野郎Stone (已結業)

今日lunch見人少少，就試下呢間野郎stone。平日見好多人排隊，但今日排左一陣就好快有位，Lucky。店面細細都坐到十幾人，但就坐得比較迫。我今次order了肩胛肉眼200g再加$30轉套餐。套餐包括一罐汽水，而飯/意粉/薯蓉/沙律/湯就可以無限添加，都幾底食。出菜都快，等左一陣就有得食。塊肉眼係由石板上，由起初兩三成熟，再由自已慢慢燒至自己的喜好。肉質嫩滑，又唔鞋唔韌，而且超juice，一咬落去啲肉汁就吱晒出黎，加上香口蒜片，每食一口都感到滿足。沙律係椰菜絲，食落清爽，加上七味粉味道辣辣地出奇地好食，忍唔住要encore ！而薯蓉就好滑，加埋啲七味粉調味，令平平無奇的薯蓉變得好吃。湯雖然係普通味噌湯，但都好有誠意嫁，加左蜆去煲，令湯多了一份鮮甜。整體都高過預期，係個座位有啲迫，同食個時較熱，因石板熱辣辣咁煎緊塊扒，所以呢個時候罐凍汽水就大派用場。

一直都想試石燒牛好耐，貪佢有果種等肉熟期待嘅感覺，見到尖沙咀開左間，又走黎試試。啲牛係計gram數，份量有啲難拿捏，好彩職員都會比下意見。上枱嘅時候會蓋上廚房紙，咁就唔驚啲油彈親，體貼。有唔同嘅醬料可以自行取用，岩鹽係我最愛。叫左200g牛柳，望落都好多，所以就有跟set了。 石板夠熱，燒到吱吱聲，好過癮，亦維持到成個燒牛嘅過程。牛柳肉濃味，亦算冧滑。不過石燒牛都好睇自己功夫，我就覺得自己燒得唔錯啦！

位於厚福街呢間石板燒牛成日都要排隊，昨晚因為落雨人流少d，不過要都要等9 個字，如果餓底人士就要留意下其實間野要長期排隊，係因為佢真係一間細鋪，入面坐位唔多，所以就製造左條人龍出黎啦入面d侍應哥哥好有禮貌，一入到去就話牛肋間隔膜好食，我地就信佢啦，另外叫左份牛柳，加$30 就哥以任飲湯 / 任食飯意粉薯蓉上菜速度都非常快，而且賣相都很不錯！$200 樓下想食牛扒而家都幾難，仲要係大大舊牛！牛肋間隔膜 300g 套餐牛柳300g套餐舊牛上菜時係1成熟，等塊石板慢慢發熱煎到想要ge熟度，都幾好，但可惜佢塊石熱得幾分鐘好快就唔係咁熱 （放隻手唔覺得燙手），不過我地都食生所以ok 牛肋間隔膜肉幾淋 唔會好似食擦膠咁，都有牛味Ge, 小弟覺得呢隻牛配佢d醬汁食係最好食（食汁） 一啖飯一啖肉真係好ok牛柳比牛肋間隔膜更有咬口，又香，不過呢隻唔好點汁，原味加鹽同胡椒已經好夠味跟餐湯/飯/薯蓉/沙律任食，一定夠飽！湯我都飲左好多碗（味增怪）建議揀飯，飯好似好食d唔係太好ge地方就係食得幾rush , 坐得唔太舒服同埋通風唔夠好，不過老闆好似閉門幾日都搞冷氣同通風，希望下次坐得舒服d la花園價錢但好食

