金子半之助 (新都會廣場) (已結業)

日本好出名食天婦羅🍤今次就試下一間日本過江龍嘅餐廳呢間餐廳以食天婦羅為主❗⭐ 江戶前天丼 ＄138炸物以海鮮類為主分別有大蝦 鰻魚 魷魚最有驚喜係鰻魚👅🌟食得出鰻魚嘅鮮味❤炸粉亦都唔會好厚 本身炸粉有調味所以食落去都好夠味😋欣賞每個飯都配有“炸蛋“流心嘅質感配埋飯一齊食 簡直一流👍推薦指數：⭐⭐⭐⭐⭐⭐  迷你天丼 稻庭烏冬 ＄118烏冬係扁身嗰種好滑口 好煙韌👍天婦羅主要係蔬菜類一個餐有兩種食法都唔錯👅✌推薦指數：⭐⭐⭐⭐金子半之助 (新都會廣場)葵芳興芳路223號新都會廣場1樓107-108號舖

贏過日本全國金賞天丼嘅金子半之助，等我試試佢最出名嘅天婦羅丼飯先啦～(๑´ڡ`๑) 🔸江户前天丼（$138）一上枱未食眼球已經好滿足，有成30cm嘅穴子（即係鰻魚😛）非常搶眼！除左鰻魚，仲有海老、小柱魷魚天婦羅餅、海苔同莢豌豆，全部都炸到卜卜脆，配上秘製醬汁同非常之香口惹味(*´艸`*) 但係我覺得塊穴子有點腥，扣左少少分🤫參考餐廳建議食法，食到一半篤穿佢隻半熟流心炸蛋，咁每粒飯都會沾滿蛋黃漿，食得好開心呀🥳🔸迷你天丼配稻庭烏冬（溫）（$118）迷你天丼有海老、菇菌、豌豆、南瓜、海苔同半熟蛋，同樣都係啖啖好滋味🤤個烏冬就正正常常啦，湯底咸左少少🤏 如果你叫呢個set，佢會隨餐送你一個首飾箱，入面有蔥花、海藻、木魚碎、天婦羅碎同溫泉蛋比你加係碗烏冬🤪我覺得幾好玩哈哈食飽飽仲可以飲返杯黑豆茶解膩，好滿足的一餐🤤但成日食應該會好熱氣 /(.□ . \) 間唔中食下好啦～

「金子半子助」————————————————今日介紹嘅係葵芳分店, 地址係: 葵芳興芳路223號新都會廣場1樓————————————————今次江戶前天丼 $138好豐富既天婦羅🍤丼飯 ; 有海老, 軟殼蟹, 小柱魷魚🦑今次食到即刻炸嘅天婦羅, 感覺相當良好! 🈴️————————————————之前聽我朋友講 話有時食到嘅天婦羅🍤好腍!!!! 但係今次我好彩 我呢碗丼飯有即炸既感覺🥰🥰————————————————

疫情下冇得去日本唯有喺香港食下啲日本嘢食啦同女朋友一人一個餐 佢嗌咗上天丼$118而我就嗌咗天丼$98 兩個餐其實差唔多有魚有蝦仲有隻蛋同其他等等係條魚唔同啲先講個碗 大大碗 但其實個碗底一啲都唔深變相睇落好似好大碗 其實少左一截唔知係咪店員不足既關係 師傅整完擺咗喺出菜位都隔咗幾分鐘先有人拎黎變相唔可以食到即炸即食嗰種新鮮感總括而言 試過一次就算唔會有下次始終唔值呢個價錢

附近打完波再加上晚飯時段唔係太多人排隊所以就揀咗佢。醍醐粉🧐同七味粉一樣咁既樣，唔知係咪另一個名。加埋炸粉，其實都幾大件下，炸衣比較油膩，敗筆位，呢個飯有粒炸流心蛋。一個套餐有炸物飯+麵豉湯+漬物一份（酸薑，蘿白）炸物多餘既油份流落下面既飯度，食2啖已經要飲茶解膩。其實食食下先發現個碗底部中空，碗飯唔多，大食既朋友要留意。是晚3人已經食咗接近400蚊，其中包括10%服務費，老實說，食物普通，服務也是不過不失，係幾貴，不值得再次過黎。

