醬堡 (已結業)

“川式麻辣醬堡套餐配洋蔥圈,冷泡茶”($68+$10+$15)“煙肉芝士和牛堡”($53) 大角咀一帶新開咗好多高質小店☺呢間賣漢堡嘅Juicy Burger醬堡就係其中之一🍔有別於一般傳統美式風格呢間小店仲會用唔同醬汁配搭漢堡,夠哂特別🤩當中最吸引我嘅就係川式麻辣醬堡🌶漢堡配料有自家製手打牛肉🐮生菜🥬青瓜🥒蕃茄🍅當然唔少得主角秘製麻辣醬🌶手打牛肉煎得夠香,仲幾juicy😋麻辣醬辣道岩岩好幾惹味🤤唔會話太辣搶哂啲牛味😛 除咗招牌醬堡系列仲有經典漢堡系列可以揀所以我地仲單點咗一個煙肉芝士和牛堡🥓🧀🍔經典漢堡全部都用上美國SRF和牛肉😍所以食落牛肉味都比較香濃但唔油膩🤩呢個漢堡嘅配料仲有生菜🥬車打芝士🧀蕃茄🍅洋蔥醬🧅煙肉🥓同秘製醬個包都夠挺身唔會食食下濕笠笠淋哂😆 另外呢道嘅漢堡套餐都會跟2款配菜粗薯條🍟/鮮果盒/罐裝汽水都唔駛加錢仲有其他選項就要加$2至$28不等我就加咗$10要洋蔥圈🧅同$15要冷泡茶☺洋蔥圈新鮮炸起夠哂香脆😙冷泡茶係伯爵茶,茶味好夠清香🥰解膩一流🥰小店主力做外賣為主,堂食坐位會比較少所以多人落order嘅話要比啲耐性等等啦🥰 

都有一段時間無食burger 口痕心又痕🤤諗起屋企附近開咗間醬堡一直未試過 係時候要出動會一會佢啦🍔Juicy Burger醬堡 係指透過唔同嘅醬汁 製作出多元化而獨特嘅漢堡 麻辣醬/柚子醬/牛油果醬…全部都係店主鑽研秘制 今次我哋就分別揀咗一個classic一個special嘅😏👇🏻◾肉罷不能 - 雙層芝士和牛漢堡每當第一次試一間舖頭 我一定會order樣最classic嘅款式 咁先試到舖頭嘅真功夫😌呢個肉罷不能真係好足料 個厚度係我好努力都唔能夠一次放晒入囗😂兩塊和牛都堅厚身 而且煎到好香 牛味濃郁 仲有juicy😍配上兩種唔同嘅芝士(Mozzarella/Cheddar) 加埋新鮮嘅嘅蕃茄同生菜 切切實實嘅"即使經典 絕不隨便"💯◽全港獨家 - 黄金流沙醬蝦堡今次今日講黃金流沙 應該無人會唔知係咸蛋黃啩😅咸蛋黃醬又係賣飛佛 要讚嘅係呢度個醬調得濃而不膩 除此之外 好想講下佢嘅蝦 係鮮蝦膠扒嚟架🤩所以食落口感彈牙最初上餐嘅時候 望到點解無咗咸蛋黃醬嘅 揭開睇都無喎🧐原來係釀咗入去蝦膠扒入面 成件事好有heart❤️另外仲有煙肉/生菜/青瓜 係一個小清新選擇☘️

今次係第一次食呢一間新開嘅漢堡包店佢主打嘅和牛漢堡 標榜用嘅和牛 係美國SRF 雖然冇講到係金標銀標定黑標 但起碼係用有認證嘅牛肉 唔似得坊間將貨就價 聲稱係和牛漢堡 但根本唔知原材料嘅產地整體來講 漢堡牛肉食落多汁 但係偏散 食嘅時候牛肉好容易會散開跌晒出嚟 但係有一個缺點 就係醬汁酸度不足 導致油膩感太重 好容易食濟 雖然選用SRF和牛 但係牛味唔重 油膩感太強雖然牛肉多汁但係口味唔好 粗切薯條 🍟味道唔錯 即使係外賣脆度仍然可以維持得到但係有樣嘢抵讚 就係外賣嘅包裝好有誠意！

