重光弁当 (已結業)

黎到新蒲崗廣場，緊係要試下新開既便當鋪，呢間黃店一直聲名大噪，人人都讚好食，咁啱我男朋友又響附近番工，就逼佢買左兩盒便當一齊食，順便探班！便當選擇唔算好多，部分一早已經賣哂，仲要好多人排隊，而且價錢偏貴，要60蚊樓上，不過我都係想試下係咪真係咁好食，同時支持一下黃店！我要左個招牌，裏面有炸雞同魚柳，男朋友就揀左牛仔骨！兩款都好好味，有好多伴菜，醬汁亦都好惹味！再者賣相都好日系，俾人乾淨企理既感覺！讚！

呢間想試耐, 之前行過預著星期日唔開, 今次趁假期突登過去, 可惜疫情關係只限外賣, 唔緊要, 反正佢已經pack好一份份弁当.第一次試睇個menu真係花多眼亂, 所以都係揀個重光招牌弁当先! 招牌便當有炸蝦、鱈魚柳&唐揚炸雞兩件, 重點係配菜都好認真, 有關東煮(蘿蔔、蒟蒻、超多芝士既芝士丸)、柚子雜菜沙律、漬蘿蔔. 而米佢地係用日本北海道珍珠米. 佢地所有用料都唔用中國製食材, 就算連個膠盒都係日本製造, 係可以自然分解和可回收及再生物料. 所以佢地既價格我真係覺得值!!講返個便當, 炸蝦&炸魚既炸皮不會太厚剛剛好, 炸雞佢本身加咗他他醬所以已經好夠味, 關東煮好入味, 最初睇啲飯好似唔係好多但日本珍珠米質感好實在, 食完成個便當真係好飽, 勁滿足! 😋

終於有機會去到新蒲崗試呢間便當！！呢到既便當平均只需要$60-$70，食材仲要全部都係充滿外國勢力架😂包括使用北海道米同唔用中國食材！.今日我就揀左牛肉壽喜燒便當同豚肉生薑燒便當🍱性價比超高呀！便當入面既配菜一啲都唔Hea，除左主食仲有沙律、魚餅、大根。呢個價錢，呢個質素絕對係超值！.不過我去既時候只係7:30pm, 已經有好幾款便當賣完😢包括我本身想試既牛小排～所以想懲罰佢既話真係要早d去😜

新蒲崗廣場罨罨耷耷咁，次次經過都唔會行入去，直到重光弁当開咗，先入去行咗個圈。又真係無咩嘢行😂～～～🍱手作和牛漢堡扒弁当($98)弁当好豐富，除咗漢堡同飯，仲有沙律、醃蘿蔔同關東煮。和牛漢堡口肉質鬆軟，牛味足夠之餘唔會太油🤩醬汁好似京都骨咁，酸酸甜甜，都幾好味嘅，但覺得唔太慣，如果配返燒汁(章魚燒果啲)就好啦。一個日式弁当最重要嘅係：凍咗都好食😋呢方面重光完全合格，配料都好清新，下次去我應該問下可唔可以將飯轉埋沙律🥗咁就可以成個清晒！

工作附近淨係得幾間餐廳，仲要冇黃店。雖然明知翻叮嘅嘢食一定冇咁好食，但都打算支持下。結果完全係驚喜❤️❤️滑蛋鰻魚飯滑蛋：滑嘟嘟鰻魚：好濕潤飯：煙靱軟熟個汁甜甜哋，加埋啲洋蔥同菇菇配菜，好好食啊仲要叮完都咁好食喎，即場食一定更加正😭😭😭 價錢又唔貴喎九龍黃店好多都唔太好食，今次呢間真係好驚喜。唔知點解九龍啲黃店好似入咗結界咁，真正稱得上好食嘅唔太多。港島新界啲黃店又冇乜伏㗎喎🤔今次幫襯重光弁當真係感動到喊出嚟，一定會繼續支持！

