金園茶餐廳

营业中

休息中

自小都會閒逛的九龍青山道，潛藏的美食直到今天才知道不是幼小的我所能認知。這家金園以黑椒和蛋撻聞名，試過後真覺得名不虛傳！以前怱怱路過的一間不起眼的茶餐廳，現在才認識其實力內涵之所在。黑椒乾炒意粉是這店的招牌菜，聽聞是經餐廳老闆特意選取優質黑椒精心炮製。蛋撻是另一名物，進店前已見門口長長的人龍在等候一打半打的買。餐廳裝潢明亮光鮮，間隔亦算寬敞，沒有侷促的感覺。下午茶時間不用等就能馬上入座。奶茶是全港茶餐廳飲過最好之一，特色是茶味濃，回甘長久但不澀不苦，茶奶比例好口感順滑，滿分。名物黑椒香味撲鼻但不鹹不涸，意粉入口清新不覺肥膩。豬扒表面的粉炸得酥香但亦不肥膩，肉質鬆軟雖然肉味稍欠。我不愛吃甜品但也不得不讚這蛋撻，酥皮鬆化入口即溶，蛋漿的蛋味蛋香亦足。但個人覺得奶味過濃有少許喧賓奪主的感覺。不能否認，忘卻卡路里膽固醇反式脂肪，這是製作水準極高的一個甜品。豐富滿足的一頓，晚飯可以不用吃。

排隊情況去到已經見到勁長龍，有成十幾二十人，但原來都係排堂食。然後咁啱又有一盤蛋撻喺度，基本上等咗1分鐘就到我啦。.食物酥皮：感覺有好多層酥皮好鬆化，而且非常乾身，冇任何油益味，唔會食完覺得好濟。蛋: 蛋味香甜，唔會太甜或者太杰身，比較清。溫度：我拎咗返屋企鮮食，凍咗都不失美味。總體：個皮比起金華鬆脆好多，同新華類近但係冇咁重口味。如果鍾意香濃蛋味，新華同金華就會適合你多啲啦。性價比$8一個唔係特別平，但係真係幾好食，值回票價。

蛋撻酥皮比平時食到的厚一點 ，層數都多一點 ，食落去唔會油立立，食落去時酥皮唔會太散同脆卜卜。 蛋漿厚度就畀其他的多很多， 蛋漿食落甜度剛好及好有蛋味，質感幼滑，8元一個絕對抵食。就算要排隊買都要一試。

一連兩日特登搭車過來，第一曰連試兩間，但高估了自己，食到第四個已經食唔出味道，因為太滯🤣🤣為左公平，翌日又再來食多次照舊蛋撻兩個$16熱奶茶$19，奶茶貴隔離$2，但呢道杯奶茶我就覺得一般，口感較稀！午飯時段人流很多，要搭枱，但幸好亦有膠牌放中間阻隔一下，感覺安心一點！但座位比較窄，加埋塊板，空間有限，坐得不舒服午飯時段目測十分鐘左右就出一底，基本就算唔係即出爐但都一定食到熱撻新鮮出爐漲卜卜，加埋厚厚酥皮，已經夠贏蛋漿味道我覺得唔夠甜，但對於清淡人士應該好岩🤣🤣我就鐘意甜一點

香港蛋撻關注組推介既酥皮蛋撻，外賣大排長龍😰但我既目標除咗蛋撻，仲有黑椒炒意粉，堂食好快就有位酥皮蛋撻 $8新鮮出籠熱辣辣，酥皮一層層，好酥脆，咬落去唔會散哂，蛋醬亦都好細滑，一定要食呀！黑椒豬扒炒意粉 $45個人覺得炒意粉先係皇牌，港式炒意粉唔係個個識欣賞，我就非常鐘意😍黑椒味好濃，意粉炒得剛剛好，唔會太濕亦唔會太乾，味道比較辣，豬扒都炸得好juicy，唔食得辣可以試普通既炒意粉網上好多食評都覺得店主冇咩禮貌，但我要平反一下，大聲唔代表佢哋無禮貌，佢哋只係用對朋友既語氣對客人，有啲人會覺得無禮貌，有啲人會覺得呢啲就係老香港既人情味味道:★★★★★性價比:★★★★☆🤜🏻雀仔胃拒絕向嘥位食物說得#hkfoodie #hkfoodblogger #hkfood #foodstagram #長沙灣 #長沙灣美食 #香港美食 #蛋撻 #金園 #香港蛋撻關注組 #美食推薦 #食評

