野玩田店 (已搬遷) 新店位置

又要到約食生日飯嘅季節,朋友話要開始食得健康d,多菜少肉咁話喎! 於是佢就揀左K11 裡面嘅”Something Wild”- The Farm，聽到個名以為係食素嘅餐廳，點知全晚都充滿驚喜! 餐廳嘅地點喺K11嘅2樓，餐廳門外擺放嘅都係健康食品，配合返餐廳嘅主題,主打有機食物，superfood & 健康食材！一坐低餐廳就奉上了温暖的麵包，每款都鬆軟十足👍🏻我們全晚點了幾款食物！雞肉墨西哥餡餅： Quesadilla我一向都鐘意食，呢度嘅餡餅裡面仲有jalapeño,既香脆又帶點微辣，👍🏻朋友指定要叫: 黑松露片炒農場雞蛋酥盒: 唔係坊間嘅黑松露醬，而係片片的，配合埋嫩滑嘅炒蛋，作為appertizer很不錯! 香草燒美國野雞: 野雞肉鮮嫩多汁，一d嚡口嘅感覺都無! 配合埋幾款新鮮蔬菜，唔會有好膩嘅感覺!新一年期待食得更健康！

有機, 有營養,均衡, 都係something wild the farm 比我既感覺, 有營主義係而家時下成日講既飲食方向, 朋友仔亦都因為咁, 介紹左我食呢間餐廳, 地點係好方便既尖沙咀k11入面, 不過入到去, 佢就隱世小小既。。一開始就送都包及餅乾2條!沙律朋友揀左呢個雞胸沙律, 雞胸我就唔識欣賞,朋友就話好嫩! 我就覺得沙律好fresh!呢個芝士雞翼, 食落去先知去左骨, 啖啖肉! 煎得香口, 味道good!主菜叫左兩樣,其一就係呢個帶子飯, 香濃既意大利飯, 質感煮到岩岩好, 有咬口!另外叫左卡邦尼, 呢個麵條標明自家制, 用處粗身麵,比平時意粉更有質感!最後,就係呢個,我咁大個女第一次係街,可以食到成碗栗子, 即叫!!!!! 味道一流, 栗子實左小小,但好味又夠粉身!!埋單2個人食左七百幾蚊, 食到抱住個肚走!!!

週六跟朋友來試試這salad buffet，百幾蚊有交易。可以加錢加個主菜，不過今天就不需要了。門口的菜苗一就坐侍應就會遞上餐湯及麵包。今天是蘑菇湯，菇味幾出，留有少少粒粒的口感，好飲！麵包咁細粒只給兩個感覺有點少，跟朋友兩款每款一半，一般吧！頭盤有一碟碟小碟及凍肉細細碟容易食，有吞拿魚酥(ok)，乳酪(普通)，桔仔(罐頭)，什菇(用黑醋伴怪怪地)，豆角(好味)沙律有三大款：青瓜、沙律菜、生菜，生果及其他配料青瓜沙律有芫荽，正呀！沙律菜都幾新鮮，加少少柚子肉&藜麥，好健康！熱盤有雞翼、魚餅、薯仔、奶油雜菜(椰菜花、西蘭花及椰菜)，另外又取了鷹咀豆&紅腰豆連飲品一杯，也可加錢轉latte或其他特飲甜品有五六款選擇，水準普通啦，過下口癮ok總括而言，好好食又唔算得上，就是比較健康一點的buffet，沒什麼肉類，每款試少少都夠飽。另一好處就是沒限時，可以慢慢食慢慢坐。

香港飲食業發展蓬勃，很多餐館為了節省廚房烹調時間，會直接從工場取貨，logistics的時間已能讓新鮮食材變味。而且大多都是半製成品，加上機械式的操作，重以quantity，更不能奢望有手工般細緻的quality，以致全港的西餐業質素下降。在尖沙咀K11的（Something Wild-The Farm）（野玩田店）經營理念清晰，宗旨於採購大量本地有機蔬果農産品，有幾款沙律菜更是在店內自家種植，追求健康健美飲食風氣，也積極挽救正在沉淪的現代飲食工業。自家種的有機蔬菜，新鮮採摘的菜苗，最清甜美味。餐廳自家製的麵包，有法式包和棒棒條，法式包軟熟温暖，塗上牛油，香氣濃厚。棒棒條爽脆，crispy & crunchy。慢煮美國雞胸水耕菜沙律$138，用上多種新鮮水耕菜，份量充足，盆滿缽滿，味道層次豐富。慢煮和牛面脥配韓式牛肉汁$348，部位罕有，切開粉嫩肉汁爆瀉，相比一般牛排，更腍滑牛味更濃郁更突出。意大利煙肉卡邦尼手造意大利麵$178，麵條是手造的，本人十分欣賞，誠意十足，值得加分。手造麵條蛋香提昇，麵條柔韌度明顯更勝一籌。再配上自家種的菜苗，Freshly Served。Pineapple