黃店 💛 #重光弁當 #新蒲崗🟡店內有極多文宣🟡店員穿全黑色衣服、戴黑色口罩🟡多次於IG, FB表態今日去咗新蒲崗廣場買便當食😙 買咗新開嘅重光便當💛 估唔到都幾多人食，要排隊買，因為多人食黃店好開心☺️🐷🍱 滑蛋吉列豬扒丼 （$68）便當嘅份量算大，我餓咗好耐先開餐但都食唔曬啲飯😝 豬肉好味但蛋嘅比例略嫌少咗啲，另外有送一包紫菜餸飯食，口感豐富，正😚🐥🍱 唐揚炸雞便當 （$65）炸雞便當份量更加大，朋友食完飽到唔洗食晚餐🤣 便當入面有沙律、炸雞、酸瓜等等，呢個幾抵食，會再食👍🏻

睇openrice發現附近有間日式便當，睇相又平又靚，決定去幫襯下。叫外賣等左十分鐘都無，態度好好，店員仲好有禮貌。58蚊勁大份，又擺得好靚好靚。首先係d牛肉，份量好多，裝滿成個格仲滿到去隔離個格，放咁多賺唔賺到錢架😂日本米好香，煮得岩岩好，加埋粒梅好開胃。好可惜個日好多便當都賣曬，絕對會再幫襯💕

睇apply daily介紹，一直都好想試。今次第一次幫襯，絕對無誇張，係我食過最高質嘅黃店之一。由攞到外賣到返到屋企成20分鐘以上，飯盒依然係暖暖的。食物來講，雞肉絕對唔係頹貨，無雪味無過多嘅調味，就係鍾意佢本身的肉味，加上美味的醬油滑蛋同火候到位的洋蔥，超 好 味 ！ 米飯軟硬適中，食完一口到一口，支撐我一整個下午的work from home下次會試埋其他款式總結：食物質素，價錢定位，理念來講都無得挑剔希望繼續保持水準

因為疫情關係冇得去日本，今日心血來潮去咗試呢間新開嘅日式便當，估唔到呢間良心小店咁高質💛今次試咗重光招牌弁当$65招牌弁当可以一次過試晒炸鱈魚、唐揚炸雞同炸蝦，全部都做到外脆內軟，如果他他醬可以再多啲就好啦食住雜菜沙律唔太熱氣，再配埋日本米同飯素一齊食，正呀關東煮嘅蘿蔔煮得夠淋，蒟蒻同豆卜牛蒡都好食估唔到連醃蘿蔔都處理得咁好，平時唔多食嘅我今次都食晒雖然價錢唔算好平，但食得出係用心製作，對得住呢個價位大滿足

呢間小店今年二月尾三月頭先開店，賣日式便當。今次嗌左個重光招牌弁当，朋友就食自家制吉列豬扒弁当，價錢算平（夾埋$133）。外賣等了10分鐘左右。賣相豐富吸引，入面有魚餅、魚柳、沙律同開胃菜。味道方面，白飯上有d紫菜同魚乾，食上黎好香口；炸魚餅雖然不大塊，但食上黎幾入味；魚柳食落有點散，但整體不過不失。佢仲同黑金堂合作賣水果茶，下次可以一試...位置方面係新蒲崗廣場一樓，記得呢個廣場十年前人流都不太多，現在都係。大家經過新蒲崗可以入去支持下。

為了減輕對醫護人員的負擔，這個時期除了平日返工以外，放假還是乖乖地安守家中。外出用餐的次數大大減少，多半都是買外賣回家或是直接在家煮食。在這艱難的時勢，很多食肆和店舖都日漸開始撐不住，因此希望大家抗疫時期仍不忘選擇良心店舖。最近光顧了一間新開業不久的重光弁当，店名取得很有意思：「重光」意指終有一天我們能夠脫離黑暗重見光明，能夠看到雨過天晴時萬物明淨的景象。重光弁当是一個可以提供工作機會、休息的空間，以及一個給予更多同路人展現所長的機會。希望各位能一齊共渡時艱，齊上齊落。很欣賞重光弁当的一點就是，他們堅持不用中國製的食材，便當盒面已經寫著他們使用北海道白米，肉類和蔬菜都是使用歐美的產物，連帶便當的外賣盒都是由日本製造，可見成本之高，這亦是令每位客人感到安心的細微之處。重光弁当提供多款便當款式，每一款都有如在日本高級百貨公司裡的超級市場所販售般精緻，賣相非常吸引。唯一不同的是，日本買到的便當都是整齊陳列出來的現成款式，但重光弁当的便當全部即叫即做，所以下單後需要耐心等侯。醬燒牛小排弁当 HK$88精緻的弁当比起丼的份量真的豐富很多，不單是弁当的盒子大，連裡面的食材都排列得好多好滿，一個空位

