金東大蜑家私房菜

营业中

休息中

若然想吃傳統蜑家菜，位於筲箕灣東大街的「金東大蜑家私房菜」是不二之選，揀手海鮮，正宗蜑家做法，水準穩定，無需擔心冇質素，只怕埋單方知海鮮價！我們是熟客，年廿九團年飯在此落腳，預先訂菜冇驚嚇！鹹鮮尤其出色，特別點兩條鹹魚吃，方知鹹魚有分霉香及實肉兩款；大家每次來必吃招牌膏蟹蒸肉餅，記得配煲仔白飯，沒有一次令我們失望；今晚的野生石蚌非常鮮美，京蔥豉油皇瀨尿蝦炒腸粉惹味無比；唯獨龍蝦蘿蔔紫菜湯過鹹了，不合我個人口味！魚皇糕瑤柱鹹魚蘿蔔糕，開心新口味。薑粒蒸鹹魚原來鹹魚有分霉香及實肉兩種選擇，平日少吃鹹魚唔知道！今晚一次過嚐兩種口味，油份豐富都幾香。白灼海蝦九節蝦，揀手貨，非常鮮甜。紫菜墨魚卷炸至皮脆肉滑，恰到好處，自家製手打墨魚膠，所以新鮮有彈性。豉汁鹹菜炒蜆加了鹹菜，倍添鹹香，蜆肉圓渾肥美。清蒸野生海魚 兩條石蚌，味道鮮美，蒸得出色，有水準。脆皮燒雞特別揀兩隻細細地嘅雞，絕對唔係打針肥雞，皮脆肉嫩，炸得出色！膏蟹蒸肉餅（配煲仔白飯）招牌菜式，據說是金東大首創，水準穩定，肉餅有蟹香，蟹有肉香，現在坊間也有不少抄作，始終都是金東大最好。京蔥豉油皇瀨尿蝦炒腸粉非常濃厚味香，腸粉吸盡精華，蝦鮮滿溢

第二次嚟金東大食晚飯 水準依舊出色 傳統蜑家菜有好多其他地方唔會食到嘅味道 ！材料新鮮，調味到位，推介海鮮同煲仔菜式 😋必叫生爆吊桶、最深刻係豬潤炒蜆必配米粉底好似炊飯咁盡收精華 🥰 啲薑蔥同豬膶嘅結合真係好好食，啲蜆係好有鮮味！前菜叫咗滷水雞腳新鮮，啲滷水入晒味，feel到班廚師係用心煮出嚟樓面同事服務都好好，好有氣氛～ 星期日夜晚去座無虛席，今次同4位朋友一齊食，下次一定會同屋企人/朋友再嚟，食得好滿足開心！特別推介：老闆娘親自整嘅甜品馬蹄條超級好食 😍

今日去筲箕灣睇戲，完事後行過發現呢間野好似幾出名，入黎試試佢😀由於早前已經食咗嘢，於是只叫粉麵，冇食小菜，下次一定！叫左個海鮮大鍋麵，食材有花膠，魚，餐肉，蜆，紫菜，蝦，湯底鮮甜，特別讚賞蝦係去殼嘅，免卻很多煩惱！ 同行友人燒鵝貴妃雞雙拼瀨粉，燒鵝皮脆，雞肉十分濃味，幾好食。叫埋隻鹹蛋，可惜鹹蛋黃$10隻但冇油，有啲失望呢。試咗個店舖自家辣油同辣菜脯，辣味十足，香氣四溢，十分惹味！侍應非常有禮，耐心介紹食物，值得讚賞。

最近同班兄弟去咗呢間舖頭, 豬膶炒蜆搭配米粉, 蜆肉飽滿濃濃酒香，最癲係第二round落米粉索晒啲酒香汁，個種「濕炒」feel真係正瀨尿蝦炒腸粉再encore，爆膏，腸粉今次炒得更焦香，個種燶邊效果膏蟹蒸肉餅，醉翁之意不在酒，將啲肉餅搭配埋煲仔飯同埋豉油，撈飯正道不得了生爆吊桶仔，細細隻吊桶仔原隻炒，師傅刻意唔洗走啲墨汁，成碟黑媽媽但香到癲墨汁黐玩味十足，每道都有驚喜位！特別推介豬膶炒蜆個「加米粉」食法，同埋個墨汁吊桶仔，出面食唔到