早前见到某杂志介绍尖沙咀平民火山石安格斯牛 已经心思思想试下 朋友喺牛魔王 佢约我一齐去试下㖞野狼Stone 位于尖沙咀厚福街后面横巷 餐厅细细间 大约十个位 去到啱啱重有位门口放在一部自助售票机付款需用支付宝 如果没有支付宝 入去落单 俾现金亦可牛扒有多个部位可供选择 骨付牛小排板腱 牛肋横膈膜等等 份量分200g, 300g, 400g ,可以满足客人唔同需要我选左骨付牛小排及板腱部位上枱时牛扒 用火山热石盛载着 生熟程度都可以自己控制牛小排肉质结实 油脂丰富 又香又有口感板腱肉质幼嫰多汁 腍身 牛味香浓一次过可以试足两牛部位，好满足转套餐白饭、沙律等可以免费添加

尖沙咀厚福街又有新野開，食石板牛，顧名思義，餐廳會燒熱石板，火山石，再放上一成熟既肉，然後上菜，讓食客進行二次烹煮，自行決定熟度。牛肉以gram數售賣，100gram起跳，可以俾人選擇唔同肉類，不過壞處係，大家對gram依個單位比較陌生，難以決定份量。門外參照日本餐廳，放有一部售票機，要自己買飛再排隊到餐廳享用餐點，不過香港人尚未習慣依種點餐模式，所以餐廳尚有員工負責點餐。牛舌芯 $148大推！！！！首先，牛舌超嫩，一切就開，口感嫩滑，無牛騷味。由於牛舌都幾易熟，建議大家可先切一半，再慢慢食。牛舌建議大家食全熟的哦。咁好食既牛舌芯，原來係店家將幾百gram既外層捨棄，再留最嫩滑既部位售賣，抵食到呢！所有鐵板餐都可以加做套餐，有沙拉/miso soup，飯/意粉，仲可以無限添加，啱哂大食既朋友。門外仲有立食既位置添。

同事介紹了呢間位於尖沙咀的鐵板牛小店，放工後便同屋企人黎試下～餐廳空間較小，只有幾張枱，所以門外排長龍，排左差唔多一個鐘先入到去～中間因為侍應安排座位不當而發生了一段不太愉快的小插曲，我同屋企人要分開自己坐～不過後尾解決了就算了～點了一份牛肋間隔膜同肋胛肉眼，肉質鮮嫩多汁，配上白飯，食物美味同價錢唔算貴，不過就預左要排隊，2個人之上去食要有心理準備有機會要分枱坐～下次有時間同機會先可能會再去光顧了！

厚福街出名多野食，今個星期六揀咗一間牛扒專門店食晚餐。呢間鋪仔細細，座位唔多，一開店已經門口排咗人龍。提供唔同部位嘅牛扒，於是叫咗兩款試吓，跟餐包埋飯、湯、沙律同飲品，返湯同沙律仲係無限添食，啱晒大胃王。牛扒嘅份量可按個人食量選擇200g 300g 400g。我哋叫咗一份牛小排、一份西冷，都係揀300g牛扒上枱係用一塊熱辣辣嘅石板上，好有特色，仲可以用佢嘅熱力繼續燒塊牛扒。食足全程，快牛扒剛剛熟，紅肉唔見血，好嫩口，都幾有牛味。叫侍應添湯同沙律，佢哋都好有禮貌同好好招呼。

因為收工收得晏 去到尖沙咀已經差唔多九點老公話想食扒 路過厚福街一條窄巷入面 居然開咗一間新式嘅自助日式鐵板燒牛餐廳老細好搞笑話做埋我哋就關門 所以就冇用到佢嗰個自動售賣機變咗人手落單 老公食最貴嘅tenderloin 而我就食嗰度推介嘅牛板腱 上菜好簡單都係一塊木板上面有一塊正方形嘅鐵板 之後就會擺咗你舊牛喺上面 啲牛肉都算多 份量足 但係塊鐵板實在係太細 根本冇地方擺 唯有拿拿林 放曬啲扒入飯 tenderloin中中廷廷 分量都夠大 亦都切得好肆正 方便你食 佢仲幫你挑曬啲筋出嚟 基本上真係啖啖肉 但係講真 平啲嘅牛板腱仲好食 層次多啲 香牛味 相對淋啲 易咬啲 可惜唔夠牛肉汁 撈飯唯有靠佢提供嘅燒汁 但係老細同埋員工 態度好好 唯獨是位置有啲迫 如果可以坐得舒服啲就更加好啦