有二人套餐，亦有散嗌。就咁嗌左個包，一份生果，一支熱情果汁。環境裝潢簡約，有大角咀街坊報刊睇🥰一排坐位，岩情侶拍個靚拖。和牛肉汁鮮嫩，個包乾爽，索哂啲肉汁😋未試過食完burger即時仲有生果食，應該係唔想大家有罪惡感😏食緊既同時都有人入黎order外賣。大角咀係一個特別既地方，舊樓林立。要珍惜呢間係特別之地既高質小店💋

去奧海城睇戲前係附近食個快餐先，朋友話想食好少少既漢堡，於是搵到哩間自家製漢堡小店，由幾個年輕人合作一起烹調，店內簡單裝潢，坐位大概得8張櫈，幸好我地黎到無咩人，有得揀位，我當然要坐係望到廚房位置既位，可以一邊望住，知道自己食啲咩落肚之餘仍可以偷下師我地睇好食咩之後就在旁邊的位置落單購買，細鋪既好處就係哩度，方便、簡單。一邊近距離望住他們在小小的地方將包、肉煎烤，一邊切菜，備料，感覺食物更新鮮，大概十幾分鐘既時間，我地兩份餐巳放好在面前。川式麻辣醬牛堡：裡面有主角牛肉漢堡，個川式麻辣醬甜甜地，唔算辣配搭青瓜、生菜、蕃茄，塊牛肉一咬肉汁便流出。牛油果醬雞堡：朋友因為唔食牛，改左要雞扒，配搭牛油果同其它配料，清清地，唔錯。日替沙律：用左紅洋蔥、青瓜、生菜、蕃茄同脆薯片，鮮脆口感混合。我地仲各自點左美式咖啡同蕃茄汁飲整體上環境衛生、新鮮即製，仲有食到份年輕人的努力係當中。

下午茶可以話係一天的中途加油站。份量不需要太多，簡簡單單的就好了. 因為已經食過中午飯，就不宜再添太多，以免心廣體胖。所以，一個輕量級的漢堡，配以少許生果及新鮮果汁，就是最恰到好處的下午茶套餐。難怪，知己朋友間中都約我到Juicy Burger嘆番一個漢堡套餐。這裡的裝修十分清雅，以白色為主，平時，兩個人輕輕鬆鬆坐在白色高椅上，一邊談天說地，一邊享受小食，優閒舒適，悠然自得。今日，我就叫了個和牛漢堡套餐，小包子中間夾了免治和牛漢堡，蕃茄，生菜，再配以美味醬汁。食落十分Juicy. 而且還有生果盒－哈密瓜及橙件。感覺都即刻健康晒。

🥰大角咀無論大街小巷都有好多特色美食，所以經常都會約埋朋友去試新嘢，今次我哋試左一間新式漢堡🍔店，值得推介😍店舖裝修簡約，落地玻璃窗採光度十足👏感覺好舒服😌睇完個menu真係好吸引，好多口味醬堡都好想試😂我點了BBQ醬和牛堡套餐，配了沙律。🍔 一嗒咬落去，真係好juicy，和牛漢堡扒同BBQ醬汁調味恰到好處，非常惹味，正另外沙律菜好新鮮，混埋d沙律醋一齊食好開胃🥰朋友點了和風柚子照燒醬堡配水果盒。估唔到柚子醬同牛肉的組合係好夾，朋友都大讚好味，又係好juicy😋另外水果盒裏有橙同哈蜜瓜😍🍵冷泡日式綠茶不妨一試，香淳又健康✌🏻價錢抵食，高質素的🍔，不一樣的醬堡，忘不了的味道😂🤣會再幫襯💪🏻

