影片
更多
2017-02-12
1571 浏览
平時我帶旗袍食野多，今晚話佢要威返次，帶我去食野喎，好就睇吓有幾勁！雖然就係local啲嘅餐廳，但估唔到環境又幾乾淨喎！7點3嚟到，入面已經滿晒，我哋唯有坐外面，但坐外面其實仲正啦，勁有風味，但如果係室外嘅話，更加完美！髮菜蠔豉湯哇好開心呀，最鍾意呢個湯㗎喇！超級清甜可口，仲要唔鹹唔多油冇味精，非常難得，飲完都唔會口乾！例牌霸王雞 ($78)嘩好得意呀！成碟雞上面係舖滿葱絲㗎，係真係一堆，未見過有咁多！旁邊有一碟沙薑，我就好呆咁逐件逐件雞點嚟食，但大口仔提議將成堆沙薑倒落去，好豪邁！撈埋沙薑嘅葱絲果然零舍唔同呀吓！雞肉滑溜又香雞味，而且份量算大！大口仔就最開心啦，將啲葱絲撈滿成碗飯...清湯雜菜煲 ($72)差不多滿瀉嘅煲，有白菜仔、菇、粉絲、蝦乾。一睇個湯底就知道好清，清到不得了，鍾意清淡食物嘅朋友一定會好鍾意食。但如果多返啲豆腐就更完美喇！蠔仔煎蛋 ($80)平時食呢道菜，好多都係好油膩，但呢度呢，雖然煎到金黃色，但睇落一啲都唔油膩，仲偏乾身添！食落口啲蠔仔肥嘟嘟又鮮甜冇腥味，但係口感又唔似傳統嗰隻蠔烙咁，較似奄列咁軟滑啲，呢個可以保持到蛋嘅嫩滑口感，啱晒我呢啲鍾意食嫩滑多過脆身嘅
髮菜蠔豉湯哇好開心呀，最鍾意呢個湯㗎喇！超級清甜可口，仲要唔鹹唔多油冇味精，非常難得，飲完都唔會口乾！
髮菜蠔豉湯
69 浏览
0 赞好
0 留言
嘩好得意呀！成碟雞上面係舖滿葱絲㗎，係真係一堆，未見過有咁多！旁邊有一碟沙薑，我就好呆咁逐件逐件雞點嚟食，但大口仔提議將成堆沙薑倒落去，好豪邁！撈埋沙薑嘅葱絲果然零舍唔同呀吓！雞肉滑溜又香雞味，而且份量算大！大口仔就最開心啦，將啲葱絲撈滿成碗飯...
清湯雜菜煲 ($72)差不多滿瀉嘅煲，有白菜仔、菇、粉絲、蝦乾。一睇個湯底就知道好清，清到不得了，鍾意清淡食物嘅朋友一定會好鍾意食。但如果多返啲豆腐就更完美喇！
蠔仔煎蛋 ($80)
平時食呢道菜，好多都係好油膩，但呢度呢，雖然煎到金黃色，但睇落一啲都唔油膩，仲偏乾身添！食落口啲蠔仔肥嘟嘟又鮮甜冇腥味，但係口感又唔似傳統嗰隻蠔烙咁，較似奄列咁軟滑啲，呢個可以保持到蛋嘅嫩滑口感，啱晒我呢啲鍾意食嫩滑多過脆身嘅人！
蠔仔煎蛋
$80
49 浏览
0 赞好
0 留言
兩樣我哋都鍾意食，又揀唔到要邊樣，於是兩樣都要晒啦！比較少食炸野，因為好多地方都炸得太油膩或者炸粉太厚。但呢度㗎呢，炸得非常乾身，唔油膩，炸粉唔厚，舊舊都好香脆，咬落去係有聲，超開心！鮮魷又唔會過韌，仲食到啲鮮味添！不過呢碟就適合鍾意清淡嘅朋友，重口味嘅應該要求多椒鹽啊！
椒鹽鮮魷 & 白飯魚
$80
79 浏览
1 赞好
0 留言
例牌霸王雞, 清湯雜菜煲, 蠔仔煎蛋, 椒鹽鮮魷 & 白飯魚
88 浏览
0 赞好
0 留言
梅菜扣肉 ($40)由於好想食，於是叫咗個細嘅版本嚟試吓，老闆又真係肯整碟細嘅俾我哋食喎！好就好在呢個扣肉肥瘦分明得好緊要，入口溶化但又有瘦豬肉嘅口感，炆得軟腍，好味！而且梅菜好軟綿，同外面食開嗰啲好唔同，味道適中，唔會過鹹，撈飯真係啱晒！平時都唔係好敢亂食梅菜扣肉，因為都驚會整得好油膩，但呢個又唔係喎！就算食完都唔覺得好膩，勁啊！
梅菜扣肉
$40
134 浏览
1 赞好
0 留言
既然係咁咯，唔爭在試埋個沙拉骨啦！平時又係好少食，因為總係覺得食骨，即係冇肉食啦！但老闆推薦，咁又試個迷你版啦！即叫即做，上碟熱辣辣，其實應該叫沙拉豬扒，咬落去軟腍兼啖啖肉嘅！千島醬汁為成道菜錦上添花，甜甜哋帶少少酸，同樣地撈飯係一流嘅！
沙拉骨
$40
68 浏览
0 赞好
0 留言
呢度真係冇得輸，食物質素好夠鑊氣不特止，最緊要係夠抵食，食到捧住個肚走！！聽店員講仲可以買海鮮嚟叫佢哋整，喂下次買過嚟食咯！
张贴
