邁爵斯 (福華街)

营业中

休息中

I’ve been here twice now and the food I think is wonderful. Staff are very friendly and helpful and the atmosphere is relaxing. Perfect place if you want a nice little cafe/bistro to go to. I recommend the croissant with cheese and bacon. It’s really tasty.

今日又來深水埗搵食，順便行下電腦商場，就選擇了好近嘅呢間餐廳食西餐去到門口都覺得雖然地方細細簡單裝修都唔錯，特別係深水埗區，去到門口見到餐牌價錢都抵食嘅，就入去試一試羅勒鮮蕃茄煙肉意粉：30幾蚊份量都抵，蕃茄味嘅意粉其實間間西餐都有，不過真係唔係間間都好食，講真這個啲蕃茄味就有啲假，同意粉唔係好混合，意粉我覺得林左少少，不過連埋價錢一齊睇算係咁硯肉炒意粉，賣相真係極之麻麻，味道真係都係麻麻唯一可讚的就是這個全日早餐，份量夠大份，種類都比較多同特別，滑蛋炒得不錯我都明白一分錢一分貨，用料份量其實都夠，如果啲汁同意粉再煮好啲，加返少少錢我都覺得值，店主要繼續努力

這間coffee shop 除了飲品還有食物供應。晚上時段一碟意粉才$30多元份量多而已味道不錯。飲品$20-30也是大大杯。餐廳內環境舒適清潔。唯一問題是老闆娘木無表情一點笑容都冇。

上個月頂更湊姪女，帶佢返學校上暑假班，湊左佢返學之後發現好野，但剛同姪女食左午飯，仲點食得落今日放工去大埔道睇醫生，順路去試下，點解咁有印象?因為好平咯，諗住夜晚貴點，又唔係wow, lunch/dinner一樣，餐牌上食物全日供應比男友傳染有選擇困難症，個All day breakfast 好豐富，就咁決定啦，果然真係好大份同豐富都係$68，已經係全店最貴，男友叫左卡邦尼意粉$35，超級大碟，早知份量咁勁唔叫小食，炸薯角$20一大兜，味道都唔錯，如遲少少入去可能要等位無餐叫，飲品要散叫，都係20幾蚊，又係都幾大杯，感覺好鬼低食

已經來過好幾次食，只可以用三個字黎形容：平靚正。價錢一個意粉包熱茶set、牛角包set，四、五十蚊到，all day breakfast最貴不過都係$68，全日都係一樣價。依d價位連快餐連鎖店、茶餐廳都未必做到！而且食物質素唔錯，唔似事先做好等你叫先整熱，咁當然唔會話好驚為天人啦，不過就算普通野，用心去煮已經好好。小店環境佈置得好舒適，木檯木凳，有小盆栽，好適合我e d偽文青。唯一問題係地點有d隔涉，唔近地鐵站，不過我會繼續幫襯😆P.S.老闆娘（老闆?)好靚女!

星期日又落雨，我地兩口子就隨便喺屋企樓下食lunch 算，首算當然係Majesty 啦，之前已經食過三次，基本上每次都滿意，我尤其喜愛香蒜白酒蜆肉意粉，但今次就order 香辣海鮮意粉試吓。一如以往，份量都係好大碟，好啱我哋食量大嘅人。碟意粉都幾多海鮮，主要都係蜆肉、魷魚。味道唔錯，都幾夠辣味，呢個只係＄45！另外，我哋叫了個All-day breakfast, 味道唔錯，個薯餅夠脆，腸仔係芝心，佢地仲有個自家玫瑰醬添，$68咁大碟仲想點！呢度d 意粉真係好食同好抵食，完全係抗通脹嘅價錢！不過唯一美中不足，我覺得可以環保啲，唔好用咁多紙杯同lid，咁就perfect la~

呢頭有質素嘅食店真係難得，環境休靜😂不過耐冇黎依然好易行過左個門口，真係太唔起眼~~~今次帶埋媽媽來~~平時老人家自己一個唔敢入去,驚唔識點餐,今次試用佢都大讚好味我都係例牌叫返Carbonara 一如以往很yum yum~~不過原來肉醬意粉都好好味~見到近來多左小食menuWww為食一問,有冇巧慮增加pizza menu???😍你地加油唷~~~好喜歡你們的店🙇🏻不過見飲品都係用膠杯，下次我自帶柸仔

我同朋友禮拜日下午兩點幾去食飯叫左個卡邦尼意粉同all day breakfast當時滿座 我地等左成45min先黎個意粉我覺得應該要預先同我地講 要等咁耐 都唔緊要 然後 我地想要隻spoon 吹左兩三次都冇 (去到走果一刻都冇)過多15min 就黎個all day breakfast 佢話隻蛋要後補我地食晒所有野 問佢隻蛋呢 佢話冇咁快我地再等 大概20min 我地問 隻蛋呢 佢話依家整!!!真係好嬲!! 你一係同我講冇就算啦 要人等咁耐 先話依家整！只係一隻蛋同spoon都要等咁耐 仲要可能我唔吹 唔知幾時先有？最後冇等到就走左！ 如果店主見到呢個post 希望可以改善下！

平日下午到這間離旺區不遠的小店，竟然有意想不到的驚喜。這店的特色是—玫瑰點了一客玫瑰雞翼，一杯玫瑰咖啡。以為味道會是平平無奇，可是雞翼果然有"啖啖"玫瑰肉的感覺。哈哈，食完有甜蜜感覺。玫瑰咖啡同樣有水準，個人覺得咖啡比起Habitu 的更有水準。<<<價錢還十分相宜星期三下午能到這樣的咖啡店靜靜工作，感覺很好！

