酒鍋 (天文臺道) (已結業)

開始凍特別想打邊爐，原來朋友咁岩今晚又book左枱打邊爐。哩到個主題係食酒既湯底火鍋，一個爐有4格，4種酒分別有花雕醉雞鍋、蕃茄牛尾鍋、啤酒魚鍋、清酒海鮮鍋..酒味唔會特別太濃，反而越食會越香酒味，同埋個鍋本身入面已經好足料 而且好新鮮。叫左個”掛架安格斯牛肩頸”，肉質好新鮮，牛肉味都好濃，雖然都係切片，不過就冇一般既肥牛咁乾另外我見到相咁得意，於是就叫左哩3隻熊仔試下，原來係墨魚丸，唔係得個樣咖，食落一樣好食，係手打既⋯成班朋友打邊爐海鮮一定唔少得，叫左海鮮拼盤，份量岩岩好，蝦好鮮甜，帶子都好爽口，煮完成個湯都鮮味左好多～順便要讚下哩到既醬料，好齊全，要試下個沙嗲醬，好正！

巨無霸芫荽鍋.一座芫荽山😈 四款火鍋湯底1️⃣清湯牛腩🐮: 牛腩/蘿蔔2️⃣四川麻辣🔥:豬皮/豆卜/芽菜3️⃣喇沙海鮮🦐:蝦/青口/墨魚仔/豆卜4️⃣蕃茄薯仔豬骨🍅 :蕃茄/薯仔/豆卜湯底本身已有很多配料 吃完已經飽了一半😆 特別喜歡清湯的蘿蔔和麻辣湯的豬皮😋 不過牛腩與蕃茄薯仔湯應該是用同一湯底 再加上不同的配料 所以味道有點相似本地手切肥牛.打邊爐不少得的牛肉🤘🏻小的份量足夠2-3人 肉味算濃 而且肉質細嫩不韌😋七星報喜.七粒不同顏色的墨魚丸! 例如有混入黑松露/蟹籽/粟米等的 墨魚丸本身口感彈牙 加上不同味道 感覺有趣黑松露芝士牛肉餃.粉紅色的餃子皮! 咬開是香濃的芝士味道 呈半融的狀態 與黑松露相配 用上牛肉 比一般常用的豬肉較為少見 養顏花膠.花膠也是近年興起的一種火鍋配料 花膠會吸了火鍋湯底的味道 口感黏黏 充滿骨膠原酒鍋的環境不錯 張枱夠大 不會滿枱都是火鍋配料 而感到擠迫😌 醬料選擇也不少呢

好朋友升職加薪請食飯，要食餐好嘅。雖然係食火鍋，但係環境一流，地方清潔，空氣清新。好朋友發板，講明唔好講錢，最緊要老友食得高興，食得滿意。先呢一個芫茜四式湯底，淨係湯底已經滿意。有麻辣味、海鮮味、豬骨湯底、牛腩湯底，每一個湯底都份量十足，各有不同味道，再配埋大量芫茜，更加滋味。一份招牌羊肉片，已經令你對羊肉產生喜好。肥瘦均勻，冇羊騷味。牛肉拼盤 不得了，油脂分布均勻，肉質嫩滑。好想提一提呢個松茸餃，松茸香味不得了， 不可以不吃。七色圓竟然有七個味道，要自己試過先會知道。呢度竟然仲有鴨紅食，想都想唔到。重有醬爆牛肉丸、自家製即炸響鈴… 樣樣都好食，好新鮮，而且啲食物質素好高，款式特別，有傳統嘅食物，亦有新派食物。呢一餐非常滿意，好朋友請食飯，真係好有心，唔係隨隨便便，搵達地方食飽你個肚。

