醬堡 (已結業)

最近日日都俾外國朋友洗版，決定今天就去食返個正宗外國Burger餐。要到大角咀做野，就揀了這間juicy burger，細細間，裝潢簡潔，寫明即叫即做，應該新鮮熱辣。餐牌種類都不少，套餐價錢都尚可，單點就偏貴。叫了蜜糖芥末醬堡及bbq醬和牛堡仲，仲要食漢堡當然要有洋蔥圈。兩個漢堡的肉明顯不一樣。蜜糖芥末堡肉質較散，嫩口 。那蜜糖芥末配上濃芝令整個漢堡變得重口味，很有外國情懷。可惜我不太鍾情芥末，都是留給我老公品嚐。牛口的肉較實，感覺實在點，亦不失juicy，但bbq醬卻令他有點down grade😅，變得地道了。反觀那個洋蔥圈，要大讚，新鮮脆口，一食停不了口。叫了兩種飲品，都是比較淡味，正正中和返味濃的漢堡，再加上要了一客水果盒，清清口腔內的芥末味，正。

約左朋友同佢個囡喺附近南昌公園玩 之後就上openrice睇下附近有咩好嘢食見到呢間burger評價都唔錯 決定試下我覺得呢度嘅漢堡包套餐價錢都算幾實惠，要咗個蜜糖芥末醬堡同埋芝士和牛堡套餐就可以有粗薯條／生果盒或者汽水 可加錢轉其他 我地就揀咗個薯條,生果盒再加錢要咗樽裝菠蘿果汁同埋日替沙律食物即叫即製 食住粗薯條同生果以及沙律喺度等個漢堡 熱辣辣非常好味 沙律嘅調味都唔錯而且份量都唔少 蔬菜非常新鮮至於主角漢堡轉頭就嚟啦 我同朋友一人一半我哋兩個都覺得自己揀嘅好味啲蜜糖芥末醬堡：自家製手打牛肉，水牛芝士，生菜，蕃茄仲有秘製蜜糖芥末醬同埋洋蔥醬 味道醬汁確實係幾好味 好開胃 patty份量十足 個人鐘意呢個因為有多種味道 芝士和牛堡：美國和牛肉，車打芝士，生菜，番茄醬同埋 呢個食得出牛肉味道 味道好出 連鎖店真係無得比 配埋熱熔芝士 邪惡又好食兩個漢堡都好出色，而且個漢堡包烤到好鬆軟，讚

大角咀有間隱世burger小店，又見啲burger唔係好大舊，岩晒啲細食嘅人！我嗌左個流沙黃金蝦堡+洋蔥圈+熱情果汁，而女朋友就嗌左芝士和牛漢堡+薯條+生果！先講個蝦堡，咬落去非常彈牙！而且蝦堡入面亦包住左好多流沙咸蛋！成件事好新奇！亦都唔會覺得好鹹！再配埋少少生菜+煙肉+蕃茄！咬落去勁飽滿！之後到洋蔥圈，舊舊size都好大舊，而且拎上手都熱辣辣！而熱情果汁亦都唔係好甜～食飽個蝦堡，再飲啖熱情果汁，成件事好fresh!!輪到個芝士和牛漢堡，咬落去塊和牛有7-8成熟，想要全熟嘅朋友就未必岩～但對我黎講，呢個比例先拿捏得岩岩好！！因為咬落去勁冧！勁香和牛嘅味道！完全唔覺得鞋恰恰嘅感覺！薯條亦都炸得好香脆！份量對女仔黎講就岩岩好！食得太飽太漏有生果幫我地中和下真係岩岩好！哈蜜瓜+橙非常甜！佢地真係有認真揀過食材架！So far, 呢間隱世burger小店整burger 真係整得非常好食！食材亦都好新鮮！員工都有認真揀過食材！有機會黎大角咀一定要再encore呢間！

出開大角咀，好多人都會去試新開舖頭，今次我哋搵到一間穩世食漢堡包嘅舖頭。門口好有文青feel，加上入面配上白雪雪嘅裝修，打卡一流。鋪頭位置唔多，都要等一陣位。舖頭係用open kitchen，但抽風系統都唔差，唔會食到一身油煙味。我哋叫咗一個蘑菇芝士雞堡+BBQ醬和牛堡，加多一樽自家茶。首先介紹蘑菇芝士雞堡，聞到震震好香嘅大啡菇味，食落口雞肉好嫩，唔乾身，芝士係大啡菇入面營造拉絲，絕對係絕配！跟住去到BBQ醬和牛堡，BBQ醬好濃，但唔咸，而且唔會蓋過和牛嘅牛味，同埋要讚嘅係，佢出面個包係有烘過，唔係就咁撻塊包上去就算最值得試嘅仲有係佢嗰支自家茶！飲落似烏龍茶，但其實支茶係冇介紹，係店家自己嘅配搭，食完漢堡包一定要飲番支自家茶消濟。

