影片
港铁筲箕湾站 B2 出口, 步行约1分钟
继续阅读
电话号码
25694361
营业时间
今日营业
10:00 - 23:00
星期一至日
10:00 - 23:00
*必须预约
以上资料只供参考，请与餐厅确认详情
若然想吃传统蜑家菜，位于筲箕湾东大街的「金东大蜑家私房菜」是不二之选，拣手海鲜，正宗蜑家做法，水准稳定，无需担心冇质素，只怕埋单方知海鲜价！我们是熟客，年廿九团年饭在此落脚，预先订菜冇惊吓！咸鲜尤其出色，特别点两条咸鱼吃，方知咸鱼有分霉香及实肉两款；大家每次来必吃招牌膏蟹蒸肉饼，记得配煲仔白饭，没有一次令我们失望；今晚的野生石蚌非常鲜美，京葱豉油皇濑尿虾炒肠粉惹味无比；唯独龙虾萝卜紫菜汤过咸了，不合我个人口味！鱼皇糕瑶柱咸鱼萝卜糕，开心新口味。姜粒蒸咸鱼原来咸鱼有分霉香及实肉两种选择，平日少吃咸鱼唔知道！今晚一次过尝两种口味，油份丰富都几香。白灼海虾九节虾，拣手货，非常鲜甜。紫菜墨鱼卷炸至皮脆肉滑，恰到好处，自家制手打墨鱼胶，所以新鲜有弹性。豉汁咸菜炒蚬加了咸菜，倍添咸香，蚬肉圆浑肥美。清蒸野生海鱼 两条石蚌，味道鲜美，蒸得出色，有水准。脆皮烧鸡特别拣两只细细地嘅鸡，绝对唔系打针肥鸡，皮脆肉嫩，炸得出色！膏蟹蒸肉饼（配煲仔白饭）招牌菜式，据说是金东大首创，水准稳定，肉饼有蟹香，蟹有肉香，现在坊间也有不少抄作，始终都是金东大最好。京葱豉油皇濑尿虾炒肠粉非常浓厚味香，肠粉吸尽精华，虾鲜满溢，永远只嫌不够，肠粉相比濑尿虾更抢手。龙虾萝卜锅做了两款口味，首先是龙虾萝卜清汤，新鲜肉弹，清甜可口。第二式是萝卜紫菜龙虾汤，即是加了紫菜煮，但估计是用了有盐分的紫菜，汤头变得过咸，也许这是蜑家口味，个人认为盖过了龙虾汤的鲜味，亦就不符合现代人少纳的健康饮食标准。一口麻沙包细细个，几好食。
继续阅读
因为6月中要出trip，提早同爸爸食父亲节饭，就拣咗呢间bookmark咗好耐嘅金东大。环境方面就不过不失啦，宽敞企理，晚市都几热闹所以有少少嘈，不过食物质素的确值得令我哋留返个好评！鲜蟹⾁鸭丝花胶羹原本以为汤羹都系同酒楼差唔多味，但系呢款好特别，鸭肉嘅香气好突出，仲散发住淡淡嘅陈皮香，估唔到两者味道系咁夹，入口好舒服。而且蟹肉同花胶都好足料，每一啖饮落都有几层口感，加埋多重鲜味，好满足呢😄明炉自家制烧鹅因为家父钟意食烧味所以试下叫嘅烧鹅，出乎意料地好食！上菜嘅时候好够热，外皮脆卜卜，鹅油香满溢，肉质结实得嚟完全唔靭，估唔到水上人整嘅烧鹅拍得住啲香港老字号，好有惊喜～清蒸野生老鼠斑不嬲都知野生嘅老鼠班系好嘢嚟，今次呢条仲要四斤重，真系执到宝。我哋同隔离枱客人各分半条，大家都食到赞口不绝👍🏿 师傅蒸熟嘅程度拿捏得非常完美，鱼肉又嫩滑又弹牙，简直系海鱼嘅天花板！重点系配搭埋佢哋特制嘅蒸鱼豉油，听店员讲系老板研究咗好耐用好几款豉油嚟调配，份外甘香，我哋秒速清晒条鱼仲留咗碟豉油嚟捞白饭😂咸鱼蒸肉饼听讲肉饼喺呢度嘅招牌菜，仲要系老板亲自出马打，我哋一于叫款最怀旧嘅试吓，果然冇令我哋失望！肉饼肥瘦均匀，咬落去非常松化同香口，惹味得来又唔会过咸，吸收晒咸鱼嘅咸香，唔觉意又食多咗碗白饭😋
继续阅读
第二次嚟金东大食晚饭 水准依旧出色 传统蜑家菜有好多其他地方唔会食到嘅味道 ！材料新鲜，调味到位，推介海鲜同煲仔菜式 😋必叫生爆吊桶、最深刻系猪润炒蚬必配米粉底好似炊饭咁尽收精华 🥰 啲姜葱同猪膶嘅结合真系好好食，啲蚬系好有鲜味！前菜叫咗卤水鸡脚新鲜，啲卤水入晒味，feel到班厨师系用心煮出嚟楼面同事服务都好好，好有气氛～ 星期日夜晚去座无虚席，今次同4位朋友一齐食，下次一定会同屋企人/朋友再嚟，食得好满足开心！特别推介：老板娘亲自整嘅甜品马蹄条超级好食 😍
继续阅读
今日去筲箕湾睇戏，完事后行过发现呢间野好似几出名，入黎试试佢😀由于早前已经食咗嘢，于是只叫粉面，冇食小菜，下次一定！叫左个海鲜大锅面，食材有花胶，鱼，餐肉，蚬，紫菜，虾，汤底鲜甜，特别赞赏虾系去壳嘅，免却很多烦恼！ 同行友人烧鹅贵妃鸡双拼濑粉，烧鹅皮脆，鸡肉十分浓味，几好食。叫埋只咸蛋，可惜咸蛋黄$10只但冇油，有啲失望呢。试咗个店舖自家辣油同辣菜脯，辣味十足，香气四溢，十分惹味！侍应非常有礼，耐心介绍食物，值得赞赏。
继续阅读
最近同班兄弟去咗呢间舖头, 猪膶炒蚬搭配米粉, 蚬肉饱满浓浓酒香，最癫系第二round落米粉索晒啲酒香汁，个种「湿炒」feel真系正濑尿虾炒肠粉再encore，爆膏，肠粉今次炒得更焦香，个种㶶边效果膏蟹蒸肉饼，醉翁之意不在酒，将啲肉饼搭配埋煲仔饭同埋豉油，捞饭正道不得了生爆吊桶仔，细细只吊桶仔原只炒，师傅刻意唔洗走啲墨汁，成碟黑妈妈但香到癫墨汁黐玩味十足，每道都有惊喜位！特别推介猪膶炒蚬个「加米粉」食法，同埋个墨汁吊桶仔，出面食唔到
继续阅读