邁爵斯 (福華街)

营业中

休息中

食物份量超大，一份意粉二人份量試左蕃茄煙肉意粉，味道偏濃，蒜香濃郁飲品價錢合理，冷熱均以700ml為準全店食物份量都非常豐富，價錢亦非常合宜餐廳以自助形式，而且不提供訂位，盡可能早一點揾位

我公司喺太子, 一向喜歡到處搵新野食的我, 某日搵到呢間, 又平又大份嘅 餐廳。其實我已食過好多次的了, 意粉大多$30幾蚊, 都係大大碟, 我1個人係食唔晒的。而佢嘅牛角包, 都係又平又好食的。 今日, 我就食左碎蛋沙律牛角包呢個碎蛋沙律牛角包套餐, 可以跟沙律或薯角。 佢d薯角都好好味好大份嫁!但因為真係太多, 我係會食唔晒的所以我就叫左跟沙律。跟餐仲送杯熱茶。杯茶都ok嫁! 係好濃嘅紅茶! 午後提神very good講返主角-牛角包先!  個牛角包係蜂蜜牛角包來! 面頭撒左d蜜糖喺度, 食起上來好好食嫁!碎蛋沙律餡, 多到爆出來! 正呀! 沙律菜都好新鮮, 配左黑醋同沙律醬, 食起上來好fresh!餐廳環境都幾有格調, 仲會播歌, 之前會播d英文歌, 今日就播eason食物又大份又抵食又好味! 推薦

原本係旺角行行下街，豬仔男友醒起話要帶我去一間又平又好食既西餐廳比佢講一講突然又好想意粉，係太子地鐵站行過去都係約5-6分鐘路程一到餐廳門面都幾靚，一睇到門口既餐牌，價錢已經睇下眼到突埋估唔到依家個百物騰貴既時勢都仲有$30-40 碟意粉而且18:30 到，已經坐滿左一半客人豬仔男友對呢碟香辣海鮮意粉$45食過返尋味所以今次立即都揀左一上枱，意粉份量果然好巨應該係其他餐廳既double 份量而且用料都好足，有好多海鮮味道很好，只是意粉偏油2個人share 完碟意粉已經飽左但我地其實仲有份全日早餐 $88份量唔洗講都好大份同埋好有‘’ 肉感‘’炸物夠脆口成個餐食哂都幾heavy

呢間小店唔算太難去，起太子站行5分鐘就到。但係味道真係好掂，先講牛角酥先，牛角酥香脆可口，咬落口 “嗦” 左一聲，脆得來一點也不焦，帶有甜味💋蛋沙律十分足料，兩者加埋口感十足又非常美味😋 薯角炸得恰好，不會過份乾身，上面淋上左蜜糖，風味十足！！ 成碟菜式足料又美味，外觀又一流，當係一個lunch都啱曬。

就岩岩，我好正常買左野食。等緊之際，我發現佢找少左我5蚊，我只係走返過去同佢講，但唔係落單果個女職員，黎左位留左鬚嘅男職員，我同佢講你地好似找少左錢， 佢大大聲好似質問我咁'' 咁找錯左幾多啊（我即時打左個突，我完全黎唔切反應）佢即刻又問，咁找錯幾多先得ga，5蚊係咪啊'' 。。。我心諗你地做錯野，重好似我做錯咁，無野啊？！（（事件與落單果位女職員同食物無關））野食再好食，有個咁嘅職員都幾係野。。未食野已經一肚氣。之後黎之前都係諗諗先好。。。

其實之前已經食過無數次 但今次先的起心肝打食評先講講之前食過既意粉 有香蒜白酒蜆肉炒意粉 羅勒鮮茄煙肉意粉 卡邦尼意粉 同香辣海鮮意粉 首先香辣海鮮係我極度推介 已經食左好覺次 有好香蒜味 辣辣地 配料亦吾吝嗇 好開胃 唯獨一點係覺得佢有點油除左羅勒鮮茄煙肉意粉覺得普通之外 其餘兩個都覺得好好食 重點係佢啲意粉真係好大碟 每次叫我都要叫佢地俾少啲至於今日 終於有啲新嘗試先叫左個burger 豬扒 配麥樂雞 上枱後有啲驚訝 佢吾係話真係一個 burger咁上碟 係分開哂 本人其實幾喜歡呢個設計 先講兩塊包 係真係岩岩焗起 上面帶大塊已溶掉既芝士 。樣就吾太吸引 但好食！然後食左件麥樂雞 完全冇諗過可以咁好食 炸得岩岩好 上枱熱辣辣 有誠意 仲要食到咁上下 凍左個皮都係咁脆然後冇諗過佢會有炒蛋跟埋 熟左小小所以相對都冇咁滑 ，但味道吾會太啖 有蛋味 搭救至於件豬排 覺得有小小炸過龍 不過只係小小 而個皮亦吾會太厚 味道吾錯至於另一份就叫左芝士火腿牛角酥配薯角吾係第一次食 味道依舊 好食 薯角亦炸得剛剛好但唯一我地吾太岩口味既地方係 兩個set都

叫左個辣海鮮意粉, 好大碟!仲以為好求其,只是俾D蟹柳, 點知有蜆食有螺肉有魷魚! 辣就唔辣GE, 不過都幾惹味, 如果再少D油就更好, 大碟到我地2個人都食唔哂! 另外叫左個炸魚餅, 有成4,5塊! 入面有香茅, 好香又夠辣!仲叫左個咖哩雞肉意粉, 又係超大碟!!仲要勁多雞肉, 雞肉又夠大舊, 又係食唔哂打包。玫瑰味特飲好香玫瑰味, 原來真係入面有花辮, 犀利!棉花糖熱朱古力成個STARBUCKS大杯裝咁大!

