金園茶餐廳

营业中

休息中

金園茶餐廳嘅酥皮蛋撻一向都好出名，每次佢新鮮出爐都好快俾人買晒🤧今日咁啱12:20左右去到，佢下一批出爐係12:30👍🏻所以我一買就買左24個，諗住請埋啲同事食😋😋👆🏻見證住佢出爐🥳🥳🥳啲同事個個都話佢地嘅蛋撻好好食，而且酥皮好香，加上佢暖暖哋，真係特別正❣️😋推薦大家嚟長沙灣一定要試佢嘅蛋撻！🥰🥰

介紹完金園嘅招牌蛋撻😋每次食完飯可以打包d返屋企再慢慢食 正👍💕今日就黎介紹吓餐廳裡面的美食🤤黑椒乾炒豬扒意粉$49✨份量超多，超級大一碟😍一個人食可能有d飽，女仔嘅話兩個食會好d😆因為仲可以食吓其他野😜呢個意粉幾有驚喜，本身以為會好油因為豬扒同意粉都会有好多油，點知一d都唔會，意粉炒起黎算乾身，黑椒味好香濃食起上黎好惹味😋豬扒肉質都可以，好香脆💥猪扒包$35✨同豬扒意粉一樣🙈差吾多🤣因為唔系我食😈蛋撻$8紅豆冰🍹熱咖啡

.📍金園茶餐廳📍 #饅頭去長沙灣歷經排隊時嘅曝曬汗淋，小編終於試到傳說中嘅金園蛋撻🤓，佢同新華都係開喺同一條街，所以小編等陣難免會比較下佢哋嘅蛋撻。------------------------------黑椒干炒豬排意粉 ($49) 一上枱就聞到好濃嘅黑椒辛香同洋蔥味🤤，意粉乾身身條條分明，鑊氣都足夠，上碟嗰陣會望到有光澤😍，黑椒汁味道又唔會好霸道，同埋炒香嘅洋蔥配搭勁惹味，唔會食到成口油膉味，口感亦有啲咬口，不過可能改做炒烏冬我會更加鍾意。但豬排就好唔掂當😐，雖然每塊大概都有1.5cm咁厚肉，但佢比嘅部位都好瘦，冇乜油脂香，肉質又老又乾柴🥴，唯一可以讚嘅係豬扒炸粉好薄，脆嘅程度啱啱好 ，食得出係有用椒鹽醃過，鹹味都ok香口嘅。單項評分：6.3/10------------------------------熱奶茶 (跟餐 +$10)茶澀味比新華嘅奶茶要濃啲，紅茶存在感相對較強，但口感依然夠厚滑，飲到奶味，比例做得比較平衡，鍾意奶味重啲定茶味重啲就見仁見智😌。不過有一點令小編唔太舒服嘅就係，店員落單嘅時候主動問我飲乜嘢，又冇講話嘢飲要加錢😕，小編都係埋單嘅時候先知道原來奶茶要加成1

之前睇網上推介呢間茶餐廳既蛋撻，襯今日佛誕假期就專登慕名而來試吓佢酥皮蛋撻見有人都推介沙嗲牛肉麵，所以叫咗個特餐配熱奶茶多奶試下沙嗲牛肉麵嘅沙嗲味唔係好重，牛肉係新鮮嘅，同平時其他餐廳食嘅好唔同個麵食落似光身麵還過得去，唔算太淋既個火腿奄列就熟左啲，餐包轉左要多士，塊多士係有搽牛油既，超夠脆本來諗住叫個炸豬扒湯河，但係原來係冇餐飲，所以叫咗個炸豬扒薯條配熱奶茶多奶，炸豬扒都係新鮮豬扒，個皮可以再脆啲，豬扒夠淋有肉汁，炸薯條有少少過火奶茶夠香滑，做到茶餐廳應有嘅水平到重點喇蛋撻，酥皮都幾鬆化，蛋漿都甜度適中質感夠香滑，但又不至於驚為天人嗰種既，我哋前後叫左四個蛋撻，一人食左兩個，因為太飽既關係叫多左杯凍檸茶，甜到有點過龍，建議大家可以叫少甜佢嘅蛋撻每10至15分鐘左右就會出一次，一次有36個，門口都有人一路排隊買外賣蛋撻，但係到四點左右店員就話停外賣，剩係得堂食有得食

