金多寶餐廳小廚 (已結業)

今日呀媽遲咗收工買唔到餸，又話想食小菜，於是我哋就落樓吓金多寶餐廳食飯。餐廳真係長期都咁受歡迎，人頭湧湧，雖然一枱客接一枱客，但店員都唔會吹你走，而且店員服務態度仲好好添！點餐後很快就送上是日例湯今日嘅例湯喺節瓜雪耳煲豬骨湯，碗湯除咗非常足料，仲煲得好甜，飲得出仲有小小南瓜味，重點係完全冇加味精，出色又健康👍🏻之後點小得佢哋嘅招牌菜古法秘制霸皇雞。我哋叫咗半隻，份量好多！雞上面放左滿滿的薑蔥絲，賣相好靚，好吸睛，而雞肉好滑好嫩，食落仲有濃濃既沙薑同雞油香味，好入味超好食，唔怪之得係招牌菜喇！客家酸菜魚鱸魚片食落好滑又冇乜魚骨，啖啖肉，而且一啲都唔腥，份量都算多😍配菜有芽菜、海帶、蘿蔔、枝竹、黑木耳等等，好豐富。蘿蔔真係冇得頂，索唒酸菜湯勁入味，配上熱辣辣的白飯，真係好惹味，絕配🥰椒絲腐乳炒通菜通菜炒得好靚，翠綠爽嫩，又有鑊氣，食落爽口，夠哂惹味夠哂香。

以前中學既好友住馬鞍山，間唔時上佢屋企就會一齊去附近既小店搵野食。不過佢搬咗出市區之後就好耐都冇入馬𩣑山, 咁啱今日入馬鞍山做野，於是去返間充滿回憶既茶餐廳食野。老闆一如以往咁親切，我揀咗最鍾意既金牌秘制沙拉豬扒飯（$55），是日餐湯係木瓜雪耳豬骨湯，再飲熱朱古力。老火湯非常足料，木瓜煲到淋哂，完全冇加味精，健康得嚟又飲得放心。金牌秘制沙拉豬扒飯既豬扒炸到好香，個人最鍾意係酸酸甜甜又開胃既沙拉汁😍最後以朱古力作結，呢餐簡單得嚟又好有家既感覺。

冇煮飯又想食小菜於是去金多寶，老闆好好客，介紹完招牌菜即刻上老火靚湯😍 好少例湯咁足料，幸福感爆棚🥹🧆客家梅菜扣肉(例牌$88)扣肉肥瘦比例啱啱好，唔會啖啖都係肥膏，成碟鋪滿梅菜，入味得來唔會太鹹😚🍖金牌秘制沙拉骨(例牌$82)細個最鍾意食沙拉骨，醬汁份量勁慷慨，而且啖啖肉好啱小朋友食🤣🍗古法秘制霸王雞(例牌$82)壓軸出場小菜係名不虛傳嘅霸王雞🥰 估唔到例牌都幾大份，超級多薑蔥太正了！雞本身好嫩滑，可以就咁食，又可以配搭沙薑醬🍱五香肉丁炒飯($55)簡單嘅炒飯已經睇得出餐廳功架，粒粒分明而且有生菜紅椒等配料，夠3 - 4人share以前同屋企人間唔中都會嚟食，而家雖然唔齊人但係食到熟悉嘅口味總算一種安慰🥲 希望小店長做長有，越嚟越旺！

🥣明火靚湯-木瓜雪耳豬骨湯平時好少自己煲湯，出街食飯可以飲到一碗足料住家靚湯真係好緊要，老細一啲都唔會同客人計較，每碗湯都勁足料，未開飯前先潤一潤，正👍🏻🥢㰖菜肉鬆四季豆經典小菜，大碟夾抵食，肉鬆粒粒分明，四季豆勁多， 送飯一流🐟姜蔥魚腩煲有啲餸真係要趁出街食，例如魚腩煲，自己在家最多蒸下魚，但要有鑊氣，爆炒既餸，係屋企真係好難整到，除左魚唔駛自己攪，配菜都係精華所在，啲唐芹洋蔥吸哂啲魚味，好味到要清煲😂😋🍽梅菜扣肉梅菜扣肉又係一道要出街食既家常菜，雖然食材簡單，但要自己煮真係好花心機時間，呢度整既扣肉唔肥膩又好香。梅菜吸油，扣肉又帶有梅菜的清香，梅菜同扣肉既搭配恰到好處，用甜甜地既梅菜送飯真係會唔覺唔覺食多左碗🍚。

