野郎Stone (已結業)

因為收工收得晏 去到尖沙咀已經差唔多九點老公話想食扒 路過厚福街一條窄巷入面 居然開咗一間新式嘅自助日式鐵板燒牛餐廳老細好搞笑話做埋我哋就關門 所以就冇用到佢嗰個自動售賣機變咗人手落單 老公食最貴嘅tenderloin 而我就食嗰度推介嘅牛板腱 上菜好簡單都係一塊木板上面有一塊正方形嘅鐵板 之後就會擺咗你舊牛喺上面 啲牛肉都算多 份量足 但係塊鐵板實在係太細 根本冇地方擺 唯有拿拿林 放曬啲扒入飯 tenderloin中中廷廷 分量都夠大 亦都切得好肆正 方便你食 佢仲幫你挑曬啲筋出嚟 基本上真係啖啖肉 但係講真 平啲嘅牛板腱仲好食 層次多啲 香牛味 相對淋啲 易咬啲 可惜唔夠牛肉汁 撈飯唯有靠佢提供嘅燒汁 但係老細同埋員工 態度好好 唯獨是位置有啲迫 如果可以坐得舒服啲就更加好啦