金園茶餐廳

营业中

休息中

長沙灣青山道一帶都好多食肆，但好食而又keep到水準既茶記就唔算多。今日中午放飯早左出門口，所以唔多人等位。沙嗲牛米，太陽蛋+多士(烘得好脆),凍檸茶(一啲都唔澀口)食食下，有店員大叫出爐，一陣香焗味道，原來係蛋撻出爐，可惜好飽，唔係整返件~

之前食左隔離新華好幾次今次想試吓金園呢set係午餐义燒湯麵配餐包同火腿奄列（本人改左要煎熟蛋）奶茶very good 义燒都ok，但我最欣賞都係個餐包整體泥講係ok嘅樓面服務態度好過新華

<舊式茶記>☕長沙灣附近好多舊式食店 茶記就最多 平時通常係食新華 雖然味道已冇以前更正 而且通脹又貴左， 但其實以而家香港普遍質素黎講算係中上， 今次就黎到唔夠新華 100 米既金園 呢間都係好多年歷史 整體好覺得一般 都係新華好食 少少. 大家經過既都可以自己對比試下 👍🏻(叉燒意粉純綷影相 我朋友食所以我唔評論 ) 🍴特餐 38 蚊 凍飲加2 蚊凍飲點左凍奶茶 唔記得影相 但其實個奶香都夠 茶味都濃 十分唔錯👍🏻個蛋奄列蛋係多 蛋味夠 但整得燶左 d 如果冇甘熟有 d蛋汁我會更鍾意🥚牛油多士一般冇乜特別🍞 沙嗲牛肉麵 個牛肉足料同比較煙靭 🐮 個沙嗲汁 調味唔夠濃 差 d . 因為撈落公仔麵 要濃 d先襯 🍜而公仔麵正常 冇乜特別 只要唔好太熟 爽爽地撈牛肉就唔會差得去邊😂 🍴蛋撻 🥚 7 蚊個而家蛋撻已經貴到7 蚊係正常🧐 物價好貴。 個蛋撻皮個香味夠 但唔夠鬆脆。入面蛋都落足料 甜度適中 雖然未到超好食 但都中上 飲啖茶食個撻都唔錯既👍🏻#蛋撻 #牛肉 #沙嗲牛肉 #酥皮 #意粉 #公仔麵 #特餐 #蛋奄列 Score 平均分 <6.5/10>

話說朋友介紹一間歷史悠久既餐廳常餐大大份 最適合我呢啲常餐控但今日食飽飯路過無理由再食常餐而咁啱蛋撻出爐於是就試一試連外賣紙盒都好懷舊feel見咁新鮮熱辣辣忍唔住要買一打 拎返去同朋友開心share一睇樣就見到好多層酥皮 咬落去好鬆脆 唔會淋晒濕笠笠 而且好多層酥皮好香牛油味中間蛋漿好有蛋香味 睇個色就知真材實料雖然有個油印係底但個酥皮咬落去唔會油淋淋本身對蛋撻其實無咩好感既我一次都食左兩個係我暫時食過最好味既酥皮蛋撻

經過見到好多人，鋪面係真舊式餐室嘅格局，諗住一定正呀，點知都係伏。叫左兩份餐，一個跟沙嗲牛肉通粉，另一個跟叉燒通粉。兩個都配火腿奄列方包。只可以話，食物質素真係好普通，火腿奄列得5條火腿絲，叉燒好鞋，咖啡超難飲，食左半份都食唔落🤢服務態度差，空間狹窄，同對面位搭檯完全係擺唔哂啲碗碟。我諗呢間淨係食佢個酥皮蛋撻就可以。$7一個，都多人喺鋪頭出面買，蛋味ok，不過個酥皮超厚，以我呢個咁中意食酥皮蛋撻嘅人都覺得太厚，其實咁厚好難唔鬆化，不過相對蛋汁又會少啲

今天來到這一間餐廳，這間餐廳是我小時候偶爾也會來幫襯的，這間餐廳在區內頗有知名度，所以人客亦比較多有時還需要排一排隊，我喜歡這裏的早餐A，因為煎蛋同餐包因為煎蛋煎到就是有點焦香，餐包是自己製的比較鬆軟，通粉的湯底10分美味，分量多而且杯咖啡都非常之香醇

最中意幫襯茶記嘅快平靚正，只要你唔怕好多叔叔同你迫迫咁坐，就會有好嘢食！每次來呢間茶記都會叫呢個特餐，因為份量夠多又平，重點係快食快走！特餐有沙嗲牛肉麵、火腿奄列、牛油餐飽同熱飲，都係$38！佢個沙嗲牛係濃味嘅沙嗲牛放上清湯，唔撈均食，牛會咸左啲而湯底會無味！牛味都濃郁，都唔錯，係茶記嘅水準！驚喜位係個火腿奄列，火腿絲多，煎到大一大薄一薄都可以保持滑滑，勁！茶記梗係要飲奶茶，佢地個茶膽先係令人讚嘆嘅技術！所以叫左個茶走，都係奶茶嘅代表！

酥皮蛋撻同老表們揸車經過呢頭通常都會買個蛋撻做下午茶，上次黎咁啱已經賣曬，今次嚟到見到佢新鮮出爐就買咗半打，急不及待咁放係車頭到開黎食，個蛋撻熱辣辣大大個脹卜卜，用料一啲都唔孤寒，天出爐嘅時候D蛋醬重係卜卜下咁，一咬落去，個酥皮夠晒香脆鬆化，一層一層咁，入面嘅蛋醬好厚，而且嫩滑 ，重有微微蛋香味添~的確係冇介紹錯😋

