金坊泰國美食

营业中

休息中

午市特價湯河$30選了 泰式豬手湯河配凍檸蜜不用加錢泰式豬手湯河: 厚厚切的豬手, 驟眼看起來像燒鵝. 不過切起來不是長方體的, 是有點三角錐體的, 豬皮那邊是三角錐體的底, 肉那邊是三角錐體的尖端. 吃起來的感覺絕對比一般從超級市場買回來的豬手薄片好, 因為可以大啖大啖的咬. 豬手的味道雖不是很濃, 但很鬆化. 湯也不算濃, 像是有幾種泰國醬料製成的.凍檸蜜很大杯, 解渴至上.

二個人十點幾唔想食太飽, 諗住去路德圍食米線, 經過見到有幾次已經想試嘅呢間泰國餐廳, 即刻改變主意. 因為唔太肚餓, 就聽老闆意見:招牌地道鴨肉湯米- 湯底用豬骨同雞餚, 所以未食已經食指大動加埋佢嘅米粉唔同香港一般比較粗稽, 嘩 ! 正炭燒豬頸肉 - 外面燒到小小脆, 但係肉汁無因此而乾, 可見廚師嘅技巧. ichiban !!! 椰汁芒果糕, - 呢個甜品係送既, 但粉紅色個隻唔記得叫咩名, 不過老闆無因為送既而隨便做, 我覺得二種糕點都ok.下次一定要再去試其他食品.

2 April, 2009平時想黎食,但次次都係爆哂人...今日放工又夜了,來碰碰運氣.我們7個人,都等左一陣先有位,因為佢地要執枱駁枱比我地.呢到係一間好細既舖頭,一到夜晚就坐到出哂街,今次我們都是坐到最出吧.生蝦 x2, 冬陰功,薄餅 x2, 炒飯,炒河,菜,蒜蓉包x2,青咖哩,串燒...最後還送甜品...每人都叫了野飲,我的椰汁沙冰好正呢~每樣野既食物都唔差,平時不吃辣的我也試了那個冬陰功...飲到味好辣呢..><不過他們說唔辣喎.....喜歡食炒飯,多料...那個薄餅不夠多呢,不過夠熱,加埋青咖哩夠正了~那堆串燒也很惹味~他們說,我們也不用走到九龍城食泰仔野了... 近期都喜歡了泰國野...

經常經過呢間舖, 但從未去食, 因為實太迫太多人啦. 今次經過見到近門口位置有張二人吉枱, 即時入座.生蝦剌身: 唔夠爽身, 但算鮮甜炒菜: 炒得好香, 夠味.燒豬頸肉: 皮面微焦, 但肉仲有肉汁, good.冬蔭公湯河: 酸辣做得唔夠平衡, 竟然用秀真菇而唔係草菇, 好似怪怪地咁....加多一支啤酒. 埋單二百幾, 唔算貴, 但計埋個環境真係唔多掂, 雖然已經係坐單邊位, 但個位真係窄得緊要.

為0左慶祝我0地週年日..同男友0黎呢度食...第一次0黎...8點幾仲好多人..要等位...等了15min左右..不算太耐^^我0地好好彩...坐到入店內...地方細細...店內播緊泰國mtv!~~但音樂好細..因為店內已經好嘈...再大聲就會煩...叫0左冬陰公金邊粉,燒鰂魚,馬拉盞豬頸肉炒通菜同海南雞飯....海南雞飯d雞好滑,點雞個汁好味..酸酸辣辣...冬陰公金邊粉..唔係好辣...普通馬拉盞豬頸肉炒通菜..好惹味...豬頸肉好多...好好食...(本身諗住叫燒豬頸肉..但見呢個有菜多3元...我d friend之前食過話呢度炒菜好味,咁最後就叫0左呢個)燒鰂魚...皮脆肉滑...男友讚...最後有甜品送...椰青糕好好味...好清甜...男友鐘意椰汁芒果糕多d...$191埋單..冇加1..但有茶$

很喜歡 Bangkok 的水門雞飯. 味道好.經濟又健康. 昨日黎 TW 試了這間人龍泰國菜. 佢地個泰式雞飯十足水門雞飯. 蝦醬炒通菜 , 一般. 冇乜蝦醬味. 倖好菜葉倘算幼嫩. 串燒豬牛雞各2, 明明係小食 . 不過最後先上. ( 由落單起計足等 40 mins ) 當中以雞表現較理想. 豬串太瘦不甘香.牛肉燒得太乾. 個 sauce 好味.我地清晒.環境一般. 不過服務有禮. 我會晚市去多次 試下蠔仔蛋/ 燒魚/ Pad Thai / 冬湯 , 再續下文.

