金多寶餐廳小廚 (已結業)

唔知點解今日特別想食啲碟頭飯，雖然馬鞍山係帶啲茶餐廳，但唔知點解都唔太岩口味。今日咁岩就經過♥金多寶餐廳小廚♥，又有我想食既野，就決定食下啦！野食未到，啲姐姐就整左碗湯黎～似乎係栗米青紅羅白瘦肉湯，以為都係啲普通味精湯，但我飲左一啖我就錯了。。。。因為個湯真係堅甜！！唔係想誇張，而係我飲完真係想要多碗😍啲料係足既，一碗湯都有一舊栗米，超多紅羅白，仲會夾雜左少量豬肉，飲得出係真材實料煲出黎既～👍🏻漁香茄子飯唔知做咩今日就係特別想食茄子飯🍆又唔係間間茶餐廳都會有，我發覺呢間野都野食都真係不錯，因為佢料多！佢既茄子都真係幾多，食哂啲飯都仲有剩，咁我當然唔會浪費啦～漁香係幾濃味，有點兒咸，但加埋啲茄子配埋個白飯就岩岩好啦！😋金邊肥牛炒飯係呢間小廚既推介之一個，佢個飯其實有啲似星州炒米既感覺，只不過係變左飯🍚入面既料都算豐富，除左有肥牛碎，仲有栗米同埋肉鬆，炒得都幾香口，帶有少許辣味，啲栗米粒係好甜的🌽而且碟飯都好大碟，一個人食都差啲食唔哂～

又再浮游馬鞍山區，試完附近的就想行遠D。 今日lunch 在mos town 尋找餐廳，行行下就見到富輝商場。 商場又細又舊，在二樓見到一間叫金多寶餐廳，門口有好多同明星合照照片。 餐廳內裏裝修也幾舊，牆壁上掛了快餐餐牌。 看到有個土魷肉餅飯，幾啱心水就柯打。 好快先來中式湯，湯幾濃。 跟著再來飲品，個飯跟著又到了。 放在枱上看見大大塊又厚身肉餅，份量比一般快餐店大。 不過就完全聞不到土魷香味，吃了一口肉餅有土魷但欠土魷味道。

相信住馬鞍山既街坊冇可能未食過金多寶每逢星期六日都一定滿座 枱枱櫈櫈都會放埋出門口所以我都係鐘意平日黎食因為會比較少人今次叫左2款金多寶招牌菜分別係金牌秘制沙拉骨，古法秘制霸皇雞沙拉骨的確同平時食開既吾同因為平時食開既沙拉骨都係用卡夫沙律醬而金多寶就用左食pizza個種千島醬所以食落其實都幾特別不過我都係鍾意食卡夫沙律醬既沙拉骨多啲另外仲有霸皇雞雞肉的確幾嫩滑而且放係雞上既薑蔥好香口加上沙薑真係一流唯一缺點係太多油喇星洲炒米炒得比較普通睇個顏色都知吾夠味米粉又硬左啲吾夠淋咕嚕肉食落脆脆地又吾會太硬例湯比平時既味精湯好得多湯料好足有大大舊既雪耳

係門口企左好耐，一早話左比個員工聽3個人又唔理！ 等多一陣，佢又話有位！ 員工叫我地坐大枱，我同屋企人入到去坐低左。岩岩坐低，門口有其他客人係7個人，個員工就叫我同屋企人讓番張枱出泥，要比7個人坐。仲叫我地要再等！ 無可能要咁讓囉！ 仲咩我地等左咁耐，先有位食飯！ 但人地遲泥既，就要我地比位佢地先！ 所以唔會食依間野囉！ 員工極無禮貌！未食都一肚氣！ 原來人多就可以打尖先！ 員工態度又差！ 我唔知佢係唔係老闆！ 祝佢早日關門大吉！

