醬堡 (已結業)

大角咀一間文青feel的burger店，裝修簡約明淨，開放式廚房，透明度高，感覺很乾淨衛生。川式麻辣醬堡$68自調的川式麻辣醬，大約是某米線的三小辣程度，咬下去感覺非常惹味，手打漢堡是自家制作，鬆軟而不會乾，加上生菜、青瓜和蕃茄，增添清爽感覺，漢堡體型不會太巨太難處理，可以咬得到，跟餐選了生果，健康之選，有哈蜜瓜和火龍果，夠新鮮，配上有氣檸檬茶，認真消暑。BBQ醬和牛堡$86BBQ醬汁來得剛好，沒有太搶味，但咬下去還是爆汁，這個漢堡用的是和牛，多了一種和牛的特別香味，口感細緻，包亦很鬆軟，這個配上薯條和冷泡日式綠茶，這綠茶是自家製的，加$15，茶十分清香突出。播著悠揚的音樂，享受了這個下午茶和美好時光，如果對男生來說可能不是太飽，女生就剛好。

熱辣辣都唔知食乜好，就試咗呢間juicy burger見到有一個川式麻辣肉醬堡，本人係因為非常鍾意食辣，所以就叫咗。朋友唔食辣就叫咗一個bbq和牛漢堡。川式麻辣肉醬堡一嚟到已經問到嗰陣辣醬味，但係食落就覺得唔係好夠辣，如果再辣啲應該會仲更加正bbq和牛堡好juicy，食到成手都係汁，裏面個bbq醬唔會蓋咗牛肉嘅味道，個包係烘過，裡面番茄同埋生菜都好新鮮，成個包覺得係有驚喜嘅小食揀咗生果盒+沙律，感覺係新鮮， 生果合簡簡單單有哈密瓜同埋火龍果， 唔係話好甜但係唔會覺得酸 沙律生菜同青瓜都好爽原本睇食評見啲人話佢啲漢堡唔 juicy ,但係食落又唔係喎，好多肉汁流出嚟,有圖有真相

大角咀一帶餐廳小店林立，一直都係覓食既好去處，無論由港鐵旺角站或奧運站行過去都好方便。今次同友人係旺角行完街，路過 醬堡 就入去睇下有咩食，餐牌上有多於十款的漢堡選擇，每款都配有特色的秘製醬汁，我同友人都覺得餓餓地，就各自點左一份套餐，各包括一個漢堡、配菜（任選兩款）。落單後漢堡係即叫即整，上菜速度都算快我叫左蜜糖芥茉醬堡套餐，揀左鮮果盒同罐裝有汽檸檬茶。漢堡當中自家製手打牛肉係真材實料，牛肉味香濃多汁，冇渣，配合多到滿瀉既水牛芝士同秘製蜜糖芥茉醬就更加ＪＵＩＣＹ另外包裡面既生菜同蕃茄都好新鮮鮮果盒係切粒既火龍果同哈蜜瓜，係清新既好選擇。友人點既蘑菇芝士雞堡用左雞髀扒，食起黎覺得特別嫩滑多汁秘製醬汁帶有甜酸味，更加提昇左漢堡既好味度配料有生菜、水牛芝士、磨菇、蕃茄，非常豐富呢。值得一讚係佢地既漢堡用既麵包都有烤過，食落更加香口同香脆！日替沙律都好大盒，絕對係健康唔熱氣既好選擇有誠意製作食物既小店值得我地多多支持～

係附近睇中醫，老公來接我之後二人一齊去食漢堡包。果然名不虛傳，啲漢堡包咬落去真係好Juicy，真係同個名一樣，佢都仲睇到店員喺度手打緊個漢堡。川式麻辣醬堡 水果盒 冷泡伯爵花茶第一口咬落去食到少少花椒嘅味道，但未去到麻辣。反而中間嘅漢堡扒嘅汁全部流晒落個包裝紙度，超級Juicy。漢堡扒間中有幾啖會咬到花椒，好香口。佢個包配上好新鮮嘅蔬菜，好refresh。水果盒入邊嘅生果全部都係甜嘅唔會食到酸。冷泡伯爵花茶好香，一路飲一路食包好chill。BBQ醬和牛堡 日替沙律 橙汁呢個包和牛嘅味道牛肉味更加出，一樣係咁Juicy。配上有層次嘅BBQ醬汁，味道好夾。 沙律所有菜都好新鮮，配上沙律醋，健康之選。其實餐廳都幾多人，一路食都好多人喺外面等緊位，證明真係好正。

