達摩元祖麵屋 (已結業)

今日同朋友去左尖沙咀睇戲,開場之前就當然要搵下野食先啦我們去了寶勒巷達摩元祖麵屋好快就安排好座位了今日我們每人點了一個拉麵同一個飲品,麵食方面可以選擇要唔要蔥,筍,蒜蓉配合起這幾樣配料令到麵食更加好食黑蒜油湯拉麵,辛辣湯拉麵,麝香蜜瓜梳打,豐潤白桃梳打.黑蒜油湯拉麵-幼麵豚腩叉燒,麵軟硬岩岩好,豚腩半肥瘦非常香口,黑蒜湯底好香蒜味又唔油.辛辣湯拉麵-小辣粗曲麵豚肩叉燒唔算太辣都OK,豚肩肉唔肥都唔算鞋.麝香蜜瓜梳打-幾好飲好有蜜瓜味豐潤白桃梳打-非常香桃味

首先, 呢個平台做假就眾所周知架喇。我都試過因為呢度嘅評語而中伏N 次。不過, 有時真係諗吾到食乜野嘅時候, 打開個App 見到附近有咩疑似OK 嘅餐廳, 都會抱住勇者無懼嘅心態去試下。結果今日, 我真係忍吾住要寫人生第一篇食評... 我Order嘅係3.6牛乳拉麵。賣相係ok 嘅, 點知擺落口第一啖就心知不妙... 可能最近D 牛乳產量唔好啦, 真係食吾到有咩"乳"味... 成碗野係淡過白粥架... 😊另外, 最令人"驚喜"係嗰粒傳說中嘅日本流心蛋。大家自行參閱圖片吧～😊 有喺日本食過拉麵嘅人都應該知道流心蛋嘅standard... 其次, 老公點嘅櫻花蝦湯拉麵係一隻櫻花蝦都冇架😲～ 詢問之下, 店員話櫻花蝦冇貨, 不過湯底都有櫻花蝦味架～ 最後想講嘅係, 間店有幾枱客人疑似係店主嘅親戚朋友。（因為見佢地係冇埋單嘅, 食完就拍拍屁股走人。）星期日嘅下午, 一間位於旺區嘅拉麵店門外沒有排隊嘅人群, 此現象並非沒有原因的。其實打呢篇食評, 都預左冇幾耐可能會被"河蟹"。有幸睇到嘅食客們, 請自行判斷試吾試喇～😉

又話$30加錢任食，下午去到時已比人食清光，湯完全只是加水，沒有味道，服務又差，不會再去 One of the worse Japanese food I have ever had in hkThe promotion of $30 was a total lie, only a gimmick to attract people to queue up and come. Eventually they wouldn’t leave with you anything available to eat

今晚我行經寶勒巷見到呢間以日本不倒翁達摩公仔做主題既拉麵店，總係覺得好眼熟但係又諗唔起係邊度食過，忍唔住入去幫襯兼問個店員，之後謎底終於解開，原來呢間係我之前係大埔偶爾食過既一間拉麵店既分店黎既。呢間分店原來係尖沙咀已經開左大概有半年，呢度地方比印象中既大埔店更寬闊，裝修同樣有特色，環境舒服又乾淨。Menu呢度除左主打既拉麵之外，仲有一品料理、石鍋、沙律、串燒、小食等等...選擇多到好似間居酒屋咁。玄端達摩 黑蒜油湯拉麵$82呢度有成9款唔同湯底既拉麵，包括味噌湯、豬骨醬油湯、櫻花蝦味噌湯、日式咖喱湯、北海道3.6牛乳湯、黑蒜油湯等等...而每一款拉麵都可以自由選擇配料，當中有麵質、叉燒、蔥、荀同蒜蓉，如果唔夠喉，仲可以追加tim。今晚我就揀左黑蒜油湯拉麵，呢個湯底超濃黑蒜味，入味之餘又唔會太肥膩；麵質我就揀左粗曲麵，爽口又夠彈牙，掛湯能力又一流；至於叉燒，可以選擇豚腩叉燒、豚肩叉燒、豬軟骨或者豚角煮，而我就鍾意半肥瘦所以就揀左豚肩叉燒，食落外邊香脆，內裡軟腍豐潤白桃梳打$28配埋呢支日本既桃味梳打水，甜甜酸酸夠清涼，好refresh

