達磨日式拉麵 (已結業)

溏心蛋亦夠流芯，而腩肉亦炆得入味鬆化，須知客流量急速的運作模式下，要處理好一些基本配套，是不容易的，看過食友在網站貼出的照片，初開業時蛋很多時過火，希望店方能繼續保持今晚的水準，就是食家之福了。更多的拉麵分享＠http://foodxfile.blogspot.com/2010/08/blog-post_09.html

近期熱爆的人氣拉麵店，所以一放工便趕來，六時半前仍有空位可立即就座，因為店子面積小只有大約十六個位，所以十五分鐘後有情侶二人來到，他們已經要在門口稍等！一坐下還看見食友檸檬茶和伯母，陪母親大人來吃晚餐真孝順 年青人們要多多學習。話說在開飯網找這店子的地址和營業時間，居然找不到，後來再從食友的網址搜尋，才發現我一直以為店名是「達摩」，其實是「達磨」才對，嗯，我想我是看多了武俠小說！檯上的貓頭鷹小盒盛的是蒜茸，記得銅鑼灣的「麵屋一平安」有金屬夾用來壓榨原粒蒜頭，而在福岡光顧過「博多一風堂」桌面有酸薑、酸菜、芽菜和大蒜任人客添加。右邊那瓶是 S&B 辣油，我們的檯面沒有七味粉。拉麵好像有八款選擇，基本上是三款湯底（豚骨，豚骨醬油和豚骨辣味）和兩種肉類（日式叉燒，豚角煮，日式叉燒和豚角煮）的不同組合。肚餓點菜最易眼闊肚窄，因為很餓所以除了拉麵還點了一客炸菠菜雞翅膀（$28）。本來想點明太子雞翅膀，只是我點的拉麵內已經有明太子，所以就退而求其次點了菠菜雞翅膀。雞皮炸的不夠乾脆，入口感油膩，吸油紙上也有大灘油漬，雞肉和醬油也沒讓人留下什麼印象，這一道如果改為燒可能更香口冶味，又或者在炸的火候上花點

訂咗位，但係等咗約15分鐘，可以接受，但係個人認為佢地擺檯的方法有點傻，所以全店只得24個座位！點了豬骨湯底一品麵及豬骨湯底叉燒麵 … 真係超超超超濃的豬骨湯底！飲咗好多，有點膩，但係好好味，飽到肚痛！豚角煮都好味，肥咗啲.... 但係唔知點解男友個叉燒麵入面都係一樣的豚角，不過我個一品反而有一塊叉燒！叉燒薄薄地，有叉燒味，ok！拉麵係幼麵，好掛湯！波菜雞翼普普通通 … 可能波菜本身冇乜味，雞翼是炸的，可能燒會好味啲！芝士年糕點煉奶原來好夾！

為食貓近日變了甩毛貓,但為了食,繼續拚死精神,與友人試試近期熱爆的拉麵.雖然已訂了位,但一入內報到時已心知不妙. 皆因店內只有十多個座位. 店外等位的食客大概也有相同人數. 果然, 最後訂了位的也要等20-30分鐘才被安排入座. - 豬骨湯底一品麵: 朋友點. 為食貓試了一啖湯,略嫌過份濃郁及油膩.- 醬油湯豚角拉麵: 為食貓較喜歡醬油湯底,味道雖濃但不過份,亦比豬骨湯底少油. 麵身較其他日式拉麵幼身,微似全蛋麵. 豚角煮乃豬腩肉,夠入味,蛋夠溏心. - 菠菜雞翼: 外脆內軟,但略嫌太油.- 炸磨菇餅: 磨菇分量少,餡料似薯蓉配馬蹄粉,整體感覺一般.地方小,但比例下員工多,招呼算誠懇周到,奈何等位時間實在長,要有心理準備.值得等與否,真的見仁見智...

今日約左朋友係依道食午餐。我地都係好鍾意食日式芝士年糕，我個人則比較喜歡一些煙韌的東西，所以特別喜歡依道推介:芝士年糕。 焗溶後的芝士，帶點香脆，再配上煙韌的年糕，好少地方會有得食。另外叫左明太子雞翼好香噴噴有Ｄ辣味好脆ト卜有好多肉。雞翼亦有多款: 有餃子雞翼及明太子雞翼等等。牛肉方面更有A5和A4級的和牛選擇。其他的海鮮及蔬菜類，選擇也算多。例如翠玉瓜及粟米等等。

雖然環境好細，坐都唔多人。但食物唔錯，拉麵湯底都幾濃郁，(我都飲左唔少!!)拉麵比較幼身，我覺得比較好味，又入味。波菜雞奕反而一般，食唔出特別之處。璋魚足幾好味!!! 不過熱氣~ XD~~整體黎講都幾好味，可以一試呀~~~不過下次最好BOOK位，如果唔係都要等幾耐...

