金坊泰國美食

营业中

休息中

首先註明,我係預早訂位的~當晚order左: 冬蔭公湯、咖哩蟹、蟶子王、炒時蔬、蒜茸包。最好食既係咖哩蟹! 夠大隻! 多肉! 咖哩味ok---但不太辣(我個人覺得ok,有人說可以再辣d就好)~ 之後係蟶子王----又係大隻多肉! 一d都唔老,不過如果上碟時再熱d就仲好!炒時蔬----一般(因為其他野d味道太強,佢冇得比),但係ok既。蒜茸包----唔錯,ok架。冬蔭公湯-----唔夠味,比較差係呢味。

這一間金坊，不知從何時開始好多人，仲記得第一次去食係隔離細鋪，12點幾到，唔知係咪因為早得濟，乜都無得食。後來2009年擴充左，經常見到門口有人排隊，就無再去了。今天再黎幫襯，原因係屋企收到傳單，全日免加一，也簡介了一下店子歷史和背景：食品由泰國廚師親自處理，食材也大部份是泰國運到，也因此再一次挑起我地條泰國癮。餐牌上選擇很多，但細心一看，小食價錢差不多等於一個飯，是飯太平？還是小食太貴？因為實在不值，所以我地兩公婆只叫了一飯一粉。海南雞飯連湯，海南雞飯依然有水準，雞滑而肥美，滑不溜口；但因為是泰式，醬汁只得一款，但絕對是點醬比較好味。黃薑飯如果可以再「夠薑」ｄ會更完美。海南雞湯裡有冬瓜，和大量蔥，我覺得無味精也夠味，很是不錯的。整體黎講海南雞飯絕對出色，比我吃過一些所謂名店還好。會點炒鮮蝦金邊粉完全是受相片吸引，難得是炒出來同相片真的很像，証明貨真價實。炒鮮蝦金邊粉很足料，蝦多也爽口，尤以豆乾我最喜愛，但炒的不夠酸甜味。始終這一味炒金邊粉，喜歡吃的人是因為那泰式獨有的酸甜味呢，下次應該不會再叫。全日免加一之餘，晚市還送甜品，是日甜品是馬豆糕。初時端上來還以為是粟米馬豆糕，原來中間黃色

以前未擴充前成日幫襯依間食店~食物整得真係唔錯架! 不過對上一次幫襯食物水準跌左!都好耐無再去lu~直到擴充後..依日老公話想比多次機會佢~所以去食囉! 點知..食物水準依然下跌~但價錢就上升而服務亦唔見得好!依晚要左個"冬蔭功大蜆湯"~湯底唔夠辣而且奶味重! "香辣海鮮炒乾河"~炒得無以前咁有鑊氣又唔夠香! "燒大鱔"~依個反而唔錯~鱔夠厚身而且肉質彈牙!不過今次幫襯完~應該未必會再去lu

荃灣不乏泰國餐館，但這間金坊的泰菜水準頗高，喜歡味濃的朋友一定要試試。由於此餐廳晚上常滿，我通常是假日下午4時去，坐得舒服點也可慢慢享受美食。推介食品:1. 辣椒膏炒蟹: 膏蟹名副其實很多膏，配合炒香的辣椒膏及配菜，非常惹味，雖然是辣椒膏，但不是太辣，一般人應該應付得來。膽固醇萬歲!!! 2. 大蝦冬陰公湯: 很多大蝦，湯亦足料故此味道十足。如吃中份量的湯可連爐上，保持湯熱辣辣，又熱又辣一定可以刺激味覺。3.蝦餅: 一碟有四件，新鮮即炸﹑蝦肉彈牙，香脆而又不過火，必選。4.香葉肉碎炒飯: 由於火氣夠，炒出來的肉碎飯很香很好味，每粒飯都均衡地被炒過，愛辣之士勿錯過，因為此飯辣椒亦非常足料，炒過的辣椒配以肉碎飯真好吃。雖然泰國菜味道很濃或頗多炸物，令愛吃健康人士卻步，但間中放縱而enjoy一天也是值得呢 !~~此店不收加一服務費~~~

晚上9:30去到, 完全唔洗等位, 仲有得坐卡位.二人共點了四款食物海南雞飯 ~ 係我最愛既雞胸肉, 啖啖肉又無骨, 飯又夠香, 超正香葉炒花甲 ~ 花甲好新鮮, 份量多, 無沙而且肥美肉厚, 炒時配上香葉,辣椒,豆角等配菜, 超級好美青木瓜沙律 ~ 夠酸不過唔夠辣蒜蓉炒通菜 ~ 簡簡單單, 好好味食完仲送上甜品 ~ 椰汁芒果糕, 不過掛住食, 唔記得影相

