金子半之助 (新都會廣場) (已結業)

今日難得去葵芳，想食呢間嘅丼好耐，一於食一個late lunch可能下午3點幾又係工作天，所以人唔多，只得四、五檯客，睇過餐牌，選擇款式唔多。我就揀左上天丼，里面有一條白肉魚、蝦、八爪魚、同玉子！配上麵豉湯同兩款小漬物。麵豉湯....好咸....連聽見隔離檯都話好咸天婦羅....炸得好脆口，可惜有d比醬汁淋上後淋身左，白肉魚冇乜味，八爪魚都幾爽口，蝦都係不過不失，玉子桔穿後蛋汁用黎拌飯，好好味，但飯粒唔夠黏身，挾唔起！兩款小漬物唔錯，可以減輕天婦羅的油膩感，總括來講呢碗飯都係普普通通

菜單才三款選擇，一份天婦羅飯等了半個小時！最失望的是水準之低還敢收$138！上檯就能看到顏色深和油膩，連基本油溫都沒控制好居然說是天婦羅專門店？而且還會直接送給客人就證明師傅也是不夠班（或根本不用心）。還不止，飯居然更是黏的！也就是從表明都能看到，裝飯的師傅大概就是習慣這種質素吧。那個最貴的食材：穴子（小鰻魚之類）炸出來不就是一塊魚乾？就只有那個黑豆茶還可以。這個名氣，這個價格，等這麼久，來了一份快餐店都能比這好吃的！這店是永不光顧！！

又想食天丼 又想食烏冬呢個餐一次過滿足你兩個願望天婦羅蝦冇咩特別，但配菜全部都好好食😋唔會太乾，本菇炸過逼出香味頭幾啖食落去係脆嘅，但淋得好快可能係因為醬汁已經一早落咗落去烏冬有個寶盒俾你加配料😍都幾特別，有蔥、木魚絲、昆布同埋炸粉碎鏗魚汁味道好鹹，但加左蛋係ok ge...感覺似食素麵啦！比較特別係杯黑豆茶，味道好香濃下次會想試吓其他天丼😋😋😋全個Menu好似得四款野係好專門食天婦羅嘅地方

⁑📌金子半之助葵芳興芳路223號新都會廣場1樓107-108號舖•隔咗咁耐我終於翻嚟啦🤪係一個禮拜入面追咗1x個lectures😪終於搵到空檔出街食個lunch，所以決定對自己好啲，試下呢間開咗幾年嘅日本過江龍🇯🇵嗌個最貴嘅飯😳•江户前天丼💰138一上菜最奪目當然係個條聲稱有30cm長嘅穴子啦，唯一失色嘅地方就係天婦羅啲炸粉唔夠均勻，會有啲位嘅炸粉太過厚🥵所有天婦羅都非常好食，係新鮮炸好，唔會太油，卜卜脆，配埋佢特製嘅醬汁，味道就唔會單調😆不過最令我驚喜嘅係炸海苔，好似加厚版嘅即食紫菜零食咁😂亦可能係因為佢唔起眼嘅外表，所以先俾到咁多驚喜🤔仲有個小柱魷魚天婦羅餅，係由魷魚鬚切粒整成🦑都幾正😋不過呢個飯又係個啲會越食越厭世、漏到爆炸嘅美食，所以最好緊係約埋三五知己一齊食啦😗🎏推薦指數: 8/10•💁🏻‍♀️金子半之助在以下地方都設有分店:灣仔、東涌🧮有加一服務費哦

今日約左個朋友去葵芳食嘢~可能係星期日嘅關係啦，加上夜晚7點半夠鐘食晚飯，去到已經有十幾個人排緊隊~本身呢間都係隨便揀，見到呢到咁多人排隊，好似好出名，把心一橫決定等幾耐都要試下係門口已經見到話呢到嘅丼飯用高級日本米，坐低睇menu個陣都唔係好多可以揀，最尾同個fd都不約而同咁揀左上天丼！！！所謂上天丼，即係有白身魚、海老、小柱魷魚天婦羅餅、海苔、莢豌豆同埋太陽蛋。天婦羅炸得金黃金黃嘅，其實唔錯，不過睇唔到係乜，要食落先知，都似係到玩遊戲~呢隻天婦羅都ok，一啲都唔油膩，或者好熱氣，食得過！白身魚一粒一粒正方形咁，勝在夠嫩滑！另外，呢到嘢飲幾特別，杯裏放左兩粒黑豆，用熱水沖飲，有啲鹹鹹地嘅味，其實幾好，因為黑豆水有消脹下氣嘅作用，岩哂食天婦羅嘅時候飲~

估唔到屋企人會係葵芳新都會廣埸買外賣返黎食，仲要係高級天婦羅，本身以為外賣炸野都會凍曬，點知原來都仲係熱熱地同埋好脆，隻蝦仲要炸完都食到仲有鮮味，明顯食到炸粉係真係用左日本麵粉做，咬落好脆同埋有麵粉香味，試埋個天婦羅汁，甜甜地，食落無咁熱氣，成件事好夾!炸穴子係香港真係比較少會食到，係高質既，完全食唔到有腥味，材料夠新鮮!炸蔬菜同菇菌都好香口，整體都好高質，唯一缺點就係好熱氣，間唔中食下都幾開心!

