金坊泰國美食

营业中

休息中

海南雞飯係荃灣區最好食，滑、香。南瓜海洋焗飯好好食，真係。串燒比其他秦國飯店細串。冬陰公入面d料都係少，大冬陰只不過係比小冬陰多左d水，d料都係少。總之份量方面係少左d，不過好好食地方真係好細

上次食過翻尋味, 故H & K 專程再到這裡食飯第一次食咗炸蝦餅 => 一般豬頸肉生菜包 => 生菜好新鮮,幾好味,但偏辣鐵板蠔仔炒蛋 => 超鑽,勁推介第二次食咗牛肉生菜包 => 生菜無上次的新鮮,但味道尚可鐵板蠔仔炒蛋 => 跟上次一樣的好味埋單不用$100 ==> 抵食

咁岩去開荃灣附近~諗住荃灣多野食~就起荃灣搵野食啦~因為男朋友鍾意食泰國菜~又咁岩見到呢間金坊就諗住去試下啦..不過一入去就已經覺得佢SERVICE真係唔多掂..同個STAFF講2個人好似唔想理我地咁.. -.-之後想叫野食..又係咁同我地講話「等陣啦」咁..等左成十分鐘先有得叫野食..我地叫左個椰青, 豬頸肉,蝦醬炒通菜同甜酸倉魚椰青 $20, 唔甜. (不過唔關事既,好睇好唔好彩)豬頸肉. 幾香~幾好食~ 不過個醬都幾辣下..蝦醬炒通菜.. 味道OK啦.不錯甜酸倉魚..就真係好唔掂..個汁好怪.. >_<連超鍾意食菠蘿既都覺得D菠蘿陣味好怪..仲好硬忝..唔可以話貴既,, 但一D都唔抵食囉..埋完單找錢.. 放一放低就想拎走-.-好似想博我地睇唔到比廿幾蚊貼士佢咁 -3-"

不是看openrice都不會留意這間小店，是日放工後就來了一試。店子不大，但坐滿了人；我們都等了一會才有位，而且坐得很擠逼呢。馬拉盞芥蘭︰馬拉盞極多，但可惜是芥蘭不夠嫩，以致整體不是十分出色，但味道都算不錯。咖哩蜆︰咖哩汁超濃郁，當中拌以蛋一起炒，辣味沒有了，反而甜甜的，幾特別。蜆不算多，但size不是太細，伴以咖哩汁，味道一流。冬蔭功湯河︰冬蔭功湯既有辣味又有椰汁香味，十分惹味。最討好的是粗粗的河粉十分對我口味，真的一碗滿足我兩個願望﹗最後有店家送上的糕點，雖然不是太喜歡吃，不過覺得是一個很貼心的對待。侍應又會主動詢問菜式是否對口味，而不停道謝，確是一溫情小店。

今日因為太肚餓，同朋友六點已食晚飯，今日揀左食泰國菜。店子不大，兩人坐下在冇頭緒吓見到隔離檯食海南雞飯，見賣相頗佳，所以亦order左一碟，另外order左咖喱海鮮炒河同埋香茅拼盆。咖喱海鮮炒河：完全冇咖喱味，唔辣，連咖喱顏色都冇，我懷疑佢炒錯，海鮮料都ok，有青口，魷魚同蝦，但d河粉就唔係一條條嘅，係一塊塊，好似酒樓啲陳村粉咁，味道算係ok啦。海南雞飯：原全得個樣，賣相靚，味道差，飯粒水份過多，太林，雞件都冇味，頗差。香茅拼盆：原來只得豬扒拼雞翼，其實吹到咁大，得果兩樣野，真把鬼，雖然有香茅嘅清香味，但就淡茂茂，都係一個失敗之作。埋單約$165試過算數喇！下次搵間好食啲嘅

懶理大比剛才吃了韭菜餅與否~因為對佢ge作戰力根本完全沒有影響~人在荃灣~素素繼續我行我素~又挑了泰國菜來吃話雖如此~要在荃灣找間泰菜館已經不易~要好吃的當然更罕見還記得這店當天開幕的時候我還是在鄰舖吃著刀削麵~也許是一兩年前的事了見有椰菜苗~當然不會放過~也用上馬拉盞來炒~吃過那麼多馬拉盞炒菜~~這店最慷慨~多得想撥開一點點才吃~當然味都很夠~也不太油~~極愛之因為小比的胃納向來都只預留給木瓜沙律~所以大比都自生自滅不想又吃炒飯炒金邊粉~何不來個海南雞~也是一慷慨之作~飯底已經又厚又大~在面的雞有如元朗式壽司的~件頭大大~肉多多~~雞皮卻拖得長一長的附上的醬汁其實也沒有多用~因為雞已很夠油香與雞味反觀附這的湯來得過油也過了點點師傅級數~所以也是沒有多喝等了多時~木瓜沙律終於來了~~也習慣的了在點菜時已要求了大大大辣~但是她們應該聽不到的~因為當然都無覆我~果然也是不辣的一個作品~~算了吧~不辣有不辣的好~大比也可分一杯羹配料不多~木瓜絲是刨出來但盅不夠~所以雖然多汁但卻沒有多入味大比點了杯水蜜桃沙冰~喝了之後竟然露出驚為天人般的眼神~不愛水蜜桃的小比也被誘了喝一口~但始終也過不了自已