成日拍拖都係食日本野，今日和男朋友去食下泰國野~~從open rice 中選了荃灣區泰國野第2位好食的一間，點知~~~都唔係超級勁好食，一般啦!!!不過下次如果再去，想試下的涷食~~值得一提是，佢係我地話埋單時主動話送甜品，咁多重野食，我最滿意個甜品law

回味烤魚滋味, 於是再黎試過, 我們坐在近入口的二人枱, 門口廚房一目了然, 今次叫了燒烏頭, $65, 夠熱但黃油唔夠多, 魚肉無鰂魚咁嫩滑, 有點失望! 另叫了濕炒豬肉金邊粉, $40, 豬肉片硬, 獻汁略多且跟金邊粉隔隔不入, 最後多送了一碟四件泰式糕點, 椰汁糕不煙韌, 另一件是一咬即散既...什麼, 我分唔到??下次會唔會再黎....答案是 "會"! 為的是烤鰂魚!

兩公婆各自去運動, 約埋係呢度食晚飯, 晚晚都係"好好"都真係有點膩 (老公應該沒有此感覺), 假日經過呢間鋪人山人海, 係呢度數一數二既旺鋪, 唯有襯平日坐得輕鬆舒服一點!餐牌菜式密密麻麻, 依稀記得燒魚是出色之作, 於是叫了鹽燒鰂魚, $65, 海南雞飯, $39 及泰式粉絲什菜煲, $45, 海南雞飯先上...雞肉嫩, 無骨, 有輕微雞味, 但飯就幾油, 冬瓜湯亦如是, 我地都以為什菜煲有湯底, 原來是乾炒什菜, 味濃, 唔辣, 啲啲油膩, 最後來了燒魚...嘩...好大條呀...起碼有成斤重, 起了魚皮, 又唔鹹, 又好 Juicy, 肉質嫩滑, 仲有魚油, 我食咗大半條...下次要再 Encore, encore 再 encore!P.S. 上次去 Angelini 叫了條烤魚, 又乾, 又細條, 收成 $5xx! , 燒魚係我首推介之選!

最近開始發現, 街坊價的泰菜有點似7-11, 舊區幾乎梗有間係左近, 而且風味絲毫不遜於群英雲集的九龍城. 是晚與友二人在荃新天地購物畢, 本來想就地坐低祭祭五臟廟, 上海婆婆排長龍, 和樂意粉屋友二人懷負面印象, MOS吃得太多, 翠園桃園太貴, 其餘的實在無法令人拿出勇氣來. 於是提起萬亞對面的笑臉泰菜, 彼此皆認同網友可靠, 隨即動身趕至. 九時近半已是消夜時段, 小店門外六桌居然全滿, 12度的北風呼呼地吹, 幾乎每桌皆有明爐煮魚. 正擔心咱要圍爐取暖之際, 小哥大手一招, 三位請進, 一顆心方得安落. 小店裝修簡便, 貼牆的除了出品圖片和招牌菜名價錢外, 還有泰文菜名, 認真照顧鄉里. LCD大電視更是泰文歌舞卡拉OK. 雖然聽不懂, 但輕歌妙韻總比什麼"豬肝補氣"來得好, 否則菜再好我也會倒胃. 餐牌從簡, 直截了當來個密鋪平面. 細密的菜名完完全全覆蓋著餐牌上每一吋空間. 原來小店採用號碼入單, 故每一道菜都必須有編碼, 看倌不嫌其煩, 燒豬頸肉就得找出來, 否則落單呀姐亦愛莫能助. 思前想後, 集思廣益, 每人兩道, 吃個不亦樂乎.蝦醬炒通菜魷魚先上. 原來只想要炒通菜

我時常都去呢間泰國菜館食。價錢講唔上係好平，但尚可接受，一碟炒菜要三十幾蚊。座位好狹窄，但係我好鍾意佢口既冬陰公同埋拼盤小食，所以座位窄都ｏｋ。荃灣係呢間最好食。荃灣廣場口既「金不換」口既冬陰公都好味，但環境好，所以貴好多。以我所知荃灣仲有另外兩間泰國菜館，其中一間叫「泰皇」，食物味道同價錢同呢間金坊差不多，但冬陰公仍然係金坊最好味推介：冬陰公，有分大中細。細：$48，中：$65，大：（忘記）　　　沙爹串燒（豬／牛／雞）（半打）：$45 咖哩煲（豬／牛／雞）：約 $50 - $60

