醬堡 (已結業)

大角咀隱世burger小店 — Juicy Burger▫️呢間大角咀嘅隱世醬堡Juicy Burger係以不同創新口味嘅醬汁作招徠。今次就試下佢地嘅雙層芝士和牛堡同omakase漢堡。▫️雙層芝士和牛堡（$73）和牛漢堡扒食落有牛味，但味道就有啲淡，咸少少會比較好🤏🏻口感較似全熟，未夠Juicy。而秘製醬汁係淋左喺蕃茄面，味道有少少似士多啤梨醬加千島醬咁，感覺好酸酸甜甜咁，幾開胃。▫️Omakase漢堡（$88）當日限量製作嘅特色口味漢堡係秘製蒜香醬配自家製手打牛肉、水牛芝士、煙肉、紫洋蔥、生菜同蕃茄。牛肉煎得偏熟，食落好似全熟咁，唔太juicy，而煙肉煎得好香脆，整體普通。▫️雙重黑松露薯條🍟薯條沾滿了黑松露粒，旁邊配上咗黑松露醬，雙重滋味🥰黑松露控大愛！而且薯條炸得很香脆，入口脆卜卜！唔錯～▫️地址：大角咀角祥街70-76號中興樓地下1號舖。▫️為食指數:6（10分為最多)抵食指數: 7.5

我同男朋友都好鍾意食漢堡包㗎，經常是唔同舖頭嘅漢堡包，依家小店我哋都唔至食過一次，係好味嘅😍本人對麻辣係情有獨鍾，不能抗拒的，所以我揀咗依款麻辣牛肉漢堡，個麻辣醬超正呀，係我食過幾間以來最好食嘅一間，啲醬夠晒Juicy，另外仲嗌左沙律、薯格同埋番薯條，質素不過不失。第二個漢堡包就係蝦堡喇，蝦肉非常彈牙，入面仲有流心蛋黃添，唯一缺點就係個鹹蛋黃會搶咗蝦肉既味道，如果將啲鹹蛋黃攞嚟煎香個蝦肉面，可能更加正，唔知得唔得呢🤪🤪🤪總括而言，係抵食嘅，同埋款式都比較新穎啦，不過包size偏細，所以一定要配小食嚟食先夠飽😎

今次嚟到大角咀呢一間好受歡迎好Hit嘅Juicy burger，係一間專門食漢堡嘅舖頭，雖然鋪位細細，但都係有好有氣氛。睇吓個Menu，都有超過10款漢堡食，咁就一於叫一個招牌漢堡，同埋一個經典漢堡試吓啦，佢仲可以跟埋套餐，加多10幾蚊就可以有多兩款配菜，好似好抵。一於試吓佢個川味麻辣漢堡再配多一個鮮果盒同埋冷泡茶，個川味麻辣漢堡同個牛肉漢堡扒好夾，辣得來唔算太辣，唔食得辣嘅都可以試吓，如果冷泡茶都好好飲，食完個麻辣漢堡之後配埋個生果盒食就可以cool down下，非常夾。第二就係叫咗呢一個BBQ醬和牛漢堡，呢一個就真係好經典，個BBQ醬個味道同個生菜同蕃茄好夾，可以帶出和牛嘅味道，你一個set就加咗個生菜沙律🥗，同埋薯條，好好食。

作為一個漢堡狂，行街咁啱見到有burger餐廳，就同朋友入嚟試一試。餐廳裝修行簡約風格，漢堡即叫即整，同朋友叫咗個BBQ醬和牛漢堡套餐同蘑菇芝士和牛漢堡套餐。套餐可以自由選擇兩款配菜，基本嘅有粗薯條、鮮果盒同罐裝汽水，亦可以加錢升級配菜，選擇都多。BBQ醬和牛漢堡，和牛漢堡扒係選用左美國SRF和牛肉，食落啖啖牛肉香味。廚師將漢堡包用牛油同埋鹽煎到脆身，夾有配料生菜、車打芝士、洋蔥醬、蕃茄同埋秘製BBQ醬，一咬落去十分juicy！跟餐加$6可以轉做惹味薯格，薯格大大塊，炸到好脆，好好食！同埋加$28配冷泡咖啡。蘑菇芝士和牛漢堡，漢堡扒依然係美國SRF和牛肉， 配料有生菜、水牛芝士、蘑菇、蕃茄、洋蔥醬同秘製醬。食落芝士味都濃，配上蘑菇同和牛，味道濃郁兼且好邪惡😂。所以跟餐配左個生果盒，中和下！另外加$15配冷泡伯爵花茶。

