金坊泰國美食

营业中

休息中

出開荃灣, 經過好多食野的地方, 見到有泰國菜食就入去食啦呢間泰菜館都幫襯過好幾次, 一向都係唔錯的今日我見喉嚨有d唔舒服唔食辣, 就食海南雞飯食落又真係幾唔錯, 起碼我食到有雞味, 又唔會黐牙飯就都幾夠味下, 再香少少就好啦, 不過d飯有d硬要扣少少分好多香港食到的海南雞飯大多都係唔好食, 其中難食的都有唔少. 主要問題多數出現飯身上, d飯煮得太爛, 冇味, 得個油字... 呢間就冇呢d問題, 都真係算幾唔錯.送來的甜品又真係幾ok, 椰汁芒果糕, 椰青糕都幾好食, 特別係椰青糕清得來又有椰青的甘甜

今夜我地一共4個人,叫咗六樣野,馬拉盞炒海鮮粉絲,好夠味,好似食緊粉粉蟹煲咁夠味生蝦新鮮爽甜冬陰功,十分夠味明爐烏頭,條魚新鮮好味道蠔仔煎蛋,蠔仔大大粒又勁多其實味道唔差,不過成碟都係得幾隻有肉(下次唔叫)另外叫咗兩杯青檸梳打,一杯青檸冰&一個椰青,三樣都好好飲....埋單$456....P.S.我地仲食過呢度嘅海南雞,好滑好好食!!!

好普通...........所叫食品1) 炸蝦餅 : 只可以講係不過不失. $442) 泰式炒雜菜 : 都少少spicy, 又唔太油. $383) 黃咖喱雞 : 都係不過不失 $584) 薄餅 : 好似圓的薄餐似的. 超唔滿意. 係葵芳某間泰國野食過的薄餅, 都唔同. 人地果D 係打到D面粉好鬆, 完全係低次薄餅. $222人吃, 加多4蚊茶錢.......我們間唔中都有食泰國野, 不過呢間係中等價錢, 所以食品都係好普通. 無咩驚喜.

琴日收左工落荃灣，本身諗住去食意粉.....之後行開南豐果頭，經過呢間泰國菜，好似唔錯...所以走左去試下喇。點知......唉.....一肚氣!!!果時繁忙時間，d店員都安排我地兩個人坐四人卡位，諗住佢都諗得幾周到，俾d客坐得舒服d.....坐低之後，我發現d碗洗得唔乾淨仲好油，所以叫店員幫我地換過。我地點左馬拉盞炒通菜、檸檬蒸烏頭、炸蝦餅同白飯。首先上既係通菜，正常黎講，岩岩炒起既菜應該好熱先岩家，但d菜食落口....唔單止唔熱，係連暖都稱唔上，我地個店員講，叫佢幫我地將碟店菜攞去加熱，佢地攞埋一二邊係度研究，我心諗....佢地唔係諗住攞去微波爐叮丫嘛.碟菜再次上碟，係比之前暖左，但依然唔係熱....而且碟菜係無晒汁，有d菜有味有d菜無味.....檸檬蒸烏頭都係同樣情況，食落口都係只暖暖地，我地同店員講....佢地既答覆係泰式蒸係咁家....此事此刻，有個男人好唔妥我地兩個咁，行過黎放低野大大力，d眼神兇神惡煞....講句公道話，我地唔係諸多挑剔既人，只係實事求事，唔通咁都有錯?!我地只係要求兩樣餸加熱d, 就俾人咁樣對待，呢d係應有既服務態度??本身諗住食埋甜品家，宜家食左都背脊

荃灣唔多泰國嘢...依間first time, 我話都一定有second time..1)price reasonable2)food ok 我同女朋都覺得,咁嘅價錢..really ok ar埋單百伍都唔使......唯出棻慢一點,要有耐性(可能嗰晚係星期五)另外,我發現有幾個年輕D嘅男女,特別落力..(好有heart 咁樣),我估間野係佢地..

不知哪天開始粉仔莫明的喜歡上冬蔭公湯久不久便會發作 很想去喝一喝第一次經過這間泰國店時 它還只是佔了一個細舖位一直找不到時間去試 終於有機會去試了 已經發覺它把旁邊的大舖吃掉了這應該是好吃的證明吧? 粉仔跟友人便立刻去試~ 粉仔的必吃---冬蔭公 味道很不錯酸辣味 對粉仔來說剛剛好 因為粉仔吃得不算辣 這個很合粉仔而且裡面有蝦、青口等海鮮 都滿新鮮的~~(粉仔推介指數:emotionemotionemotionemotion)柚子沙律--- 柚子+青木瓜絲(還是青芒果 哈哈~不太吃得出來) 酸酸辣辣的 但粉仔跟友人們都覺有點太辣了 所以吃了兩口 大家都要立即喝水~~ (粉仔推介指數:emotionemotionemotion)鐵板蠔仔炒蛋 (算泰國菜嗎?@.@) 很大份 而且一來的時候 冒出大量的煙 蠔的量很多 底下還有很多芽菜 新鮮熱辣 除了蛋有點老之外 算是很不錯 (粉仔推介指數:emotionemotionemotion)豬頸肉 粉仔一向有點怕吃豬頸肉 因為感覺很肥 不過這個還可以不會太肥 可是不知是不是因為上枱後放了一陣子才吃 沒甚麼溫度 吃下去感覺沒甚麼特別 (粉仔推介