天氣涼左少少，心思思又想打邊爐，即刻諗起食家好友話天文臺道呢座食肆臨立嘅大廈，裏面有間中日火鍋，湯底很有特色，即刻走去試試。等埋朋友放工，八點幾都坐滿了人，仲有食客等緊位，好彩朋友醒目預早訂左位，5分鐘度已經安排入座。呢度裝修頗有心思，座位舒適，仲有卡位添。呢度嘅湯底選擇甚多，一個鍋仲可以有四五種湯底，一次過可以滿足一行人不同嘅需要，今次我地就試左個新出湯底'行酒江湖'，行酒江湖湯底有花雕醉雞窩，啤酒魚窩，清酒海鮮窩，另配無酒嘅番茄牛尾窩。各個湯底用料十足，味道濃郁，不同嘅酒味充斥整個空間，愛好'酒窩'真係絶不能錯過。我地叫左頂級安格斯牛頸脊掛架，設計落足心思，冰響掛架下令牛肉唔會熱到出水，保留肉汁，輕輕一滾，牛肉入口即溶，屬高質牛肉。很喜歡呢度即炸嘅響鈴，響鈴包住紫菜，無論即食或者輕輕灼一灼都十分可口。海鮮拼盆配搭行酒江湖更加是絶配，大蟶子，扇貝，花甲，海蝦都屬一級，配上酒窩鮮味保留，值得一試。七星報喜同啤酒熊都係自家制手打丸，又睇得，彈牙又好味，蝦丸墨丸帶子丸等等 應有盡有。最特別嘅係有台灣入口嘅鴨血，唔係度度有得食，有咬口仲吸曬湯底嘅味道，絶對要試一試。今晚行酒完江湖 真是大滿足

不論冬天定夏天, 總是喜歡打邊爐！今次到訪位於尖沙咀「酒鍋」, 而時尚的裝修設計, 空間寬闊 多款選擇調製自己喜愛的醬油酒火入鍋 $328分別有5格: 蕃茄波士頓龍蝦鍋, 清湯蘿蔔牛腩, 四川麻辣鍋, 潮洲沙嗲鍋及獨特木瓜鍋每格配料十足蕃茄鍋清甜 龍蝦必須連膏一齊食清湯蘿蔔牛腩 一小時後牛腩依然嫩滑沙嗲亦非常濃郁我最愛中間的木瓜鍋, 除了侍應會加酒點火很吸睛外, 木瓜相當相當甜, 混合了蝦將鮮味帶出, 整個鍋一百分餐牌設計👍🏻 火鍋配料種類非常多牛肉拼盤 $698 (安格斯牛, 韓牛, 牛柳粒, 手切肥牛)用上等牛肉外再加一點小擺設絕對能令食慾大增! 牛肉油花分佈均勻密集, 只需涮一涮, 入口溶化. 牛肉粒肉味則較濃掛架頂級安格斯牛頸脊 $188(小)安格斯牛頸脊肉質細嫩黑啤熊 $88趣味外型的墨魚丸 三粒 價值88大元竹庶茅根 $26 食了麻辣鍋裡的牛柳粒後, 一口氣被我喝了一大半總結 在餐牌上真的花盡心思, 地方座位又舒適播放著流行音樂令人放鬆享受美食. 期待之後推出新食品

平時嘅我好少會上樓餐廳食飯，朋友話通常好野都會係樓上多，香港地，地少人多，去親食飯都迫迫迫到不得了。一上到嚟，嘩～正丫！估佢唔到，即刻明白好野通常會係樓上多。近幾年都未試過可以打邊勞打得咁舒服，坐得舒適，唔洗VIP room 都可以有足夠私人空間。一坐底即嗌（例）象拔蚌刺身，新鮮就唔洗再講啦。再整個海鮮拼盤，每樣都非常新鮮美味。頂級安格斯牛頸脊肉質一流，唔會太肥，其實好想叫多份，但係太多野想食啦，唯有下次啦。黑啤熊超Q，可愛指數爆燈，但唔個咩東東直覺話比我知唔會好食，殘忍煮左佢吧！拎返上，點～點解變左墨丸嘅，同朋友即刻搶食，好彈牙，估佢唔到，好好食丫！7星報喜色彩繽紛，相機食先；鴨血我都係比較喜歡辣辣的；蔬菜拼盤夠曬翠綠；即炸手工紫菜響鈴卷就係響鈴fans必食。黑松露蝦蟹餃，岩曬鐘意食黑松露嘅朋友仔，仲要有蟹，食到舔舔脷，朋友仲話唔夠要整多碟蟹柳。朋友勁like羊頂級蒙古涮羊片，所以成碟俾佢清晒。三拼福袋設計精緻，而紫貝天葵岩曬我，因為唔太甜。

