醉胡爐 (已搬遷) 新店位置

第一次寫食評！一路都聽好多朋友介紹過，就係次次都無機會去試，琴晚終於可以試一次，火焰龍蝦鍋堅係好食，好濃味！食物方面都好新鮮！老闆見我地一行16人，都好識做，醒咗我地食甜品。最後人頭計都係5舊水。大佬呀，今時今日依個價錢比返依個水準，好有交代啦！最好係食完都唔會有成身打邊爐味，又唔會要勁飲水。好好！有機會一定要再試試！另外，佢嘅牛肉同丸都一定要試下，係好有驚喜。要彈一下，係上菜慢咗一點，可能成晚好爆，我地又坐二樓。建議坐地下果層會好點。