只可以講可以一試， 返食機會唔太大。 環境尚可以。 但抽風唔得， 全店油煙味。 另外食物一般， 偏油， 另外炸物之油用得太久， 有點像本土油炸鬼那股油味， 沒有日本人炸天富羅要定時換新油那種細心。

晚飯時間見肚餓入左間唔洗排隊嘅店，結果佢用實力話你知點解冇人排隊。炸物一律油淋淋，蝦油漿多油淋淋，蔬菜軟淋淋，咬左啖即刻上網睇下自己係咪誤會左，呢間真係專門食天婦羅？真係配佢碟漬物食都搞唔掂。第一次黎唔知食乜，望下隔離叫左同款炸鰻魚餐。可能隔離檯都係第一次黎唔知食乜好，佢個表情都似唔多掂。事緣條鰻魚怨氣沖天似要同我同歸於盡一樣，一擺入口就成個口毀滅式出油味，太勁了。飯話係日本米，但唔知係咪煮法問題定點，似佳記2送飯落左汁版本，唔識欣賞，不了不了

📍金子半之助， 葵芳每次經過新都會廣場都見依間鋪大排人龍😨搵位真係唔易。今次特登早少少黎，唔駛排好耐就入得😆🍤🍤上天丼 $118比平時嘅天婦羅深色啲， 原來佢連炸粉都已經加左啲調味料😍有魚， 蝦，魷魚粒， 溫泉蛋， 菜 。 口感非常脆！！咬落去唔會成口油 👍🏻 層炸粉味道好特別， 炸得幾好唔會散晒🍤 連一碗麵豉湯同兩個漬物。份量都幾大 ，食晒成碗都幾飽😆 幾滿意, 難怪成人要排隊

去年第一次在東薈城看到來自東京的金子半之助很驚喜，光顧幾次之後有點念念不忘。近來發現葵芳也開了分店，趁晚餐未段時間人不多就來試試了。基本上menu上只有幾個選擇，江户前天丼($138)，上天丼($118)，天丼($98)，另外也可選迷你天丼加稻庭烏冬($118)。選擇困難症也沒難度。上天丼 (白身魚，海老，小柱魷魚天婦羅餅，海苔，莢豌豆，溫泉蛋)迷你天丼（菇菌、海老、南瓜、海苔、莢豌豆、溫泉蛋）+ 稻庭烏冬(溫)總括來說天婦羅分量超多，算是鬆脆而不太油膩，最喜歡小柱魷魚的質感。蛋汁和醬油被米飯吸收了很滋味。但亦因醬汁關係，天婦羅一會就失去了酥脆外衣。味噌湯普通，黑豆茶解膩幾好，最後還可吃下黑豆。可能本身對魚沒有太大興趣，所以下次應該會選天丼就好了。

食過穴子用燒鰻魚方法烹調，今次試吓天婦羅穴子。賣相雖然冇張相咁靚，但都係好豐富的一碗飯。穴子較軟身，仍有少少魚味；天婦羅炸粉唔厚，唔係一般天婦羅的脆度和味道，較燶但有香味；其他食材，如海老、小柱魷魚都係食落有啲油；反而海苔和莢豌豆仲脆脆地。烏冬幼滑，清甜湯底加埋配料，味道提升。配料用木盒裝住，可按自己喜好添加，有特色兼衛生，但是否每次客人用完後都全部換過？除穴子外，迷你天丼同江戶前天丼的食材大致相同。店內播著日本古典音樂，我未去過日本橋本店，唔知係唔係正宗，但食吓日本食物都可以一解我冇得’返鄉下’食嘢之苦