大角咀好多小店。上星期去左嗰度食burger。舖頭名改得好好，佢啲burger真係好juicy。食物定價唔貴，食物高質，老闆有禮。我地叫左bbq醬和牛堡加薯條同檸檬茶。另外叫左佢嘅omakase套餐，包一個水果盒同埋沙律。所有野加埋都係169蚊，好抵。餐廳細細間，好多人叫外賣，餐廳有8-9個位比你堂食。當日嘅omakase漢堡係脆炸龍脷魚柳配黑松露蘑菇醬，加車打芝士，炸蘑菇，生菜同紫洋蔥。呢個真係好好食。炸魚係即叫即整，好香脆，熱辣辣！同所有配料好夾。可惜佢係omakase，唔係長有，下次有，我一定會再叫！另外嘅bbq醬和牛堡，和牛juicy, 即叫即整，配埋甜甜地嘅bbq醬，生菜，一啲都唔漏。佢漢堡嘅包皮同size有啲似shake shack。不錯不錯。

完成工作途經角祥街，見到呢間白色簡約裝修的 Juicy Burger，決定入去食番個burger先。佢哋嘅漢堡包係即叫即做，食材新鮮而且足料份量大，幾抵食今次我點了豐富嘅Omakase set:辣味秘製雞脾扒漢堡 ～💲88套餐現場即製，上枱時burger香噴噴新鮮滾熱辣；足料的雞扒多肉汁帶少少皮脂，配埋微辣的秘製醬汁食落好惹味。最鍾意塊juicy勁厚菠蘿片一咬噴晒汁，甜中帶酸中和肥膩感。加埋半溶嘅車打芝士，爽脆生菜同紫洋蔥，食味豐富多層次。不得不讚下呢個又高又厚、蜜糖色嘅包包，咬落去好鬆軟，個包煎過有股煙燻嘅焦香味真係好正粗薯條 ～ 跟餐鮮果盒 ～ 跟餐日替沙律+$10有栗米脆片，新鮮蔬菜，用醋汁調味，清新健康瑞士蔥油腸+$22皮脆爆汁味道正，夠晒邪惡血橙梳打+$18Juicy Burger 醬堡大角咀角祥街70-76號中興樓地下1號舖

再次光臨大角咀發現美食，同朋友去完奧海城行街, 喺附近大角咀繼續搵食, 喺天橋附近發現一間漢堡叫做juicy burger。川式麻辣漢堡鍾意食辣，見呢個夠哂特別。第二度食唔到，我就叫咗呢個辣味漢堡，估佢唔到真係十分之啱食開辣嘅朋友仔試下, 唔單單淨係得辣味，真係食到川辣香料果種辣同麻！芝士和牛堡用選用SRF和牛嘅肉質十分之好食，睇得出係用人手打，加少少調味，睇住廚師煎十分之香口中間有少少半生熟感覺，夾埋芝士加其他配料完美嘅組合呢度十分之有趣，同其他漢堡店唔同，佢既餐係可以選擇加水果杯同埋沙律，令到成個餐冇咁油膩中和返嚟嘅罪疚感，岩哂健康一族最後我哋加購佢自家製茶十分啲清涼淡淡嘅冷泡伯爵花茶同冷泡日式綠茶，個樽仲要好靚添咖！

很久沒吃過漢堡的樣子，最近看到人在吃，自己就很想吃一下！這次去了南昌那邊逛一下，看到這裡有間挺有特色的漢堡包店，就吃一下！川式麻辣醬堡套餐（６８元）朋友很喜歡吃辣的，所以他就點了這個來試試！這個主要就是醬料的分別，這個下了川式麻辣醬，吃起來麻中帶點辣，而且辣度比想像中的要高，而且還可以吃起一粒粒的辣椒粒，所以怕的人可以試其他味道！而漢堡扒方面，吃起來會比較鬆化，牛味挺濃的！ＢＢＱ醬和牛堡套餐（６８元）這個漢堡特別的是下了ＢＢＱ醬和洋蔥醬，吃起來鹹鹹甜甜的，很惹味！配上正常經典漢堡的組合，挺有特色的！水果盒（套餐內）哈蜜瓜非常甜，橙也酸甜可可，不想吃薯條的，也可以選這個解膩！日替沙律（＋１０元）沙律的份量挺大的，滿滿一大盒，而且都挺新鮮的，配上黑醋和橄欖油，吃起來挺香！冷泡伯爵花茶／冷泡日式綠茶（＋１５元）喝汽水比較不健康，所以這裡也有提供冷泡茶給你選擇，喝起來茶味還不錯，挺清爽，解渴，減輕了油膩感！

