野郎Stone (已結業)

厚福街出名多野食，今個星期六揀咗一間牛扒專門店食晚餐。呢間鋪仔細細，座位唔多，一開店已經門口排咗人龍。提供唔同部位嘅牛扒，於是叫咗兩款試吓，跟餐包埋飯、湯、沙律同飲品，返湯同沙律仲係無限添食，啱晒大胃王。牛扒嘅份量可按個人食量選擇200g 300g 400g。我哋叫咗一份牛小排、一份西冷，都係揀300g牛扒上枱係用一塊熱辣辣嘅石板上，好有特色，仲可以用佢嘅熱力繼續燒塊牛扒。食足全程，快牛扒剛剛熟，紅肉唔見血，好嫩口，都幾有牛味。叫侍應添湯同沙律，佢哋都好有禮貌同好好招呼。