呢間舖頭我第一次食係系台灣某一間大型百貨公司嘅basement，都係香港旅遊雜誌有介紹，所以特別過去試吓。今次行經新都會商塲搵午餐食，見到原來香港都開咗點都要試吓有冇分別👍🏻飯類有三款種類吾多，我叫左天丼，老公食迷你天丼&稻庭烏冬，我款天丼有蝦有菇，炸得又香又脆，加上流心蛋真係好食到不得了！飯內配上甜甜地嘅鼓油，一啖飯沾上鼓油好配搭呀！蝦夠鮮甜，食完後甜味仍然留在口中👍🏻老公亦是天丼，配上稻庭烏冬香滑，食烏冬仲有一盒配料俾你自由配搭，令烏冬食得更加有層次，回味無窮。少少可惜系店員漏咗俾隻流心蛋，放在盒內的系一隻蛋殻，食完俾錢先發覺，有點失望，希望下次注意下 🙏總括來講保持水準，同台灣食過的味道系一樣的美味。

又係一間過江龍天婦羅今次我自己一個人食不過其實呢間店都唔算好多選擇迷你天丼配稻庭烏冬本身我以為一個係淨係天婦羅配烏冬原來佢仲有一個迷你嘅飯上枱嘅時候店員仲會比一大箱野咁就按自己需要加個箱入邊有蔥花、海帶、木魚、天婦羅碎、一隻溫泉蛋其實食落都好有儀式感逐樣逐樣揀自己想要嘅份量，店員唔會話好快就收走個箱喺香港一個食法比較少見到烏冬嘅部份，我就覺得呢隻麵質都幾好唔係我哋食開白色粗粗地煙煙銀銀嗰隻反而係似一啲彈牙嘅麵條，不過我都幾鍾意㗎天婦羅嘅部份我就覺得本菇係最好食同埋最有驚喜而炸蝦就覺得最失望，因為佢肉質真係好實好似我上次嗰篇食評咁講天婦羅炸蝦香港普遍肉質都好實小柱魷魚天婦羅餅因為本身我以為天婦羅係冇配飯嘅所以我就叫咗呢個小食雖然最後我食唔晒少少烏冬但係我絕對冇後悔叫呢一個天婦羅餅因為呢個天婦羅餅我覺得係成個午餐最好食嘅小食嗰啲魷魚好彈牙好似帶子嘅口感嗰層炸衣又夠薄，汁分開上冇個好似飯上面嗰啲天婦羅咁俾啲汁浸林左其實整體用餐體驗我覺得都算唔錯都對得住日本全國天丼金賞呢個稱號反而有樣嘢我覺得可以改善嘅係，烏冬個湯同埋天婦羅汁落咗啲飯度都偏鹹如果呢啲醬汁嘅味可以調返淡少少就Perfect池啦~

日本過江龍 金子半之助 全店只買一個餸就係鮮炸天婦羅可見其職人的專業程序美味程度係可以來港開分店一開店時人龍超長我和家姐食過一次 畢生難忘天婦羅的鮮炸美味今日中午來到竟然有位仲可以用埋商場優惠即刻入座一睇菜單有新野 迷你天丼加稻庭烏冬仲有5款配菜任加 即刻叫來試試望下四周圍 出餸位 等左十五分鐘左右店員比左個大盒我打開一看原來係烏冬既配菜 全程放在桌上任加唔嬲屬於我的午餐終於來到眼前立即打左個蛋落烏冬度加埋配菜 oshidesu 天丼既炸物和飯都係一貫高水準 美味 炸粉與食物完美結合 入口即溶以為食唔曬啲飯 結果全清大滿足去埋單其實外賣有85折但我鍾意堂食即叫即炸即食又可以坐下慢慢嘆好彩有商場20蚊優惠卷減下😃

