金九記海鮮火鍋酒家

营业中

休息中

Went there 2-3 years ago and it was value for money! Our recent experience was dreadful!  Ordered few dishes very disappointing quality and could not believe during this period of crisis, they are ripping their customers like this! Ordered deep fried rice vermicelli with lobster 上湯龍蝦煎米粉 , as you can see on this picture, the portion was so miserable for HK$ 498, it really looked like a left-over portion!   The crabs 油鹽焗奄仔蟹 at HK$ 150 each... another rip-off!  The kau-to deep fried fish 狗肚魚$90...

疫情下閒日下晝兩個人嚟搵食， 想食瀨尿蝦， 先問清楚個廚同夜晚一唔一樣， 佢話都係同一個大廚， 咁就落order啦， 椒鹽瀨尿蝦， 涼瓜炒蛋， 豉油王吊桶仔， 椒鹽瀨尿蝦真係冇得頂， 大隻又厚肉， 佢啲配菜入面好多花臣 ， 除咗椒鹽應該有啲紫蘇葉，香口好多， 豉油王吊桶又係正， 新鮮脆口， 豉油味道適中， 涼瓜變咗煎蛋 ，唔係我哋想像中咁 ，後尾諗返應該叫 鹹蛋黃涼瓜可能仲正， 坐樓下環境就茶餐廳咁啦， 冷氣充足， 招呼周到， 阿姐得閒搭訕好風趣 ，總括嚟講好滿意。

一早約好的海鮮白沙灣之旅😍😍😍店舖在小巷中位於最盡處，一共有兩層下層屬無空調空間，備有洗手間。上層天花較低，有比較大級的樓梯。老人家走上走落可能會有些吃力。（忘記拍照😂）有個小貼心位：洗手盤旁備有自動感應的洗手液機，廁所環境則比較殘舊。用餐空間主要使用傳統摺疊大圓檯，膠凳，室內大排檔feel✨🤟18：30pm入座，未坐滿。點菜後15分鐘上菜！==豉汁炒蜆==無沙有鑊氣！鮮甜多汁好味蜆肉未算十分飽滿，尚可。味道：4/5分❤️❤️❤️❤️===鹵水豬腳筋===人生第一次食豬腳筋，堅韌柔軟，滿滿的骨膠原，但多吃會比較滯😋😋😋味道：5/5分❤️❤️❤️❤️❤️價格：$105==白切雞==白切雞，雞皮爽滑😋肉質未算十分嫩滑，雞味偏淡，個人覺得蠻普通的。但老人家們都十分喜愛🙈味道：3/5分❤️❤️❤️==豉油皇吊桶==味道偏咸，吊桶是小型size,肉質爽滑勝在鑊氣夠！encore多左一轉😋😋😋，份量有點太小味道：4/5分❤️❤️❤️❤️===腐乳通菜===平日我是不吃腐乳通菜的，這個腐乳味道不算太濃，對我來說可以入口😂腐乳味接受度因人而異。老人家們則對這道菜不太滿意，說只是白灼通菜，加了腐乳醬，又不太夠味😂。我本身不愛吃，就不評

白沙灣附近食肆唔多今次比我搵到一間街坊酒家入親去都係熟客仔黎架個個餸都鑊氣十足坐喺餐廳入邊都聽到廚房嘅鑊氣聲人少少所以叫咗三個餸椒鹽鮮魷 好鬆化 好新鮮蠔仔蛋 有好多蠔仔 夠鮮味 個蛋仲煎到有脆邊添海鮮雜菜煲都好好味全部野大碟又抵食又足料大碟到都食唔晒添啊☺️ 睇返其他食客都係叫海鮮下次再試下先