之前網上見到3月限定逢禮拜一有指定芝士雞堡買一送一優惠，所以6.30pm收工就whatsapp佢地落訂外賣自取，如果唔係夜啲一定賣曬。有whatsapp落訂真係幾好，至少差唔多到預約鐘數就拎得個漢堡。舖頭入面即叫即整，滋滋聲又暖笠笠，個芝士雞堡好味，多汁，啲醬均勻，個雞肉嫩口，再配上少少連住嘅雞皮，沒冰鮮味，鮮嫩彈牙，我自己一個人就食曬2個😋然後個包係有啲似bagel texture，係firm啲實心啲，咬落有嚼勁，我幾鍾意，至少唔係松塌塌個啲包。個黑松露薯條就唔粗身，因為我鍾意食厚身啲嘅粗薯，口感厚實啲，所以就覺得不過不失啦😅就算沒買一送一，6x蚊套餐價都好抵，會係我會回頭會encore嘅burger店。🙌

今天與朋友到大角咀行街，看到一間裝修很別緻的餐廳， 我們就決定入去食。 這間餐廳係用白色為主嚟裝修嘅 ，環境舒服， 價錢也很平民 。小食都非常之抵食，30蚊左右就有一客小食。餐牌上,漢堡包有很多不同款式,而且還是自家調製醬汁,非常之獨特, 價錢也很親民， 七八十蚊就有一個套餐， 非常之抵食。漢堡包嘅賣相很吸引，單是牛嘅漢堡包 ，就已經有3，4款選擇。 啱曬鍾意食牛嘅人。我們還點了和風柚子照燒堡套餐， 漢堡包有很香濃嘅柚子味， 配搭很創新，味道也不錯， 感覺很清新。很岩夏天食用。洋蔥圈和薯條炸得非常香脆。沙律做節配菜很清新。我最鍾意飲佢嘅冷凍茶，口感非常好， 原來食炸嘢配搭飲茶，感覺係非常之舒服。我最鍾意就係食佢嘅四川麻辣漢堡包， 辣得得黎很有四川風味， 感覺好有層次， 肉質好有口感。 值得一讚。

今日同朋友去左大角嘴行街 聽聞舊區有好多小店 就決定去發掘好野食 見到有間行簡約風的burger 就決定一試望住餐牌未諗到食咩 店員就好細心問我地有冇咩唔食 然後再建議今日的特選黑松露漢堡 和BBQ汁和牛漢堡可以配套餐 我地諗住健康d 選左沙律和水果盤 野飲就選左冷泡茶和熱情果茶等漢堡的期間 可以睇住整的過程等左大約5-10 分鐘就有得食漢堡的確係juicy 係值得嘅沙律係配醋 我覺得都健康最後食埋水果幾清新如果係大角嘴舊區搵野食 其實都可以有驚喜

知道大角咀新開咗間burger就同朋友黎試下~~ 鋪頭入面用咗日系簡約全白主題裝修 近門口係落地大玻璃設計~光線充足 💡大部分坐位係bar枱設計#招牌醬堡 - 川式麻辣醬堡套餐 配栗米片 水果盒 $68係出面好少見到呢款fusion burger~ 佢仲有其他特色漢堡~ 例如流沙醬 沙嗲醬 😋而我就叫左川式麻辣醬 食落口有滿滿嘅麻辣香味 醬汁令到個飽好juicy唔會dry 🥰入面仲加左蕃茄蓉 同麻辣好夾 仲好開胃唔會膩 栗米片脆香鹹鹹地 最後食個水果感覺即刻健康咗😛~#經典漢堡- BBQ醬和牛堡 配日替沙律 熱情果汁 $86食漢堡總係要食返個傳統既口味🤗~佢地用左美國SRF和牛肉! 牛味濃郁 多汁唔會太肥 🤤配埋BBQ 醬好惹味 沙律同果汁好fresh~#日式吉列炸蠔 3隻 $28叫左個炸蠔嚟做小食~炸皮炸得好好食又酥脆! 🤤蠔又無咩腥味~仲有呢到既通風系統幾好~食完唔會成身油煙味!🤗又好食~會想再食!