呢間餐廳, 我同同學仔間中都會光顧, 前兩日去到, 佢地係隔離曠充左, 比之前個間足足大左三倍, 平時晚上八點幾來, 間唔中都要等下位, 現在雖然大左, 門外都有人等下位, 因為想試下sofa位, 今次唔坐舊鋪啦…… 坐大枱其實好快有位, 等左一陣, d客人都唔等sofa 啦, 但有一對客人見隔離sofa位清潔緊, 就坐左落去, 唔係呀, 我地等左好耐, 佢一入去就坐左, 我地同店員講, 佢話個客坐左落去唔起身, 叫我地等下好快有位, 我地都好唔開心, 不嬲等卡位都要另外安排, 佢地的服務太差, 點可以d客點就點, 對係出面等的客人好唔公平, 如果係咁, 不如唔好攞飛, 自己入去等位 同學仔每次都會叫的海南雞飯, 今次當然有叫啦, 雞肉滑, 醬汁又好味 今次冇叫生蝦(佢地好有水準, 好新鮮), 叫左冬陰公明爐燒烏頭 ~ 條魚應該係急凍, 魚肉硬, 冬陰公唔辣又唔夠酸 燒豬頸肉 ~ 外脆內軟, 香噴噴, 正 至於甜品, 我最欣賞係椰青糕同芒果糯米飯 舊鋪雖然細細, 但有種溫馨的感覺, d店員同客人有傾有講, 新鋪唔知係未剛剛開, 好似人手不足/未熟手, 下次嚟唔知會唔會有

見到咁多食友都讚呢間餐廳，故今日同老公去試下~~叫左蒜蓉包、酸辣牛肉生菜包、泰式拼盆、鹹魚炒飯...泰式拼盆：麻麻地...蝦餅魚餅唔夠香口...春卷就真係唔係好得啦...好似中式茶樓咁既...=.=鹹魚炒飯：鹹魚好咸....飯炒得唔夠乾......不過味道整體算ok~~蒜蓉包：沒有蒜蓉味呢......酸辣牛肉生菜包：得個辣字....不過生菜好爽甜...芒果沙冰：好足料~好似飲緊新鮮芒果汁咁~~好味~服務是可以的...好有禮貌~因為坐得近冷氣.....個姐姐仲問我凍唔凍~好體貼~!!送既甜品都好食~~~不過...........一邊食周圍都有好多小強......好似同佢地同台食飯咁呀~!!!!好可惜.....唔記得影相~~~

行經一條有咁多野食的小街，最後選擇lunch食泰國菜。店子雖小，座位較迫，但一向以食物質數行先，所以也不太介意試一試。一入店內就有人歡迎招待，感覺像去了泰國一樣親切！食物上檯時，其賣相也相當吸引。不過因為我家的附近有太正宗的泰國菜，只要一嚐便能分高下。 海南雞飯：飯味不太香，但雞肉很滑，整體來說也可滋味地食完全碟，不過就缺少了泰國海南雞飯的風味，好像完全港式了。 濕炒雞肉河粉：河粉有鑊氣，軟硬適中，汁也不會太杰，但其他配料如雞肉及菜等就淡而無味。

9月2日（星期三）晚，是晚又和女友去荃灣，今次女友想吃泰國菜，所以就來了這裡。雖然要等一陣，但很快就可以入去，不過入到去才知道出事。因為來之前女友買了新枕頭，而我的背囊亦不小，但店子很小，兩邊放了兩張細小的二人檯，中間的通道就祇能容許一人行過。我拿著新和的枕頭和背囊，不要說坐下或轉身，就連行入些少也不行。幸好和藹可親的阿姐主動幫我keep住個新枕頭，我再將背囊卸下，我才能夠坐下。看見阿姐們手腳很快，想必這裡是主要sell食物，希望可以做多幾轉生意。事不疑遲，和女友商量過後，就點了海南雞飯、脆肉炒芽菜、泰式紅咖哩牛尾煲。海南雞飯很快就來到了，還附上一碗蘿蔔清湯，清湯味道真的很清淡，祇有淡淡的蘿蔔味；海南雞的份量也不少，雞肉很嫩滑，因為是用冰鮮雞而沒有雞味已經見慣不怪，反而飯就祇是有顏色的飯，一般而已；脆肉炒芽菜的脆肉類似炸乾了排骨肉，咬落不脆反而得硬，口感如豬油渣一樣，芽菜頗新鮮；泰式紅咖哩牛尾煲，牛尾是沒有牛味，肉質亦頗結實，紅咖哩不是很辣，加了香料的咖哩汁用來送飯，簡直一流！正當我們商量去哪裡吃甜品之際，阿姐已經奉上甜品，是椰汁和芒果大菜糕，口感爽滑，味道不錯！吃完甜品後我們都很飽，