同家人去西貢食飯, 最後就去左呢間金九記到食呢, 地點就係白沙灣附近, 而這間餐廳原來都好多名人成日來食嫁!黑椒焗豬手仔 – 佢分別有油鹽同焗黑椒焗既豬手仔, 我地就揀左黑椒焗, 豬手仔有咬口但唔會韌, 而且好入味送飯一流. 而且佢會整到一細細件可以好方便咁食.豉油王海中蝦 - 蝦殼香脆而且帶甜夠惹味, 蝦肉新鮮吃落爽口彈牙!味菜炒鵝腸 - 鵝腸份量唔係好多而且味道一般, 但係味菜就好好食.豉椒炒大螺 – 本身唸住叫蟶子, 但佢話而家天氣好熱新鮮既蟶子好少, 所以佢就推介我地叫豉椒炒大螺啦, 佢係起左個殼再炒的,

朋友介紹來試，點了3個小菜，1個炒飯。 味道不錯，但份量比預期小，以為自己去了吃tapas 。 最離譜是叫了豉油王大蝦，給了2個大蝦頭，2 條蝦尾加乙2條小蝦, 鼓油皇大蝦通常原隻上，極少斬件，終於可以見識了搵笨之作。跟老闆娘說這是大蝦嗎？她說已經很大。同晩去了西環一間吃潮州菜，不服氣點同樣是鼓油皇大蝦，都是原隻上及隻蝦比金九記大很多，價錢竟然一樣，65元一隻。很少寫食評，今次一定要寫出來，分享給大家想去這家食店經驗，我自己應該不會再去這食店。

有個朋友仔搬咗入嚟西貢咁佢話附近有一間炒小菜好出名我哋幾個朋友仔一齊入嚟同佢食入伙餐佢就介紹左呢間金九記所有野都水準以上鹽水豬腳仔又入味又爽口生炒排骨都好滋味個蟹D蟹膏好鮮甜冇得頂個湯夠火喉，條魚滑到不得了我唔食魚都食咗兩舊，仲有嘅就係個炸湯圓從來未食過亦都從來冇聽過但係佢將芝麻湯圓拎黎炸好特別非常好味吖😱😱😱我食咗三粒可惜呢間鋪頭剩係得西貢有所以唔係順路都唔會入嚟食不過值得推介👍🏻👍🏻

平時去西貢，每次都會經過白沙灣。但講真會專程去白沙灣的機會就極之少，更何況係在白沙灣食午餐。今次跟朋友入西貢，就專登在白沙灣停一停，話要試下在「金九記」食午餐。朋友話睇電視介紹過這間餐廳，梗係趁機會試一試。見佢有特價午餐，最後就叫左「枝竹斑腩飯」。個餐一上檯，發覺碟飯好大碟，心諗早知叫少飯。之後試食枝竹和斑腩，枝竹腍身、斑腩都算厚肉，而且兩樣都好夠味，用來配白飯真係唔錯。個午餐只係$46，份量都很足夠，所以絕對值回票價。下次有機會，都會來食晚餐，試下佢地的海鮮。

老哥回巢，為老媽慶生。小的百無聊賴，當然一同參與。在閒日的晚上，老哥因工事繁忙要七時始離開公司，咱們便一起於老家守候。幸好交通暢順，七時半便到樓下，老哥買了新車，小的只聞其聲，這次終有機會乘坐老哥之豪華房車，心情異常興奮。黑色的七人車融入街上漆黑的天色裡，在昏黃的燈光下，小的就是瞧不清楚。好奇地摸上一摸，觸到的非是光滑典雅的歐陸外框，卻是滿手的塵土。老哥也是太也骯髒了罷！原來他自工幹回來後從未碰過他的車子，能順利啓動已屬天大的福氣，那就莫計較那麼多罷！ 開車接上嫂嫂與侄女兒，咱們便出發往西貢吃海鮮去也。一直以來小的都認為西貢的海鮮都宰羊牯，要有熟人帶路才成。金九記位於入西貢市中心前的彎角路，位處海旁公眾停車場的隔鄰。老哥乃識途老馬，停下車子步入暗黑的轉角樓梯，拾級而下經過黑幽幽的檔口，臨盡處始現光明。原來金九記如廝隠閉，來訪的都是熟門熟路的老食客，難怪與馬頭區宰羊牯的海鮮店截然不同了。 侄女兒似開籠鳥，吱吱喳喳地嚷這喚那，到店便吵著要看魚魚。小的跟著老哥走到店舖末端的小魚池區，縱然不是碩大的魚缸，但也有多款不同的選擇。老哥與老闆娘相熟，自然由他發辦。小的只在一旁聽候差遣。 豉油皇大蝦