係大角咀見到一間清新純白小店 — 醬堡 ～顧名思義，每個漢堡都配上佢地不同既特製醬汁～入到餐廳先見到，原來佢地除左主打醬汁，仲對漢堡肉汁十分有要求，而juicy burger就係講緊塊漢堡要好juicy!我同朋友叫左個classics BBQ醬和牛堡 signature和風柚子照燒醬堡~ 配上沙律同埋生果盤~BBQ醬和牛堡漢堡有生菜，蕃茄，美國SRF和牛肉，車打芝士，洋蔥，秘製BBQ醬~美國SRF和牛肉真係好香牛味同好多汁，一咬D汁係爆出來，不得了！漢堡包煎香左，十分軟熟~車打芝士處於半溶狀態～當然唔少得秘製BBQ醬，酸甜又唔會奪去左和牛香味，好好食～和風柚子照燒醬堡漢堡有生菜，蕃茄，自家製手打牛肉，水牛芝士，洋蔥醬，秘製柚子照燒醬~我地叫呢個包，因為想試埋自家製手打牛肉，呢個牛肉無和牛香，同一樣juicy，加埋柚子照燒醬同拉絲水牛芝士，味道比較清新，無BBQ醬和牛堡咁濃味~有另一番滋味～飲品我地叫左冷泡伯爵茶同埋熱情果汁，再加埋沙律同生果盒，balance返食完漢堡包既罪惡感~

今日同朋友行開大角咀，行行下見有點肚餓，於是就入左一間食burger既小店喇。雖然空間真係比較細，但係裝修都幾簡約而不浮誇，門口仲有一個舊式郵箱幾特別添！睇睇餐牌見到burger既選擇都幾多，而且小食種類亦都幾多，任君選擇！係餐牌見到有個叫川式麻辣醬堡，朋友中意食辣所以佢梗係要試試有幾辣啦。老闆仲特別同我地講辣度大概係譚仔既三小辣，三小辣對佢黎講完全冇難度啦！朋友話呢個麻辣burger真係拍得住譚仔既三小辣喎！酥麻既感覺一直都keep係口入面久久不散，而且同牛肉都好夾，牛肉既肉質亦都唔鬆散，咬落去好有質感，唔錯！而我呢個就係bbq醬和牛堡，醬料方面都幾足料，而且中間仲有半溶既車打芝士，加埋一塊juicy到爆既和牛漢堡，新鮮既生菜作配襯，成個burger簡直係滋味無窮啊！隨burger附上既小食有沙律同埋一份水果盒。Burger配埋沙律就可以減走油膩感，咁就唔怕肥啦。另外水果盒有香橙同哈蜜瓜，兩樣水果都好甜又多汁，成件事都好refresh！飲品方面有菠蘿汁同冷泡咖啡。特別想講講冷泡咖啡係標榜自家釀既，飲落雖然比較清啖，但係能夠中和返burger既濃味，而且係炎炎夏日都算係解渴既良品黎！

最近都幾鍾意搵啲漢堡小店，呢間由奧運站行去大概十分鐘路程。小店坐位唔多，有個開揚嘅廚房位可以睇到漢堡嘅烹調，內外裝橫簡約，以白色為主，有種小清新嘅感覺餐廳提供嘅漢堡主要有十款，可加配嘅小食比想像中多，幾特別嘅係有得配鮮果盒同埋炸蠔。我地揀左兩個set, 分別係蜜糖芥末醬堡同BBQ醬和牛堡，加配左沙律同水果盒，野飲就有個自家製冷泡茶同蘋果汁。加晒所有野total每個set大概$90左右。兩款包都係牛肉，其中蜜糖芥末嘅係用上自家製手打牛肉，個醬亦都係餐廳秘製嘅，啲醬唔會太濃，而且因為用上水牛芝士，所以成個包唔會話太漏。另一款嘅和牛則配上車打芝士，對比之下，加埋BBQ醬，呢款包就濃味啲。包面本身有烘過，所以都食到脆口感。沙律同水果盒份量都合理。支自家製嘅茶有個幾特別嘅樽身，非常夠凍，有呢類健康嘅小食配料同茶類選擇真係好好。