最近網民討論得興高采烈既千層酥皮蛋撻，係來自長沙灣青山道既老店茶餐廳金園茶餐廳，星期日大約12點左右到，未過馬路已經見到有間店排著長長既人龍，相信就是目的地金園茶餐廳一條隊排堂食，一條隊排蛋撻外賣，不少客人都是街坊，有的剛剛買完餸，有的手持份報紙，入茶餐廳嘆返杯奶茶同蛋撻，每個蛋撻$8，比同區係貴好多，但仍然深得一班小粉絲歡迎，到底是否真的值呢個價錢茶餐廳除左蛋撻之外，我見都好多人買雞批同麵包，麵包款式不比傳統麵包店少，有菠蘿包、雞尾包、吞拿魚包、西餅等等，放入鐵櫃內保溫，麵包外型都幾討好有人介紹呢到除左蛋撻出名，黑椒亦係呢到拿手菜，黑椒汁係老闆秘製，可配上意粉，但今次重點係買蛋撻，所以只好留待下次機會由於太多人買，等左兩底先到我，每底大約等10分鐘左右，師傅已經密密手咁製作蛋撻，但大家需求真係好大，聽到‘滾水’、‘小心’就知新一底蛋撻已出爐！一底有36個蛋撻，不需5分鐘就賣哂！香氣撲鼻，蛋撻中間蛋漿脹卜卜，黃澄澄的顯得非常誘人，我都不禁買左兩個一試滋味剛剛新鮮出爐，熱辣辣，拿起手會感到一股熱氣，重量比起一般蛋撻重，酥皮明顯係超足料厚酥皮，一層叠一層，酥皮焗得焦香，酥皮夠脆口和鬆化，完

失望人氣二百層酥皮蛋撻❕網上大熱推介，令到門外週未大排長龍，好多人都想入去食多年傳統美食及鬆化蛋撻。我就排隊買蛋撻外賣，滿心期待排隊。見到酥皮蛋撻新鮮出爐好興𡚒，拎到五分鐘距離的公園食。蛋撻外貌都好吸引，酥皮看似有好多層好正甘但可惜味道大相逕庭😞蛋黃部份好滑厚但可惜沒有蛋味而且酥皮亦不香口感普通，成個蛋撻味道十分淡令人懷疑人生。最恐怖的是最後我發現蛋撻中有隻蟲💥真的很失望，我與友人都認為新鮮出爐的蛋撻竟如此不濟，而且價錢$8貴普通蛋撻一倍，令我很不悦希望大家不會中伏。

真係因為上左關注組同新聞先去拜訪食蛋撻，點知真係好普通。可能蛋撻唔係新鮮即出即食，冇種好鬆好香口嘅皮口感，反而痴埋晒一齊，唔香脆。（熱嘅，但冇千層酥皮效果）裡面蛋漿對我嚟講都唔夠蛋香，overall都覺得好普通，咁樣賣8蚊件又真係唔抵食囉～

近排被人名為”全港最好食蛋撻”，專程走入長沙灣試試佢🥚一去到就見到分左右2條人龍，左係堂食，右係麵包蛋撻隊。我地純買蛋撻，所以排右。當日星期六，排到隔離粥鋪門口附近，前面大概十幾人，排左10-15分鐘。蛋撻新鮮出爐超熱，皮好鬆化，咬落去shap shap聲，蛋香味濃。

金園的蛋撻最近成為網紅食物，很多人排隊要一試它的味道和打卡。📸其實金園茶餐廳已經開了好一段時間，也是區來受歡迎的老牌茶餐廳，一直以來都是很多客仔。說到推介的食物，少不了港式下午茶名物—蛋撻。金園的蛋撻是酥皮蛋撻，食下去十分香口及鬆化。中間的蛋漿十分足料，除了有甜甜的雞蛋漿外，還有啖啖的蛋香。除了蛋撻外，熱奶茶也是必試的名物之一，十分香滑。港式下午茶有蛋撻，點可以少了熱奶茶呢！除了以上兩樣推介的食，以下是雷物。我們分別叫了一個沙爹牛肉炒河粉（上），一個乾炒牛肉河粉（下）。看得出師傅炒得十分求其，每條河粉都是幾條痴在一起。碟底可見反哂油光，一定是拿油當汁用。雖然炒牛河多油是必然，但也不用多到這樣吧。不浪費食物的我們都盡量把它吃完，吃到有點反胃...總括來說，推介金園的蛋撻和熱奶茶。其他食物就小心中伏。

〰️〰️〰️〰️〰️〰️〰️〰️〰️〰️〰️〰️〰️〰️🥧傳統酥皮蛋撻 $8〰️〰️〰️〰️〰️〰️〰️〰️〰️〰️〰️〰️〰️〰️特登去到長沙灣嘅金園茶餐廳買蛋撻，離遠已經見到人龍，佢有分堂食同埋外賣兩條人龍我去到排左10分鐘左右，店員就話上round賣哂、等出爐，10分鐘後又有兩盤出左爐，我買左半打試下🥧傳統酥皮蛋撻 $8個皮真係勁厚☺️☺️, 新鮮出爐咬落勁鬆化，蛋唔會好甜買左返屋企，屋企人都好鍾意，食到同出面嘅蛋撻唔同但係你話唔順路都特登搭車去買，依樣我有保留，順路嘅話可以買埋嘅😌