臨時決定鋸扒，大約7點半去到排隊等位。間舖好細，舖頭出面有部點餐機，一問之下原來用信用卡或支付app俾錢，就出面自助落單，俾cash就入到舖頭先點餐。咁啱冷氣壞左，所以無冷氣，佢隔一陣就會提排緊隊既人。上菜時有紙巾鋪住幾貼心，同埋有紙圍裙。牛肋間隔膜(200g)加30可轉set,有蜆湯、汽水同沙律。我驚食唔哂所以無轉set,淨係加左汽水點餐時佢話要3個都係set,先可以任添湯同沙律。跟住我食食下，都轉埋set肩脥肉眼（200 g) set牛柳(200 g) set三種入面肩脥肉眼牛味最濃，牛肋間隔膜最淡。肉質方面，肩脥肉同牛柳易咬開，牛肋間隔膜雖然唔太易咬，但肉質比前者軟滑。我地全部都要薯蓉，無要飯。個薯蓉超滑！！！另外我地其中一人添左沙律菜🥗，個沙律菜上面灑左七味粉至於蜆湯雖然得一隻蜆，但個湯留到最後飲時都仲係好熱，不錯因為好多餐廳既湯就算蓋住，最後飲時都已經凍哂😗調味方面，試左生蒜、海鹽同芝麻燒汁。蒜同燒汁都唔太有味，相反海鹽唔錯。無冷氣之下鋸扒都幾熱，R君話見到我地熱到嘴都出埋汗，但我尚算忍受到🙈食到最後，店員好似搞過下個冷氣，所以有返少少風。p.s. 張櫈揭開可以放袋，但我地無

厚福街咁多餐廳，出現長龍既一定係正野，今次條入龍既就係呢間專食石燒牛肉既小店。鋪頭真係得好少位，要食就真係要比d耐食等下位。呢度只有8個牛部位揀，而且唔係每次都有哂所有選揀，今次就要左牛肋間隔膜加意粉。牛肋間隔膜係一個好少聽既部分，亦係店員勁推薦我試既部分，咁當然要食啦！牛肋間隔膜係牛既橫隔膜，牛味濃，亦無咩脂肪，但就算係咁煎到好熟都唔會韌，果然值得一食！但當然個人都係建議煎比6-7成熟會更好。除左配鐵板上有既炸蒜片之外，亦可以喺調味架上搵到鹽，牛肉汁同柚子味酸汁。另外都加左個味噌湯，呢個湯勁有驚喜，牛肉味勁濃，口感濃到好似湯汁咁，好好飲。但呢度正如其他人所講，油煙味真係有d勁，希望可以盡快改善。

朋友特登帶我去尖沙咀食牛, 因為他食過番尋味, 覺得好食兼抵食, 所以要帶我去試下, 我們來到這間位於尖沙咀一條不起眼的窄巷裡的店舖, 哇, 竟然爆滿, 真的好多人食哦, 咁多人幫襯自然有他過人的地方, 我一埸來到一定都要食下, 於是在店外等候, 十來廿分鐘後終於有位了. 入到店內, 見枱枱都食緊牛扒, 大大件, 仲聞到好濃郁的牛肉香, 睇定餐牌後, 朋友order咗一個300g板腱牛肉, 我就order咗一個300g牛肋間隔膜, 我們都是叫的套餐, 有沙律, 汽水, 飯/意粉/薯蓉及面豉湯, 好快, 我們order的牛肉就上枱了, 厚厚的牛扒放在燒熱了的岩石上面, 仲滋滋作響, 牛扒兩邊薄薄的一層已煎到變成熟肉的顏色, 但牛扒中間是完全生的, 見到這牛扒的顏色鮮紅, 睇落很是新鮮, 這厚厚的牛扒就是靠這枱面滾熱的岩石慢慢煎熟佢, 牛扒未做任何醃制處理, 食的就是這牛肉的原汁原味, 店家有蒜蓉及面豉醬提供, 鐘意可以任放, 我沒有放任何調味料, 我喜歡這牛的原味,待我將這舊牛扒切開一小件一小件, 切完成塊牛扒, 之前切開的小塊牛扒都差不多已煎熟, 我咬一啖, 哇, 好香的牛肉味, 而且

