影片
更多
2020-01-09
342 浏览
今日難得約齊屋企人出去食飯，當然要食餐好架啦！今日就帶屋企人嚟食粥底蒸海鮮，二百幾蚊一位已經有10樣海鮮俾你嘆，最重要係全部即撈即劏，夠晒新鮮。首先打頭陣嘅係老火五指毛桃海底椰靚湯，佢個湯真係好濃好甜，飲到個個lam lam 脷。然後仲有一隻溫泉蛋比你早餐前小食。然後職員就會幫你將啲生米同芋頭南瓜放入煲度，準備呢煲一間會吸收晒所有精華嘅粥。喺正式開始食海鮮之前，首先出場嘅係蟲草花蒸雞，啲雞件用花雕酒醃過，好滑好香。順帶一提，佢呢度嘅蔬菜係自助任攞，你可以攞唔同嘅蔬菜同啲食物一齊蒸，夠晒健康。因為上載圖片有限，我都唔能夠逐樣講下。所以就講啲我影得靚嘅海鮮啦！我地第一樣食嘅係蒸花甲，好鮮甜，完全冇沙，加埋啲蔬菜，好鮮甜。然後就係象拔蚌仔同鮑魚，呢兩樣都好好食，時間岩岩好，唔會又乾又硬。仲有呢隻大扇貝都好正，夠大粒又夠冧，好好味。最後就係重頭戲，龍蝦。每人半隻，真係時間岩岩好，鮮甜嫩滑，無得彈。淨係見到佢白雪雪又咁厚肉，都已經流晒口水。食完晒海鮮食埋粥，仲會有個腐竹薏米糖水俾你，糖水唔太甜，岩岩好，媽媽都食得。
今日就帶屋企人嚟食粥底蒸海鮮，二百幾蚊一位已經有10樣海鮮俾你嘆，最重要係全部即撈即劏，夠晒新鮮。
首先打頭陣嘅係老火五指毛桃海底椰靚湯，佢個湯真係好濃好甜，飲到個個lam lam 脷。
然後仲有一隻溫泉蛋比你早餐前小食。
然後職員就會幫你將啲生米同芋頭南瓜放入煲度，準備呢煲一間會吸收晒所有精華嘅粥。
喺正式開始食海鮮之前，首先出場嘅係蟲草花蒸雞，啲雞件用花雕酒醃過，好滑好香。順帶一提，佢呢度嘅蔬菜係自助任攞，你可以攞唔同嘅蔬菜同啲食物一齊蒸，夠晒健康。
因為上載圖片有限，我都唔能夠逐樣講下。所以就講啲我影得靚嘅海鮮啦！
我地第一樣食嘅係蒸花甲，好鮮甜，完全冇沙，加埋啲蔬菜，好鮮甜。
然後就係象拔蚌仔同鮑魚，呢兩樣都好好食，時間岩岩好，唔會又乾又硬。
仲有呢隻大扇貝都好正，夠大粒又夠冧，好好味。
最後就係重頭戲，龍蝦。每人半隻，真係時間岩岩好，鮮甜嫩滑，無得彈。
淨係見到佢白雪雪又咁厚肉，都已經流晒口水。
食完晒海鮮食埋粥，仲會有個腐竹薏米糖水俾你，糖水唔太甜，岩岩好，媽媽都食得。
张贴