必食‼️香港蛋撻關注組推薦嘅「超酥皮厚蛋撻」🤪金園茶餐廳英文喺Gold Garden Cafe😆都算喺間cafe嚟咖💁🏻‍♀️周日12點半到達門口，有2條人龍😳左龍喺堂食，右龍喺外賣，聽到有人一次過買幾打咖🤣排堂食隊時，店員會行出嚟數人數🤓感覺好好人喔～必叫‼️傳統酥皮蛋撻 $8🍳蛋撻拎上手都有啲重量，酥皮有點厚度，層數都好多😳脆卜卜之餘，酥皮碎又唔會太散😳蛋醬厚度有成一隻手指咁厚🤩食落去水汪汪咁，相比其他店的確厚好多🙊 食落去蛋味其實唔係太濃🤔⭐️酥皮👍🏻厚皮厚度👍🏻 蛋醬👍🏻 蛋味👌🏻特餐 $40🍝沙嗲牛肉麵，火腿奄列配牛油餐飽好耐無食過沙嗲牛😛一食就知喺香港味道，牛肉唔會過韌，沙嗲醬撈麵😋快餐 $40🍜雪菜肉絲米，火腿奄列配牛油餐飽我鐘意火腿奄列有流質感覺🤤呢個有少少☺️💁🏻‍♀️2個餐+2個蛋撻 一百蚊有找😝

原本滿心期待，想去買蛋撻外賣，點知去到先至話冇得外賣，一定要堂食，堂食都唔緊要，要每人最低消費$19，都吾緊要，點知一坐低，茶記姐姐就係咁問飲乜嘢，我哋諗住叫西多加蛋撻，吾諗住飲野，個姐姐就話一定要飲野，仲係甘走黎迫我地叫野飲咁都算，點知蛋撻黎到，全部都係凍冰冰，真係超級失望明白出咗名係會想賺多啲錢，不過服務質素同食物質素都應該成正比

我幼稚園開始就跟嫲嫲去食金園，食足佢二十幾年。以前無乜人識啲服務都叫中規中矩，近呢一兩年越黎越衰，食慢少少都想趕人走，講明要個熱辣辣(蛋撻)，佢就是但係個餅櫃拎個賣剩無人要既比你，同佢講仲博嘴話個個都係咁。講真我食左咁多年你個蛋撻係咪新鮮出爐我一眼睇得出啦，之後見事敗就死死氣比個熱既我。最後行開左仲好似唔順氣咁口up up。呢啲事係之前發生，咁我同朋友都隔左一段時間無去，因為見近期網上有好多人追佢會蛋撻食，咁就廢事同人爭啦，同埋我食左二十年無一次係要等超過10分鐘。咁點解著左呢今日，事關見都有一段時間無去食，咁今日經過附近諗住去買兩個蛋撻拎走，去到既時候已經無哂，咁長期係門口做門神個婆婆就叫我等10-15分鐘，咁我未等囉，等左15分鐘左右終於出爐，咁諗住有得買啦，點知佢話無哂，明明有一大盤，佢話要留比堂食，重點係門口排隊啲人有10個左右，個個係個太陽下排左15-20分鐘。我Dllm金園，我以後都唔撚會再幫襯，食返新華好過。

茶餐廳☕係香港嘅特色之一，老字號又好，得二、三十年歷史嘅都好，都可以代表到香港👍🏻而金園雖然只係開咗廿幾年，但有4、50年經驗嘅師傅坐鎮，水準唔會差過老舖～ 其實我係上年年尾食嘅，見呢排金園比fb關注組討論得咁熱烈，即刻搵時間寫返食評😆👆🏻金園位置唔難搵，喺長沙灣C2出口出，穿過元州商場之後，經長發街直行，到青山道轉右就到架啦！👆🏻門口貼咗部分嘅餐牌，當然都唔少得被吹捧嘅蛋撻啦～👇🏻新鮮出爐熱辣辣，不過我無試～👇🏻餐廳真係幾乾淨下！見到第二代老闆攞住地拖係咁拖😹而餐廳大部分位置都係靠牆卡位，同其他茶記一樣，啲位係比較窄身～👆🏻望落夠晒懷舊嘅餐牌(佢個餐牌同長沙灣新華嘅差唔多樣，嗰間蛋撻味道不錯，可睇食評😹)👇🏻同一般茶記一樣，有🍜湯/炒粉麵意通、包類(多士、三文治🥪、麵包🍞等)、飲品☕👇🏻亦唔少得套餐😹早餐、午餐、特餐、快餐🍴👆🏻黑椒就係金園嘅招牌😆因為呢度嘅黑椒醬係第一代老闆出去拜師學返嚟，仲自己調過味～而佢地都標榜豬肉同牛肉係用新鮮嘅！👆🏻干炒黑椒豬扒意粉🐷意粉幾乾身👍🏻由於黑椒醬同意粉一齊炒，所以意粉好入味，所以乾得黎唔dry😹而且啖啖都有黑椒嘅香味，唔太辣，食完一啖個口都仲有個