有時候做嘢太辛苦，中午會跟同事去吃點好的，放鬆下，去遠一點也無妨。是日，就帶同事去長沙灣，一個我長大的地區，連掃幾間好東西。茶餐廳是其中一站，在新華和金園之間，先帶他去金園，主要是因為這邊剛巧有位。個人覺得，兩間其實都幾得。找到個卡位坐下，二話不說先來碟黑椒豬扒炒意粉，再每人整多杯奶茶。很喜歡呢度既炒意粉，一定是很夠鑊氣，帶黑椒的辛辣勁，好惹味。豬扒炸得外脆內鬆化，相當合心，同事人讚。看見麵包西餅陸續出爐，要多件蛋撻。熱呼呼的出品，酥皮鬆脆，蛋漿又燙又香，要小心點吃，不過真係好美味。既然蛋撻合同事心水，又再看見有雞批出爐，為食的我們，又唔放過，每人又整番隻。脆卜卜的外層，香甜又熱辣的餡料，實在令人滿足，不過吃罷咁多東西，真係好漏食茶記，最後梗有杯熱奶茶，可惜，是日的奶，是多了一點。 第一站已咁飽，仲要走多兩場，真係弊。

懷舊不變的奶茶，味道濃郁，入口香滑，真係飲極都唔厭！熱辣辣的蛋撻，不時都出爐，好味又鬆化，兩者一齊食絕配服務員的態度10分良好，有笑容又細心！環境更加乾淨又舒服令人留下難忘印象每個星期食三四次都唔會厭，習慣了有時候還帶朋友一起去食，有時候同朋友傾計計耐左，服務員唔會趕我地走，更好有禮貌同客氣咁幫我地換咗新嘅一杯水，俾我哋留低慢慢傾計，真係好難得的良心好茶餐廳！餐牌雖然得嗰幾款嘢食，但係可以彈性咁樣去配搭，令到更加抵讚

曾經有人說: 心煩的時候, 累透的時候, 哄哄自己, 身邊不可能無時無刻有人陪著你, 要學會自己疼自己. 說的非常對. 我十分認同. 我哄自己的方法好簡單, 三點三的時候, 獨自在茶餐廳佔據卡位, 點一件新鮮出爐, 蛋香滿滿的酥皮蛋撻, 不理熱燙, 不顧儀態大口咬下去, 任由撻皮碎四散在碟上. 苦澀的檸檬茶, 好比我現在的心情, 再多幾片檸檬去點綴也無濟於事.平常心面對? 說得輕鬆, 尚在學習中.

係呢區長大既都知金園係老店餐廳有個侍應伯伯應該有70歲，以前讀書時期佢已經係到做所以次次食金園都好有親切感傳統茶餐廳門口都有賣麵包、蛋撻金園亦唔例外，仲有蝴蝶酥、椰絲撻、雞批、支裝汽水好多人會專誠買麵包返去比屋企人做早餐餐廳格局簡單，兩側都係卡位，中間係四人檯，要坐得親近d特餐$38 轉多士+$2沙爹牛肉米粉好中意佢個牛肉唔會太粉，牛肉新鮮，仲見到有小小粉紅色，鮮嫩滑口，大約有4-5塊鮮牛肉調味亦到位，不會過鹹，沙爹汁溝埋米粉食一流，但湯比較少，要儘快食，唔係就好快無曬湯，比米粉索曬火腿奄列份量好大，火腿絲切成條狀，有咬口，口感比切粒豐富！蛋仲係流心，切開有濃濃蛋汁流出熱奶茶呢個奶茶不得了茶底十分香濃！飲完一淡喉嚨有回甘味道，清楚嚐到紅茶獨有既澀味，又配合淡奶既香滑，兩者十分和諧。本人比較愛好茶味濃的奶茶，呢間最啱我心水

🤗叉燒湯意: 叉燒唔係肥叉 但係又唔會硬 好味☕奶茶滑喔~ 不過唔係奶多 個隻 係茶多個隻,, 如果中意奶味ge應該會覺得唔夠奶雖然好想食蛋撻 但係食完個餐已經飽咗😂唯有下次先

和‘老’朋友去蘇屋邨探望朋友，佢話有好介紹，行去金園茶餐廳吃午餐 但門外貼著 本星期四 例假休息，他說下次啦，下次再來。今天我們再去看朋友，已下午七時了，又去金園看看。因是他推介的便由他點餐，叫了蛋牛三文治，干炒肉絲意粉及奶茶。老朋友説這裡的蛋牛三文治是用鮮牛的，好多汁的，我們叫了烘底，上枱時樣子也可以，口下去有點怪怪的，可能我唔鍾意那黏黏的汁，不合我口味，我問老朋友，這是你食開的水準嗎，他說今天差了點。干炒肉絲意粉 粉沒什麼味道，朋友說可能你剛才吃了濃味的牛肉啦！不知如何應對！他們的奶茶反而不錯，有茶香，順滑。

適逢父親節，我爸爸最鍾意食茶餐廳，就陪左佢去佢最鍾意嘅長沙灣金園茶餐廳。平時我都唔係好多機會食茶餐廳，唔知係唔係咁所以我覺得特別好食。去茶餐廳飲熱奶茶、凍檸茶是常識吧？再嘆返兩件新鮮出爐熱辣辣嘅酥皮蛋撻，蛋香味好重，滑滑溜，正！