金多寶餐廳小廚 (已結業)

1) 霸王雞身為新加坡人並且吃慣正宗海南雞飯的我，終于香港吃到讓我讚好的雞飯!霸王雞不像海南飯味道那麽濃郁。相反，它的味道帶著幾分清香。可能是蓋滿了薑蔥的關係吧。油飯也恰到好處，不會太油膩! 2) 沙拉排骨飯 (一定要炒底!!)沙拉醬較甜，少許酸。這個味道和炒飯的鑊氣混合一起，把整個搭配提高至另一個層次! SUPER NICE!!!3) 梅菜扣肉飯這個比較不合我口味。說不上難吃飯我有吃過更好吃的。如果不想在家煮飯，和家人一起到這裡用餐是一個很好的選擇! PS：我住在西九龍區，但有時真的會因爲想吃1&2而跑進馬鞍山

星期日同屋企人出街食飯最頭痛，度度都等位等到傻突發想起福安商場收埋間餐廳，位有點偏但又要好多人幫襯，咁拉大隊6個大人同一個bb去食去到好快有大枱叫菜等左2，3個字就有啦今日叫左一隻霸王雞，好好好大碟，打包半隻，有薑䓤絲係面，沙薑醬，好味梅菜扣肉，送飯好正，連食剩梅菜都打包清湯蘿白牛腩，我超愛食牛，佢煮得好林，推薦檸檬蒸烏頭，成碟清晒叫多左魚頭豆腐湯同通菜佢會送白飯同例湯一家開飯最好員工老闆娘娘都好友善，我家倆個老人家唔方便坐圓櫈，佢哋都好友善轉有背靠啲櫈老闆仲教我哋打包梅菜，返屋企蒸豬肉，仲好好味一場屋企飯，食得開心唔洗等，都係4百幾蚊，抵食!

媽咪唔煮飯, 我地次次都會黎呢度食, 貪佢d小菜有獲氣又抵食, 份量又多, 最岩無飯開既朋友黎呢度開餐我地叫左霸王雞 -- 必叫, 雞又滑又大隻, 就算一家6口以上叫半隻都已經足夠,雞上面放左好多蔥絲, 點埋個沙薑汁餸飯一流ar !!!!!!!!!!!京都骨 -- 酸甜適中, 豬扒唔會鞋口, 算係相當唔錯豆腐斑腩煲 -- 豆腐入哂味, 唔會淡, 斑腩完全食唔到雪藏味, 掂呀...整體好惹味, 我連嗰少少中芹同蔥都食埋 豆腐咸魚雞粒煲 -- 好濃咸魚味, 而且咸魚唔腥, 豆腐又淋又滑..大家都食唔停口金銀蛋白菜仔-- 呢個較普通, 但味道都唔差其實食過馬鞍山好多間食小菜都唔及呢間好食, 就算去酒樓都無佢咁有獲氣, 真係一間相當難得既飯堂, 而且每一道小菜都跟一碗飯同例湯, 確係經濟又實惠

肥豬肉, 原不輕碰.地盤佬飯 "梅菜扣肉" 更是敬而遠之.不是太膩, 就是太乾,留下陰影.這裡卻敢作招牌菜,老闆常作推介, 真的不少人點耶.就買來例牌作晚餐.果然不錯,肉質少見的好嚼,甜而不膩,梅菜亦佳. 惠州來貨?舀一匙投進飯裡, 伴著吃, 油香美味.暫忘膽固醇,偶然放縱, 快感矜貴.

近日家中得我一個, 一個人當然懶得去廚房弄食物. 下班回家, 於馬鞍山轉車. 就探索多一間隱蔽的茶餐廳. 位置係一個舊商場既二樓. 名字金多寶.看了一看食物種類多多的menu. 眼見最明顯, 字粒大大的, 除了鹽香雞, 就是梅菜扣肉. 本人抱住, 既然而家仲身壯力健...健康警號亦只是剛剛響起. 食多一次, 應該冇死既. 就放肆地, 食D我唔應該食既野. 就order左, 梅菜扣肉飯一碟. 膽固醇萬歲多一餐.來到我檯面的梅菜扣肉飯, 賣相正宗. 香味四溢的梅香扣肉實在是吸引. 味道, 濃香的梅菜香氣, 重手的五香粉, 夠香. 做扣肉, 最重要豬肉夠肥, 但不要太肥. 這兒的肉是肥, 但肥度可以叫做剛剛好, 咬落, 肉雖肥, 但絲毫沒有肥膩的感覺. 扣肉好腍, 淡淡梅香, 肉汁. 小店攞得出黎做招牌貨, 果然有料到.見到鄰檯叫了一碟小茶size既扣肉, 完整的一份梅香扣肉, 連埋肉汁. 感覺是更美味. 盲衝衝的試食馬鞍山, 這是少數能令我俾笑面的local店.

本人食過幾次食物質素一般但係叫外賣既時間就次次都搵藉口唔送外賣張紙又唔寫明邊度唔送,d野食又唔係抵仲要咁多聲氣本人住錦英的第1次打去..佢就搵藉口話要叫兩個以上先會送第2次打去就話送唔到,有人冇返即係咁..你唔想部咪直接同我講唔送到錦英囉洗唔洗搵咁多藉口呀講真...富輝上錦英都係一條斜路姐,來回都唔洗10分鐘你咁都要搵藉口拒絕既..

呢個舖位以往都係開下摺下, 都冇留意有咩好食; 自從開左呢間金多寶, 屋企人食過覺得唔錯叫我試試, 之後食左幾次都幾有水準; 留意佢地既特點係好家庭feel, 有d菜好似蕃茄紅衫、西蘭花炒乜乜物物真係好common, 但水準很是不錯我幾鍾意佢個涼瓜炆鎗魚, 條魚炸過, 再炆都仲好脆口, 佢用泰國涼瓜, 不太苦, 很可口!!另外梅菜扣肉都好好食丫, 不太肥膩的, 超送飯!反而羊腩煲就幾一般.... 另外好多小菜都幾好水準, 值得mos街坊一試~

過去一兩個月幫襯過約十次，曾吃過以下款式堂食1. 霸王雞 - 午餐時段試過碟頭飯，雞味道唔錯，上碟時雞汁滲入白飯內，加上大量蔥、薑絲，點少少沙薑更好吃，不過價錢幾貴，要三十幾蚊一碟。2. 梅菜扣肉 - 都係試過碟頭飯，扣肉入味但較乾身，唔算太肥。3. 榨菜肉絲湯米 - 配料夠多，除了米粉、榨菜肉絲外，仲有韮王同埋大量芽菜，呢款湯米試過幾次，湯底淡唔夠味，加豆瓣醬效果更好。4. 沙拉骨飯 - 沙律醬酸酸地幾開胃，肉排炸得香脆唔多骨5. 冬菇蒸雞飯 - 俾個名呃倒，其實係冬菇炆雞至真，雞件多骨冇乜肉，但係個汁做得唔錯，餸飯一流。6. 蒜蓉汁雞扒飯 - 冇乜特別，一般快餐午餐時段平均消費約$25-30外賣小菜1. 西蘭花炒斑腩 - 味道偏鹹2. 蝦仁炒蛋 - 過晒火，蝦唔爽加上蛋炒得太老，最差係呢樣。3. 霸王雞(例牌) - 味道雖好，但雞太細隻冇肉，好多都係骨。晚餐時段平均消費約$50-70