餐廳堂食大概有八個座位，佢嘅漢堡款式都有幾多，佢比其他餐廳唔同嘅係多好多特色漢堡，今次想試吓個麻辣醬堡同埋BBQ醬和牛堡。川式麻辣醬堡 （跟餐$68)愛人推介呢個麻辣醬堡，出邊好少見有辣嘅Burger，佢呢個有麻辣味，但係完全唔會話搶咗牛肉嘅味道，個麻辣味係啱啱好，食落都幾刺激！BBQ醬和牛堡 （ 跟餐$93)佢嘅麵包同麻辣醬堡一樣都好鬆軟，咬落去好Juicy，BBQ醬同牛肉好夾，同埋佢呢間漢堡嘅份量都唔細，用料都好足。Side 除咗一般嘅薯條外，仲有其他唔少嘅選擇，例如粟米脆片，水果盒，加仲有沙律盒，而家沙律盒份量都幾大。飲品方面今次揀咗冷泡伯爵花茶，呢度除咗有邪惡嘅選擇，仲有比較健康嘅選擇俾大家揀，值得一讚！ 佢大概六十幾到九十幾就已經有一個餐，對比出邊好多burger店， CP值都算幾高呢。

今日咁岩去開大角嘴搵食，個邊岀名好多小店好味，咁岩見到呢間新開burger 店。入面座位有限，見通常都係做外賣多，廚房係open kitchen個隻，可以望到佢制作過程，不過堂食應該會大陣味。首先我地點左川式麻辣醬堡，入面有四川麻辣醬，配上生菜及手打牛肉，味道好特別，原來兩者咁夾，好辣者必試，另一個點左磨菇芝士雞堡，滿滿既水牛芝士，有拉絲感覺，配搭上磨菇雞肉，食落又唔會膩，佢d burger 都幾足料同大個，都只係$60左右，好抵食！跟餐仲有個沙律，配上沙律醋，酸酸甜甜好開胃。仲有一盒水果盒，食完burger 都好健康！飲品仲要係自家制冷泡伯爵茶同芒果汁，一去油膩感！下次會再返泥食其他burger 👍🏻

見到佢有一個系列係招牌醬堡，主打特式製作既醬汁，緊係要試下啦！另外除左招牌醬堡之外，佢仲有和牛既漢堡，感覺都好好食，仲有好特別既係，佢有每日既omakase！冇聽過burger 既omakase😂佢係每日都會有唔同既醬汁、配料同埋肉搭配，好有新鮮感🤩 1⃣️牛油果醬堡套餐（$78） 我自己幾鍾意食牛油果🥑見到有牛油果既burger食，就揀左呢款。牛油果醬好多好滑，有少少鹹香，同埋中間夾左好幾片牛油果，食落牛油果軟滑既質感加埋生菜、蕃茄呢啲fresh啲既配料一齊食，好正🥰呢度既burger 全部都係即叫即製，見到佢落完單之後就開始烘個包同埋煎漢堡扒，好香好正。中間既漢堡扒煎到面頭有少少焦香，加埋芝士同埋牛油果醬，成個組合好好味🤤  另外套餐既話可以自由揀兩款小食，我就揀左鮮果盒同埋粟米脆片。鮮果盒入面有啲火龍果同埋橙，食burger 再食翻啲生果感覺上好似健康啲（？）😂生果都幾新鮮。另外粟米脆片份量都幾多。  

星期六的午餐嚟到呢間漢堡店吃下午茶這間店嘅餐單都好吸引，口味有傳統嘅，亦都有特別嘅。跟餐的話，配菜亦都有好多唔同選擇，飲品亦是多元化日替沙律意想不到都幾大份，材料新鮮，有日式風味，味道配合得好好！BBQ醬和牛堡佢哋嘅漢堡包鬆軟，輕輕塗上一層牛油，感覺新鮮。BBQ醬汁香濃，牛肉有肉汁，其他配料令成個包更加口感豐富和風柚子照燒醬堡柚子醬感覺清新，配合埋牛肉一齊食味道幾配合，亦有酸酸甜甜開胃嘅感覺。飲品我哋點左蕃茄汁，以及冷泡伯爵茶。漢堡包店有冷泡茶感覺都幾特別，以佢嘅茶味都幾香，中和返味道濃嘅食物。水果盒內有兩種水果：火龍果、哈密瓜。哈密瓜幾甜總括而言，雖然店舖細細，但亦有吧枱位置比客人坐低食，店內環境幾好，都坐得幾舒服。食物嘅質素亦不錯😊