大角咀隱世漢堡小店「Juicy Burger」🤩舖仔細細除左特色漢堡包，仲有多款小食、甜品選擇😋另外店內雪櫃嘅樽仔自家製冷泡茶、冷泡咖啡都幾靚仔。落order後即叫即製，現場聽到煎板嘅滋滋聲，又聞到食材嘅香氣☺️令人期待成品🤭和風柚子照燒醬堡配 薯條 + 維他檸檬茶••••••首先麵包面明顯烘過而且鬆化👍🏻最搶眼肯定係純白嘅水牛芝士😍完全溶係手打牛肉漢堡上面，漢堡自家製不會過硬或者過分鬆軟。不過都唔夠柚子照燒醬入口嘅香味搶同rich，味道屬偏甜偏重口味。預設配料生菜蕃茄可以幫忙解膩😌漢堡包最佳拍檔，外脆內軟粗薯條當然係唔少得🤫滿足😜BBQ醬和牛堡配 水果盒 + 蘋果汁Compal••••••和牛漢堡肉味明顯更香濃，充滿肉汁好juicy🤤舖上半溶車打芝士與濃味的BBQ醬，加添風味，同樣地以爽脆生菜新鮮蕃茄作平衡😬水果盒係切粒西瓜哈蜜瓜，健康得嚟啱哂懶人🤣

今日行遠少少搵咗呢間位於大角咀嘅juicy burger店面裝修走白色簡約風格同平時嘅漢堡包店好唔同burger種類都幾多除咗一般嘅經典漢堡系列之外仲有佢哋自家嘅招牌醬堡系列啲汁嘅配搭都幾特別另外仲會有一啲小食同埋二人套餐可以選擇價錢亦都唔太貴最後叫咗個BBQ醬和牛漢堡，配水果盒，另外再加咗$3試下維他最新出嘅檸檬茶有氣飲品burger包嘅光澤做得相當之靚，食落去香軟得來又好鬆脆，即使入邊有蕃茄，個包都唔會整到好濕淋和牛嘅肉質亦都相當之唔錯，同生菜蕃茄嘅配搭簡直係無敵，BBQ醬嘅配搭亦相當之夾用水果盒取替左傳統嘅粗薯條，係食完burger勁內疚嘅心理下無擬都係一個非常之唔錯嘅選擇而新嘅有氣檸檬茶嘅味道亦都唔錯，有氣飲落比較清新之外亦都比平時飲落嘅檸檬茶冇咁甜

大角咀特色餐廳小店林立，絕對係覓食嘅好去處。每間特色小店都好想試，Juicy Burger係其中一間，餐廳裝修簡約清新，配搭開放式廚房，客人可以即時睇到店員烹煮食物，感覺好正。餐廳所售賣嘅漢堡包好有特色同創意，例如川式麻辣醬堡、黃金流沙醬蝦堡、和風柚子照燒醬堡等等...出品好有心思去迎合唔同客人嘅口味。今次點咗兩個唔同嘅套餐，其中一個係ＢＢＱ醬和牛堡，套餐配搭血橙梳打同水果盒。和牛漢堡扒好厚肉，一啖咬落去有好香嘅牛味同時又好Juicy，口感滿分。Burger配上生菜、蕃茄、洋蔥同車打芝士，再加入秘製BBQ醬調味，好惹味。水果盒有西瓜同火龍果，食完burger食番啲水果可以解下油膩！另一個套餐點咗蜜糖芥茉醬堡，套餐配搭日替沙律同罐裝有汽檸檬茶。漢堡牛肉真材實料自家手打製作，漢堡牛肉香濃多汁，配上水牛芝士同秘製蜜糖芥茉醬，味道十分滋味。沙律嘅份量都唔少，蔬菜新鮮，有青瓜、蕃茄、洋蔥、同埋唔同嘅沙律菜，配上黑醋同橄欖油，食起來酸甜爽口！絕對係健康之選。