Worth to try!同班friend去咗呢間colleague勁推嘅小店，真係冇得頂！老闆超nice，每碟餸都好有heart，仲會同你吹下水講下點煮，成個vibes好人情味～ 🦀 膏蟹蒸肉餅：一上枱就聞到陣陣蟹香！肉餅係老闆日日handmade手打，唔會硬掘掘，仲好juicy！面頭啲膏蟹真係冇得彈，啲膏多，蟹肉鮮甜！最正係底層啲飯焦，脆脆地，搶住食瀨尿蝦炒腸粉：爆膏瀨尿蝦 x 腸粉，Match到爆！呢碟must try！瀨尿蝦爆晒膏，啲膏香濃！腸粉炒得夠晒wok氣，外皮少少脆，入面滑捋捋，仲有啲甜甜地嘅醬香，好正！ 🐟 魚皇糕：咸魚fans必食！平時食蘿蔔糕食到悶，加咸魚嘅真係第一次試！咸魚味好出但唔會太over，反而帶出蘿蔔嘅清甜，煎到金黃色，出面難食到🦞 龍蝦蘿蔔鍋：個湯底甜到好似落咗糖咁！龍蝦肉爽口彈牙，蘿蔔煮到淋晒，經理介紹咗原來係香港本地靚紫菜，一落湯即刻吸晒啲鮮味，個湯即刻多咗陣seaweed香，正到飛起！ 呢間絕對係hidden gem！ 晚市好full，整體環境有啲嘈，但服務幾好有人情味

話說上次跟朋友嚟食過一次，每種菜式都係驚豔我嘅程度😍之後就一直記住呢間鋪，今次帶屋企人嚟試味，因為人多，就預先同老闆訂咗老鼠斑 🐟 結果條老鼠斑太大，我哋都要唔晒成條🐟 超厚肉，個蒸魚豉油加蔥簡直係蒸魚界嘅天花板🤩🤩再次叫咗瀨尿蝦炒腸粉非常滿意👍🏼 個椒鹽炸通菜梗係意想不到咁勁好食餐廳啲店員安排嘅上菜時間好好，成日主動幫我哋換碟，仲送咗支勁好飲嘅sparkling 茉莉茶🤪 因為味道好服務好 屋企人都無野挑剔到🤣 建議要滿足嘴刁人士可以揀呢到 ✌🏻

上次同事带我來食金東大，覺得D嘢好正，所以今晚同朋友去東大街，就帶朋友去食过。個樓面介绍今晚D奄仔蟹好得，咁我同朋友就每人一隻。餐牌就寫‘時價’，咁我心想都唔会好貴，所以冇問價。係只蟹好多糕好好味，但埋單我同朋友0哂嘴。我望住張單成20秒，再望住個阿姐20秒，佢又冇正面望我. 好x想爆粗想問價，但又見成晚服务好好，又送前菜又送糖水，最后都係忍住埋單算數。可能我真係未食过咁正既奄仔蟹，但好似真係好貴，大家話呢？

昨晚5個人食飯，服務其實幾好，餐牌上小菜價錢算合理，可惜「被」推介，點咗「豉油皇瀬尿蝦腸粉」收$900-，「雜魚湯」收$800-，大家可以自行判斷！我就有啲肉痛⋯⋯