今日嚟到依度食lunch，位置響寶勒巷直行到尾，旺區中但未必常經過的位置！今日一點幾兩點同朋友經過，又試吓新野先！午市都不算太多人，不用等位有午市套餐、又有散叫皇牌拉麵咁我哋當然要試吓皇牌拉麵啦辛辣湯拉麵(中辣/幼麵/豚肩叉燒) $82堅好味，平時我記憶之中日本店拉麵的辣都不是太辣，但這個真的好好味，喜歡食辣的人我相信都喜歡，那種食得很刺激的感覺很爽豚肩這個部份肉質都不錯，不會”鞋”口黑蒜油湯拉麵(幼麵/豚腩叉燒) $82豚腩這個部份相比豚肩明顯多少許肥肉，但整體都算不錯，肥肉部份不是太多，適中的而湯底不似出前一丁那種，有點不一樣！味道濃郁，反而有d鹹白桃梳打/ 蜜瓜梳打 $28/支濃郁的拉麵後當然要嘆一杯飲品先叫完美啦！gur 一gur佢爽YY白桃好似好味d加一後二人共消費了$242

今日下晝4:30去到鋪頭度坐低左，睇咗5分鐘menu，就落order. 我見佢有得揀麵質，我2碗麵分別叫左2種麵質。而叉燒方面亦都分別揀左豚腩叉燒同埋豚肩叉燒。 點知侍應同我講今日啲叉燒已經賣晒，得返豬軟骨。what?! 😱 堂堂一間拉麵鋪，星期六嘅下午四點已經賣晒叉燒？！ 其實見到咁我應該出返門口唔好食，不過嗰一刻又好肚餓就算啦，即管試吓佢啲豬軟骨。而湯我嗌左一個櫻花蝦味味增湯，另一個我嗌咗豚骨湯，依樣咁Basic嘅湯係最易試到一間拉麵鋪究竟係有冇料嘅。 等左一陣兩碗拉麵都到啦，賣相唔差嘅。拎起筷子嘅一刻，我同我嘅朋友都呆左，因為全部筷子都係油㗎，用乾紙巾抹完都冇用，最後用咗濕紙巾抹。再講下兩碗麵先，粗曲麵完全係一個大伏，如果你想食到一碗價值35至40蚊嘅拉麵，你係絕對可以選擇粗曲麵。⚠️⚠️⚠️講真，呢啲麵餅喺街買都係賣5蚊一底，間鋪頭居然好意思收我80蚊?! 蛋、豬軟骨通通都唔夠入味。 而湯底，平平無奇，我寧願要出前一丁既豬骨湯底...我朋友叫嗰個櫻花蝦味增湯拉麵，就比較好食，佢所用嗰隻幼麵都無乜特別，係平野黎既，不過都比我嗰個好。湯係有蝦味嘅。講真，依兩碗拉麵絕對唔值80蚊。我寧願去

呢到環境好有日本feel，裝修唔錯我地叫左黑蒜油拉麵同買辛辣味既拉麵，以為自己食到辣叫左中辣，真係辣到飛起😂下次真係唔好叫咁辣先得。不過佢辣得黎又幾好味，湯底都好濃味，不過真係要食得辣既人先好。黑蒜油拉麵真係好出色👍🏻我好鍾意食，湯底特別濃同埋油，我好鍾意咁濃味既湯底！d湯就黎被我飲晒😉不過，我覺得粗麵比幼麵更加出色！呢間拉麵店幾有日本風味，同埋我覺得呢間拉麵最有日本個種味道，性價比都高👍🏻👍🏻👍🏻