位於大角咀街市附近，離遠已經可以spot到，白色既招牌同簡潔既裝潢，非常亮眼鋪仔細細，大約可以坐3枱客，當日鋪頭便有3個人打理間鋪頭，所以野食上枱既速度很快。川式麻辣醬堡 $68價錢非常實惠，如果出尖沙咀或旺區的話，可能已經要收$128，呢個漢堡相信係鋪頭既signature, 食落辣度適中，食多幾啖已經可以適應呢個辣度，唔會越食越辣，當中仲有研碎咗胡椒粒，很有口感，而塊扒又煎到非常焦香，另外鋪了生菜, 青瓜同蕃茄，食落香而不膩，加上飽亦好香軟，人生少有地自己清咗成個漢堡！薯條薯條係粗薯條黎，好香脆，有薯仔味，不錯！血橙梳打＋$18Aranciata Rossa 血橙梳打係意大利著名品牌， Santa Vittoria 係梳打系列之中最受歡迎的飲品之一，以 12% 果汁配合天然香料製成，不含防腐劑，一定要加呢款飲野，好好飲！唔會太酸，但好refreshing

中意食BURGER,但唔想食太貴,太平果D又冇特色。知道呢間又平又好食就同朋友來左。我叫左個川味BURGER跟薯條同EARL GREY冷泡茶。川味BURGER有自家製既SAUCE,仲見到D PEPPER CORN,牛肉既幾厚,夠JUICY,薯條即炸,好香脆,而EARL GREY好解膩,而家天氣咁熱,好岩飲。朋友就叫左個普通芝士漢堡,跟水果同埋有汽檸檬茶。佢都好滿意個BURGER,水果新鮮、甜。有汽檸茶佢第一次飲,覺得有驚喜。呢度既餐真心平,讚!

今日中午2:00左右到達門店，有幾位等外賣的客人，內裡有6-7個位置可以堂食，等左幾分鐘就甘啱有位，入去就坐低叫野食。裡面算光亮，乾淨整潔，雖然位置較細，得好少座位，想堂食的話可能食完就要走，無機會坐太耐。因為實在太肚餓了，所以交左最基本的商務套餐，包括一個沙律配油醋汁(可+$5換成薯條)，薯條(可+$5轉換成地瓜條)，兩個BBQ手工牛肉漢堡，兩杯手工冷泡茶(無糖)，最後也可加20蚊多一分炸雞。食物評分🎀油醋汁沙律🌟2.5/5不過不失，普通的分量和口味，較清爽解膩。🎀薯條🌟3/5剛出爐，脆，分量大，不會很油膩。🎀BBQ手工牛肉漢堡🌟4/5熱辣辣，麵包體香甜軟綿，濕度剛好，牛肉多汁，肉餅可以食得出牛肉粒的粒感，牛香味很好。醬汁不會很重口，適合非重口人士選擇，生菜和番茄新鮮，芝士適當地不會搶風頭，整體配合很好。

川式麻辣漢堡麻辣汁既麻同辣既比例好好 辣度算係中辣 唔食得辣既感覺都食到呢款 幾過癮 入口麻香味重 加埋和牛漢堡 juicy得來肉質又夠厚嫩 好夾麻辣既香 而且佢漢堡包既表皮好香脆 口感幾好 不論食唔食到辣號都值得一試 唔丸食辣號都會覺得惹味 食辣號更會因為佢個辣醬一試難忘bbq醬和牛堡bbq醬酸甜又惹味 而且幾香口 配搭肉味濃郁 肉汁豐富既和牛漢堡 幾正 燒烤汁帶到和牛漢堡既肉香味出來 加埋脆身既飽面 口感同味道都唔錯 值得一試跟餐仲可以簡薯條/加錢簡沙律🥗

