金九記海鮮火鍋酒家

营业中

休息中

同家人去西貢食飯, 最後就去左呢間金九記到食呢, 地點就係白沙灣附近, 而這間餐廳原來都好多名人成日來食嫁!黑椒焗豬手仔 – 佢分別有油鹽同焗黑椒焗既豬手仔, 我地就揀左黑椒焗, 豬手仔有咬口但唔會韌, 而且好入味送飯一流. 而且佢會整到一細細件可以好方便咁食.豉油王海中蝦 - 蝦殼香脆而且帶甜夠惹味, 蝦肉新鮮吃落爽口彈牙!味菜炒鵝腸 - 鵝腸份量唔係好多而且味道一般, 但係味菜就好好食.豉椒炒大螺 – 本身唸住叫蟶子, 但佢話而家天氣好熱新鮮既蟶子好少, 所以佢就推介我地叫豉椒炒大螺啦, 佢係起左個殼再炒的, 整體有小小韌但都算合格啦.椒絲腐乳通菜 – 同平時食既都係一樣, 不過不失.炸湯圓 – 呢個糖品真係必食, 首先就係唔係好多地方有啦, 同埋就係真係好好食, 來到果陣仲係好熱辣辣的, 外脆內軟!

找海鮮吃？西貢一定係香港人嘅首選。但可知道西貢海鮮有多貴，仲有很多呃遊客、外國人等的大招牌海鮮餐廳。但眾多海鮮廳中偏偏有一間隱藏於近碼頭的小巷裏，價錢相宜，海鮮新鮮，老闆娘很好很老實，耐心的介紹當日新鮮的海鮮給我們，還會告訴我們有些不是季節的海鮮不好叫。我們一班6人用餐，吃得非常滿足1. 豉油王吊桶（很野味，吊桶很入味，質地彈牙）2. 菠蘿生抄骨（酸甜適中，沒有太多肥糕）3.) 蝦醬抄菜 (香口新鮮，不會太濃過鹹）4.) 椒鹹瀨尿蝦 (肉嫩夠juicy, 蝦殻很脆很正，我吃下了半個蝦殻）5.) 蒸魚( 花闆娘介紹了一條當日新鮮並夠我們人數吃的一條斑，魚厚但蒸得中，蒸得熟而滑，又夠味！贊！）6.) 最後以完美的炸湯圓作結，老闆娘特登為我們做的，平時要預留才有機會吃（皮薄而不油貳，內裏是熱燙燙的芝麻溶，非常特別的一道甜品）最後埋單$1600，每人266，又蝦又魚相當抵食！ 係西貢食海鮮嘅首選！

呢度黎過4-5次架喇, 今次去西貢出海, 玩完順便黎醫肚!!因為玩完水上活動真係好肚餓, 我地瘋狂叫左粉絲湯煮蜆- 呢個係伙記推介, 佢話今日啲蜆好肥好大隻, 狂sale之下叫左...真係每一隻蜆都超肥美!!! 個湯仲要超鮮甜, 完全有哂蜆既精華, 真係無介紹錯呀!!!!!!!!!!!!!!!!!!!豉椒炒聖子- 一向好鍾意食聖子, 份量都好多, 聖子係中型size, 炒到岩岩好, 勁爽口!!! 而且個汁唔會偏甜, 岩哂我!!!!!豉油王蝦- 呢個次次黎親都必食, 啖啖肉, d殼一撕開就甩, 唔會過熟,蝦肉超新鮮彈牙, 加埋個汁黎炒真係人間極品!!!!!!!!!!!! 蒸石斑- 呢度蒸魚有一手架, 黎親一定會蒸條魚, 呢度絕對好過無數間酒樓同海鮮酒家, d肉滑到無得傾, 但條魚又唔會過生, 火喉控制既工架絕對係唔惹少!!!!!!!!!避風塘炒花蟹- 呢個又係伙記介紹, 話今日花蟹好靚, 靚就真係幾靚, 不過用避風塘煮法, 花蟹始終唔及肉蟹, 令花蟹本身既清甜味被辣蒜蓋哂...炸桶蠔- 呢個炸蠔真係超大隻, 炸得岩岩好, 入口好似食cream咁, 不過炸粉太厚, 如果薄薄地包住黎炸會更好

