金九記海鮮火鍋酒家

金九記唔係我成日去既食店，因為貴... 但非常好味，我有咩大時大節就諗起佢，過試用，加人工，出雙糧，今次係同阿媽慶生...一去到，老闆娘知我地唔識叫就開始介紹，佢開口就介紹海鮮，龍蝦米粉底，脆腸粉炒肉蟹，椒鹽癩尿蝦，唔貴o個樣唔介紹，每次聽到d 價錢，我同太太都O 咀... $488,$588, 豆腐魚湯都要$160？ 對於平日食Lunch 食$50阿活既人嚟講... 係天價.. 加上食海鮮，一定有被劏的心態...我見阿媽生日就豪一次 不過呢，唔好比價錢嚇倒，因為d 野夠大碟，三個人叫三味連湯，每人唔過$400食到飽，其實抵食過好多放題，自助餐... 因為呢度既野，味道，冇幾間有...我唔識寫食評，簡單d 講：白菜豆腐魚湯：濃郁（奶白色），足料，夠熱（飲到尾都係出煙）脆腸粉炒肉蟹：肉蟹夠大隻新鮮入味，脆腸粉咬落有勁，個蟹汁夠餸一碗白飯 椒鹽癩尿蝦：肉質厚，外殼香脆，椒鹽惹味，類似既質素，15，6年前o係布袋澳同阿爸食過一次，之後未再遇過...白飯：夠熱，夠棉服務好，動作快夜晚嚟，泊車好方便，大把街錶PS* d 野係貴，但阿媽話街市要買都唔平阿媽仲話好滿足（佢好少表態）我同太太講，老闆娘，信得過！（雖然我哋每次都懷疑佢）…查看更多

入得西貢食海鮮，俾得起價錢當然要有質素嘅食物，最緊要信得過，如果唔係，食得唔開心有咩意思。海鮮周圍都有，唔係蒸就係煮，唔係煮就係椒鹽，一啲技巧花款都冇。所以選擇咗嚟呢度，當然食咗幾次先寫食評。質素每次都keep得到水準，而且菜式特別，好多餐牌上面冇，介紹得一定係好嘢，有啲需要預訂。最緊要嘅係趕時間就唔好嚟食，呢度樣樣都係即叫即煮，廚師講求質素，絕對唔會求。服務好，有傾有講，所以好多都係熟客仔👍🏻…查看更多

佢地星期二假期，我就星期三晚市第一枱客，老板娘極力介紹腸粉蟹煲，信佢啦，結果就係 $388 腸粉~死蟹煲，果然係有陰謀我太大意了，佢無比海鲜我睇，就中伏了，放假後的死海鲜益晒我加多條冰鲜星班 $458…查看更多

🍜 手工撈起，我喺呢間食店試咗好幾道菜色，每一樣都係懷著滿腹期待嘅。豉油皇中蝦肉質挺彈有勁，每啖咬落去都好似有得聽見請你食嘅叮咚聲咁解渴，真係叫人一試難忘！椒鹽豬肚嘅香辣惹味，外酥內軟，幾適合同幾杯涼茶一齊過，諗起都口水直流😋。🥣 白菜豆腐湯純淨得黎有一股家鄉味，好似飲到啱啱媽媽煲好嘅湯一樣暖笠笠，魚底湯頭鮮甜中帶絲絲清香，確實係㕑房中嘅一股清流。而沙疆雞嘅肉質滑嫩，見到個賣相雖然一般，但係咬一啖，味道嘅滿足感直接突破味蕾，簡直好過連環太保🐔！最後唔得唔講，炸咗嘅黑芝麻湯圓又香又糯，個皮炸到金黃酥脆，入口即溶，真係蝦夠kick！如果唔係食得太飽，真係想再嚟多兩碗！總而言之，呢啲平民小菜可謂係平易近人中嘅佼佼者，從呚呚又岩飲啲咩嘅人都啱食，係真正嘅食客福音！👍🏻…查看更多

今次去到西貢，行過黎卡路旁邊，就試咗間我聽朋友推介嘅海鮮舊字號。第一碟就係香口豉油王海中蝦，啖啖肉嘅蝦仁超彈牙💥，鹹香夠晒勁！緊接佢嘅係炒鵝腸配味菜，味道走中庸，但係炒得啱啱好，唔油膩。咁嘅天氣，少唔免要啲熱辣辣嘅出品，豉椒炒大螺就啱晒！大螺肉厚身嘅感覺，同埋嗰陣黑椒香，正！話說返嗰碟黑椒焗豬手仔，忍唔住食咗三大塊；入口即溶，軟綿綿勁好滋味😋。通菜就簡簡單單，清新解膩。最後，嗰碟炸湯圓🌀，完美緊扣埋晚餐。外面炸到金黃酥脆，咬落去裏面啲流心芝麻餡湧出嚟，我話你知，真係幸福感滿分！口味相撲，食材勁正，唔講得太多專業術語都知道，呢度啲海鮮做到心水準噠。食完啲味道喺咀裏面圍繞，嗰種fresh到不得了嘅感覺，真係食貨嘅小確幸。下次再黎西貢，呢度係我嘅must-go list，整體黎講，食咗咁多回，味道同質素都跌唔落，堅強推薦喇！👍🏻…查看更多