呢個天氣，最啱就梗係打邊爐啦，但要搵間岩一家大細一齊食嘅就唔係一件容易嘅事。經我上網蒐集資料之後，就決定咗嚟Tst酒鍋，地點非常方便，港島同九龍都各有一間。首先要講下點解呢間火鍋店適合一家大細呢，就係因為佢個火鍋非常之特別，唔係鴛鴦鍋咁間單。我地全家都好喜愛食海鮮，所以就order左「行酒江湖」set啦，見到個酒字就知當中一定有酒啦。等我介紹一下先，呢個鍋係分開左4格：「花雕醉雞鍋、蕃茄牛尾鍋、啤酒魚鍋、清酒海鮮鍋」。真係好特別丫，第一次食咁新奇有趣火鍋。每個湯底都各有特色。今次全家都非常非常滿意。餐廳佈局非常舒適，而且座位寬闊，裝修成中國風，10個讚，剩係影環境都影到手軟。

同朋友喺尖沙咀shopping 完， 諗住搵個地方happy hour。 朋友提議去天文台道的酒鍋， 我還以爲酒鍋淨係得打邊爐添，點知上到去十分驚喜。我們order 咗幾款小食， 包括和牛刺身丶生蠔丶炸豆腐等，主要想講下和牛刺身好新鮮， 味道有水準， 跟我之前喺日本居酒屋食嘅差不多， 估唔到喺酒鍋都可以食到！下次除咗打邊爐之外，都可以叫一客試下呀

特別既裝修格調 因為環境好昏暗再加射燈 唔知以為自己去左食fine dine😂揀左個揚明四海湯底麻辣 胡椒豬肚 黑松露雜菌 豬骨湯底 HKD248特別一讚胡椒豬肚湯底 個豬肚好滑好入味👍🏻👍🏻👍🏻醬料好齊全 22蚊一位不過湯底好入味 無乜點食過啲醬😂.精選左以下覺得好食既配料花雕雞件 HKD68份量有d少 但肉質夠實亦有酒香👍🏻👍🏻👍🏻鮮蝦丸 好爽口 比蝦滑更好食👍🏻👍🏻👍🏻頂級黑毛豬腩肉 HKD158脂肪分佈均勻 厚薄剛好👍🏻👍🏻👍🏻頂級安格斯牛頸脊 HKD248賣相好吸引 每一枱都叫 口感爽口 吸收埋麻辣湯底 真係一流👍🏻👍🏻👍🏻其實普通既材料都係非常新鮮 但分量比較少 性價比不是太高 會再encore因為太多特別既野要試🤣

岩岩同班大學同學出黎re u輕鬆下 其中有個fd介紹話尖沙咀有間食火鍋既幾好食 所以就去左試下 四個朋友夾埋我五個一齊食叫左個行酒江湖 有四款湯底 其中蕃茄牛尾最值得一讚 湯底有濃郁蕃茄味之餘又帶一陣牛尾既鮮甜 食物黎之前有唔夠醬料比你混合到鼓油到 普通平常配料包羅萬有 炸蒜 生蒜 蔥 芫荽 應有盡有 其中最令我朋友驚喜既係xo醬 係平常火鍋少見既 我朋友都encore 左個醬幾次 食材方面都新鮮 海鮮 牛 羊都好唔錯😋 羊最為突出 好夠羊味 有少少羶 但唔中意羶既朋友都接受到 下次re u應該都會再黎

朋友啱啱搵到新工 緊係約成班friend岀黎慶祝下啦 大家收左工之後都成8點 所以就諗住一齊去打下邊爐傾下計 雖然一早book定 但去到都好多人 要等一陣先入到***我地叫左個行酒江湖鍋 total有4格唔同味嘅鍋 分別係花雕醉雞 蕃茄牛尾 啤酒魚 清酒海鮮鍋 個人最愛蕃茄牛尾 超足料好入味 將d菜浸埋d湯一齊食 簡直正 個海鮮鍋仲有蜆竽絲 感覺好鮮甜 個掛架安格斯牛頸脊少肥得黎肉質幾好 黑松露蝦蟹餃亦好重黑松露味 彈牙爽口 食埋個紫菜響鈴就真係心滿意足***個人真心覺得好適合一大班人一齊食飯 座位舒適 店員又會自動加水 服務算唔錯