住在香港那麼久, 其實都不是常去西貢吃海鮮, 從小時候開始都是多去北角碼頭買海鮮回家煮以前住在紅磡, 有時候就真的是坐船去北角到北角碼頭, 買完海鮮之後就直接坐船會紅磡所以我人生去西貢十根手指都會數得了, 是身邊多了懂吃喝的朋友, 紛紛都說白沙灣的金九記好吃其中有位女生更興奮地跟我說:"金九記好正架, 海鮮又平又好食, 尤其是奄仔蟹"身為蟹癡的我便組了團一嚐平靚正海鮮金九記其實不難去, 去西貢的小巴巴士都經白沙灣, 從站下車對面走幾步就到了訂了桌坐下後去挑海鮮, 不一會海鮮就上菜了鹽水雞腳先點些小吃解解饞, 鹽水雞腳很難不好吃的, 蘸沙薑醬就很美味了不過雞腳不是熱上的, 我喜歡吃熱的鹽水雞腳椒鹽九肚魚很喜歡這種的椒鹽, 九肚魚肉質嫩滑, 炸得也不會油配上惹味椒鹽很下酒, 當天朋友帶了白酒, 我們也有點啤酒, 很快也被我們吃完了但同一問題, 就是不太夠熱, 可能這兩道餐前小吃是以前預先做好的了豉油皇吊桶朋友說金九記的這道菜很好吃. 吊桶是真的很新鮮啦, 彈牙鮮甜但醬油就沒有很能附在吊桶, 沒有很能被吊桶吸味道醬油香蠻重的, 味道好, 食材也好, 就是煮的時間有點不夠豉椒炒蟶子這道炒得夠熱

每次有朋友問起西貢那家海鮮酒家又平又好吃的時候，我總會想到這裡，雖然她並不位於西貢市中心，但由九龍區到西貢的路一定會經過，一點也不難找，也正正因為她並不在市中心，所以價格普遍都比那邊的便宜。第一次來都已經三年多前了，陸陸續續來了好幾次，對上一次來已經差不多一年前了。是日天氣不怎麼穩定，本來有點擔心到西貢的路會塞車，打算取消，不過最後還是一起出來，因為殺殺殺小隊隊員好像已經很久沒有坐在一起吃飯了。豉油皇大蝦。這道菜算是這裡的招牌菜，炸得香口的大蝦好吃得可以連蝦殼也吞掉，以前我會這樣，可是現在怕消化不好所以沒有再連殼吃了。蝦肉肉質扎實有蝦味，吸收了甜豉油的香，不會過鹹。豉椒炒蟶子。上檯時三色椒的味道非常重，同檯有怕吃椒類的隊員嚇了一跳，她說連蟶子都充滿椒味，而對於愛吃椒類的我當然沒問題，幾乎吃了七成的椒。至於蟶子，二十多元一隻，用豉油炒其實也不錯，蟶子新鮮彈牙，不過隊員們還是覺得用蒜蓉蒸會比較好吃。鹽焗雞。就算不醮沙薑醬，雞已經很入味，雞有雞味，肉質嫰滑有彈性，不錯的說。椒鹽鮮椒。份量看起來有點小，魷魚都切成小塊去炸，炸漿夠薄，灑在上面的炸蒜蓉又夠香，新鮮熱辣又香口。清蒸星斑。一斤多的星斑

Not your typical expat haunt. It is a small dai pai dong style restaurant located down some steps beneath Thai Thai 2 in Pak Sha Wan, not far from Hebe Haven Yacht Club. Our Cantonese friends made the order but there is also a detailed English menu. Staff were very friendly and helpful. They even had a few children playing nearby. Amongst many dishes (and much Tsing Tao beer) we had steamed prawns, sweet and sour pork (without bones), salted and preserved eggs with spinach, fried wontons, steame