一心諗住星期日可以休閒嘆下咖啡點知中伏⋯同朋友分別叫左兩杯唔同嘅咖啡，由餐廳人客得小貓三四隻坐到滿座，足足等左40分鐘都未上，忍唔住問啲職員，有個中年女人答左句「整緊」就走左去，再過多5分鐘終於上左一杯，但啲職員完全冇講係咩擺低就算，問佢佢就求其答係latte，之後過多15分鐘終於上埋另一杯，我地到飲落先知2杯調轉左⋯咖啡好大杯，但味道好一般，個價錢係唔貴嘅，但呢個服務質素值唔值呢個價錢就見仁見智囉😓

沒想到深水埗區會有這樣好的環境，都是深水埗區的朋友介紹至會知道，順路就來試試。首先說說環境 ，12:00前來到，有1-2兩枱人， 所以坐得舒服。 設計比較簡約，沒有太多拍照位置，但是有意思的文字隨處可見， 值得細心留意一下💗。到主菜—食物🌮， 看看餐牌價錢已經感覺到好回到過去， 現在的樓上 cafe來比較， 三十多元一個意粉🍝，真的算是抵😍！ 而分量對我們女仔來說，是有點太大呢！ 點了Carbonara, 雖然未算正宗， 味道算是中上🆗，以價錢及質素來計， 性價比已經相當高👍。 其他食物也ok， 最令我和朋友驚喜的事玫瑰Latte， 調得味道剛剛好，有玫瑰的香味又幾好飲， 不太甜，相信很多女士都會喜歡！現在小店生意真的不容易做， 吃了忍不住想給他們這一個食評， 真的很欣賞😊，希望有機會再去。

呢間餐廳環境簡單舒服 有咖啡室既感覺 食起野上黎都特別舒服不過地點就難搵少少😓 要啲時間尋找下 但係食物性價比非常高 希望可以keep得住個人十分推介蜆肉意粉！！ 夠哂入味😛

第一次到這間餐廳晚餐、位置也不錯、剛剛好在太子和深水埗地鐵站的中間、裝修和環境也不錯、門口可以泊車。食物味道有75分左右、但由於價錢實在太便宜、份量也很大、所以加分加到85分、但十分奇怪這間餐廳不是很多人、主要食意大利粉，和簡單的墨魚圈炸薯條、飲品有很多款。餐廳最多可以坐30人左右、所以大家可以到這間餐廳來支持一下小店！

今日同啲朋友開大食會， 就叫左幾盒意粉外賣。款式都幾多，份量夠， 兩個人先可能食得曬一碟。外賣自取都係等左一陣間。除左意粉，仲有burger 肉燥飯蜆肉幾多， 幾香海鮮都唔少粗煙肉都幾多。外賣隔左成個鐘先食， 啲意粉都冇淋， 炒得好香。 味道唔錯， 性價比超高。

大！ 大份！ 真材實料。但個意粉底份是凍的🤔？！但飲品的種類很多....有我喜歡的all day breakfast.....員工服務很好仲有隻小貓咪看門口。整體都ok的！

有次經過見到好平但又好多人，好奇想黎試下~同老公行完街，專登過黎呢邊試~等無幾耐好快有位，睇完餐牌去收銀處畀錢後等餐。我哋坐最入，近廚房同擺貨地方，好在有兩塊靚靚地嘅布遮一遮，感覺ok，不過牆上好多蚊仔...唔望上去都唔覺...先黎咗呢個餐，唔記得個名，好似係漢堡，不過拆開哂咁上，可能太大份吧～佢特別在明明都係包、蛋同沙律醋，但整得同其他地方略有不同，味道配搭得好好食菜都新鮮~雖然無諗過件雞會係吉列同埋辣，本來唔想咁熱氣，但又香又脆又好味，算啦...之後我哋久不久都諗起呢個餐，心思思想再黎食，不過想食嘅嘢太多，未知下次係幾時呢？之後個餐就麻麻地，成個意粉味道濃咗啲...煙鴨胸好食。最易漏嘢飲，之前個梳打水又要提，之後個茶都要提先有。

今次係朋友介紹去試，食物款式雖然簡單，但味道同環境唔錯，飲品也十分吸引，但份量真係太多，眼見好多人食唔曬做成浪費，其實店主可以保持大件抵食，但在客人落單時提醒客人，以減少食物浪費，另外可以鼓勵客人將食不完的打包，咁就唔會浪費食物！