下午茶篇 通常番早就下1500 放工 咁就諗究竟去邊食好， 咁又想要公司附近最黎楝左去葵芳新都會 ， 如果食唔飽都仲可以去葵廣掃街呀嗎 🤣🤣咁去度就睇餐牌 ，一望就好有選擇困難症呢個又有飯又有烏冬 🤩仲可以任加配料當然要試試佢 一上枱 最開心就係個配料盒 ，好有feeling真係任加 🤣 咁試左個天婦羅飯先 覺得都ok 天婦羅粉漿ok, 夠熱即叫即炸， 唔會係炸定先咁到烏冬 喪加蔥先， 本人都好蔥 再加埋隻蛋撈埋一齊食 ， 一個字 正覺得咁樣食，味覺+ 心靈好滿足 又可以打開個盒， 又可以試哂兩款都唔係間間餐廳都做到 價錢貴啲都可以接受 ，同埋有時擋係bonus 位

今日同完龜蜜 行outlet攰攰地去左葵芳食個便飯一入門口都簡左一間坐lunch 時間唔算多人等唔洗10分鐘就入得.因為同友人都好想食湯麵既關係佢得一個餐係有烏冬所以就嗌左而個餐係包括1. 烏冬麵2. 迷你炸天婦羅丼3. 配料盒子 有蔥花/天婦羅脆脆/海帶/木魚 +1人包1隻半熟蛋4. 泡菜.本住其實想食湯麵既心情一睇見個迷你丼心諗 : 嘩，又有隻蛋既喂，成兜飯點食得哂？點知一試個飯吉爆雞蛋嘅一瞬間我地就好自然忍唔住讚賞左然後食左好多飯😹.到烏冬麵喇個烏粗幼岩岩好又滑同有咬口相當係我柸茶可惜既係湯底用左類似麵豉湯既味道好咸呀喂😫 攪唔掂但因為烏龍麵質好好所以都食左一大半希望湯底會再有進步一下.到重點既天婦羅喇佢有南瓜，蝦，日本菇，荷蘭豆同紫菜各1舊我覺得對女仔黎講d 餸其他岩岩好.然後不得不提佢地既例茶係炒過既豆好香同好順既味道果然一絲不苟.btw如果有下次我應該直接會嗌丼飯烏龍除非佢轉湯底否則都不了🤔

呢間金子半之肋之前食過一次都幾好今次同朋友再黎食多次朋友簡個天婦羅配烏冬我無食到，不評價但佢就好似唔多岩食食剩左幾多🥲🥲🥲🥲🥲🥲🥲🥲🥲我就簡左個最貴那個天don食落好脆口，個漿都幾薄，全新鮮即叫即製味道係幾好食，但不知道為什麼今次食完會喉嚨痛😂😂😂😂😂😂😂上次食都無呢個問題照我所知 高質數既天don係唔會食到人喉嚨痛😅😅😅😅😅😅😅😅但亳無疑問，隔一排都會再黎所幫襯

第一次光顧，估唔到味道咁好味！我叫了上天丼，當中有白身魚、蝦、魷魚、紫菜、溫泉蛋。每一種天婦羅都有薄薄的外層，咬落去帶有淡淡的胡椒香，而且用料新鮮，尤其白身魚，味道鮮甜！魷魚餅的味道也十分特出，外脆內軟，不知不覺就吃光了

天婦羅算係我最鍾意食嘅日式食物之一，所以每次經過呢間舖頭，都會俾佢嘅天婦羅飯吸引，今日終於可以一試。．餐廳有提供黑豆茶，可以消膩減脂，所以食完天婦羅呢啲油炸嘢都唔會話好油膩．天丼 $98菇菌丶海老丶小柱魷魚天婦羅餅丶溫泉蛋丶海苔丶莢豌豆［餐附味噌湯丶漬物］呢間嘅天婦羅丼飯應該係用咗日本米，而天婦羅雖然唔會炸到好硬，但係都幾夠脆，亦都唔算太油膩，配合埋天婦羅汁非常好食。天婦羅份量都算多，呢個價錢來講都算ok抵食，值得一試！

日本人氣天丼專門店「金子半之助」早前於葵芳開幕！主打日式天婦羅丼飯。還記得開幕果陣日日都排長隊，經過幾次都食唔到。直到開幕後幾個月再加上疫情關係，終於都見唔到條人龍了。唔洗排隊直接進入舖頭，可以試試它的味道。一入座就有熱辣辣既黑豆茶飲，黑豆味又香又濃，暖胃之餘仲可以清一清天婦羅既油膩感。由於我對魚類麻麻，所以就揀了「天丼」。配料有菇菌、海老、小柱魷魚、溫泉蛋、海苔、莢豌豆等……大大件天婦羅，賣相都幾吸引！餐廳有教你正確食天婦羅丼既方法，不過我就鐘意用返我自己既方法黎食啦！一開始就將所有天婦羅放在別的碗內，再將丼內的半熟流心蛋戳破來伴飯，加上七味粉，一邊食飯一邊食天婦羅，特別開胃，好快就食曬啦~