山長水遠來試，無可能裗叫午餐，所以在菜牌上選了陳皮燒肉鱿魚蒸肉餅套餐、蝦膏海蝦煲仔飯和雙色水餃。穿着制服的女侍應似乎不懂落單，比我們遲來十五分鐘的同枱客人已飯到湯到，我們連單都未收到，幾番追查，該女侍應原來已落班(時為12:20pm)，擾攘一輪，我們的食物才到。先來的煲仔飯，原來是少少炒飯放在一大個瓦煲內，飯是炒得香，但蝦肉是要盡努力才找到可憐的幾粒，份量是少到不大胃口的我也覺得太少，我的是$78，和同枱的$65 午餐「煲仔飯」，除貴$13 外，是完全沒分別。肉餅也同一命運，友人吃不出有陳皮和燒肉味，$88 一份，和同枱叫的$65 肉餅午餐，也是除貴$23 外，完全沒分別。份量也很少，不夠伴一碗飯吃，友人最後是用枱上辣椒醬伴飯吃。雙色水餃說是signature，最signature 的地方是不知為什麼那麼普通也是signature，$48祇得 6 粒，不值。例湯的碗是特製的小，waiter 會倒瀉，客人也會。落錯單而出現的狗仔粉，送來幾次，已答了沒點，還再送來，大開眼界。是我太笨，不會再來。

私以為中菜要做得好比任何菜系都具挑戰性，香港人向來嘴刁多要求，要 Impress 日日掌管廚房之爸媽爺嫲姨媽姑姐sss 一點也不容易 🥹 早前分享過的金東大值得一推再推（家人 Approved ✅），舊時漁民世代以船為家，自然對各樣海中食材，與最合適的烹調方式手到拿來 🌊大廚擅於以魚鮮入饌，分享數款印象最深刻的菜式。肉蟹腸粉煲 ($598) 香氣四溢，薑蔥焦香、大件蟹肉味道鮮甜 🦀 腸粉煎得金黃，軟糯中滲透蟹膏精華，推薦加辣椒油同吃更惹味！品嚐過京蔥瀨尿蝦腸粉煲同樣驚艷 😍 無需拆蟹更容易進食，適合一家大細。鹹菜蒸懵仔腩 ($568) 魚腩質感厚實、油脂飽滿，客家風味加上微辣嘅豉油好好送飯，好幾位平時戒澱粉的朋友都失守，添飯唔該！🍚隠藏菜單麻辣臘腸肉餅煲仔飯 ($120)，椒麻煙燻味充斥鼻腔 🌶️ 配上彈牙手打肉餅，飯粒吸收豬油甘香，無需豉油増色已足夠美味 😋（鹹魚肉餅煲仔飯都好好食，鹹魚夠霉夠香撈到成碗飯！！！） ❤️‍🔥 酸菜魚鍋($298 up)和坊間常見的川菜 Style 不同，奶白色魚湯加入潮州鹹酸菜、番茄同滾，微酸鮮味瞬間打開味蕾。魚皇糕將蘿蔔糕炸過後加上鹹魚茸，意外地不會太

今日下晝同老細同事食晏晝，見佢鋪面有大大隻烤鴨機，一心諗住試吓開心吓啦，點知道才是惡夢的開始。去到叫餐，經理一直推介我們食小菜，我哋惟有嗌了數個小菜，豬膶煮蜆米粉底，下莊燒鵝，蒜蓉炒椰菜苗，蛋家三鮮煲仔飯。但睇單時發現叫蒜蓉炒椰菜苗卻加了吊筒，我們向經理查詢時，經理頓時面色一沉，大大聲在鋪面說「放流料呀」，但嘢食已出，埋單睇單時，終於明白了。豬膶煮蜆米粉底本身有午餐六十幾蚊，但轉小菜就收近三百幾蚊，總共埋單近千元。所以下次睇清楚至好入去。咁就環境咁做生意，啲嘢幾好食都假啦！

見到發哥都幫襯，就訂檯一班人試吓第一次試蜑家菜，十分之有驚喜😆招牌菜瀨尿蝦炒腸粉原來係店家自創菜色，非常惹味又唔辣👍👍 啲瀨尿蝦大隻到嚇親我，食到停唔到口大閘蟹好好食，自製醬料同黃酒都係絕配😻全場讚不絕口既係手打肉餅，從未食過咁香既肉餅🤤🤤🤤聽店家講，佢地有過百款菜式可選，好多都係佢地自創😁 連煮個西洋菜都唔知道點解勁好食，可能夠新鮮掛氣氛好，有人情味，全部菜式調味都一絕，不得了既味道，唔怪得見到咁多檯熟客，我地都準備好回頭再食 😋