前晚食飽泰國菜,今日又食,因為我真係好鐘意食泰菜去到荃灣,發現lee間好多人,坐唒出門口,於是就試試先~~~西瓜汁 好清甜豬手飯 ok,未算最好炒通菜 好正,就唒鑊氣雞亦 一食就知係泰式雞亦,正串燒 肉質好滑,沙爹汁夠濃,正生菜包 好好味,d肉夠酸夠辣,生菜塊塊都好新鲜冬陰公 酸辣度剛剛好,d蝦夠新鲜,好好味,好啱我口味送甜品 呀老公就好欣賞,我就ok啦全部都係水準以上,值得一讚不過...................第二朝訓醒之後,我地兩個都肚痾

開張沒多久已經來試過，當時已經對它的海南雞一試難忘！後來每次經過見人客愈來愈多，就知道金坊已經成為區內很受歡迎的泰國食店。來這裡一定要試試海南雞，金黃肥美的雞肉，啖啖都嫩滑又香味十足十！碎肉生菜包的碎肉炒得很香口，包著新鮮生菜入口，清爽得來又甘香。今次倒是第一次試它的咖喱牛腩竟是意料之外的好吃，特別是牛腩炆得很稔口。反而是鮮蝦炒金邊粉不大對我的胃口，其餘的菜式都是推介之選。

星期六中午自己一個諗住黎呢度食個午餐/下午茶..點知坐低左先知原來星期六．日係冇餐提供．得平日先會有..所以最後自己叫左一個泰式海鮮沙津試下..泰式海鮮沙津($42)：個沙津有洋蔥．青口．魷魚等等..食落真係好辣．不過辣得黎而又幾正..愈辣愈想食．食得辣既人可以試下．都唔錯!為獨是貴左d..呢度大部分既食物都唔平..

(10/4/08)雖然坐得逼逼,見佢都full house,應該唔錯。店員多是泰國人,所以味道感覺都幾正宗。老公一坐下已被冬蔭公湯照片吸引著,來一客大蜆冬蔭公湯。好正呀!!!本身唔係咁鍾意冬蔭公朕香料,椰子味,但呢個唔係咁勁味,反而覺得蕃茄味重,佔60%左右啦,好creamy,又唔係太辣,大蜆有成五六隻,隻隻又大又鮮,好好味!泰式海鮮沙津,辣到飛起,所謂海鮮,大部份是魷魚,而汁酸酸辣辣,幾醒胃,可惜真係太辣喇。南瓜焗牛肉飯,以煲仔上,好熱騰騰,南瓜好少,不過好甜,因為之前兩味的辣加上而家既熱,都食唔真佢係葡汁定咖哩汁喇,飯炒過底,油左d,總之都好味啦!p.s.渴望的原個南瓜布甸和千層糕,原來唔係成日整架!可惜。

上次來是吃滷水豬髀，炆得太散，感覺一般。再來，想不到特別想吃的，沒有燒魷魚，就來條燒側魚及鴨肉湯河，不理諗都唔諗要了海南雞，試勻兩味招牌菜。吃不得辣，可以選擇的泰國料理其實不多，不是滷水就是湯河，燒物是另類之選，這味泰式燒側魚釀入了唔少香茅，灑上大量粗鹽原條連鱗燒，吃泰式燒魚也預了帶腥，但香茅檸檬葉卻沒有發揮應有的作用，感覺仍是很腥，而電爐火力麻麻，撒在面的鹽自然發揮不出作用，吃不出應有的「燒」味，看來吃泰燒非到九龍城不可，Thai BBQ2是首選。招牌鴨肉湯河，用的是冰鮮鴨，滷過，比起「泰國人」的包裝雪鴨已見誠意，配的是闊身河粉，湯底充滿著複雜的香料、肉湯味，味精不少，濃俗得難以下口，非自己口味。不理的海南雞飯金黃得很，連雞亦很金黃，皮厚充滿著油脂，肉質亦嫩滑，雖是冰鮮但無腥味已很不錯，雞汁飯味道夠，亦煮得乾爽，半飽下也忍不住要拿起羹爭食。又看看隔離檯滲著油的小菜、過燶的炸物，嗅著店內亦沒多少醬油氣息，做法擺脫不了荃灣區的街坊格局，在無同類型竟爭下，每晚其門如市亦不出奇。

天寒地凍，同女友夜晚行經荃灣荃興徑附近，想搵野食。見到呢間泰國菜館，原來係九龍灣的過江龍，o黎荃灣開店，睇餐牌見野食ok，於是試下。海南雞飯碟頭飯，雞的味道一般，飯有雞味但似加左顏色，好黃。醬料只有酸辣醬，冇甜豉油同葱蓉，但係都幾好食。我始終鍾愛好時沙嗲o既海南雞飯，但呢間都唔錯﹗紅咖哩雞煲(另加法式蒜蓉包)由於本人對辣野有小小敏感，故此點左唔係好辣的紅咖哩。紅咖哩好香，雞件幾滑，為左食埋d 汁，故此又點了一客法式蒜蓉包。整體味道唔錯。肉碎生菜包味道好濃，似係有好重味精，用生菜餸黎食都中和唔到。如果可以輕手d，呢味送會好好多。雜錦串燒(雞+牛+豬)點左半打，好大份，肉質口感唔錯。好香﹗整體評語算得上大份夾抵食，個海南雞飯一客已經夠一個人食，眼見隔離點左個泰式拼盤，多野食到不得了﹗其實仲有好多野想食，包括燒烏魚、泰式拼盤、咖哩海鮮煲等，令我想再返去食多次，不過份量就會叫少d。它的唯一問題係地方太少，地方淺窄，人多時真係要等好耐先有位。當你凍冰冰，望住入面d人連汁都撈埋，就更覺肚餓。

nice food with with reasonable price, but a bit squeeze. Worth a try!