星期六返完上午中午時間冇嘢做又唔想咁早返屋企，於是去咗公司附近一間拉麵店食個下午茶佢本來午餐時間會提供一啲中午套餐，但係我見佢拉麵都唔太貴於是就選擇單叫拉麵，見到有豚角煮，諗都冇諗就嗌左叫咗呢碗黑蒜油湯底幼拉麵，湯底相當驚喜，黑蒜油味道十足，每一啖都食到黑蒜嘅香味，而且佢嘅拉麵非常彈牙唔似一般工廠整嘅拉麵，最重要嘅豚角煮都做得非常好，非常入味，而且份量唔似其他拉麵店咁少，抵讚！另外叫咗一支白桃梳打，有氣嘅梳打最啱襯拉麵

I would like to express my disappointment and dissatisfaction of my experience at TST branch.First, we have made an appointment on eatigo app for 2 people, but not table are prepared for us.Second, we have ordered two noodles, and gyoza, but the gyoza came cold, seems have put aside for a long time.Third, I know lunch time has a lot of customers, and it takes time to cook. However, we waited for 30 mins and our noodles still not yet come.And the other tables which came later than us already enjo

不嬲都鍾意食日式拉麵，難得達摩由大埔開番出黎尖沙咀，梗係要搵埋老公出去試下啦～去到門口已經有大大個達摩等緊我地，唔駛認錯呀！！其實我地都好鍾意達摩公仔，除左佢紅卜卜既外表，佢既含意正如菜單上咁講：永不跌倒、永不言敗！！一入門口仲有個水池仔，好靚好別緻～坐低又好似餓鬼咁係咁睇menu, 仲有自選自立麵紙～～～但店員講今日燒爐壞左，冇得試燒物⋯⋯唔緊要，仲有主角拉麵食到～～我地點左黑蒜湯拉麵同日式咖哩湯拉麵～再加餃子～另外點左個南蠻雞飯走汁俾阿仔食～自選拉麵紙～好清晰2款達摩飲品～自家製元祖達摩黑啤同埋可愛完祖達摩汽水～～黑啤有著濃濃既麥味，都算易入口呀～～汽水係檸檬味，清爽既感覺呀！！好，主角黎喇！我點既越谷達摩（日式咖哩湯拉麵）一黎到就有香噴噴既咖哩味，配埋白滑流心蛋、脆卜卜既紫菜～～湯底香濃但又唔咸同膩喎，正呀～～流心蛋堅流架，熟得啱啱好，又滑又有蛋味～～至於肉就揀左街少左既豬軟骨而唔係叉燒～～骨都煮到好淋同入味～～幼麵～～～可惜偏淋左少少，下次要問下可唔可以硬少少先～～（唔係拳頭硬少少呀）個流心蛋太靚，忍唔住同佢拍左個大頭照（笑～～）另一款係玄端達摩（黑蒜油湯拉麵），試飲左啖湯～～

係尖沙咀行完街，一於試下呢間既達摩元祖拉麵，門口好大個標誌係度，入面裝修都好日式，好有係日本的感覺。由於本人喜歡吃辣，所以試左個辛辣湯拉麵。呢間店鋪比其他拉麵店的辣更辣，其他拉麵店小辣都不太辣，但這間拉麵一隻辣椒都覺得好辣，本人剛剛接受到，唔食得辣的朋友就唔好揀太辣喇。而湯底濃味也剛剛好，唔太油，味道十足。叉燒燒得好入味，十分香口，而溫泉蛋也入口即溶。拉麵的硬度可按個人喜好選擇，我揀了適中。野飲就揀了白桃疏打及芒果梳打，兩支都好有水果味，配上拉麵非常夾。

成日都鐘意黎依頭試下餐廳, 今日經過依間達摩元祖麵屋見裝潢幾有風格.. 又想試拉麵主要有拉麵 亦有飯類和小吃，樣樣都想試, 我和友人各點了一客拉麵 🍜我的北海道3.6牛乳湯垃麵 $88可自己揀配料或追加, 大大碗材料都十足,同其他拉麵一樣有半隻溏心蛋同兩塊紫菜。仲有我最喜歡的荀條同蒜頭 .. 湯頭係奶白色非常令人期待, 飲落唔算濃3.6但同個麵very match ! 而麵軟硬適中份量剛好 !朋友的黑蒜油湯拉麵 $82 話都唔錯 !