一間除左門牌，表面非常平平的食店。老闆娘非常有善，亦無一頸血既感覺。食得非常舒服！價格亦算合理。叫左四道菜，每道菜都有驚喜。先是那道兩隻手指粗的豉油皇中蝦，蝦本身非常彈牙！汁是豉油加蠔油做汁，比只是豉油煮的蝦更鮮甜。因在蝦肚位開了一刀令汁深入肉內，味道完全進入蝦肉中。用每天買回來的新鮮魚煮的湯底加豆腐煮的白菜豆腐湯。味道非常鮮甜。椒鹽豬肚亦很特別，當小吃送酒一流！豬肚本身的香味並沒有因為椒鹽而失去。直得一試。最後一道菜是沙疆雞，用的是新鮮雞，而且非常入味，枱上沙疆醬跟本用不上！ 最可惜的是每碟份量不少，最後無法吃甜品！各位有機會去吃的話，記得要試一試炸的黑芝麻湯圓！看著隔離枱吃得津津有味而又吃唔落..好難受⋯⋯

細個既時候，媽媽都會好中意帶我地去西貢玩，之後就會同我地去無乜裝修既金九記開餐，你會見到好似好舊，但店內有好多老闆娘同唔同明星既合照，今日就連同媽媽同媽媽一位朋友重遊舊地，當日平日，所以人唔多。我地當日3個人點左4個餸，份量非常足夠，多到差D食唔哂，平時黎到會食海鮮，但今日唔係Ｄ咩特別日子就唔食咁豪喇。 首先講下每次黎到金九記都會叫既蠔仔粥，蠔仔大大隻，脹卜卜，好鮮，個粥食到有一塊塊脆脆地既，我估果Ｄ就係大地魚乾，令到個粥提升另一個層次，水準依然。之後就講下，食海鮮香口野中既首選，椒鹽九肚魚，我想個九肚魚真係超級好食，炸皮好薄，薄得黎又脆，入面條九肚魚仲要係勁嫩滑，Juicy ，成件事雖然係炸，但係個感覺唔會好油膩，好正！鹽焗豬手就未叫過，但都有驚喜，豬手唔會太林又唔會太硬，有Ｄ爽口，味道又入哂味，咁既整法豬手同平時好唔同，好似好簡單，看似平凡既一道菜，但我知道唔係個個做到。最後講個茄子米餅，呢個係咁多個入面最油果個，但係都好好味，茄子下面個炸米餅炸到岩岩好，Ｄ茄子都係岩岩好熟，唔會太林，有咬口，都係好味道。呢一間由我細到大都可以keep 到一灌水準，都係咁

第一次嚟食 ，每樣菜色畀我嘅感覺都滿意， 無論材料煮法都非常之好 。我唔係太喜歡食瀨尿蝦嘅， 因為唔係太多肉 ，但係今次令我對瀨尿蝦改觀， 老闆娘果然好推介。 另外， 我都好欣賞啲小食，我試咗豬手 ，小魷魚 ，味道質素都高過多大酒樓 。總括而言呢 ，係啲食材夠新鮮， 招呼好周到 ，不時都問下你對啲菜色嘅意見， 好親切嘅感覺。甜品係炸湯圓簡直係very good ending~ perfect雖然同西貢碼頭比較，位置有啲唔方便 ，但外面都有個停車場， 小巴都經過，值得去試下