（懶人又來隨心寫食評）9/5/2019終有機會試到一直想試的野郎stone， 6:40pm到，8成full (其實真係好少位），好彩2個可以直入。我地叫咗兩款肉各300g, share:圖2 肩胛肉眼：咁啱呢一舊有啲筋，同埋有d肥。肉味比較淡。圖1 牛肋間隔膜：感覺上肉味比較濃，同埋容易切，亦比較‘淋’身，就算燒耐咗都唔會‘un’.我地都有加$30 做set （包：一罐汽水、另外意粉、飯、薯容、沙律任食）。個薯容吾夠熱、白飯還好，但食吾出係日本米、同埋太淋、味噌湯真的有蜆，但比一般淡、反而個沙律（其實係椰菜絲上面有少少薯片碎）出奇地好吃，我食了2個。😋😋 之前睇openrice 話大排長龍，今日又唔洗，唔知係熱潮過咗定係咁岩。店內有提供唔同醬汁，但係我自己最鍾意食係白松露蒜汁，我用嚟撈飯😬😬 另外柚子醋就用來食沙律。雖然抽風（直情唔覺有抽風設備）麻麻哋。service 幾好的，負責全餐同點餐嘅都係同一個人，面帶笑容。佢啲肉都幾好食，又可以因應自己胃口去決定食幾多份量，所以如果有機會嘅話我都想試埋西冷同牛柳。

經過cotton on 就俾呢間位於小巷既餐廳 傳出既烤肉味吸引住呢間餐廳牛魔王最啱啦，有牛唔同既部位可以揀。我揀左肥美又多筋肉既牛小排，好似特別適合烤黎食上菜果然一啲都無令我失望，啲牛肉好靚好有牛味，性價比超高牛排係鐵板上面燒到滋滋聲，睇住啲油份係塊鐵板慢慢溢出，已經留曬口水但係都有可以改善既位，意粉就真係爭唔落啦，無汁又凍冷冷，千萬唔好嗌同埋舖位有啲細，大概得10幾個位，要食好野就要排下隊啦。但係總結黎講真係好抵食，下次一於再戰其他部位

店舖很細，只得14個位，又要排隊，門口買飛，只得支付寶及信用卡，連八達通付款都沒有，失敗，點了牛肩胛及西冷扒，牛扒只燒了面很生，由自己在石上燒熟，把鬼，韌到死，只得沙律最好味，很失望

今天去報名，完成後到厚福街食朋友選定的‘’火石山燒牛‘’。由於位置不多，等了一會兒才有位置，門口有自助點餐機收電子貨幣，也可入座後畫紙下單。可以單點也可以加$30轉套餐，包有湯、汽水、主食。在店員介紹下點了肩胛肉眼，肉質比較爽口。小份量女士食剛剛好, 食量大可以點300/400G, 牛肉先燒一成熟再放上熱石上枱，上枱時會細心用紙巾蓋上防油花四彈，可以根據自己喜愛大小、熟度切開加燒。有多種醬汁配搭，最愛岩鹽和祕製辣面鼓醬，鹹香又不蓋過肉味。一口牛一口冰可樂，爽！朋友仔點了牛柳和附骨牛小排，牛柳肉質更加腍滑，牛肉味都不錯。店內還有限量牛舌芯、黑毛和牛肉供應。