食物點了普通的x燒拉面,味道一般。店子真的實在太小,等位時間很長。正如報紙所說,耍是真的很想試試,請盡早打電話預約。總括而言,要是以70多元食拉面要等這個時間,我認為不太值得

即興晚餐，係拉麵同漢堡飽之中，選左拉麵。印象中呢到拉麵新開，也想試，不再多諗，來了這裡。七點幾八點，人氣旺盛，店子很小，要等一轉先有得食，是晚得閒，等等等等。等左十五分鐘，店子真的小，有張長枱，位真的有點窄。一黎上茶，打錯，係水，大熱天時，唔係熱茶，剛好，不過無順手跟個餐牌，見我地呆坐都無理，友人說要扣點分，很嚴謹呢。要的係一品麵，即係有叉燒有豚角煮，自己要醬油湯底，友人的係豬骨湯底，加兩個小吃，差不多了。先來的係小吃，芝士年糕跟個煉奶，年糕很軟，加埋芝士味，跟平時吃到的差不多，試下加埋個煉奶，效果原來更好，不錯的。明太子雞翼吃得多，個餡變左菠菜，好吃的，不過不算太特別。拉麵黎到，望落個湯底好濃，不過覺得油了點，起初還以為係醬油湯底問題，但友人個豬骨湯底有差不多情況，真的比較油，飲多幾淡真的頂唔住，太油膩了。其他配料，叉燒半肥的，軟腍的；豚角，夠肥，入口溶化，也不錯的。麵幾爽口，彈牙，係湯底油了點不太合我心水。湯底真的油了點，坐位又窄了點。不過服務方面就真的不錯，很有禮。七十多蚊個麵，一試無妨的。

友人介紹，之前上網做research，得果咁少食評，懷住一試的心態，由銅鑼灣行過去，都要成15分鐘，去到仲要等多30分鐘，爆肚餓，一入到去，環境好細，估計約14-16座位，難怪要等咁耐。個table setting 係用杯墊架起筷子，予人衛生的感覺呢…奉上溫開水一杯，總是覺得怪怪的若沒有一杯熱茶嘆拉麵不用多說，即order 兩碗人氣一品豚肉骨拉面，友人力薦菠菜雞翼，即叫即煮，約十五分鐘，豚肉骨拉麵駕到啦，好香哦…先飲一啖湯，好濃郁豬骨湯，豚肉好淋，好好味，內裡還有數塊叉燒，如港式叉燒般，口感一般，個雞蛋仲要係糖心的，如果係甜甜的如茶葉蛋般，咁就Ichiba。個拉麵size 睇落好似好細，但其實食食下，再清埋湯底已經好飽。個菠菜雞翼中規中舉，就係雞翼入面釀左d 菠菜咁。但係個炸蕃薯就值得一讚，熱辣辣，好香口，甜甜地，好野味。是日新張期間免加一

同幾個經紀去左呢度食野，原先係一心諗住試下雜誌推介個個豚骨湯拉麵，點知掛住傾計，叫錯左醬油湯拉麵，又話煮左唔改得，只有一碗及時改得番個豚骨湯拉麵，好采d經紀食完，話個醬油湯拉麵都好好味。個豚骨湯果然係超濃味，似真材實料喎，我忍唔住拿多兩個碗仔裝起小小豚骨湯比d經紀試下，佢地話兩款湯底比較之下，始終係個豚骨湯掂d。最重要係，我食完之後完全唔覺得口渴，好難得，唔通真係無味精﹖叫左d小食，原來芝士年糕好好味，要點埋d煉奶一齊食，味道都幾特別。菠菜雞翼好正喎，夠晒滑，又追加左碟叉燒。食食下，隔離枱有個男人唔知做咩食麵食到個樣好凶，好驚呀，我唔敢望過去，連經紀都望下咩事，我話你唔好望啦，d閒人黎架姐，一陣又聽到個凶男人口up up咁自言自語話好好味，之後佢係咁咳係咁咳，唔通佢個碗係辛辣麵﹖我地食完之後，急急腳走人。

Date dined : 6th August 2010Food 2 叉燒豬骨湯拉麵, 1 菠菜, extra 溏心蛋Taste 叉燒豬骨湯拉麵 - as we ordered two ramen, we had mixture of pork belly and roast pork ( As you can choose from pork belly or roast pork) I actually prefered the pork belly. At first I thought it would be very fat, but it had no fat at all, just seem like a thick slice of roast pork. Was definately more tasty than the thin piece of fatty roast pork. I would recommend choosing the pork belly. The ramen comes with 2 piece seaweed, meat (roa