大角咀小店非常之多，而今次嚟咗呢一間食漢堡包嘅小店，佢門面嘅裝修非常簡約，俾人嘅有種清新同年輕嘅感覺。呢度嘅座位唔算多，而空間都非常之細，如果想食嘅話可以早少少過嚟或者外賣都得！漢堡套餐由$63起，當中可以選擇雞肉或者牛肉漢堡，仲有素食嘅漢堡包，非常之貼心。而今次我就試咗佢哋嘅牛油果雞肉醬堡 $78，另外，我配左佢哋嘅粗薯條同樽裝果汁（+$8），牛油果蓉都好多，雞肉都煎到好香脆同好Juicy，漢堡包配有洋蔥、生菜、芝士等。而另外一個就係和風柚子燒汁醬堡$73，配左沙律同薯格(+$6) ，牛肉配柚子汁有另外一番風味，多咗一種清新嘅感覺。除咗呢一啲比較新式嘅漢堡包口味之外，佢哋仲有一啲經典漢堡你哋都可以試吓！

今日嚟到大角嘴食好西！揀左呢間juicy burger 🍔 主打特色醬汁同和牛漢堡💪🏻.我哋叫左個fusion style 麻辣漢堡❤️ 叫左小辣食落依然辣勁十足😆配上漢堡肉食原來都幾夾，仲可以解到油膩添🥰🥰.另外叫左蜜糖芥末醬煲😌經典的味道但配上juicy和牛肉真係好正😻😻用上芥末醬特別惹味🥰.小食嗌左個水果盒，夠哂新鮮呀d哈密瓜同火龍果🧏🏼‍♀️仲有沙律都夠refresh Ar 🥗🥗.洋蔥圈炸得好香脆又唔會好油😋.叫左支青蘋果汁都可以，唔洗飲咁多cola😻😻

這漢堡店坐落的位置較偏僻，店內座位亦只有8個左右。簡約日系設計，配上透亮的落地玻璃，予人一種平和的感覺。醬堡，顧明思義醬汁是賣點，它們推出的漢堡口味繁多，總有一款岩你，我都期待去多幾次一嚐不同口味。套餐包括漢堡包，再自由選擇2款配菜：粗薯條🍟/鮮果盒🍈/汽水🥤。價錢按你選的漢堡包決定。如果不想吃餐，也可單點，價錢平$15。我選的蘑菇芝士雞肉漢堡，看似普通，食落好Juicy。蘑菇炒得好香，而且跟芝士融合了，不會邊吃邊跌蘑菇。漢堡包內層煎得香脆，配以新鮮蕃茄生菜，完美。粗薯條的鹹味剛好，亦不會太油。😍鮮果盒是最令我喜歡的，吃完heavy的漢堡薯條，再嚐蜜瓜和橙，完全中和了那份油膩，又健康。而且水果的甜味本身跟漢堡很夾，這個餐的配搭非常好。很適合少吃生果的都市人。

意外發現到呢間隱世小店係開心既!大角咀真係好多小店!呢間有特色而且有格調!價錢唔貴又健康。BURGER新鮮即造,仲要係和牛,肉質好嫩,口感同平日既好唔同,好有新鮮感!呢個SIZE岩女仔食,加埋健康有營SALAD,酸酸甜甜好開胃!仲有我最愛既冷泡茶,冇冰又飲到凍既茶,係咁熱既天氣真解渴!呢間店既BURGER真心好食,一路食一路聞住CHEF整漢堡時既香氣,真係好美味呀!好味到我想食多個,下次可以食雙層芝堡呀!