😋🤤😍隱世港式海鮮～招牌隱蔽到幾乎都睇唔到～好多港式地道美食～💃👉油鹽焗奄仔蟹～奄仔蟹唔算好大隻～但係啖啖肉好清甜～正～👍😍👉豉油王花竹蝦～勁大隻～蝦肉超彈牙～惹味到連汁都食埋～必食～👍😍🥰👉雜魚湯～簡單清淡雜魚豆腐白菜仔湯～鮮甜有魚味～重點係無味精～👍👉脆炸豬大腸～香港特色街邊小食～炸得好香脆、一定要趁熱食～就係個種味道(有人頂唔順個隻味)～🤭🤭🤭👉臘味炒飯～好有鍋氣～好味～👍…查看更多

唔記得幾多年前，朋友帶我來食飯，一食就甩唔到了，所以我出我第一編食評會用金九來寫😋首先講服務，係我最鍾意嘅家庭式經營，同客人有傾有講，唔係淨係關注你叫咩食而食貴定食平嗰啲囉…….有時我叫多咗，老闆娘都會制止我話夠㗎啦🤣🤣食物方面，原材料每日新鮮採購，食魚一定係海魚，所以我每次提供只係做法點樣整，有乜魚就食咩魚！食個罕有嘅大紅斑同埋蘇媚🤣🤣每年大概10月份就會打定電話問幾時會出臘味糯米飯，呢個係我朋友圈之中必食之選，點解10月先會開始有？因為老闆話臘味唔靚唔新鮮就唔會用，情願唔賣👍🏻👍🏻必食推介就有鹽焗奄仔蟹，豉油王蝦，油鹽水魚加辣，龍蝦米粉底（米粉先係主角),豉油王吊桶..…….通通都係必食😋😋😋…查看更多

上次食完豉油王蝦，超級好食，蝦🍤殼係炸到可以食埋，隻🦐🦐好新鮮同好大隻👍🏻👍🏻👍🏻，重點係夠鑊氣🔥🔥🔥，仲有其他椒鹽類嘅嘢食，一啲都唔油膩👍🏻👍🏻👍🏻，今次自己一個人去食，又係再點番我最愛😍😍嘅豉油王蝦🦐、椒鹽魷魚🦑，再加多個春卷加埋🍺，春卷稍為遜色了一點，但另外兩樣食品冇得輸，下再試埋豉油王吊桶同埋上湯龍蝦🦞煎米粉、仲有炸湯圓店員都非常有禮貌同海鮮幾多錢，起碼感覺明碼實價絕對值得去食👍🏻👍🏻👍🏻…查看更多

2023新年嘅第一日，喺西貢行完山來食晚餐。今次係第二次嚟。三個女仔，嗌咗炒蟶子、菠蘿咕嚕肉、豉油王大蝦、豆腐魚湯，同埋炸湯圓。蟶子肥美鮮甜就as expected，加咗啲九層塔好香。咕嚕肉簡直係一絕，入邊嚿豬肉肥瘦啱啱好，又好Juicy，出邊嗰層薄薄哋嘅脆漿，幾乎不存在但咬落去又真係有少少脆👍，連我嗰位唔係好鍾意食肉嘅朋友都話好食。豉油王大蝦一斤有成10隻，炸到酥脆可以成個頭一齊食埋，仲要有蝦膏，啲肉彈牙，連埋啲蔥同豉油汁(記得嗌多蔥😉)，爭啲連隻碟都舔埋😅 豆腐魚湯就好屋企feel，加埋白菜仔，我鍾意落勁多胡椒粉，一個人飲咗三碗😹 我平時唔係好好甜品，但係呢度嘅炸芝麻湯圓就一定要食，唔講點解了總之一定要食🤣 大家新年快樂🥳p.s., 我哋已經諗埋今次冇食到，下次来要食嘅嘢：龍蝦米粉、奄仔蟹、豬腳筋、炸生蠔…😋…查看更多