前日去咗筲箕灣東大街掃街，食咗雞蛋仔同埋魚蛋粉，晚飯嚟咗呢一間金東大，食完真心覺得正，推介下俾大家。豬潤炒蜆：呢個餸真係比較特別，酒香豬潤香夠，反而最好食係佢地個煎米粉，最後煮落去索曬啲湯，成個港版Vongole咁😂膏蟹蒸肉餅：佢哋呢個膏蟹肉餅，肉餅食得出鮮甜同埋嫩滑，佢成隻蟹連埋個肉餅一齊蒸，剩低嗰個豉油汁有蟹嘅鮮味，撈落個煲仔飯度好正。咩都可以唔試，呢個肉餅要叫！瀨尿蝦炒腸粉：經理寫菜嘅時候話呢個係招牌之一，整體鑊氣好夠，呢道菜真係幾有特色。瀨尿蝦彈牙，配上入味嘅腸粉，炒得乾身但唔會太油膩。重口味啲，但有鑊氣，瀨尿蝦都鮮甜大件蒸紅油石蚌魚：佢地蒸魚火候時間都拿捏得好好，魚嫩滑，跟住個魚既紅魚油加上蔥味好鮮，食到大半經理再拎左個蛋麵送俾我地試，個麵撈落啲魚汁到真係正到爆，幾條友一野掃曬整體嚟講，金東大嘅菜式的確特別，海鮮好多出面都食唔到。但係坐佢地入面後廳隔離枱啲人好應聲，飲大兩杯開始大叫，所以有啲嘈😢Anyway值得一試~

最近嫲嫲生日，諗住去間好少少嘅中餐慶祝，咁啱佢見到電視台介紹呢間叫金東大嘢蜑家菜，於是就去咗試吓。之前未食過呢啲水上人家嘢食，冇得benchmark，不過overall我覺得啲嘢食都幾特別，唔係平時出面酒樓食得到嘅嘢，同埋都幾好食，不過有啲餸就可能會濃味少少同埋多啲油/碳水，未必啱所有人口味。前菜嗌咗鴛鴦墨魚餅，個墨魚餅都幾彈牙，但係又唔會韌到好似趙橡筋咁，嫲嫲都食到。我哋嗌咗菜味嗰款，有墨魚嘅鮮，亦都有啲咬口。食完之後好快嚟咗一輪主菜，嗌咗幾樣都覺得唔差。膏蟹蒸肉餅，經理話呢個係招牌菜，開頭我覺得冇乜特別，但係食落就明點解枱枱都有嗌呢碟嘢。肉餅索咗膏蟹嗰隻鮮甜，令到佢有肉餅個口感之餘又有蟹嘅umami。雖然講到尾都係嫲嫲以前整嘅愛心蓮藕肉餅好食啲，不過呢個都叫幾好食，連埋豉油汁撈飯食亦都幾夾。瀨尿蝦炒腸粉，雖然個賣相冇個肉餅咁有成隻蟹喺隻碟咁靚仔，但係反而有啲驚喜。炒完嘅瀨尿蝦夠大隻之餘仲要脆皮，唔使用手都剝到殼，不過最好食反而係個腸粉，乾身唔立但係又唔油，襯托到個瀨尿蝦，個配搭幾好。食完呢幾味之後其實已經有啲飽，所以之後上咗兩個魚都唔係食咗好多，不過都可以照講吓。蒸石蚌魚個魚肉其實

Kam Tung Kitchen holds a special place in my heart, filled with cherished childhood memories. My family used to take me there for stir-fried dishes during family gatherings and celebrations when I was young.My favorite dishes at Kam Tung Kitchen are the stir-fried clams, pork rib stew, and Tanka chicken steamed rice. Each dish is crafted with care and authenticity. The warm, welcoming atmosphere makes it perfect for gatherings or a cozy meal.