今日臨急臨忙話出街食飯！老公話想食泰國野‥睇到食評話唔錯‥抱住試下無妨O既心態食！點知真係有驚喜‥可以諗住未必會好好食o既心態‥咁o既價錢‥都好值得食！四個人點左菠蘿沙冰 - 正！係用新鮮菠蘿製架‥飲到果肉的！唔係罐頭菠蘿！芒果沙冰 - 都唔錯！雖然好似杰杰地果汁‥不過唔係勁加糖水o既果汁！ 冬陰公蜆湯- 好濃‥唔會超辣‥D蜆真係好大隻架！小食拼盤 - 一般泰國餐廳o既拼盤‥不過D沙爹唔會好乾囉！鹽燒烏頭 - 正‥夠哂味‥魚好鮮味！唔會腥！生蝦- 正正正‥鮮味！唔點汁仲食到蝦味！濕炒海鮮乾麵‥一睇個名好怪‥都試下叫黎食‥就即係D麵脆卜卜‥上面有汁O既麵囉！飯後仲有甜品送‥抵讚！埋單三百幾蚊‥走時見到有人食緊燒蝦‥老公未行到出門口時已經講下次一定要試下D燒蝦喇！幾緊要！

上網見佢食評ok，星期六晚就見朋友嚟試下，八點左右未行到去門口離遠已經見到有堆人等緊位，初時有啲爭紮好唔好轉地方食，但見成三十幾度熱屎辣辣，竟然都有成幾枱人坐出門口食，就知佢可能真係好正，非試不可，好彩咁啱入面有幾枱埋單，等咗唔係好耐就有位入去喇~ 4個人點咗：泰式生蝦(9隻)炸蝦餅蒜蓉包冬陰公(細)馬拉盞炒番薯苗蝦醬炒飯燒烏頭魚柚子沙律芒果火糯米飯甜品(免費)

7:00左右到, 2個人唔洗等~ 不過地方好細同好迫, 仲有好熱...一路食一路出汗...同男朋友2個人見左3樣餸, 都已經好飽...下次想食下咖哩牛尾~串燒 (牛+雞) - 牛好味, 雞麻麻, 冇咩味...果醬都ok香~蝦醬魷魚炒通菜 - 好好味~!!! 平時屋企唔會煮蝦醬, 所以覺得好好味~ 菜唔老, 一流~!濕炒牛河 - 好少河粉, 同埋炒到1pat pat...麻麻地, 下次唔會食囉~免費甜品 - 椰青糕好好味~!! 芒果糕反而麻麻...酸左d...有下次有下次~ 好抵食, 飽到上心口!!!

日期：2009-07-10 在"金坊泰國美食"買了"泰式紅咖哩牛"($52)和"印度薄餅"($22~2個)。以Paratha(印度煎酥餅)包著咖哩吃。在印度，印度薄餅有很多種類，較常見的有Naan(नान)、Roti(रोटी)、Chapati(चपाती)、Paratha(पराँठा)、Porotta(പൊറോട്ട)和Poori(पूरी)。1.泰式紅咖哩牛---紅咖哩汁十分稠身，咖哩香和椰香濃郁，入口帶甜，辣味緩緩滲出。雖然要求少辣，但仍覺很辣。牛肉份量算多，可惜太多筋，早知要雞肉吧!2.Paratha(印度煎酥餅)---酥餅外脆內軟，味道鹹香，油香十足。

去過幾次都見到有好多人排等所以無一次食得成,今晚唔同喇,雖然都有人等位,但好快就到我地兩位喇!好彩坐最入面d位咋,否則出面真係好鬼熱架~~~~不過d位都好迫架,食完就要走架喇!生蝦 - 好正呀海南雞飯 - 都可以既冬陰公湯 - 幾1吖燒烏頭 - 好大條烏頭呀總括來說都ok既,價錢都唔平唔貴囉,可以一試既,但就真係坐得唔舒服囉!