蛋撻不嬲都係香港人下午茶嘅美食，因為一件熱辣辣新鮮出爐既蛋撻，酥皮鬆脆，蛋漿滑溜，加上一杯熱奶茶，就可以抵銷港人半日嘅辛酸，但一件普通嘅蛋撻，點可以滿足到嘴刁嘅香港人，因為皮蛋撻非常考功夫，要做到外層鬆化、蛋漿軟滑既酥皮蛋撻談何容易。最近有間好受歡迎既茶餐廳，原因係因為佢地既酥皮蛋撻。金園茶餐廳係位於長沙灣工業區既一間舊式茶餐廳，平時食客都係街坊多，不過可能因為疫情，香港人無得去旅行，只可以專心一意係香港搵美食，最近社交平台發起一個香港蛋撻關注組，將各大茶餐廳嘅蛋撻比較，有網民將呢間金園茶餐廳嘅酥皮蛋撻放咗上去，引起熱烈嘅關注而爆紅，蛋撻厚得黎又鬆化既賣相，吸引左好多蛋撻迷過黎幫襯，高峰時期要排足45分鐘先買到，由此可見佢有幾受歡迎。金園茶餐廳其實已經長沙灣開業二十幾年，係1998年開業，係家庭式經營，呢家由第二代既次女接手。第一代店主做法就係貴精不貴多，所以餐牌剩係得兩頁紙，款式唔多，不過茶餐廳要有嘅佢都有，當中豬扒燴意粉最出名，因為入面既秘製黑椒係前店主拜師學習，黑格豆要親自去上環海味店挑選，對食物非常執著。特別一提每人最低消費$19，所以淨係食一個蛋撻唔夠。當日係紅日去，大概下晝

#酥皮蛋撻 🥧有冇人同小編一樣，其實係鐘意食曲奇皮多D?🙈 不過見最近好多人介紹喱個酥皮蛋撻，佢仲有一張相喺蛋撻關注組入面受到大家熱烈討論!!仲比人話佢隨時係香港最好味既蛋撻!搞到小編都忍唔住要去拜訪一下🤩小編當日係星期六既下晝兩點左右去既，離遠望已經見到餐廳門口有兩條長人龍，我幾驚係打蛇餅買蛋撻啊…😱 原來一條係排堂食，一條係排蛋撻~堂食都超過十個人排隊嫁!!下次有機會，小編一定要試埋堂食有咩好味道🤤.講返正題，好彩喱段時間既蛋撻係KEEP住出爐，小編排左15分鐘左右就買到嚕😉 而個蛋撻幾有份量，手掌咁大件又”聚”手，正!!👍🏻 而且佢個度唔知有幾多層既酥皮真係叫佢做「千層酥皮」都唔過分!!👀 食落又鬆化又唔會過多牛油而令你覺得膩，配埋入面好厚身，口感又似燉蛋既內餡，真係絕配!!鐘意食曲奇皮既小編都要比大大個LIKE比佢♥️ 不過喺味道上面，小編覺得個蛋漿可以甜多少少，但朋友仔就話好夠味已經夠曬甜，所以喱方面就好因人而異啦~😂不過有多樣令小編覺得好讚嘆既事係，蛋撻趁熱食當然係最好味，但係金園既酥皮蛋撻真係連凍左都KEEP住咁好味，蛋漿完全冇下陷既情況，佩服、佩服!🙌🏻.🏆 「豬」味指數

在長沙灣吃完LUNCH， 記起附近有間最近人氣很高的茶餐廳，千層酥皮蛋撻! 我個人是覺得酥皮和餅皮各有各好吃，所以兩款也喜歡，順路就去看看。去到大約1時多，有幾個人在排隊，我也排了大約5分鐘，看到新鮮出爐蛋撻外表和平常看到的不同，脹卜卜，蛋好像要流下來似的，賣相滿分!買到3個新鮮出爐蛋撻，外賣回家和家人品嘗。回到家也是微熱的，急不及待吃了一個，有驚喜，酥皮超鬆化超級香，蛋也很滑，不是以往酥皮蛋撻的味道，這家真的十分推介!!!下次有機會想試雞批和生炸雞翼。