今日係大角咀做野，天氣咁熱，做野咁辛苦，緊係要對自己好啲！黎到大角咀，搵到間食burger既好似好靚，就入左去試！呢間餐廳叫「juicy burger 醬堡」。估唔到下午2 3點都仲咁多人，雖然地方唔大，但都坐得好舒服。呢到有好多唔同款式既漢堡，仲可以任意加料、加套餐，豐儉由人。我就叫左個和風柚子照燒醬堡，套餐有埋薯格同蘋果汁。入面牛肉係手打係食緊既同時都見到廚房係到整緊，絕無花假。照燒汁好出色，味道好濃，甜甜地，好食！朋友就叫左BBQ醬堡加洋蔥圈貼冷泡茶，不過朋友唔食牛，可以免費轉做雞脾扒，好體貼雞脾扒好大塊，凸晒出黎，睇見都覺得滿足！洋蔥圈係即製，炸到勁脆，仲熱辣辣，差啲辣親口！兩個漢堡都好多汁好juicy，又唔會整到個包濕晒，味道亦一流，出色！

呢日同屋企人去左大角咀到食dinner，大角咀有好多小店，呢間食漢堡飽既店望落好似好吸引咁，店面既設計又幾有文青feel，唔錯。打開餐牌，見到呢度既漢堡都幾有特色，好多樣都好想試啊！😍我地一人點左一個漢堡餐。我點左呢個BBQ醬和牛堡配是日沙律同埋冷泡日式綠茶。漢堡包塗牛油，烤得好香脆，入面有好幾層材料，好豐富。漢堡扒幾厚身，煎到好香，有多肉汁，配上生菜、芝士、番茄同埋惹味既BBQ醬，超正。是日沙律都好新鮮。仲有個自家製既冷泡日式綠茶，清清地，配漢堡好perfect。屋企人點左蜜糖芥末醬堡，甜甜辣辣咁，幾好味。仲有拉絲既芝士！跟餐配左水果盒同熱情果汁，水果都幾新鮮，唔錯！價錢都唔算貴，下次可以再encore！

大角咀呢兩條街出名多嘢食平時都會特登走過來食晏咁啱最近喺附近讀咗幾個星期酒店就周圍試吓嘢食啦今次見到呢間裝修比較現代時尚唔算大規模但係己有本地特色嘅漢堡包小店🏠睇裝修就似係新開張嘅未食過所以入去試吓Bbq醬和牛堡套餐🍔$68呢個價錢包埋漢堡包一個生果盒同埋飲品 由於唔想食得太肥膩所以今次就要咗個生果盒中和返 漢堡包唔算太過油膩 漢堡扒幾Juicy 但係入邊嘅山菜同蕃茄就中和返佢嘅油膩 份量可以話係啱啱好 食完啱啱夠飽 🤗生果盒入面有唔同嘅生果今次就有哈密瓜同火龍果 舒緩下heavy嘅感覺 仲可以清下腸胃唔驚太濟🤗🍈Size 大概一隻手掌大🖐🏻少少 一啖啱啱好可以食晒所有餡料 做到每一啖都有晒包菜同埋肉 總括嚟講覺得呢間小店嘅漢堡包用來做午餐無論係價錢同埋份量都唔錯 算係更貼地價錢質素唔錯嘅漢堡包餐廳👍🏻

黃金流沙醬堡🦐$73(生菜、爽滑鮮蝦膠、煙肉、青瓜、鹹蛋黃流心醬)呢間小店嘅Burger相當有特色😇首先即叫即整相當新鮮😀蝦漢堡食得多😂鹹蛋黃蝦堡真係第一次食☺️一咬超重蝦味而且蛋黃醬爆晒出嚟😊冇改錯名真係醬爆😀😀同埋佢有青瓜同生菜中和返個Heavy感😉個包都煎得相當香😁巧巧食川味麻辣醬堡🌶️$53(生菜、青瓜、手打牛肉、蕃茄、秘製辣椒醬)呢個burger都好特別😄個辣醬真係有四川風味真係feel到麻～但係個辣又唔會搶咗牛肉本身嘅香味🤣個牛好明顯係自家製超鬆化😀一咬即開😂同埋真係勁Juicy超重牛肉味😍想瘋狂encore