我最鍾意食中式嘅炒餸夠火候，馬鞍山呢間金多寶，係我嘅飯堂。介紹今晚食咗乜嘢先黎個靚例湯:青紅蘿蔔粟米湯(四季都一樣😂)叫一個餸就送一個例湯，再飲就要錢㗎⋯⋯1)椒鹽白飯魚，炸得鬆脆之外，你睇吓，白飯魚都好大條(街市白飯魚好細條，攞嚟煎蛋就啱)所以好有咬口。2)啫啫雞煲，爆到洋蔥好香，加入埋炸蒜頭，雞件，煲仔上枱熱辣辣香噴噴，雞又入味，餸飯一流。3)香煎琵琶豆腐，豆腐外面炸過，咬一啖就食到入面軟軟的豆腐，包住豆腐嘅芡汁又唔咸(煮得好食唔容易)我都食咗幾舊😋4)魚香茄子，又係必食，煲仔上嘅茄子唔會林啤啤😝(淋曬)，咬到每一條茄子🍆⋯⋯豬肉碎同辣椒絲好野味⋯⋯根本停唔到口。

金多寶餐廳小廚今日放假冇野做，起身冇耐就落街食個晏先。咁我同朋友行咗去富輝揾下野食。可惜果到既餐廳寥寥可數，咁我地就揀咗金多寶餐廳小廚，食個快飯算！餐廳同普通茶記冇咩分別，面積唔算好大，衛生環景一般。打開餐牌，以茶記黎講，呢到價錢都唔算平，加埋野飲都要60蚊人頭先落到樓。咁我地叫咗兩個飯，一個生炒牛肉飯，一個枝竹蘿蔔牛腩飯，兩個飯連野飲都係61蚊。生炒牛肉飯相當唔錯，炒飯粒粒分明，油唔會過多，碟底完全冇多餘既油份，所以唔會太油膩！料頭方面有牛肉對粒，菜同葱粒。牛肉份量充足，調味方面唔會過咸，幾好食。可惜有啲牛肉炒燶咗，有少少苦味。枝竹蘿蔔手腩飯，枝竹同蘿蔔炆得好入味！雖然調味偏咸，但仍然食得出少少八角既味道。牛腩都算大件，肉味正常。我地加咗兩個例湯，呢個有驚喜！湯好足料，入面有大量瘦肉同蓮藕，好味之作。

呢排疫情，最好都係留返舖頭食飯🥲突然之間好想食雞，就試吓食呢間金多寶😂半個鐘頭叫咗外賣就到左如果一個人網上外賣平台叫真係貴好多所以店舖外賣員直接送來係好抵姐姐態度好好，感覺好有人情味😂😂啲飯係有雞油味㗎，比我想像中好雞就唔係話好滑，但係雞味係好重嘅似係新鮮雞同埋急凍雞嘅中間不過反而覺得個薑蔥配個飯好正因為啲飯軟硬到啱啱好舊雞其實真係好失望係雞髀就好啦😂😂只係俾咗隻雞翼仔，同埋啲下欄位，如圖😨我覺得反而個湯係好飲，木瓜雪耳湯湯呢個天氣飲好滋潤好舒服😌味精唔重不過最唔開心就係用發泡膠來裝太熱嘅話就會溶解發泡膠陣味希望店舖可以注意下，用返啲膠整體來講應該唔會再食㗎啦，試過一次都OK呢個價錢$60送到黎都OK嘅🤣🤣