住在附近的我，經朋友介紹，立即成了這裡經常光顧的常客，初時因為沒任何指示牌，店員也不會主動教客人先買票後送餐的規舉的前提下，傻傻的坐著等，這經驗我先生都試過，雖然是教會開，又是新開張，但這基本待客之道更應該有，不然很多不夠醒目的客人都會因此出糗，是很尷尬的一件事。尤其是老人家並不懂得那麼多，提醒了也未必記得，希望店主多關照客人，才能令客源更廣，客人也會多加介紹。而但了一段觀察時間，除了沒主動說先買後送餐的指示外，員工服務還算不錯(特別是我先生高度讚揚一位男服務生，可能是老闆，特別有禮貌親切，但我就從沒見過，可能時間不對)，另外食物質素高，價錢便宜，很迎合大眾街坊的口味，環境舒適，聽著悠閒的音樂很令人放鬆心情，細意品嚐食物，是用心經營的店舖，如果可以再嘗試接納我的意見，改善一下，一定生意滔滔，長做長有。

經過見餐廳都幾有feel,就膽操操入左去試一試.環境及務服都不錯，而食物我則點了一客番茄粉意粉。和一杯熱飲則是免運增送 番茄的味道很香濃.而且，番茄意粉是有用鮮番茄 味道適中 剛剛好帶一點酸味 可以令本身沒有胃口的人增加不小食慾，份量方面也不算太小。吃完酸中帶甜的意粉，口中味覺都會很濃厚，再配一口紅茶後可以解除口中的味道. 由於是用外賣杯試，就可以吃完東西慢慢享用飲品～下次會再試其他餐相比40-50出面得杯野飲 呢到算係不失貴氣既好選擇 ！

約咗朋友試新野，朋友鍾意食意粉，我鍾意食all day breakfast,呢度啱哂！裝修簡簡單單，唔嘈，傾計超好，點解會黎呢度食呢？因為我想試下佢跟餐果樽果jam囉，🌹味架，講返野食先，意粉$35起，好大碟，兩個女仔可以share 一碟都得，真才實料，老闆，你怕唔怕蝕錢呀？🤣🤣🤣⋯⋯輪到我份all day,又係份量夠，$68有交易，其實要搵隻大d既碟裝會好d,因為裝唔哂，一路食就跌出黎😬😬😬，味道呢⋯⋯可以既，如果加返少少鹽落🍄度就仲正，炸薯餅就乾咗d,希望下次再去食唔好炸咁耐。

點左All day Breakfast 抵食又大碟，仲有杯紅茶，另叫小食併盆。兩個人，一路食一路傾偈。杯紅茶沖咗三次熱水都夠味，環境令人唔舒得走。自製玫瑰花果醬超正！不過係厚麵包，唔係厚多士。份量足，又好味！滑蛋都OK，茄汁豆同磨菇一齊煮，大量加入蒜蓉，味道ok，不過我朋友對蒜茸味不太喜歡。炸物併盤，有雞翼，薯條，炸魚，新鮮熱辣！又熱又香口，啲雞翼一開二，變咗棒棒雞咁，佢應該炸前有調味，令雞翼好入味！薯條香口加咗香草更有心思！會再去！

星期六起床11點多，和老公、囡囡去食brunch，記得之前openrice過這間有all day breakfast，又近我家，就立即岀發。到場只有一兩枱客，環境不錯，地點旺中帶靜，座位闊落。menu之前的食評也有，我就不拍了，看到menu價錢不貴，以為份量不多，最後點了all day breakfast，芝士煙肉牛角包餐，燒烤醬雞小腿，一杯熱朱古力。最後上餐多了兩杯熱茶，還要是一大杯、不是淡如水的茶，原來all day和牛角包餐都有跟茶的，熱朱古力是點多餘了*0*。先說all day breakfast，分量不算少，茄汁豆不是罐頭開岀來就上碟，是跟菇類和蕃茄仔一起炒過再上碟，薯餅炸得金黃、夠脆，牛乳炒蛋炒得不錯，可惜不夠味，要自己加鹽，多士不得了，烤得金黃，我兩歲多女兒平常不吃齋包的，但她也搶了來吃...多士跟了自家製的果醬，果醬很香玫瑰味，加分。煙肉、腸仔、沙律菜不過不失，整體來說六十多元有這個質素十分不錯！芝士煙肉牛角包餐，薯條跟薯餅一樣，炸得十分脆！包外觀好像一般，但味道100分，包剛烤好，少少焦，很香口，芝士煙肉足料，全個包由頭到尾都有餡料。燒烤醬雞小腿，這個是對比上來差一點

［悠閒咖啡店］平日會行開太子，見有間新開的店，於是好奇望下見門口的餐牌寫住悠閒咖啡店，加上晚餐時段，但費用也比旺區的便宜。於是就決定試新店晚上人不多，內部的裝潢以石屎灰為主調，加上偏咖啡風的作品，整體而言都系令人舒服的。坐低，見枱面除了系木製，也有印有好靚的字。餐牌與外面的無異，多了好多的選擇。價錢好有心，並沒刻意加價，似成本價於是同友人各點两個餐。每個餐都配送紅茶一杯，好抵All day breakfast:友人點的all day , 好足料牛角酥餐:我點的芝士火腿牛角酥餐賣相一流，而味道也不錯。注:不想飲紅茶的朋友，轉其他飲品，係要正價。於是我不想飲紅茶，轉左杯凍荔枝玫瑰梳打。見加錢就有個豬扒包，於是點埋最後影張合照：有驚喜，又抵食也豐富的一餐，會再黎