第一次來到田園主題既健康餐廳，而家食咩都話要有機，真係要好好選擇先得，今次呢間位於K-11，主打有機食物，不防一試一坐底店員已經放底麵包同麵包條黑松露片炒農場雞蛋酥盒來到已經香味撲鼻，酥盒好香脆又鬆化，放左黑松露蛋係內面，第一次甘樣食，旁邊仲有少量沙律菜伴碟日本頂級帶子海膽汁意大利飯意大利飯入面放左青瓜同黃瓜，味道帶點酸味，幾特別既味道炭燒美國大草原自然西冷配黑松露燒汁(12安士)有焦香，外面焦脆內裡軟嫩，七成熟火喉控制得宜，肉色粉嫩誘人，肉汁豐盛，邊位帶點脂肪令每一口也滲上了油香，牛味濃厚伴碟方便仲有唔少蔬菜類，加分

和女仔朋友食飯，選了這間在K11內主打有機的西餐，環境大量使用植物，樓底高，感覺開揚。甫坐下侍應便送上麵包籃。-是晚印像最深的是野玩藜麥田園沙律，份量頗豐，紅色的一塊是蕃茄啫哩，酸酸的，味道自然，幾特別！蔬菜好新鮮爽甜！質素不錯。-前菜點了雞肉墨西哥餡餅，份量比想像中大好多😂一人一半已經好飽！仲有3種沾醬。餡餅面層烤到脆，可惜底部淋了。-據餐牌介紹，呢度既pizza 餅底加入了superfood，特登試下～～揀左個好少見既本地大啡菇紅菜頭伴牛油果薄餅（$158），望個樣都知好健康！但唔會淡口，因為加了大量芝士！-然後再選了一個素食，自家製黑松露野菌芝士意大利雲吞，運用了大量忌廉，非常creamy，和朋友share 食還好，如果一個人食可能會膩。-點了一杯Typhoon （橙紅菜頭菠蘿），價值不菲啊，$78，因為是使用慢磨榨汁機將整個蔬果慢磨而成的，酸酸甜甜，原汁原味不錯喝。-吃飽了才上甜品餐牌，都忘了要留肚，唯有待下一次了。

在K11的餐廳大都帶點特色，這裏的設計也是走簡約時尚風格。菜式強調是farm to table，那對食物新鮮的要求應該不低。甫一坐下就知應該要試farmer salad。賣相果然特別，沙律上邊放着一大片啫喱狀的物體咬下有酸甜的味道，應該是用蕃茄做的吧。配上藜麥和蔬菜一起食，整個沙律真的是吃出新鮮的感覺出來南瓜湯有著可愛的賣相，不走高尚典雅路線。南瓜打得細綿幼滑，入口溫熱，配麵包一流主菜有魚和意大利雲吞。比目魚十分嫩滑表面煎得香口而不焦，配上蕃茄醬及伴菜囗感清爽，是健康之選意大利雲吞是手造的，外皮煙韌雲吞餡料包入野菌，仲有濃濃黑松露香味，配上忌廉汁烹調，這個經典組合實在無可挑剔整頓飯都在輕鬆愉快環境下進行，菜式雖然不是有什麼驚人的創作，但係用了新鮮材料和恰到好處的技術去做就是一間好餐廳的基本要素了。