位於大角咀嘅漢堡包🍔店，以白色⚪️做主題。舖頭用咗透明玻璃，白色牆身，幾有格調，打卡做背景都唔錯📸。堂食嘅位唔算好多，建議早少少嚟搵位。餐牌有招牌同經典漢堡，每個系列都有至少五個款式👍🏻，獨一無二嘅漢堡口味。套餐配搭百搭，仲可以加配醬汁😋 仲可以喺漢堡入面加料！想食得豐富啲仲有小食配菜同甜品🙆🏻‍♂️.我同朋友叫咗兩個套餐, 免費配埋薯條🍟/ 鮮果盒/ 罐裝汽水🥤，我哋再加埋泡茶～.《黃金流沙醬蝦堡》$88(套餐) 🦐🥒🥚必食！⭐️⭐️⭐️好少見有蝦膠做嘅漢堡，仲要勁厚勁足料🤩 佢個流沙醬汁係成個包嘅精粹！手工釀製鹹蛋醬🥚😍 好入味！入面仲有煙肉、青瓜同生菜～《雙層芝士和牛漢堡》$88(套餐) 🥩🥓🍔⭐️⭐️兩塊和牛漢堡都好厚身，啲生菜同蕃茄都好新鮮👍🏻 有水牛同車打芝士🧀 不過和牛稍為鹹咗啲，稍為蓋過左其他材料嘅味。如果落少啲鹽會再好食啲～《日式玄米/ 法式冷泡茶》+$15 🍶Made in HK! 🇭🇰 好清潤嘅感覺，係少甜嘅感覺，夠晒健康👍🏻《鮮果盒》好 fresh~ 有火龍果同蜜瓜，夠健康.店員都好好，幫我哋將漢堡包切成一半，同fd可以試唔同味👍🏻 漢堡包啲醬汁超好味🤩 難怪叫 Juicy

Burger都有Omakase🤣真係第一次聽🙊黃金流沙醬蝦堡 + 粗薯 + 可樂Price：$88📌一咬落去鹹蛋黃醬已經湧哂出黎，聽講佢地既醬汁都係自家釀🤩蝦肉既口感好似打邊爐既蝦滑咁好彈牙😂配上流沙醬真係好夾😍煙肉煎得好脆邊，另外底面兩塊包都有輕輕煎過令到佢更加入味😋不過薯條方面係普通薯條，如果係粗薯就更好啦😛蜜糖芥末醬堡Price：$63📌蜜糖芥末醬多到淹沒咗塊牛肉🤣牛肉煎得好香，好大陣焦香味，肉質幾好唔乾🥰入面仲有芝士，芝士整溶咗少少，可以拉絲添🤤🤤配料有蕃茄同生菜，醬真係多到食到最尾都仲有😂

今日去奧海城行街 同朋友講起點解奧運站係叫奧運 而唔係大角咀🧐之後先發覺好似未行過大角咀口個地方！決定去行下同睇下有咩野可以食😆行行下見到呢間好白又靚既店面 睇落都好吸引！我同朋友都想食burger 咁就岩晒了☺️呢間店既logo 同招牌都好靚！好特別既設計👍🏻睇餐牌都好多選擇 仲有一個係Omakase 包 都幾特別😳最後我地揀左叫BBQ 醬和牛堡同和風柚子照燒漢堡🍔仲加左日式沙律 同生果 咁樣就會睇落無咁內疚🤣🤣🤣等左大概5mins 店員都好快上到漢堡 令我覺得驚人既速度🧐我同朋友share 一齊一人一半咁食😆BBQ 醬和牛漢堡 食落好出色 因為佢d 和牛係入口即溶！而和風柚子照燒漢堡有柚子醬 就會食落日式d 同無咁油膩 不過兩個包食都唔人覺得油☺️高汁的感覺！沙律水果都係正常水準 野飲都係🤣有機會再黎大角咀都會再食

聽聞大角咀都唔少高質野食，就約埋左朋友weekend黎呢邊搵下有啲咩好野食，無意間見到呢間小店—醬堡😛，聽個名都幾吸引喎，朋友又話想食burger，所以就決定入去試一試啦。「不一樣的醬堡，忘不了的味道。」呢一句真係中曬我對呢間餐廳嘅諗法🥰，佢地嘅burger味道同出面好唔同，用左特別嘅醬汁而製。🤍我就叫左個和風柚子照燒醬漢堡，食落柚子醬汁好清新，配埋佢嘅漢堡牛肉肉質鮮嫩，口感好好，非常Juicy😝😝，牛肉唔會話煎得太老。朋友就試咗佢嘅BBQ醬和牛漢堡，佢話和牛真係有入口即溶嘅感覺，好有牛嘅香味，值得呢個價錢🥰！我同朋友一樣都叫左個套餐，佢係包左粗薯條/鮮果盒。🥰 我地就升級左做惹味薯格，佢嘅炸物都炸得好香口，食得出係新鮮即炸。😝如果怕熱氣嘅朋友，都可以考慮選擇佢哋嘅鮮果盒😝。我哋都另外加咗試埋佢嘅特飲，血橙梳打，呢個飲品唔係喺好多地方會見得到，都幾特別㗎。😛😛總嘅來講，呢間小店嘅漢堡用心製作，可以媲美好多大型連鎖店嘅漢堡餐廳，值得你過嚟一試。🥰