叫了外賣自取豉椒排骨炒可，回到家裏打開盒子見到河粉所有排骨都不見了都不見了，當時叫了五個餐，回到家裏打開豉椒排骨，排骨卻不見了不知去了那裏， 10分奇怪，真係冇下次

上面放到滿滿的蔥絲，賣相好靚👍🏻👍🏻雞好滑好好味😋，配上沙薑汁直係一流。絕對食完下次會再食👍🏻👍🏻😍另配上中湯，湯料好足夠，係一碗有份量既中湯👍🏻👍🏻

肥仔話呢間係佢係馬鞍山咁耐係佢心目中既馬鞍山之最 ❤️ 佢話呢間d 野有質素 ❤️我地叫左個客家皇牌雞飯 同埋 苦瓜炆倉魚 個皇牌雞好歡樂 成大片葱油係雞既上面 個賣相好吸引 食落口好好味 雞好嫩 而且個味好入味 佢呢個雞令我諗起細細個讀書既時候跟呀媽食過既 華香雞 充滿住童年回憶 個飯就煮得「林」左D 我食左1，2啖就算啦 肥仔好有衣食 佢永遠都會包我底 ❤️ 無浪費苦瓜炆倉魚 我主要食苦瓜 太耐無食了 苦瓜特別滋味 魚煎過再炆 再配搭炆苦瓜個汁 送飯係唔錯架 唔知點解要整既魚無論落幾多薑都係有「聲」味 為左將來肥仔有啖好食 我諗要再多花時間研究下先

味菜鮮魷炒麵即叫即炒，鮮魷新鮮足料，芡汁鹹度適中，亦唔會多到變油浸麵，味菜同鮮魷係絕配，麵底炸得香脆，$56唔算平，但大碟又好味，絕對物有所值。可惜凍奶茶好淡，唔合格。

去到熟晒既一間茶餐廳，呢間野不得不讚，份量大大碟，又唔貴！有沙漠之稱既馬鞍山，難得搵到一間可靠既茶餐廳，真係好難得所以就係咁，成日去，同果到啲姐姐傾計傾到熟晒最鍾意就係食佢既肉餅飯，肉餅又大又厚，唔似出面有啲餐廳，紙咁薄，一啲口感都冇，所以肉餅係我每次必叫之選！

兩個人晚餐喺馬鞍山我第一次來到金多寶，平日晚上餐廳都有一半滿左，我哋點菜叫咗馳名嘅霸王雞碟頭飯，另外再叫多個招牌炒飯。晚市仲有兩碗靚湯餸，我所以都好有住家飯嘅感覺。霸王雞飯上面有口口嘅炒蔥，啲蔥好香好爽非常好味。雞肉都好壞，而且沒有太多肥膏，食起上嚟質感和口感都不錯。難怪可以成為你間餐廳嘅招牌菜，真係名不虛傳。另外，價錢都相對便宜，因為市中心的商場都是貴價的餐廳或酒樓，所以金多寶真係一間難得的平民餐廳。炒飯就比較一般，不過都好爽乾身炒得好好味。

今晚冇飯開出去搵食，唔想周圍同人迫，返去馬鞍山慢慢嘆飯。👍🤣🤣🤣早幾日見到朋友食蠔仔煎蛋即刻搞到我都好想食，立馬走黎食返個蠔仔煎蛋飯😋😋😋😋平時好怕碟頭飯唔夠餸，哩度係唔洗怕架，好大堆餸架，煎蛋唔會得兩三粒蠔仔，係每啖都有架👍👍👍🤣🤣🤣

第一次寫食評，很差的一次體驗，瑤柱海鮮炒飯＄82，只有1／8粒瑤柱，冇海鮮，只有仿蟹柳，鳴門卷，蝦米，飯超難食，食了2啖成盒掉了，中伏。第一次食物要俾差評。另蠔仔肉碎泡飯，冇味，蠔內還有碎蠔殼。