一行7人專登入西貢食海鮮，揀左白沙灣馬頭附近既金九記，旺角搭紅van 7個字到，算方便。之前訂左枱唔使等。點左7個餸：豉油皇吊桶：吊桶彈牙新鮮，豉汁鮮甜美味，good! 但碟頭不大，7個人1件起2件止。蒜蓉粉絲蒸扇貝：扇貝超大粒，好驚喜，新鮮鮮甜彈牙，唯一美中不足豉油太少，只在碟底，要拆扇貝出來再點先夠味。清蒸飽魚：中 size，新鮮，唔會蒸得又老又韌，不錯，但無咩驚喜。芝士龍蝦伊面：$288果種，已超多龍蝦，龍蝦彈口新鮮，芝士超香濃，連唔鍾意食龍蝦既老公都話唔錯。伊面墊底比較淋，但如果真係focus on 龍蝦佢真係掂!豉椒炒蜆：味道ok，但無驚喜。奄仔蟹：多膏，鮮味，肉爽，一人半隻好回味！另外再叫左個腐乳通菜，汽水，白飯咁，好飽。埋單175X，每人$250，呢個質數食左咁多海鮮算好抵。真心推介食海鮮唔使入到市中心食貴野！

諗起海鮮就想到西貢，但這日朋友介紹我們到白沙灣食海鮮由於這兒無西貢中心咁方便，價錢比西貢抵食好多，但海鮮都是咁新鮮的白沙灣碼頭風景好美喔 !!!碼頭有一些咪錶位，我們這日早了些到，很易搵到位泊車這兒的海鮮店規模無西貢市中心的大，不會有大魚缸，海鮮款式也不會太多但我們想食的奄仔蟹、豉油皇大蝦 ... 都是這店的招牌菜一坐下，先來個鹵水豬腳筋 ... 鹵水不太咸，腳腳筋煮得好入味又夠腍白灼跳螺 本來不鍾意食跳螺，因為之前食的跳螺很細隻，無咩肉又食不出味道但這日的跳螺較大隻，肉質鮮甜又彈牙椒鹽鮮魷 ... 外面的脆漿不太厚，炸到鬆脆，魷魚又夠新鮮彈牙鬼馬九菜花抄蜆仔 ...因為個菜名得意所以點來試，其實與很多菜館的小抄王差不多裡面有九菜花、蜆仔、蝦乾 ... 抄得乾身又夠穫氣『鬼馬』就是油條，好脆的油條夾埋九菜花和蜆仔一起食好好味 豉油皇大蝦 ... 是這兒的招牌菜，友人的推介菜蝦很大隻，惹味的醬汁滲入大蝦裡面很入味，肉質扎實又夠鮮味蝦殼又炸到酥脆，好味到連蝦殼一起食豉汁涼瓜炆班腩 ... 又是一道惹味的餸菜，涼瓜甘香又不苦，炆得好夠味粉絲蒜蓉蒸帶子 ... 帶子夠大隻又夠厚肉，調味不太重

同家人去西貢食飯, 最後就去左呢間金九記到食呢, 地點就係白沙灣附近, 而這間餐廳原來都好多名人成日來食嫁!黑椒焗豬手仔 – 佢分別有油鹽同焗黑椒焗既豬手仔, 我地就揀左黑椒焗, 豬手仔有咬口但唔會韌, 而且好入味送飯一流. 而且佢會整到一細細件可以好方便咁食.豉油王海中蝦 - 蝦殼香脆而且帶甜夠惹味, 蝦肉新鮮吃落爽口彈牙!味菜炒鵝腸 - 鵝腸份量唔係好多而且味道一般, 但係味菜就好好食.豉椒炒大螺 – 本身唸住叫蟶子, 但佢話而家天氣好熱新鮮既蟶子好少, 所以佢就推介我地叫豉椒炒大螺啦, 佢係起左個殼再炒的, 整體有小小韌但都算合格啦.椒絲腐乳通菜 – 同平時食既都係一樣, 不過不失.炸湯圓 – 呢個糖品真係必食, 首先就係唔係好多地方有啦, 同埋就係真係好好食, 來到果陣仲係好熱辣辣的, 外脆內軟!