今日同朋友出尖沙咀行街大家都未食晏就決定一齊食左先揀左食依間達摩元祖麵屋先揀湯底再揀拉麵配料覺得唔夠既可以追加配料北海道3.6牛乳湯拉麵幼麵豚腩叉燒要蔥要荀不要蒜蓉追加多一份豚腩叉燒 一睇點單紙已經即刻比牛乳湯底吸引住3.6牛乳湯底奶味香濃 亦食到豬骨湯味道湯底配料有蟹籽 咬感十足 同湯底好配仲加入左黑松露 配搭特別 配有紫菜 最鍾意包住麵食 鹹鹹的另一種風味豚腩叉燒肥瘦參半 豚味濃郁 彈牙可口好味道追加多一份豚腩叉燒 好豐盛呀玄端達摩 黑蒜油湯拉麵粗麵豚腩叉燒要蔥要荀要蒜蓉朋友揀左 表示湯底濃濃 滿滿蒜蓉泥同炸蒜蒜香味十足 十分出色粗麵彈牙 其他配料一樣 食完好滿足另外一人叫左一杯飲品豐潤白桃梳打唔會好甜 帶淡淡白桃味蜜瓜梳打比較甜 濃郁蜜瓜味

尖沙咀真係好多拉麵店 今次就試咗寶勒巷溉達摩元祖麵屋🤫餐廳應該唔係新開 但係環境好乾淨(最最最緊要嗰樣嘢) 裝修都幾有風格😛湯底嘅選擇算多 我地揀左雪達摩同白河達摩 仲可以揀麵質 要唔要蔥 荀 同蒜蓉 至於叉燒我地就分別揀左豚肩同豚腩💁🏻‍♀️雪達摩i.e.櫻花蝦味噌 一黎已經聞到好香櫻花蝦味 食落非常濃既味道 配埋豚腩（比較多肥肉）oishi ne😛白河達摩係3.6牛乳湯底 雖然朋友平時不太喜歡飲奶 但係佢話呢個湯係雞白湯嘅感覺 幾啱口味 配埋彈牙既麵線 十分正！🤓偷食咗一塊朋友嘅豚肩 無咁厚切同肥 但肉味就好濃啲 大家跟據自己口味揀返啦🤣飲品要咗兩款流打 招財貓梳打係蜜糖味 一路飲 幾潤 豐潤白桃有好香既白桃味 同微酸嘅梳打好襯 爽🤪

常常經過尖沙咀， 前幾天意外走進寶勒巷，見到一尊大大的達摩 原來是［達摩元祖麵屋］ 看一下環境都幾好， 就進去試試拉麵吧！ 一看見菜單就注意到 北海道3.6牛乳湯拉麵！ 但是接著看到 雪達摩 櫻花蝦味噌湯拉麵 哇！櫻花蝦呀！ 立刻點了一份， 能夠選麵質、叉燒部位、 蔥、筍、蒜蓉都能選擇要不要 還能追加配料，我選了日式餃子 另外還點了 高崎達摩 豚骨湯拉麵 小食和串燒都很吸引 最後選了蟹肉芝士餅 飲品選了熱的清酒 感覺好像在居酒屋呀！ 很快清酒就送過來啦， 好可愛呀！ 用熱水浸著，不怕冷掉 喝起來很順口！再來一杯吧！ 接著是我的櫻花蝦味噌湯拉麵！ 撲鼻而來的蒜蓉櫻花蝦味， 差點忘了影相！ 相機食先 旁邊滿滿的櫻花蝦， 微微肥的豚腩叉燒 有半個糖心蛋 麵質是粗曲麵，好彈牙！ 我不吃蔥啦，但是蒜蓉很可以， 新鮮蒜蓉滿滿的香氣！ 筍也很好吃！搭配湯頭有加分！ 湯頭也是很棒！ 很豐富的味道，讓人一口接一口 煎餃子我覺得就是普通一點， 可能我已經喝了湯，味道有點被影響了 同伴點的豚骨湯拉麵也來了， 清清淡淡的，跟我重口味的不一樣 選了豚肩叉燒，比較瘦， 但