門前兩大條人龍, 一條排堂食, 一條排外賣, 黎得呢到十之八九為左蛋撻, 太多人買, 一出爐就清哂, 蛋撻長期keep住新鮮出爐, 熱辣辣.熱辣辣睇落好似好正, 但要用排隊換返黎, 仲要$8一個特別貴, 如果話好食就抵返哂, 但試過後覺得唔值.👌酥皮正常, 熱辣辣食夠乾身, 有層次.👎蛋芯一食就知奶野, 雖然好厚睇落好正, 但過份結實熟透, 毫無水嫩狀態, 最慘係有樣無味, 無乜蛋香之餘仲要偏淡.🤓結論: 完敗💯分數: 2 out of 7

近排超多人推薦嘅蛋撻,經過長沙灣都入去試因為已經食咗野所以我哋叫咗兩個蛋撻同一個雞翼河粉另加一杯凍檸茶我主要都係想試個蛋撻，個酥皮超多層，咬落去好香脆，再食埋個餡，唔會好甜，不過真係好一般，個蛋味都淡，完全唔似d人講到甘好食，講真食完真係有啲失望，好食過佢既蛋撻都好多，我食完好多個間號😂當然口味嘅野好個人，好覺得一般，唔代表其他人都唔啱，每個人口味都唔一樣😆個河粉就唔評價啦，我無食到😎

排隊等咗大概20分鐘，終於等到。1）蛋撻質量好一般中伏，酥皮好實，好似食緊一團粉.................2）蛋冇蛋味好實，一定都唔滑............完全覺得不值得等候20分鐘。比起何文田一間餅店比較，簡直冇得比。完全唔值得要俾$8個蛋撻..............................

今日出開長沙灣，順便去朝聖吓好出名茶記，差不多2:00左右去到，已經過哂午餐時間都多人排隊，另外一條隊就係買蛋撻，每隔10分鐘又有新一盤新鲜蛋撻出爐，師傅已經密密手製造蛋撻😋我一個人等一陣就有位，入到餐廳即刻叫嘢食啦，當然叫最出名係黑椒干炒豬扒意粉，仲有即刻叫個新鮮出爐酥皮蛋撻食先啦😋黑椒干炒豬扒意粉真係炒得好乾身同埋好夠辣😋🌶豬扒肉質又夠淋蛋撻好鬆脆😋一層層酥皮焗得好鬆化,牛油味重，蛋醬香濃口感滑溜👍凍奶茶🧋茶味好濃好飲

🌟酥皮蛋撻 $8 (味道: 10/10) 終於試咗#香港蛋撻關注組 第一名嘅酥皮蛋撻🤪一入到去好大陣爆谷味原來就係蛋撻嘅香味😍蛋撻新鮮出爐熱辣辣 一食落去好辣口正呀🤩酥皮有好層 層次分明 厚度啱啱好 食落去好鬆脆! 酥皮亦好香牛油味 焗得夠乾👍蛋好滑 個底都好深上層又脹卜卜 真係好足料 甜度適中 最啱我唔中意食太甜嘅人😍呢個蛋撻無頂大家真係要去試吓😜🌟沙嗲牛肉麵特餐 $40 (味道: 3/10) 唔夠沙嗲醬 超淡 無乜味 牛肉又少 可以唔洗去試🥲奄列煎到好老 有d燶 食落好大陣油味...餐包中間有d牛油 好大個無乜特別🌟熱奶茶(跟餐) (味道: 8.5/10) 奶茶唔錯 好香滑 茶底濃郁 茶奶均勻👍

