金九記海鮮火鍋酒家

营业中

休息中

平時去西貢，每次都會經過白沙灣。但講真會專程去白沙灣的機會就極之少，更何況係在白沙灣食午餐。今次跟朋友入西貢，就專登在白沙灣停一停，話要試下在「金九記」食午餐。朋友話睇電視介紹過這間餐廳，梗係趁機會試一試。見佢有特價午餐，最後就叫左「枝竹斑腩飯」。個餐一上檯，發覺碟飯好大碟，心諗早知叫少飯。之後試食枝竹和斑腩，枝竹腍身、斑腩都算厚肉，而且兩樣都好夠味，用來配白飯真係唔錯。個午餐只係$46，份量都很足夠，所以絕對值回票價。下次有機會，都會來食晚餐，試下佢地的海鮮。