之前H 跟 K 講了很多次要一齊去唱K,今日原本打算去長洲一天遊,但因H生了唇瘡,最終H&K改變了行程,決定下午去荃灣唱歌,然後晚上再來此食飯今次食了豬肉生菜包 => 生菜仍然好新鮮,都幾好味,但太多肥豬肉了鐵板蠔仔炒蛋 =>仍然好味,H必點菜豬頸肉湯河 => 豬頸肉幾好味,河粉比正常的粗太多,但都幾滑,可惜湯太濃,味精落重手了食物水準維持到,故繼續支持呀 !埋單: $133 ==> 抵食呀 !P.S. 此餐廳有一個奇怪的收費,就是水要收費每位$2,但由於這裡不用收加一服務費,故收水錢也可以接受啦 !

好多時都想食酸辣嘢~始終香港真係太濕熱了~雖然天氣凍左d~但食辣嘢又有另一番感覺~而呢間~~佢開左over 半年吧~冬天夏天都好多人坐到出門口~一路都想食~次次都冇位~今次6點幾去到~有位啦!!!先叫個冬蔭公先~2個女仔~叫左細的...早知叫中size啦~~因為細的係用湯碗上~中的係有冬蔭公個鍋的.....我地唔太食得辣~叫左少辣~酸得幾好wo~~~~再叫個咖喱~~咖喱一定要配蒜蓉包啦蒜蓉包燶左少少~但咖喱很ok~我地叫的係黃咖哩羊~不過我自己鍾意炒咖喱多d~~因為有蛋花~又甜d~冇咁辣~又好味d~再叫多個炒金邊粉~我去邊一間泰國嘢都要食金邊粉的~不過可能我地之前食d嘢太濃味啦........金邊粉變得好淡........2個人~真係唔多食得晒...不過好似仲有好多嘢都好味咁~可以再試~

其實荃灣區的泰國菜館唔多, 金坊係其中一間, 於是搵日放工走去試下, 原來佢地係中國人做老闆, 侍應同廚師係泰國人, 即係泰國唔晒的泰國菜館, 唔同九龍城個d, 由上之下, 內而外都係泰國人我地叫左四款野食同一杯青檸梳打($16)試下, 首先係燒豬頸肉($42), 唔係熱到辣口個隻, 而且無咩炭燒味, 應該都係電爐燒, 豬頸肉比較林, 邊位燒得少少脆(其實我覺得可以再脆d), 但配上正宗泰式酸辣汁, 整體味尚算唔錯我要左個佢地話正宗的泰式海南雞飯($38), 有8-9舊雞, d雞當然無咩鮮味, 但都算嫩滑, 點佢地的自製醬汁食都幾好味, 飯亦有淡淡的香茅同雞油味, 但係就偏向油膩些少老婆則點了冬蔭公金邊粉($35), 都幾足料, 有5,6隻蝦, 因為本人唔食得太辣, 所以只係試左幾啖, 飲落去發覺都幾辣, 帶有香茅同番茄味, 但係唔夠酸, 而且無落椰汁, 少了一份椰子的香味, 不過只可能係每位廚師唔同家鄉的做法最後叫左兩隻燒雞全翼($22), 呢個即叫即燒, 一定要試, 我地等左成15分鐘, 佢地燒得好好味, 雞翼用醃料醃過再燒, 熱辣辣皮脆肉嫩, 但係又唔燶喎, 唔需要點沙嗲醬已經

郊遊後的我，食慾不太好 (可能因為俾狗嚇親)，於是就順從朋友之意，來這家新開的泰菜。兩位女生，叫了：生蝦：很新鮮，點的醬料也很對辦。青芒果沙律：太公很愛吃酸的，這沙律酸酸甜甜的，完全是對了我的口味。不過友人就嫌太酸了。馬拉盞通菜：夠鑊氣，馬拉盞味夠濃，通菜選用泰國入口的小通菜，較中國通菜鮮嫩，很好。這店是給了我驚喜了；雖然這水準在九龍城來說，只屬「可以o係度生存到」的合格水準，但對荃灣區來說，算很好。本區曾經出現過很多泰國菜店，都做不出泰菜基本的水準，出來的東西很多都不對辦。金坊的出現，標誌著荃灣區居民日後想吃又好又便宜的泰國菜，不用再老遠跑到九龍城了！