開年雀局，想不到原來街坊雀友的雀友是金九記的第二代當家，她專程由西貢帶來一盆店自製盆菜，說到用料也真豐富，除了橫財就手、笑蝦蝦、發財金蠔外，還有土魷、鯪魚丸和花膠，首次吃到海鮮人家的盆菜感覺也特別，尤其金蠔特別甘香。也祝大家龍年財運亨通！

一直很想試試這間口碑載道的海鮮飯店,無奈地點實在吊腳,一定要開車來才方便.這次趁住筆者生日,約齊家人一起前往試試.星期六下午七時半,白沙灣碼頭的停車場例必爆滿,咁好彩俾我哋泊埋last一個位,運氣實在唔錯.泊好車要找金九記一點也不難,往回頭路走,落幾級樓梯就見到.是日拖著小狗,只能夠坐戶外座位,還好金九記的大牛角扇夠力,枱底又點了蚊香,坐得幾舒適.坐好後事頭婆幫我哋點菜,經她推介下要了豉椒蟶子,豉油王海中蝦,沙薑雞半隻,椒絲腐乳通菜,蒜蓉粉絲蒸元貝和蒸海杉班.落完單唔夠五分鐘,傳菜阿姐端來沙薑雞,沙薑雞是事前做好的,實在正常不過.但係緊隨而來的豉椒蟶子和豉油王海中蝦,能夠在五分鐘內端來,必定也是事前做好.這就有點問題了,老遠跑來西貢白沙灣,為的就是吃到新鮮熱辣的海鮮,現在這兩道菜入口卻是暖的.又若果炒蟶子是事前做好,事頭婆推介時為何又會以25蚊一隻計價?你一大盤炒好,天曉得我碟蟶子有沒有足4隻?應該用例牌作單位吧!沙薑雞--味道不錯,醮一點沙薑醬同吃,很開胃很好送飯.雞味算濃,不過有點偏肥,肉質也不夠嫩滑,烹調得有點兒過火,但整體來說吃得過.豉椒炒蟶子--點菜時,事頭婆稱他們不賣細蟶子

今日平安夜黎食，一早訂左檯，四個人七點到無乜人，坐低老板娘就埋黎介紹食物，叫左唔少野，樣樣名物都想試下：雞腳好入味，唔太咸，唔錯。蟶子好爽口好惹味。蝦幾大隻，開隻好入味，豉油味濃。雞有雞味，唔似冰鮮貨，沙薑味夠無使點都好入味。吊桶好新鮮，好爽口，唔怪得檯檯都叫。魚肉好滑，剛剛熟，正。蝦好新鮮，肉爽口。蟹肉味濃，但唔太實肉。薑汁味唔太夠，但菜好脆口。仲有鮑魚同豉油王炒麵唔記得影，其實四個人食咁多野真係幾誇，不過每樣少少，樣樣都試到。總括黎講樣樣食物都好新鮮，味道亦好好，調味唔會太濃蓋過海鮮味。埋單千七蚊，一次過試晒咁多樣名物，都算相宜。

