達磨日式拉麵 (已結業)

今日約左朋友係依道食午餐。我地都係好鍾意食日式芝士年糕，我個人則比較喜歡一些煙韌的東西，所以特別喜歡依道推介:芝士年糕。 焗溶後的芝士，帶點香脆，再配上煙韌的年糕，好少地方會有得食。另外叫左明太子雞翼好香噴噴有Ｄ辣味好脆ト卜有好多肉。雞翼亦有多款: 有餃子雞翼及明太子雞翼等等。牛肉方面更有A5和A4級的和牛選擇。其他的海鮮及蔬菜類，選擇也算多。例如翠玉瓜及粟米等等。