🍽 #金子半之助 #HooLunJeng小編今日去到葵芳睇完戲，就係新都會商場入面行下，行下行下見到一間日本餐廳，就諗住入去試下，雖然選擇既食物唔多，但估唔到都幾有意外驚喜。小編今次推介餐廳食物☝🏻◾豐盛華麗之江戶前天丼 $138嘩❗嘩❗嘩❗當我一見到服務人員，將個天丼放係我面前，真係口水都流落黎，除左炸到好香之外，成個賣相都非常吸引，天丼內有海老、魷魚天婦羅餅、溫泉蛋、穴子，真係好好味，炸得剛剛好，再配上餐廳提供的黑豆茶，真係一流。

WEEKDAY 晚餐時間太約7點多，等了大約15分鐘才可入座。本來滿心期待，不過吃了幾口覺得天婦羅材料 (例如蝦) 不算十分新鮮，表面有點過油，不過很香脆，可以滿足想念吃天婦羅既心情!天婦羅份量也算很足，配飯很足夠，烏冬一般水準，個人比較喜歡吃比較彈牙烏冬(雖則不可跟讚歧比較)，但這家烏冬比較似平常湯面，湯底也只有咸的味道。但一百多元有兩樣東西吃得超級飽，我覺得性格比都可算高。

Happy friday，同田會長去了日本過江龍人氣天丼店-金子半之助，呢間大家都想試好耐，機緣巧合之下可一試了www。晚餐時段果然好多人，7點幾去到已有人排隊～大約排左15分鐘入座。餐廳以木系係為主調，感覺和風，暖色燈光感覺柔和。有用餐教學。主打天婦羅丼飯，選擇並不多都好合理，除左飯亦有烏冬揀。上天丼，$118，天婦羅，即叫即製熱騰騰，炸物呈深褐色，有白身魚、海老、小柱魷魚天婦羅餅、溫泉蛋、海苔及莢豌豆，附上味噌湯及漬物，份量十足。賣相睇落都幾油下，脆口同時又好油，唔夠乾爽，白身魚比較有魚味，其他的味道普通，用淺碗非常好，米飯量唔會太多，份量適中，醬汁甜，都幾多汁同濃味，我果碗太多汁，會長果碗就太少汁，太有相差了⋯食到差唔多一半再撈溫泉蛋食，口感更豐富。漬物⋯呢一刻覺得漬物好需要，因為酸酸去油膩.......。江戶前天丼，$138 ，田會長的，最有份量的天丼，30cm長的穴子(星鰻)，賣相夠晒霸氣。黑豆茶幫助解油膩，狂飲左。價格合理，但實在係太油同膩，可能每間分店唔同。

一直都係天婦羅嘅忠實fans，只要有天婦羅嘅地方我就會出現哈哈🤪🤪🤪天丼，聽講佢哋嘅天婦羅都係即叫即炸，所以等嘅時間都比較長，但係絕對唔會影響我想食天婦羅嘅心情哈哈。😎😎😎佢嘅每一樣炸物都炸得好趣，全部都好熱，最欣賞係炸魷魚同炸豌豆，天婦羅糖心蛋都好出色，因為糖心蛋出邊係熱，入邊仲係流心，蛋汁撈埋啲飯食真係好正，然後配菜有啲醃蘿蔔，仲有一碗味噌湯，雖然好好味，但係成兜飯食晒真係會有啲漏同埋油，配埋一碗味噌湯就啱啱好😚😚😚超級滿足嘅一餐

過江龍天丼！啲炸物炸得香脆酥酥！無好厚粉，又唔會成口油膩感！食晒全部都唔會覺得好肥膩～而且食材都新鮮！炸菇係有驚喜嘅！不過就無炸南瓜～至於飯就正常口感，無過硬或過軟～配埋個汁撈飯都唔錯！甜甜地不知不覺就食晒成碗！不過價錢唔平，一個lunch嚟講都算貴！而且唔包飲品，咁就差不多$100左右～環境都算乾淨整齊，店員服務態度好好，好有禮貌。只係坐位略逼，同隔離位好近。不過食完都快快離開無逗留好耐～整體都算唔錯，可以一試！