三個人食晚飯，點了蠔仔粥，兩隻賴尿蝦，兩隻奄仔蟹，炸湯圓，醬油吊桶。好滿足，好好味！好想推介給大家！先介紹咗兩隻奄仔蟹，多肉，多膏，鮮味，好好食。仲要大細適中，連腳都有肉食！椒鹽賴尿蝦，勁大隻筷子咁長，外殼香脆，肉質鮮甜有汁，肉唔會痴殼，連個配料都超正，有豆豉及炸香脆的香葉，如果同啤酒一齊食，會超開心，超推介！蔥油吊桶，個蔥油醬汁好香濃，真係可以點一份，加碗白飯食，都好開心。個吊桶鮮味唔會比醬汁搶走，仲要有汁，彈牙的同時又好易咬，好好味😋。必試！蠔仔粥，相對較為普通，但食到尾凍了，都唔會有腥味，用料新鮮。甜品炸湯圓，一定要食，一粒外脆內軟嘅芝麻湯圓，唔會癡呀，唔會太甜，有芝麻香味，食完會再想食。而且湯圓的由來是一個充滿父愛嘅故事，想知就真係要去試吓啦！最後，一杯看似普通的茶，原來是有用心的調制出來，是用幾種不同的茶葉混合而成，飲落有香片的清香，但係又有青鐵觀音嘅味，所以都真係要飲，不要只用來清洗餐具！整體而言，好滿意，推介！…查看更多

政府一話要禁晚市堂食，我成家就把握最後一夜嘅機會，即刻call三妹姐，叫佢留返張檯同條魚比我。幾年前好random係白沙灣碼頭搵到呢間金九記，一試愛上。每次想食蒸魚，都一定係去金九記，新鮮同大大條呢個就一定嘅，蒸到岩岩好熟同滑，仲要價錢實惠，真係非金九記莫屬。比起西貢市中心嘅酒樓，金九記係up dup d，但性價比高，同埋店內永遠都有溫馨的感覺。今晚條魚勁大條，所以四個人剩係叫左蒸魚，四個飯，一個魚仔湯，加個香口蝦多士，就夠哂飽飽。…查看更多

去飛鵝山睇完日落，諗住去隔離間茶餐廳晚飯，點知星期三收 7 點，泊咗車，唯有去呢間啦！3 條友叫咗豬潤菜芯，避風塘炸雞同魚腩，2 碗飯同一支啤酒，碟魚腩正如另一個食評，件數少如食剩咁，雞都唔算大碟，食完餐飯係好似無乜嘢落過肚咁！招呼也不算十分好，叫我哋搬嚟搬去，隔離檯叫咗個湯有豆腐，話豆腐好似變咗 🤮，佢就收咗話唔好飲啦！反正都無乜嘢好加，我哋就埋單去買糖水睇星，不過就記住星期三唔好去嗰頭揾食嘢囉 😅😅😅…查看更多

西貢嘅一間大排檔！味道好味，上菜熱辣辣，海魚非常鮮甜好味，魚肉多勁滑！雖然條然斤零重要$300幾但我覺係值，你會真係食得出係海魚而不是養魚，仲有個金不換炒蜆個味一試愛上，仲可以要求加辣！真係好好味！我呢個星期食完一次後隔日又再食多次，哈哈！！記得第一次去冇食魚個姨姨話嚟呢度一定要食當日嘅海魚啦！但上次時間好趕只食小菜已超回味！魚香茄子煲都係要試好濃味又多汁可以送兩碗飯！但坐就真係迫小小，但食開大排檔嘅都會接受.…查看更多

父親節全家一起挑選了這間位於西貢餐廳☺️為慶祝父親節這次點了七個菜，椒鹽九肚魚，鮮魷炒西蘭花，豉椒炒蜆，豉油王吊桶，砂礓雞和腰果雞丁。其中豉油王吊桶十分出色，每次必點的一道菜。反而椒鹽九肚魚味道稍淡，可以多放些少椒鹽味道會更好。總括來說價錢實惠，菜式也很多。👍🏻…查看更多

有日揸車同朋友仔去白沙灣碼頭釣魚，釣到咁上下就係The Pier 酒店隔離既茶餐廳食午餐，因為方圓十里都冇嘜選擇，落咗幾級樓梯後，會發現原來仲有一間茶餐廳係入啲嘅位置。朋友就帶咗我去食入啲果間，佢話食過無數次，入啲果間好食好多。落完單無耐，姐姐就俾咗碗老火湯我哋飲，連飲品錢都慳埋 😝 老火湯係豬骨蘿蔔湯，味道唔錯無咩味精。豉椒鮮魷飯 ($48) : 鮮魷望落雪白有光澤，口感肉厚彈牙感覺幾新鮮，而且鮮魷份量都幾多，真係估唔到。👍🏻…查看更多