佢位置唔算易搵，我地都搵咗10分鐘左右就到🤣佢個店雖然唔算大，應該得10個位以下！但係佢都坐得舒服，而且係小清新嘅裝修，絕對啱哂打卡人士🤣佢個光影相好令㗎！！！！一睇menu都幾多野食咼，而且好多special Ge burger揀！！佢變套餐個價又唔算貴咼，唔錯！加10幾蚊有野飲有沙律或者水果🤣👍🏼BBq醬和牛堡 BBQ醬味好出，而且和牛好juicy!!多汁，一路食一路漏🤣麵包2邊都烘過，脆卜卜，好好食！佢有蕃茄，生菜，車打cheese!!如果你係BBQ sauce lover，要試試喔！！蜜糖芥末醬堡我鐘意個醬！！！！！相對下我鐘意佢地自家製手打牛肉多啲🙈彈牙啲同肉味濃好多！佢中間有層cheese，可以拉絲拉到長到呢！！好玩又好食🤣🤣加咗10蚊要沙律好大碗！！有青瓜，蕃茄，洋蔥，唔同沙律菜！係用醋同橄欖油撈嘅！醋味好強！水果盒有幾粒哈蜜瓜同橙！即刻健康番🤣🤣係好好嘅一個完美嘅句號🥰蘋果汁同菠蘿汁都好fresh!!我鐘意蘋果汁多啲🤣

小胖除咗係偽文青，仲係澱粉怪，超愛麵包🥯呢間係胖友推推的，小胖見行開大角咀就去試下，佢的位置係係橫街入面，頗隱世小店feel，裝修很文青，店內位置不多，推外賣。佢主打漢堡，除咗基本的芝士漢堡等，仲有一d 超有特色的中西合璧漢堡，佢亦有賣小食和香港製造的冷泡茶，包裝簡約，小巧。小胖叫了川式麻辣醬堡和BBQ和牛堡，配沙律，薯格和冷泡茶。佢的川式麻辣醬堡，香味俱全，味道和氣味都超似麻辣火鍋🍲，但佢唔會過辣到掩蓋了牛肉的味道，脆香的包皮配上辣醬加上牛肉的肉汁和清爽的蔬菜，十分配搭，既刺激又滿足，推。佢的和牛漢堡，牛肉的肥瘦適中，漢堡扒亦都十分厚身，充滿肉汁，唔會過乾，BBQ醬味道濃郁，唔會好鹹，好食😋佢嘅薯格超好食，係厚身嘅薯條，每一啖都食到薯肉，不用點醬拎好夠味，佢嘅冷泡茶味道清香，茶味略嫌不足但整體不錯👌整體體驗不錯，佢的特色漢堡值得一試。

是日去左大角咀做野，朋友帶左我黎呢間漢堡食lunch, 位置有點隱蔽，不過食物質素幾好。食物選擇方面都有好多種類，我都係選擇我最愛既既磨菇芝士雞堡，加左套餐要沙律同波羅汁。朋友就點左BBQ醬和牛堡配水果盒同冷泡伯爵花茶。雞扒好大塊，而且入面配料都多，一路食一路有肉汁流出黎，沙律菜份量都幾多，波羅汁仲係原支入口，質素保證。朋友點既和牛漢堡都唔差，和牛大塊，而且煎既火喉剛好，表面有少少烘烤味道，留有肉汁，唔會成塊鞋拾拾。水果盒都新鮮，食漢堡都可以食得健康。

🍴煙肉芝士和牛堡 HK$68食得多安格斯牛肉漢堡，偶然食下由美國安格斯牛同日本和牛混種而成嘅SRF極黑和牛都唔錯，牛味頗濃，油香尚可，加埋煙肉、車打芝士，夠晒惹味，秘製醬汁有d似千島醬，再搭配洋蔥醬，味道豐富。麵包帶微甜，好軟熟，如果烤香d仲正。所有漢堡預設無酸瓜，想食可以落單時免費加，好可惜我錯過左無加到，下次再試。🍴蜜糖芥末醬堡 HK$78呢款曾經係極受歡迎嘅廚師發辦漢堡，如今成為常駐款式。選用手打牛肉，但唔知產地，肉味還可以，香軟水牛芝士包實牛肉，再加上秘製蜜糖芥末醬，幾滋味。🍴惹味薯格（跟餐） HK$6香脆乾身。🍴鮮果盒（跟餐）哈密瓜好鮮甜，橙有d酸。🍴冷泡伯爵花茶（跟餐） HK$15帶淡淡佛手柑香氣，茶味唔算濃，清新唔苦澀。🍴橙汁（跟餐） HK$8味似M記鮮橙汁。📍Juicy Burger醬堡大角咀角祥街70-76號中興樓地下1號舖