位於九龍尖沙咀天文臺道8號2樓的「酒鍋」，有別於一般的火鍋店，其形格的造型，既富有中國傳統氣色，同時也滲入了西方的文化精緒。之前來過一次打邊爐，最近天氣開始轉涼，有點秋意，於是心思思再結伴來吃一頓豐富火鍋。店內以紅黑兩色為主調，高雅而有性格。除了感受到中國傳統室內佈局帶給人安靜的感覺，同時用上西方設計上的大掛燈，黃色的燈光下播著pop music，令整個環境更有格調。一張二人枱在角落，我們可以好好享受二人世界。行酒江湖＄298叫做「酒鍋」，鍋物當然少不了用上酒。他們最近竹特別推出以酒為主題的「行酒江湖」四合一鍋，以酒成菜的風格。四款湯底包括：花雕醉雞、蕃茄紅酒牛尾、啤酒魚及清酒海鮮。四款口味各有特色，如果一行幾人來，總有一款啱你胃口。花雕醉雞用上杞子紅棗煮成的湯頭，雞味濃郁，份外補身。蕃茄紅酒牛尾鍋，大大舊牛尾煮成的湯，蕃茄味鮮濃，有少少紅酒的酒香，牛尾的肉吸收了紅酒的味道，肉質嫩滑。啤酒魚鍋，魚磈大大件，啤酒味反而不是太吃得出來。清酒海鮮鍋，裡面有好多蜆肉，蜆肉鮮甜肥美。本地手切肥牛（小）$238雖然點了細的肥牛，但它的量都好多，足夠3-4人食。牛肉切得厚薄均勻，鮮紅色的牛肉，肉汁多

Came here on a weekday night with 4 other adults and a kid. It has a very nice, chill, “coolest hotpot in town” kind of ambience.Ordered a dual hotpot made up of spicy mala and drunken chicken. The soup base was good and the favour of the soup was rich.We ordered quite a variety of food. I find that the quality of food is ok. Compared to other hotpot places, there are others out there with better quality and more generous portion. I guess for the price I’m paying here, it’s definitely for the de

今晚8號風球在八點鐘才落波！星期日與小兒溫完習。辛苦過後想食好一點及暖暖肚。決定嘗試天文台道8號。2 樓。酒鍋。室內氣氛一流。食物還可以。有露台可以抽煙。如果食飯連飲酒不想轉埸！可以選擇。今晚我們點了牛肉拼盤：有牛展牛脷安格斯牛片。還可以！我們有點了小籠包原味。個人應為味道偏淡。可以說健康吧。手打墨魚丸。夠彈牙好味！炸響鈴。不是新鮮即叫即點。一般吧。但大家明白到今天因為8號風球食物新鮮程度始終不及平日。整體都搭80分以上。環境一流。新潮裝修有格局。仲有天文台道8號有泊車。方便

想去食酒鍋想左好耐，不過每次啲時間都唔啱。佢第一輪要六點，第二輪去到夜晚九點，完全配合唔到平常人嘅食飯時間。今次大家都比較夜先得閑所以九點都OK！頂級安格斯牛頸脊響鈴手打蝦丸什菇唐生菜鮮蝦水餃黑松露芝士餃食物唔錯但未到想像中咁令人眼前一亮，不過都係好味嘅，尤其係響鈐，同麻辣湯非常夾！唯一想comment啲服務，所有員工好好似新嚟唔知發生緊咩事咁，叫咗湯底同埋食物後，所有嘅食物一次過黎晒，個湯等左成半個鐘都未到，重要的追左兩次。啲食物擺到成枱都係，有啲仲擺係個邊邊嗰度，我地自己明明已經執清左旁邊嗰架俾佢擺，佢哋都唔睇下先🤦🏻‍♀️叫左4杯薏米水食左半個鐘都未到，依然都係第一次追完，無人返轉頭話我應我哋知發生咩事，第二次來左兩杯，話另外果兩杯等陣到，過多15分鐘，我哋再問多一次果兩杯喺邊，佢先至答薏米水已經賣晒，好多員工只係企喺度傾計，可唔可以醒小小跟足啲呀？？最嬲嘅係，過多15分鐘，我地見到有員工拎住4杯薏米水比另一枱😡😡😡食物幾好都好，員工質素咁，留唔到客！