醬堡 (已結業)

係大角咀見到一間清新純白小店 — 醬堡 ～顧名思義，每個漢堡都配上佢地不同既特製醬汁～入到餐廳先見到，原來佢地除左主打醬汁，仲對漢堡肉汁十分有要求，而juicy burger就係講緊塊漢堡要好juicy!我同朋友叫左個classics BBQ醬和牛堡 signature和風柚子照燒醬堡~ 配上沙律同埋生果盤~BBQ醬和牛堡漢堡有生菜，蕃茄，美國SRF和牛肉，車打芝士，洋蔥，秘製BBQ醬~美國SRF和牛肉真係好香牛味同好多汁，一咬D汁係爆出來，不得了！漢堡包煎香左，十分軟熟~車打芝士處於半溶狀態～當然唔少得秘製BBQ醬，酸甜又唔會奪去左和牛香味，好好食～和風柚子照燒醬堡漢堡有生菜，蕃茄，自家製手打牛肉，水牛芝士，洋蔥醬，秘製柚子照燒醬~我地叫呢個包，因為想試埋自家製手打牛肉，呢個牛肉無和牛香，同一樣juicy，加埋柚子照燒醬同拉絲水牛芝士，味道比較清新，無BBQ醬和牛堡咁濃味~有另一番滋味～飲品我地叫左冷泡伯爵茶同埋熱情果汁，再加埋沙律同生果盒，balance返食完漢堡包既罪惡感~