今次係第二次幫襯金九記, 心情一樣好興奮~返兜原因確係因為食物新鮮又夠獲氣!!!!由於去過既關係, 所以已經一早決定晒當日叫既食物, 成張紙遞比個伙計, 效率何其快~鹽水雞腳 –呢個真係無諗過咁有水準, 可以話我食過咁多間既鹽水雞腳最出色, 不得不讚既係個沙薑汁真係好正你點過不停~豉油皇吊桶豉油 –吊桶好食過第一次, 又爽口又有鮮味, 有衝動想叫多碟~上湯蠬蝦伊麵 - 蠬蝦夠新解,肉質彈牙岩岩好,不過上湯味道唔夠濃, 太稀身不能完全扣在蠬蝦及上伊麵~ 有點失色!!!蒸老虎斑蒸 –魚肉簡直滑到流, 正正正...蒸既時間恰到好處, 一定耍好有經驗既師父先可以有如此既功力, 勁...順帶一提~條魚不消5分鐘掃清~豉油皇蝦 – 味道獲氣依然KEEP到, 正...可惜蝦唔夠大隻, 無啖啖肉既感覺蒜蓉粉絲蒸聖子 – 聖子夠大隻又新鮮好味道...不過略嫌粉絲太過乾身, 蒜汁亦唔夠~薑汁芥蘭 – 係阿姐介紹架...真係出奇既好味, 芥蘭食落唔苦又無渣, 火喉又夠好有獲氣~椒鹽九肚魚 – 因為之前食過椒鹽豆腐, 覺得唔掂~轉左九肚魚, 好食好多~芫西魚頭皮蛋湯 – 好一般, 無味既~我阿媽煲得仲好飲~沙

要在同區附近找一家不太貴的海鮮飯店，最後選了在這裡，一來此處比西貢市中心要近，二來此處價錢比市中心的便宜，由於是日時間蠻趕的，仗着人多的優勢，與店家先擬定了賬單，好讓大家省點時間，也令大家有個預算，最後和店家商討之後，定了一個十三人份每人百五元的菜單。本來以為這個價錢，應該吃不到蒸海魚等較貴的東西，怎知道最後店家擬出來的這份菜單，竟又有蝦、吊桶、蟶子、蟹及魚，另外還有海鮮湯、蠔仔粥，另再搭配一隻雞、炸豆腐及一碟莧菜，單尾還有豉油皇炒麵吃，負責與店家商討菜式的我當然希望大家夠吃，吃得高興。由同事做柴可夫送我們來到此店對面的小停車場，在此先多謝駕車的同事，之後大家就浩浩蕩蕩走到一條有點濕滑不整潔的樓梯，穿過店家洗碗碟的地方，穿過有冷氣的內堂後，再上樓梯到一樓的另一個用餐室，是日原來我們包場，樓底是矮了點，地方也不太整潔，不少蚊子在飛來飛去，但基本上這個用餐室至少乾爽而冷氣又夠，對我來說不是大問題。坐好之後，已經可以立即上菜了，先來的是白灼蝦，蝦身挺大隻，勉強可說是屬於中蝦的類形，隻隻差不多大小，公整而呈蝦肉色，吃白灼蝦當然是用手剝殼，肉不太「痴」殼，也挺易剝的，入口介乎爽口與霉之間，蘸少許

兩個人一早去，唔使等，但係之後就好多人，爆晒，建議訂位。叫左　豬腳仔、鹵雞腎、炒通菜、豉油王吊桶、炸豆腐、蒜容蒸蟶子豬腳仔同行友人唔鍾意佢地嘅豬腳仔，覺得太'諗'，但係我覺得啱啱好，皮夠'諗'，唔會韌，筋位保持韌度，有咬口，亦都入味，算做得唔錯鹵雞腎無特別，鹵水唔係特別出色，普普通通炒通菜正常炒通菜一碟，唔係太咸，ok蒜容蒸蟶子唔知點解老闆娘要迫我食炒蟶子，我覺得蒸好D，寫完都係黎左碟炒蟶子，換過。點知蒸出黎嘅蟶子多砂都暈，直頭係沙灘咁嘅沙，即係無洗過，唔掂豉油王吊桶我見個個都讚好，叫黎試下，其實只可以說其合格吊桶裡面水汪汪，沖淡晒D豉油，而且D豉油未完全掛到上D吊桶，只可以話D吊桶新鮮，補其不足新漢記煮得好嗰陣，係好過金九記好多炸豆腐做得最好係炸豆腐，外脆，乾身唔滴油，讚！如果早少少離鑊更好。服務方面，佢地太多熟客，掛住吹水，自然唔係好理你，有心理準備先