肥牛同媽媽去食Tea叫左2樣野食菠蘿海鮮炒飯-好香...好多菠蘿同nuts乾炒牛河-比炒飯好食...可能落得多香料...不過太碎同太少牛肉...下次會去食晚餐

行咗好耐,,唔知食咩好,,突然唸起呢度有泰國野食,,仲未試過添,,即刻黎啦=]8:30pm黎到,,79號飛@@我前面有成30張飛噶,,,等呀~~~~~~~~~突然,,大雨傾盘地落下,,好大風呀,,康森離我地咁遠都咁大影響既@@最後等到9:10pm入得去啦,,真系好多人喔,,牆上面掛住好多泰國既特色畫作,,有泰王,,王妃既畫,,都算有feel另外不得不提既系最入面既角落呢,,放住泰式既敬拜神明既野,,好似一座mini庙咁噶,,其時嗰度足以放多一張4人枱噶,,但距地選擇擺裝飾營造气氛,,抵讃=] 香葉炒飯 ,, 好好好惹味,,夠鑊氣,,乾濕適中,,唔錯,,只系食多2啖就覺得咸啦,,(我系食得比較清淡既,,=])脆肉炒雑菜,, 有西籣花,,椰菜花,,介籣,,椰菜,,紅蘿卜,,草菇,,木耳,,小玉米等,,以燒肉配埋一起炒,,好香口,,好味,,試曬咁多款菜,,都唔錯噶=] 蚝仔蛋,,鐵板上,,好大煙呀=] 好玩,,哈~蛋啱啱好熟既,,唔"鞋",,都好多蚝仔,,ok大噶=] 加埋d酸辣汁一起食,,好惹味好開胃呀=]馬豆糕,,咪以為送既野唔好食喔,,唔錯噶,,重椰汁味,,好味=]絶對可以再黎食=]

好多時行過都見到好多人等，咁今日去試吓啦! 點知一食就知上當，根本就唔係泰國餐廳!叫咗幾樣菜 :泰式抄雜菜 - 都無乜菜，草菇就大把；明爐烏頭 - 個汁都無味，汁裏又係大把草姑冬蔭功湯 - 根本就唔係冬蔭功，一D味都無，又無啦啦加番茄，D花甲又多沙，又係大把草姑鮮蝦抄金邊粉 - 都唔係係乜，一舊野咁，D味又怪，都唔知係乜價錢又唔係平，又唔係泰國菜，都唔知係乜，食咗都想嘔!

今日係同相公結婚五週年..點解會食泰國野呢..本身係去曼谷旅行..點知..大家都知咩事la..所以就食lee間la..book左7點半卡位點知早左去所以就早d入去點知冇哂卡位所以要等...等左一陣有位la...我地2個人乜都想食所以叫左好多野細冬陰功湯 好好味但太多油...勝在好足料囉入面真係.細既size2個人飲其實都幾多.馬拉盞炒雜菜 我諗炒通菜會好食d..不過雜菜都ok如果d味再濃d咁就更加好la.蝦餅 好新鮮好熱辣辣...加埋d醬汁一流豬手飯 過得去...當然唔好同泰國比la..粉絲膏蟹煲 真係好大煲唔好講笑...好好食好多粉絲隻蟹好大...勁多膏d膏係橙紅色ga..不過食到個煲底d粉絲就偏咸左少少..送既甜品 有驚喜woo送既已經係算唔錯...記住唔好食咁飽唔好錯過呀總括黎講係好味ga...當然又係個句唔好同泰國比la...但唔差過九龍城囉..仲要係價錢可接受唔算太貴...但係記住要book位因為真係好多人等位呀.我地食完7:45勁多人囉..可惜我地個日坐個個卡位比較大風好快吹到d野凍哂如果唔係仲好味..不過個老闆娘(我估係..因為佢收錢企收銀位)佢知我地個位大風我話可唔可以

想去荃灣食泰國菜選擇真係唔多，金坊係我哋嘅推介之一。今晚我哋兩公婆六點半度去到，好彩咁啱有張卡位，如果唔係我哋叫咁多嘢真係唔夠位擺。今晚我哋叫咗五個菜，落Order後好快到，值得一讚：甜酸蝦($108) - 酸酸甜甜好味道，但蝦的份量較少~~~明爐烏頭($98) - 條烏頭唔“鞋”，配料味濃，食剩條骨，好味道~~~香濃芝心蝦丸($58) - 超大粒蝦丸共四粒，入面芝士好多，食時小心“必”襯隔離，配埋醬汁食，一流，必食推介~~~鹹魚炒芥蘭($38) - 炒得夠鑊氣，味夠濃，但部份鹹魚粒較大，一啖食落好鹹~~~海南雞飯($39) - 無骨海南雞份量足，有味飯亦不過不失，醬汁醒胃；隨飯附送一碗冬瓜湯，清甜好味。泰式甜品 - 唔洗錢送嘅，唔好咁高要求~~~整體嚟講，金坊嘅食物水準屬中上；但值得一讚嘅係服務員嘅禮貌同態度，佢哋都好積極，不停主動加水(可能因為收咗每人$2茶錢)，上菜收碟亦有禮貌。今餐兩個人食，唔洗加一共$345(只收現金)，晚餐食泰國嘢食到成枱都係算抵啦！