難得公司少野做 可以食耐啲飯同事極力推薦要黎呢度食飯因為啲野好好食 而且價性比黎講 算唔錯舖面感覺開揚 有陽光照射住 令人感覺溫暖以下係當日午餐餐牌每個套餐都包有自助沙律吧都有好多唔同種類款式嘅前菜同沙律 仲有少少熱食添一坐低即刻serve我哋麵包同埋蕃茄湯蕃茄湯飲落好新鮮 略帶酸味 非常開胃我就揀咗蟹肉蟹籽意大利飯飯煮得軟硬度適中 忌廉唔會太濃稠食落嘅感覺清新 蟹子爽脆 蟹肉新鮮成個飯都有海鮮味香烤安格斯T骨牛排同事叫左Medium本來我哋喺度掙扎緊要唔要叫生啲因為外邊好多餐廳都做唔到真正嘅medium但切開非常滿意 係鮮嫩嘅粉紅色牛味非常濃郁 配上個芥末籽醬更顯出牛扒鮮味飲品我叫左 Kale smoothie 佢羽衣甘藍味唔算好動 但飲落非常清新食完飯飲一杯 可以去除飽滯感 仲有種refresh 嘅感覺

新年將至，寧願多吃西餐，且小心選擇健康菜式。在尖沙咀商場找到這野玩系列的分店，以健康作主打，決定一試。侍者先端上微暖麵包，特別是黑糖包甜味天然，不用牛油已很香脆。雞胸沙律菜非常清甜，原塊奉上保持爽脆，水耕菜的質素令區區印象深刻。雞胸慢煮保持鮮嫩，配合醋汁酸甜開胃。主菜比目魚表面煎得香脆，肉質鮮嫩。伴菜同樣新鮮，還有芝士焗薯片，伴辣茄醬吃營養均衡味美。素菜薄餅厚薄適中，烘得香脆。伴菜只有紅菜頭和牛油果，但牛油果的質地和芝士完美配合，簡單味美。飲品hazelnut berry沒有加入雪糕或牛奶，清新開胃。這裏座位寬敞舒適，食物質素不錯又相對健康，值得推薦。

星期日就係想過一個hea 下 😌慢慢食，坐得舒服既地方食個悠閒既午餐😊最近見人打卡話K11 一間主打有機食物既semi lunch buffet 😳 影個環境幾好🤔 等我黎 check this out!😏係k11 2樓轉角入面既餐廳！一入門口就見到semi buffet 既starter 甜品係到等緊我😆😆☝🏻環境幾闊落，大玻璃窗直接陽光曬入嚟好光猛☺️午餐係semi buffet!所以首先可以選擇左個主食先！咁我地就選擇左一個鈕西蘭肉眼扒配黑松露汁（$198)4成☝🏻 好食bro! 係厚切既牛牛🥳 而家4成絕對做得好既係入面重紅紅地，而外面已經係脆身了☺️👍🏻 面頭重有黑胡椒同埋松露汁😆而家佢地既配菜係薯條同埋青瓜絲重有黃辣椒絲☝🏻全部都熟到軟林林😊熟左好味道👍🏻 鮮吞拿魚配忌廉汁長通粉（$178)係特濃既忌廉汁！而且長通粉唔會乾身😊☝🏻吞拿魚都有4 大塊☺️兩樣好唔錯😆野飲方面重叫左一杯Hazelnut Berry ($30)Mocha ($12)出面有沙津自助bar☺️重有小小熟食同埋甜品tim是日甜品有朱古力蛋糕，tiramisu 同埋豆腐花等等☺️質素都中上！係尖沙咀黎講真係唔錯

今日趁著農曆新年前的最後一個星期日同老公去尖沙咀辦年貨及添新衣，記得同事介紹過尖沙咀K11商場有間食肆好似清泉般咁清新天然，就一於同老公探究一下。Something Wild - The Farm淨係個名聽落都好天然好有機，餐廳門口放上少量自家種植的蔬菜，感覺好新鮮好清新，而餐廳裡面的設計以木製為主，枱與枱之間好闊落，感覺好舒服好舒適。餐點選擇好多，以各種有機西餐和特色飲品為主，全部睇落都好有機同好新鮮，難怪同事話這裏好似清泉般。剛坐下不久，店員就送上好新鮮熱辣口感香軟的麵包和香脆的麵包條。炭燒美國大草原自然西冷(12oz)配黑松露汁大草原自然的牛扒，仲要是有炭燒格紋的，未食都加分。牛扒厚薄一致，一切開，好粉嫩，入口牛味香濃，口感細嫩，配上香濃自家調配的黑松露汁，更能帶出牛扒的鮮美。還有配上蘆筍、黃椒等新鮮的配菜及自家製的薯蓉，好有機。香草燒美國野雞這裏的燒雞極之嫩滑，一啲都唔鞋。雞胸部分的雞骨已起，好細心。香草味醃得入味配上白酒煮的汁，真係好好味。這主菜同樣配上蘆筍、黃椒等新鮮的配菜及自家製的薯蓉，一樣咁有機。還叫了一杯新鮮青檸梳打，青檸味好清新無苦澀味，感覺好清新。