呢間茶記整既煎蠔仔蛋，煎到金黃色一塊餅咁，都好多蠔仔。同廟街既蠔餅唔同做法，啱我同亞囝食，唔熱氣。我下次會試蠔仔肉碎泡飯。我老豆唔鐘意食蠔，我試過叫芙蓉蛋比佢。

朋友帶我黎，第一次食。茶餐廳有咁好味既野食，一定要出黎講下。金多寶最主打食霸皇雞。碟雞上面勁多薑同蔥，吸睛！雞肉好滑，真係特別滑同嫩，奇怪問一問侍應，佢話秘訣喺連續用湯去淋熱ｄ雞肉，千其唔好慛師傅快ｄ，制作需時。本身跟埋沙薑醬，撈飯勁正！我地叫例牌＄７８我見有幾枱都叫左煎咸魚餅，我鐘意香口野，所以都有試。好味，咸道適中，叫埋藍妹送，正！但我發現原來餐牌冇寫例牌，只有碟頭飯，應該要加番。叫埋必食推介既客家釀豆腐煲，底有好多黃豆，本身只食餸，但試一試個湯底，都幾好味。開飯前飲左個蓮藕例湯，我麻麻地食太多蓮藕，下次要叫少渣，廢事浪費。返家話比我亞媽知有幾多黃豆吓，佢話客家做法係咁（我亞婆係客家人）。仲叫左西蘭花斑腩，啖啖斑腩，好厚身好脆，好多食肆酒樓既呢味都有雪鯹味的，我對斑腩要求比較高，呢間ＯＫ。可能星期日比較多人，我地８點去到，等左約１５分鐘先有位。但好食等一陣都ＯＫ既，下次我會帶屋企人去試下，人多可以打定去留張枱方便Ｄ。

行商場看見有新裝修餐廳便打算試一試。誰知道份量十分細，味道一般，性價比不高。西多士味道一般，份量太小，沒有蛋味 和普通麵包沒有分別，非常失望!如無意外不會再嘗試！

霸王雞好正，D葱帶有雞油香，隻雞有水準，茶餐廳價錢，真係估佢唔到，當晚仲有叫左沙拉骨，因為我超鍾意沙律醬，所以我一個人食左大半碟，小肥嘅豬，加埋個得醬，配白飯，哈哈！不過掛住食，剩係影左碟雞，一定會再幫襯！

平時我帶旗袍食野多，今晚話佢要威返次，帶我去食野喎，好就睇吓有幾勁！雖然就係local啲嘅餐廳，但估唔到環境又幾乾淨喎！7點3嚟到，入面已經滿晒，我哋唯有坐外面，但坐外面其實仲正啦，勁有風味，但如果係室外嘅話，更加完美！髮菜蠔豉湯哇好開心呀，最鍾意呢個湯㗎喇！超級清甜可口，仲要唔鹹唔多油冇味精，非常難得，飲完都唔會口乾！例牌霸王雞 ($78)嘩好得意呀！成碟雞上面係舖滿葱絲㗎，係真係一堆，未見過有咁多！旁邊有一碟沙薑，我就好呆咁逐件逐件雞點嚟食，但大口仔提議將成堆沙薑倒落去，好豪邁！撈埋沙薑嘅葱絲果然零舍唔同呀吓！雞肉滑溜又香雞味，而且份量算大！大口仔就最開心啦，將啲葱絲撈滿成碗飯...清湯雜菜煲 ($72)差不多滿瀉嘅煲，有白菜仔、菇、粉絲、蝦乾。一睇個湯底就知道好清，清到不得了，鍾意清淡食物嘅朋友一定會好鍾意食。但如果多返啲豆腐就更完美喇！蠔仔煎蛋 ($80)平時食呢道菜，好多都係好油膩，但呢度呢，雖然煎到金黃色，但睇落一啲都唔油膩，仲偏乾身添！食落口啲蠔仔肥嘟嘟又鮮甜冇腥味，但係口感又唔似傳統嗰隻蠔烙咁，較似奄列咁軟滑啲，呢個可以保持到蛋嘅嫩滑口感，啱晒我呢啲鍾意食嫩滑多過脆身嘅

今晚帶左老公同奶奶黎呢間平民飯堂食飯講真 堂食真係第一次 平時都係叫外賣多佢地好似係有4款皇牌招牌菜我全部都食過唒首先呢個梅菜扣肉 真係蚊得好腍呢味我覺得係功夫餸 因為自己唔識整呢碟菜心炒牛肉 係第一次食 菜心炒得好爽脆牛肉係好滑架每碟分量都好多架最後呢味霸王雞 係我至愛啲雞滑溜溜啲葱絲同個沙薑醬又係到不得了平衡每碟餸既例牌分量既價錢係70蚊左右仲有冇落味精既湯同白飯送