荃灣啲泰國菜真係唔多，有朋友仔話成日見到呢間野有人排隊，咪唸住試下囉。大約七點已經見到有人等緊位，我地一行6人，大約等左15分鐘，唔算太耐；坐定定之後，望下周圍啲環境，唔係D咩豪裝，完全係做街坊生意啲感覺；侍應啲服務都係一般啦，唔係特別差，不過個餐牌就唔係咁乾淨，我自己就最憎D餐牌濕濕地…事關係人都用對手摸過，都唔知係D咩水黎架嘛…好彩有帶定消毒濕紙巾；order左啲餸菜都好快送上，而且亦冇溜單，今晚叫左：泰式拼盤(蝦餅、魚餅、春卷、香葉雞每樣各2)唉…個蝦餅應該好食掛，因為皇太后一放入口話好食，立即就encore食第2件…(都唔理人地感受啲)，咁我唯有夾件魚餅啦，好彩個魚餅啲質感都彈牙，仲有少許啲檸檬香草味；個香葉雞都ok，唔乾身，未入口已經嗅到少許啲班蘭葉香味；不過春卷就嘛嘛地，就個樣黎睇就一D泰式啲感覺都冇，而且仲好似我地去飲茶果D廣東點心咁，味道都還可以，不過就一D都唔似泰式春卷囉；佢地比啲醬料都好一般行貨，冇咩驚喜。沙爹串燒(豬、牛、雞每樣各2串)，雞串ok；豬串燒得太乾，肉質又”鞋”口；牛串好多筋，而且好明顯係用梳打”那”過，冇咩味道可言...反而個沙爹醬汁好香濃、好惹味。

考完我人生中第一次高考的最後一科,表現除了用「超差」形容之外我找不到更貼切的形容詞...辛苦了這麼久,本來男友訂了座打算今晚跟我去吃頓豐富的慶祝一番,可是我考完後根本認為沒什麼值得慶祝...於是請他取消,而我回家後更是啕哭了一場,眼都腫了...因此我只想留在荃灣。男友放工來找我,我們逛了好一會,決定吃金坊。店員安排我們坐舊舖,環境實在不怎麼令人興奮...點了生蝦刺身,鮮蝦炒金邊粉及馬拉盞炒雜菜生蝦刺身 : 蝦尚算鮮甜,但不夠大隻,中規中矩鮮蝦炒金邊粉 : 男友點的,我不怎麼有興趣,只吃了兩口,沒什麼可批評,但亦不值得讚馬拉盞炒雜菜 : 同上,普普通通,雜菜還真挺雜,但每種只有一兩件...吃完這頓不怎麼令人興奮的晚飯後,我仍未能原諒自己...真的愧對一直含辛茹苦,對我百般呵護.供書教學的媽媽...很坦白地向媽媽道歉後,她只跟我說了一句:「I love you forever」...真的百般滋味在心頭...

呢間餐廳一直都想試下...甘岩男朋友出糧就試下喇...我地2個人叫左鮮蝦炒金邊粉冬陰公(細)我地見到個冬陰公竟然有番茄都覺得奇怪!!飲落去果然係香港人口味!!之後鮮蝦炒金邊粉到喇.個餐牌張相好靚.但實物...........結果又香港人口味!!最後甜品係免費~其實都吾平嫁...2樣加埋要一百蚊!!試一次就夠.我情願去九龍城食正宗泰國菜...亦希望呢間餐廳可以對餐牌作改善...因為個餐牌好污糟

一行四人睇戲前荃灣揾野食，見金坊入左圍一於試試。七點半到巳經要攞飛仔，好外十今鐘唔洗就有位，今晚試左：泰式生蝦 ~ 雖然無九龍城金寶咁爽甜，不過已屬中上，而且只係$65金坊柚子沙律 ~ 冶味得黎辣左啲。沙嗲串燒(3串豬3串雞)燒大鱔 ~ 皮爽肉脆，必食炸皮蛋球 ~ 用蝦膠包住皮蛋再炸，好有創意嘅餸。馬拉盞抄通菜咖哩抄聖子 ~ 好有九龍城味道嘅影子海南雞飯冬蔭公蜆湯 ~ 多料又夠味蒜蓉包印度薄餅4條友食完上面啲野真係飽死左，只係$500咋！

出開荃灣, 經過好多食野的地方, 見到有泰國菜食就入去食啦呢間泰菜館都幫襯過好幾次, 一向都係唔錯的今日我見喉嚨有d唔舒服唔食辣, 就食海南雞飯食落又真係幾唔錯, 起碼我食到有雞味, 又唔會黐牙飯就都幾夠味下, 再香少少就好啦, 不過d飯有d硬要扣少少分好多香港食到的海南雞飯大多都係唔好食, 其中難食的都有唔少. 主要問題多數出現飯身上, d飯煮得太爛, 冇味, 得個油字... 呢間就冇呢d問題, 都真係算幾唔錯.送來的甜品又真係幾ok, 椰汁芒果糕, 椰青糕都幾好食, 特別係椰青糕清得來又有椰青的甘甜