經常外出吃飯當然要挑選一些標榜健康食材的餐廳，K11商場除了裝潢及設計具特色，把藝術融合在建築物里，在選店舖上更會花心力，經常會看到一些別樣風格的店舖在內。今次在林林種種的店舖間看到一堆有機蔬菜作擺設，原來店舖理念是把蔬菜直接由香港農場運到餐廳，為求讓都市的大眾也能吃到最優質新鮮的食材，安心又健康。麵包(贈送)熱騰騰麵包口感軟熟。新鮮無花果雲耳牛油果奇亞籽沙律 Black Fungus Salad店家以黑醋配上新鮮蔬菜，雲耳大片而薄 質感爽口脆身，口感順滑; 無花果鮮甜果香重，如果可以增加無花果份量就更完美。野玩薄餅牛角脆餅 Egg Croissant脆餅皮薄而香脆，建議把薄餅置中再切開，餅內有牛肉薄片、火腿及流心蛋醬等，配上香脆餅皮享用，可口惹味帶咸香。烤美國羊西冷配蜜糖芥末醬 Lamb Steak (MW)我們選了七成熟羊西冷，整件份量不少，一刀切下無筋，肉質軟熟富彈性，咬下滲出肉汁，師傅功夫一流。配搭的野菜包括蘆筍、蘿蔔等也極幼嫩香甜，連我這肉食人士也無菜不歡。整體來說，價錢適中、蔬果新鮮幼嫩、師傅廚藝不錯，唯獨店內客人多而環境比較熱鬧，不適合要浪漫氣氛的朋友們。

難得出尖沙咀想同姐姐試吓新野😬姐姐比較鍾意食西餐，所以今次試吓呢間organic 嘅西餐廳! 位置非常方便坐落於尖沙咀K11！七點左右黎到，已經坐滿左大半人～而且環境比較靜，傾計談心唔錯！坐低左之後，侍應自動比左一瓶熱嘅檸檬水同埋一瓶常溫嘅檸檬水！非常貼心！睇到個Menu就覺得成件事好fresh,綠色,好清新嘅感覺!係未叫野嘅時候，已經上咗餐包同麵包條！湯方面真係好surprises 有特色紫薯濃湯上枱已經已經聞到好香好濃烈嘅番薯味味，好香滑一試難忘🤩姐姐叫咗香滑忌廉蘑菇湯味道不錯！意大利雲吞配忌廉汁忌廉汁好香滑雲吞入邊嘅菇都好惹味👍🏼

K11有間好得意嘅餐廳，主打有機蔬菜。 門口就擺放左唔同生長期嘅幼苗，夠晒特別。餐廳中央有一張大長枱，成班親戚朋友嚟相聚食飯都唔錯。 中間有啲盆栽做點綴，分成三張細枱又得。揀左三款嘢食：新鮮鮑魚露筍意大利飯係新春限定，上面兩隻新鮮鮑魚，幾鮮味。 伴有露筍粒增添色彩，不過意大利飯有啲硬，醬汁個味道唔太啱我口味。芝士蘑菇釀雞翼雞翼拆左骨，入面再釀有蘑菇粒。 外皮焗到金黃色好香脆，一咬開椰香味撲鼻，好食。鹽焗本地盲鰽配黑蒜炒菜店員先喺隔嚟張細枱仔幫我地扑開個鹽焗層，撥開啲鹽粒，再細心咁揭開個魚皮，然後先將條魚上枱。魚肉雪白，雖然係鹽焗，但仍然保持水潤多汁。除咗香茅之外，仲加咗檸檬葉，味道特別而且好清新，我鍾意。配搭魚嘅黑蒜炒菜，估唔到有咁多種蔬菜，全部都新鮮爽脆，加左黑蒜落去炒，味道唔會太濃太咸，反而帶出左雜菜原來嘅清甜味，做得出奇地出色。餐廳冇甜品供應，我地食完又趕下一場。

Nice little germ, enjoyed their salad buffet. husband enjoyed it as well. But dessert can be improved slightly.