今日黎到大角咀覓食，呢間位於大角咀角祥街，附近都係啲舊式嘅車房或者士多，所以呢一間既門面係別樹一格，好易就搵到。店舖雖小，但係多款式多多。🍔川式麻辣醬堡 （$76）呢個係一個套餐，有水果盒另外我再加咗$8飲蘋果汁。呢一個麻辣醬堡真係超驚喜之作，麻辣醬嘅辣到啱啱好，大約係譚仔嘅三小辣，同埋嗰醬係老闆特別調教出嚟，好夾好入味，唔好以為佢只係得個辣味🔥，牛都超級Juicy. 水果盒有火龍果同埋蜜瓜，新鮮清甜。🍎蘋果汁有兒時回憶，好飲🍔BBQ醬和牛堡 （$93）朋友試咗呢一個套餐，加$10有日替沙律🥗，另外佢再加埋店主推介嘅冷泡伯爵花茶🍵（加$15）。和牛都幾厚身，肉味非常濃郁。沙律有蕃茄生菜青瓜， 食完個包再食呢一個沙律啱啱好。冷泡伯爵花茶勁好飲，非常清香，上網睇返原來冷泡茶係降低咖啡因含量，可減緩對胃的刺激。👍🏻下一次我會想黃金流沙醬蝦堡，睇相都流晒口水🤤🤤🤤特別一提，呢一間嘅漢堡全部都會用美國S R F和牛肉，而且可以免費加酸瓜。<註：美國和牛SRF（極黑牛）是將日本和牛與美國頂級黑安格斯黑牛，繁殖出産的品種！>

大角咀之中原來有間漢堡店！入面坐位唔多，所以買左外賣😀1.和風柚子照燒醬堡 加鮮蝦膠扒個包唔似平時既漢堡，係比較有空氣感、鬆軟既！柚子醬微酸甜，好開胃，好適合夏天😀手打牛肉漢堡牛味香濃、鮮蝦膠扒爽口彈牙，唔錯😀跟餐加錢配洋蔥圈同要左枝樽裝熱情果汁2.蜜糖芥茉醬堡 轉素肉漢堡蜜糖芥茉醬都好開胃😆素肉漢堡扒原來唔係用扮牛肉漢堡扒既果隻。呢塊素肉漢堡扒純粹係豆製品既感覺，但同肉一樣好有飽肚感！跟餐加錢配甜番薯條同鮮果盒。洋蔥圈同甜番薯條都好香脆！👍🏻😀3.和牛脆皮腸兩條，都幾大條，外皮脆，入面既牛肉味都幾濃，同埋有黑椒味，不錯！

建議： 留意番堂食位置唔多，如果想避開等候時間可以試下下午茶時段去 ❤一開始睇住 Google map都搵左陣，雖然知道大角咀有好多野食，但估唔到有漢堡小店🍔 舖頭環境簡單清新，唔會有太嘈吵既音樂，反而係充滿左鐵板煎漢堡既聲，充滿住肉香🤤 今次試左：🍔套餐：漢堡+自選兩款小食/飲品 ▫️黃金流沙蝦堡+粗薯條+ Zero (HK$88)蝦堡係蝦滑入面包左自家製既咸蛋流心醬。雖然未去到一咬就爆醬，不過咸蛋醬配蝦滑又幾新奇，但咸蛋醬有少少遮左蝦滑既味道。另外，面頭夾左兩塊青瓜🥒，夾埋會好清新，唔會淨係覺得好咸👍▪️川式麻辣醬堡+蕃薯條+鮮果盒 (HK$70)有麻辣既漢堡，當然唔會錯過🤭 一開始以為係塊漢堡係麻辣，不過店員係落單時介紹左個漢堡，原來係面頭有層麻辣醬🌶️ 聞落有啲似 Tabosco，但食落就另一回事😂 整體辣醬真係唔錯，雖然無咩麻味，但唔會太辣，當係刺激下味蕾既前奏🌶️手打牛中規中矩，唔係太Juicy 但一定唔係乾爭爭。配埋生菜同蕃茄👍食落唔會太Dry薯條同蕃薯條都唔錯，雖然上枱時唔係超熱，但係仲好脆😋 另外，值得一讚係自選小食可以揀鮮果盒 (當日係火龍果mix 橙🍊) 唔鍾意食炸野既