7點去到..唔洗等位裡面真係好細..2個人去1定要搭台基本上得3款拉麵(3個唔同既湯底)叫左2個豬骨湯1個辣既湯1黎到個賣相已經唔錯..個湯好濃好正真係冇乜味精!!個豚角煮真係好好好好味豚角煮即係5花腩咁..d肥瘦真係1層1層咁分佈有入口即融既感覺!!拉麵好有口感個溏心蛋真係唔提唔得..勁好食*因為平時係hk好少食到咁有水準既溏心蛋*嘩!!我覺得呢度既拉麵真係拍得住日本另外仲叫左個菠菜雞翼裡面係d菠菜蓉..d雞肉都好滑推介1試!!!食完之後個收銀佬(佢唔係老闆黎架)同我地講話個湯底係專程係日本請3個師傅傳受比佢地架

人人說，吃日式湯麵要把湯都喝掉才有禮貌，但在香港我從未做過，因全部都是味精湯。我今日終第一次在這間店把拉麵豬骨湯底都喝掉！濃郁香味，渴到一半已被骨膠原黏著嘴，可見真才實料。不選叉燒試角，肥瘦適中又無豬臭味，好吃！可惜其他小菜水準普通，但為了湯底我會再來的！PS 這裡的店員都很親切開朗呢！

早幾個月前經過大坑銅鑼灣道一帶，已見這家店在裝修。當時門面雖尚未峻工，但從其簡約風格和顏色搭配，已預知將會是一間日菜館。近來先後到過該區的幾家餐廳用餐，但卻一直都沒有留意到這家店原來已經正式開門營業。如果不是看到雜誌介紹和OR食評的話，很可能會將它錯過它呢!此店的外觀和它的名字「達磨」一樣，充滿低調禪意。店面沒有落地玻璃，也沒有引人垂涎的蠟製食物造型，只有大塊的深啡色裝飾瓷磚，還有一扇約兩塊瓷磚般大小的小窗。雖有淺色木作框架的玻璃趟門，但其灰鏡物料，卻難以讓在外的人，看透內裏的光景。大門之上有一道弧形的淺色木框，正好為方正的線條帶來一點生氣，令人不期然想起「天圓地方」的意念。店子的招牌，以簡潔亮麗設計為主，雪白的底色上有黑色字體所寫成的店名，並由三個不同大小的橢圓形疊在一起作為背景。單看門面，已被其含蓄但有個性的設計所吸引。此時，一位女店員剛好拿著玻璃清潔劑，欲到店外清潔趟門，見我有意進內，當然把握機會大力推介。內進後有點訝異的是，室內裝潢明顯沒有門面的吸引，只能說是一般「港式日菜館」的裝潢。最引人注目的是，店內有一排臉上繪有鬍子的紅色蛋形不倒翁玩擺設。這不就是日本本州群馬縣高崎市的傳

本人係新手 , 希望大家多多指教!!! 當日晚上 , 幫公司送完貨去銅鑼灣 !!! 諗住開車去大杭食飯 , 點知到左大杭等左成半個鐘車位都等唔到 , 咁又見到有個地方修路 , 咁就泊住係果度 !!! 當時一定唔可以慢慢食架啦 , 一定要搵間可以追食走人o既餐廳 , 我見到有間未開張 (因為招牌仲用紅紙遮住) , 但係又著晒燈 ,門日就掛住營業中 !!! 好期心去睇睇有乜食 , 一睇唔夠3秒 !!! 有位小姐用極速走出o黎 , 心諗發生乜事呀 , 個小姐一開門原來係介紹間餐廳 , 嚇得我呀 !!!佢同我講呢個星期係試業 , 聽日7月3日就會正式開業 , 呢間野原來係做日式拉麵 , 本身我又鍾意食拉麵 , 又加上部車又唔可放係街咁耐 !!!一陣食張牛用乾就慘 , 食麵可以15分鐘食完走人 , 咁就試下啦 !!! (最主要部車就泊係餐廳對面) 一人到餐廳 , 個感覺好舒服 !!! 再睇睇餐牌 , 拉麵款式有3款 !!! 我問下個女仔有也介紹 , 佢話?豚乜煮(中間個字唔記得左)豚骨湯底拉麵係招牌菜 !!!豚乜煮就好似中國紅燒肉咁, 個豚骨湯底用左8個鐘去煲 , 心諗