今次去位於長沙灣嘅金園茶餐廳，係一間老字號茶記✨裝修嘅格局係舊式茶餐廳，門口有出爐麵包同埋蛋撻賣😋「金園」已經係長沙灣開業多年，一直深受就街坊喜愛🤣近日酥皮蛋撻突然爆紅 所以我哋決定就嚟試吓✨——————————————————❶ 酥皮蛋撻 $8🌟🌟🌟第一眼望落去蛋撻嘅蛋漿脹卜卜，隔離嘅酥皮好厚好足料咁🤩 仲要新鮮出爐！即刻嗌返個試吓先！一拎上手發現個蛋撻好重手🙀酥皮係好多層，好厚好足料，一層接一層咁😆酥皮覺得夠脆口同埋鬆化，食完有好香嘅牛油味係口徘徊😆最重要係冇油益味！食完絕對唔會成口油✨蛋漿嘅甜度適中，蛋味香濃細滑，有啲似食緊燉蛋咁🤣整體嚟講成個蛋撻真係好出色！去到嘅話一定要試✨❷ 沙嗲牛肉麵特餐 $40 + $2多士特餐包咗沙嗲牛肉麵，火腿奄列，同一杯飲品🤤 沙嗲牛肉個汁有好香濃嘅沙嗲味，雖然汁嘅份量唔多，但係成碗麵都夠味😂不過略嫌個湯底幾鹹，食到中間幾口渴！沙嗲牛肉嘅質素唔錯，食落好重沙嗲味，而且冇乜筋😆份量都有四五舊！而麵質都幾爽口彈牙！火腿奄列生熟度啱啱好，雞蛋唔會煎到過老，有少量蛋汁流出嚟，而且入邊都幾多火腿😆配埋多士食就好夾！熱奶茶嘅比例啱啱好，茶味香濃而不澀，同時茶嘅

小編趁呢幾日假期當然要周圍試下新嘢呢間係小編既to do list，據聞酥皮蛋撻有超過100層酥皮（確實數字唔係太sure請見諒）不過今次既體驗確實頗為失望。首先講下蛋撻質素，係好多層酥皮但一d都唔鬆化，咬落口好似一舊舊麵粉咁，酥皮係好多層但零口感蛋漿一般，小編唔覺得好甜但冇乜蛋味，唔算係出色。所以如果5🌟係滿分、我只會比1粒🌟因為真係一d都唔好食拿，個人口味唔同既但網上吹到神級咁小編真係黑人問號❓沙爹牛肉麵質素：呢個仲嬲豬因為完全冇沙嗲味佢極其量只可以話係鮮牛面係完全冇沙嗲味小編暫時食過最難食嘅沙嗲牛肉麵真係食咗一兩啖已經放棄左。面底質素一般普通大光麵lor，湯底極無味總括嚟講差非常之差差過大x樂大x活甚至任何一間茶餐廳，真係千其大家唔好試奉勸大家唔好試、簡直浪費生命浪費金錢浪費你嘅胃口quota熱檸茶質素：呢個終於正常返少少茶底OK檸檬都幾香呢個已經係成個餐最正常嘅一樣嘢其餘嘅都係非常之差如果大家係冇期望嘅話都會失望更何況如果係大家有期望嘅話係極度非常失望所以大家可以體會到小編當時嘅心情簡直係地獄折返地獄再去返地獄輪迴一個又一個地獄所以都係o個句啦小編好痛恨打手極度痛恨打手網上嘅鼓

今日經過長沙灣終於有機會試到人氣蛋撻排左一陣隊後終於有得入去堂食，好快就上左兩件蛋撻雖然睇相唔係好明顯但的確有少少燶，不過勝在新鮮出爐都幾好味不過略嫌覺得蛋味不夠燶要注意餐廳堂食有每人最低消費$19然後唔可以淨食一定要加一杯嘢飲😯重點係我已經有叫多咗一個沙嗲牛肉麵餐不過職員都係話要加多一杯嘢飲然後杯嘢飲要$19蚊 老實說杯嘢飲味道一啲都不值這個價錢沙嗲牛肉麵餐味道一般跟餐嘅蛋同埋麵包麵包中間有夾住牛油都OK但係個蛋睇落好靚食落去有陣燶味懷疑係佢個鑊嘅問題😩食到一半就上埋第二轉嘅兩隻蛋撻今次冇咁燶係好食左嘅我諗值得讚嘅應該就係佢新鮮出爐熱辣辣同埋個皮食落去都係好脆 但係個底就好薄蛋漿好多不過都係覺得個蛋味未夠香 差咁少少總結而言我覺得淨係食佢個蛋撻就夠其他嘢應該唔好食 同埋佢堂食都真係幾唔抵