十二月二十三日我同男朋友諗住食住家菜，去幫襯下呢間店。之前食過，覺得ok.今次我地叫左土魷蒸肉餅，枝竹豆腐火煵煲。套餐附有例湯、白飯同飲品。本來食個陣冇咩事發生，身體冇吾舒服。但個晚食完返屋企，我男朋友個胃開始吾舒服。第二日又呵又嘔，之後兩個一齊落樓下睇醫生，話係腸胃炎。我地由平安夜到第二日都冇食過其他嘢，只係食過呢間嘢。個晚仲嘔左幾次，齋食白粥，成個聖誕節冇哂，要訓係床度，pat pat仲要捱針！我地以後吾會再黎！

又再次時光倒流系列 ...金多寶為於官涌熟食市場內, 是馬鞍山金多寶的分店。熟食市場並沒有甚麼特別裝修, 都是大圓摺檯加膠凳那種模樣。走來吃午餐, 竟然例湯與白飯任裝看湯的顏色已知煲得溶兼入味, 當日是雞腳湯, 還要用新鮮貨兼膠質重白飯在巨型飯煲內任裝點了兩個稱為鎮店小菜的小菜 : 最正宗梅菜扣肉及沙拉骨。梅菜扣肉是肥瘦均半, 肥膏入口化, 豬皮炆鬆軟腍, 瘦肉鬆化有肉汁。沙拉骨始終叫做秘製, 醬汁較為特別, 看顏色應該是用千島醬, 豬扒泡油後不乾也不粗糙。說到明的時光倒流系列, 真希望現在還保持得好!

話說我朋友就住馬鞍山, 成日帶我去食馬鞍山D餐廳, 今次又有新野。佢話尼間野好抵食同好好食, 叫小菜食飯真係頂瓜瓜, 咁我就抱住期待既心情去同佢食個DINNER。由於兩支公既關係, 我地決定叫三個小菜, 而食小菜要試間野好無食, 又點可以唔食雞呢?叫左個霸王雞, 唔好講笑真係好食, 十分推介。雞肉好滑而且份量好足, 唔會成隻雞都係骨無肉食, 兩個人叫半隻夠晒, 我諗四個都可以叫半隻, 應該都夠食。雞上面成餅蔥絲, 如果唔食既朋友要注意下, 但食既朋友就岩晒, 因為D蔥絲就咁配飯食已經好正, 真係無介紹錯。班腩炒西蘭花就普普通通, 但班腩唔會好粉, 都OK。最後講下個梅菜扣肉, 招牌WOR, 更係要試下。果然真係招牌, 無呃人。首先梅菜好香, 味道岩岩好, 但通常好多地方為左令D梅菜入味都會搞到好鹹好重口味, 但佢完全無, 食得多都唔會話個口好乾果D。扣肉方面話明扣肉就更係要肥瘦各佔半, 首先肥唔可以太膩, 瘦唔可以太乾太硬, 咁就為之好。佢完全做都一個準確既梅菜扣肉出黎, 真係要俾個母指佢。

聞說梅菜扣肉飯出名，故特來試試。大口氣宣傳於馬鞍山賣出近十萬碟，當然要一試如何。碟頭飯一客約有四件，不算厚身。扣肉肥肉部分夠化，不會太膩，不過肉的部分即太瘦又不淋。盡其量只吃了兩件就放棄。梅菜吃到近底的有很少細沙。雖然是午市，但是也應該預備好才奉客，作為招牌貨則不算合格了。另一熱賣沙拉豬扒，打開蓋子時嚇了一跳，顏色有點螢光，汁也多了點吧！據聞豬扒有點點炸過了火。兩個碟頭飯也沒有像其他食家說的一樣好，是因為碟頭？還是因為外賣所以給次一點檔次呢？

It happens to a lot of us when we just wanted to sit back and do nothing on Sundays. What if you ask me to turn on the stove and cook? I'd say you are a little bit crazy.So that night we walked around the two shopping plazas, only at about 6pm but all restaurants are already super full with super long queues. My smart mom suddenly thought about dining in here, a place that serves homecooking Chinese dishes, somewhat hidden in a neighbouring small, old mall.For it's our first time here, we decide