野郎Stone (已結業)

一直都想試石燒牛好耐，貪佢有果種等肉熟期待嘅感覺，見到尖沙咀開左間，又走黎試試。啲牛係計gram數，份量有啲難拿捏，好彩職員都會比下意見。上枱嘅時候會蓋上廚房紙，咁就唔驚啲油彈親，體貼。有唔同嘅醬料可以自行取用，岩鹽係我最愛。叫左200g牛柳，望落都好多，所以就有跟set了。 石板夠熱，燒到吱吱聲，好過癮，亦維持到成個燒牛嘅過程。牛柳肉濃味，亦算冧滑。不過石燒牛都好睇自己功夫，我就覺得自己燒得唔錯啦！