位處西貢橫街之內,又要行入地庫,如非教父是地膽,又知海鮮出名,藉生日飯之便,真的不知何時有機試試,.在閣樓擺三圍共三十人,大多老遠從市區跑來,教父人面廣無辦法.菜單一早由星爺打點,自已只要食住教父從台灣買來的手信等開飯就得~~~正.白灼跳螺 : 一道個人喜歡的小菜,可惜份量少了點,跳螺味道跟東風螺是有點相近,但肉質是比較薄及嫩滑,而東風螺是死實得多,蘸點少許海鮮醬的食法,是從小跟父親宵夜時的回憶,至今是改不了.蒜蓉粉絲蒸扇貝 : 大路做法,近日街市經常買到大件頭扇貝,用來清蒸又好睇又好食,店方有一個個人欣賞的處理手法,部份食肆會求其將粉絲鋪底,上面放扇貝,表面看來是可以吸收食物的汁液,但究竟有幾多人會洗乾淨個殼吖!店方是將粉絲放在扇貝之上,雖然味道未必夠香濃,但蒜蓉汁依然會滲入扇貝肉內,再一次過食,效果其實相差不大,但就清潔得多了.但是粉絲好似少了點,如果多些更好............豉油皇吊桶 : 兩個字形容~~~新鮮,加上豉油調教得宜,而且吊桶本身肉算厚,扣得入味,店方處理手法真的有水準.豉油皇花竹蝦 : 雖然件頭大,但廚師先將蝦頭剪去部份,再去腳爪,半剖腹,然後將蝦殼都炸得香脆

朋輩中的德高望重F兄,今年的生日壽局,在西貢金九記擺下三圍,雖然此局在周日進行,但是小弟當日還要上班,恐怕趕不及來,幸好在中環入西貢,一小時也不用.如果因為這個原因而甩底的話,就一定心有愧.F兄在小弟年年生日局也捧場,反過來我不出席的話,未免太過"唔識做".來到人還未齊,先吃一點主人家在台灣帶回來的手信,是夜菜單由星爺一早安排好.他經常來,當然不會怕吃不到好東西.說回這間金九記,無論是身邊朋友,或者是專線小巴司機,也一致推崇此店,材料新鮮又不貴,比西貢市中心那些更好.連主人家都說金九記一向比有"星"的六福,水準更高.第一味菜,是白灼跳螺,肉質鮮甜有彈性,可是份量很少,如果一大碟,每人吃幾粒,更加開心.蒜茸蒸扇貝簡簡單單,扇貝肥大肉厚,很鮮甜,同碟的蒜茸粉絲,當然惹味.豉油王吊桶也是不能錯過之物,惹味的豉油同鮮味十足的吊桶,產生出一種微妙的火花.蒸魚是東星,火喉恰到好處,魚肉剛離骨,魚味濃郁而肉質嫩滑,當面對著蒸魚上的豉油,大家也不理會最後還有炒飯,也要來個白飯來伴.煎大蝦香口得可連殼吞,蝦肉結實得來帶爽,味道鮮甜.豉椒炒聖子的聖子一早去殼,用豉椒炒特別惹味.椒鹽炸豆腐入口熱辣辣,外表香

同朋友駒車晚飯想食海鮮 老友提議去尼到 幾年無去 水準如何?7個人點了如下菜式~1. 鹽焗雞 認真麻麻 肉厚無雞味 2. 招牌豉油皇魷魚筒 好"腍"又唔鮮味 好味的只是豉油味3. 豉油王大蝦 好大隻 但D肉質麻麻 又係豉油好味4. 沙彊雞腳好一般 炸春卷係夠熱 但係普通O野5. 炒蟶子 味OK 不算突出 6. 斑球炒涼瓜 今晚覺得最似樣的 斑好滑 但要收兩佰幾蚊 7. 粉絲蒸蒜香扇貝 汁係鮮味 粉絲係幾多 OK 總括來說 O野食水準好普通 要專程搭車來一定不會了 用"豉油"來送飯 我唔想!!