好好食 好好食 日本米見住佢哋大大袋一田入嘅材料全部都真材實料飯又識增添飯素又有新鮮沙律🥗菜又有關東煮基本上係好味抵食到痴線牛肉 牛小排 豬肉 燒三文魚 炸蝦 炸雞 🍗乜都試過哂， 真係除咗好味 仲有係好好味 比你哋縱壞哂個肚⋯ 去完第二間黃店都覺得好似搵笨咁係你哋先做得咁好環境好大 不過而家因為政苦所以冇得堂食 見好多人買完都要去公園食我買返屋企食 有搓手液 又有文宣拎 又有口罩派 又有搓手液派職員都有禮貌， 如果有得電話落單就好喇

禁聚餐令前嘅最後晚餐，我揀咗試呢間新開嘅重光弁当。睇見成個場都係後生仔女打骰，店入面又有鋪天蓋地嘅文宣，真係未食嘢先興奮😌。叫咗重光招牌弁当同埋自家製吉列豬扒弁当，成 set 嘢除咗飯同主菜之外，仲有柚子醋沙律，醃蘿蔔同埋關東煮，賣相一流，甚至比 menu 上面張相仲要靚。味道方面，我覺得最出色係個飯，由於採用日本米，粒粒分明，非常好食😋。另外個關東煮都煮得好入味👍，特別係嚿白蘿蔔，又腍又甜，超正。招牌弁当嘅主菜包括蝦餅，鱈魚柳同唐揚炸雞，全部都炸得外脆內軟，入面仍然保留肉汁，唔會乾噌蹭；吉列豬扒弁当選用認證非中國穀飼豬，肉色粉紅，頗有肉味，非常不俗。小店同另一間茶飲黃店黑金堂有聯營，可以用套餐價選購黑金堂嘅飲品，我哋叫咗荔枝紅茶同蜜桃烏龍，兩杯嘢飲都有好香嘅水果味，前者茶味較濃，甚至有少少苦澀，最啱茶精飲用；後者烏龍味較為清新，女仔應該會鍾意。

雖然我食魚素，但有時也會只想食素，可惜在新蒲崗區，可以提供一人用素食嘅食店不多。而新開的 重光弁当 便有提供一款素食弁当 - 炒雜菜弁当。小店原有提供堂食，但因疫情，現只提供外賣。落單時，收銀姐姐問是否要全素，我自然反應答：係，但回過神後我就想：炒雜菜如果有肉，為何弁当名沒有寫的呢？？？但接過收據就明白了，原來原本加落飯的飯素 不是素，而原有的關東煮也不是素。所以食素的朋友，記得要求全素。弁当有日式柚子沙律，醃蘿蔔, 代替關東煮的蒟蒻及炒雜菜，配上北海道米。炒雜菜份量跟米飯差不多，醃蘿蔔不會過酸，而柚子沙律也很"乾爽"，不會"水dede"。炒雜菜弁当，配上自己冲的麵豉湯及青森蘋果，幻想一下自己身在日本。

吉吉又試新野😝呢排好忙，忙住周圍試新野😌吉吉第一次幫襯，今晚比較貪心，乜都想試下，見呢款招牌便當有多款餸菜，所以今次揀黎試試。重光招牌便當 $65首先想讚讚個飯，買完個飯，搭埋車返屋企，約15分鐘，返到黎仲拖左個地，然後先整頓好開餐，開餐前仲俾相機食左先😝 一口飯入口，仲暖架😍 加埋啲紫菜/芝麻一齊食，好好味呀😍餸菜都好多，4-6款，味道都唔錯，好滿足。呢個便當，吉吉喜歡👍🏼 下次再試其他款😌😋