 天婦羅最好趁熱食， 外皮鬆脆無比 ， 肉質入口軟嫩，滑溜細緻， 啖啖充滿無比鮮味。 帆立貝魷魚爽口、嚼勁，海老鮮味爽彈。食到一半後， 依照店員溫馨提示， 再將炸半熟的溫泉蛋刺開， 金黃色溫泉蛋液緩緩流出， 吸收了蛋液 ，令每一粒米飯口感濕潤超索， 別有一番滋味， 與熱呼呼味噌湯， 酸酸的醃蘿蔔及牛蒡， 十分搭配。最後飲埋杯黑豆茶，可減油膩感和消滯， 黑豆仲有抗衰老嘅功效添， 愛

平時食一餐日本料理都會食刺身、壽司同天婦羅都係用膳會品嚐嘅美食，是日同朋友一齊去食番一餐特色天婦羅丼，最緊要天婦羅要炸得鬆脆內軟，今次去咗呢間人氣過江龍日本第一天丼專門店金子半之助開飯入去已見開放式廚房，收到order 師傅先會即叫即做保證食到熱騰騰新鮮天丼，係餐牌上已有三款特色口味天丼同單品追加每款天丼餐都配上味增湯、漬物，點了兩款分別有江戶前天丼同上天丼，各款丼食材都有不同，餐枱上仲有黑豆茶飲用同焙煎醍醐味先來有上天丼，內有鱚魚、海老、小柱魷魚天婦羅、溫泉蛋、海苔、莢豌豆，炸得鬆脆可口，又同時食到天婦羅嘅香味再來係人氣推介嘅江戶前天丼真係賣相出色，尤其係呢條份量十足大尾穴子夠晒吸精，再配上其他天婦羅食材更豐富，先品嚐下穴子肉質細嫩鮮味之餘口感豐厚再食件爽彈海老同小柱魷魚，撈埋溫泉蛋汁連飯一齊食滋味十足再飲啖湯一邊繼續品嚐餘下美食。

好多人都推介食天丼必試金子半之助今日就同朋友冒名黎試下金子半之助就係新都會廣場地下個層地鐵站行過去只需要2分鐘 地點好方便好既天丼除左主要天婦羅我覺得佢既飯同配菜都係十分重要一如其他天丼店 MENU上既選擇唔多「江戶前天丼」、「上天丼」、「天丼」3款天丼入面都係各有一款天婦羅唔同江戶前天丼係天穴、上天丼係鱚魚、天丼係菇菌其餘一樣既有海老、小柱魷魚、海苔、莢碗豆同漬物、麵鼓湯我同朋友分別叫左個「江戶前天丼」同「上天丼」「上天丼」好味指數 😋😋😋先講天婦羅 第一口咬落去並無脆身既口感而每款海鮮食落去都偏淋身 令我對呢個天丼既主角有d失望飯則沒有特別  不過不失漬物係我食天丼其中一樣好重視既野因為天婦羅係油炸食物 好易會有膩既感覺而好既漬物飯前會開胃 飯後會解膩但金子半之助既漬物並唔合我口味以過江龍餐廳黎講 金子半之助並未到「必試」既程度如果想食天丼 我會比較推薦係朗豪城既天吉屋