逸之燒 (已結業)

今天放假，朋友就帶我位於元朗雞地，這間日式居酒屋，淨看門口裝橫別具日式風格，店內座位寬濶，感覺非常舒適。店內食物選擇亦多，有刺身、前菜、手卷、串燒、炭爐燒、一品料理、御飯物、壽喜燒及涮涮鍋等，仲有兩款套餐供應，今天我們選擇以下二人餐☺️沖繩出產的海葡萄，其營養價值非常高，具有抗癌、抗腫瘤丶抗氧化等，及有美容用作，故又被稱為《長壽藻》，入口脆卜卜再配上柚子汁非常美味👍🏻雜錦刺身，刺身非常新鮮👍🏻燒明太子雞翼，外皮燒得非常脆口，入口啖啖明太子，口感極為豐富。雜錦壽司，非常新鮮外，壽司師父是每件手握的👍🏻燒汁鮑魚仔，燒汁不會太濃再配合新鮮鮑魚。日式薄餅清酒煮蜆，蜆新鮮肥美，入口有淡淡清酒燒松葉蟹膏，有好多蟹肉和蟹膏超甜👍🏻😋和牛紙火鍋，和牛我油脂極多，再進入紙火鍋上的清湯滾一滾，簡直是人間美食🤣

距離元朗站大約十分鐘既路程 就俾我發現左呢間類似日本居酒屋既小店 佢既裝潢夠哂特別 就係咁俾佢吸引左入去內部既裝潢都十足十日本既居酒屋小店好彩黎得早，晏少少可能冇位添Menu都好大本，成本書咁，呢個皇帝蟹宴都好吸引，但我都係想儲下錢先，下次先叫你於是就單點左好幾樣食品一黎就係汁燒鮑魚，燒既時間調較得岩岩好，因為一食落去好冧，加埋d醬汁，真係冇得輸燒帆立貝都好有口感，燒完之後一d都唔乾黎到成餐飯既重點-浦燒鰻魚，成條魚夠哂厚身，每啖都有一種好實在既感覺，條魚仲要好入味，下次黎一定再encore!個蟹粥都有不少蟹肉，非常鮮甜最後試埋個壽喜燒，我揀左個昆布湯底，味道清甜，而個安格斯牛好冧，加埋d蔬菜一齊煮，所有食材都好入味，帶出佢地自身既味道總括黎講，呢間果然叫逸之燒，燒物絕對冇得輸，值得一試！

今晚同朋友來到元朗食這間日式店，店舖唔大，位唔多，我們一行人來到先點點前菜，之後才食主菜。雞泡魚乾十分野味，而且軟硬適中，淨食或點醬食有不同風味，送酒一流。比較味淡，不論芝士和年糕。雞翼香脆，淡淡鹽味，但有點乾。主菜開始，皇帝蟹宴四食，先來蟹蓋，超多蟹肉，配上蟹膏，十分香口。黃花魚肉嫩，重咸味，加上燒香，一樣食唔停口。主菜二，燒蟹腳，無乜燒味，而且醬汁味淡。池魚刺身，整食無泥味，新鮮，肉“林”，點上微酸醬汁或刺身醬油配wasabi都一樣好食。因為小弟唔太喜歡大蔥，所以感覺麻麻。不過撇除大蔥味，唔會重酒味，藍青口幾多，足料。魷魚筒徧乾，魷魚鬚微脆，一般。主菜三，SHABU配料豐富，乾烏冬，豆腐，鳴門卷，香菇等。（小弟第一次食乾烏冬，好滑。）主菜四，粥底好綿，不過無乜蟹味，味淡。五個人都係二千幾，唔貴，今餐十分豐富，上菜速度適中，環境舒適，不過主菜四食味道一般，相反池魚刺身和雞泡魚乾有驚喜，滿意的一餐。

今日約左幾位朋友黎呢間日式料理食串燒，原本滿心期待,食物我個人是覺得ok的，可惜完全比呢到既服務嚇怕，侍應生態度反而覺得我地客人煩，好似阻礙他工作，我們叫了一個炒飯要足足一個多小時先有 ，我們有禮貌提醒侍應生 ，點知佢態度冷淡地說，炒飯係耐架啦係要等架啦，今日係星期二晚 眼見不是完全滿座，我們相信是漏單了，漏單人為意外我接受但不應該用這樣的態度對客人吧！！來食飯換黎一肚氣，就算食物質素ok,我都不會再來的

今日我哋一行六個女孩加一個bb一齊去這間餐廳食飯。本身我們是去食臺灣面，因要等很多位，但我們發現這間食肆。這間食肆隔局可以 ，不是很寬敞。沒有位放bb車。我們一行六人叫了六個午餐:叫咗一個叉燒烏冬及 六件壽司;另外一個係燒三文魚飯; 我們每個人點的食物都不同。我們覺得這間餐廳的價錢都算合理，我們這些餐的價錢是由42元至68元。我就覺得壽司一般新鮮，叉燒烏冬個叉燒幾好食，過烏冬都無咩特別;豬肉就辣咗少少，它是泡菜味的;滑蛋豬都幾好食;其他的食物，我們都覺得幾好食，我們覺得這個價錢,四十幾蚊的有這個質數都覺得幾滿意

身為大西北居民，係元朗覓食簡直係天生任務，咁多年都食唔完好食既野。今次係依條食街見到依間串燒竟然有位，馬上同朋友狗衝入去🏃🏻‍♀️🏃🏻‍♀️menu勁厚一本，影唔哂，有刺身有大量雞豬牛海鮮同蔬菜既串燒揀，仲有蟹四食同啲飯類，種類繁多不能盡錄。我地目標係串燒🍢🍢🍢，所以唔理咁多，嗌！劍魚腩刺身，好肥美，好厚切，勁想encore☺️☺️鰻魚，成條上，夠肥again，好香，但有小小稔😗雞泡魚乾已經係我必嗌，燒得唔乾，好吃😋同樣都係必嗌既菠蘿，好甜夠水分✨燒廣島蠔，隻蠔好飽滿阿🤤牛脷，脂香夠，朋友食得好開心😗燒沖繩紅蝦，個頭都有膏香，肉富有海水鹹香。黃花魚一夜干，小小鹹得濟，但香港有一夜干食既地唔多！鹽燒魷魚筒，頭尾小小乾身，中間彈彈☺️焼きおにぎり🍙🍘🍙🍘🍙🍘🍙🍘太好食要比一百個emoji，外面勁脆，又熱辣辣🤤快啲黎元朗食啦☺️☺️

元朗出名美食多，尤其是雞地美食一條街，以前在附近讀書的時候，最煩惱的都是中午Lunch到底要去哪裡解決。這天回母校探望老師，聊完天都晚上8點了，途徑這間【逸之燒】，見到餐牌非常吸引，故決定駐步在此解決晚餐。本來打算隨便吃，但看見店內客人都在啃蟹腳，還好大一根，我就一直無法轉移視線。我一翻開Menu，見到皇帝蟹宴Set，四食的設計極之吸引。1.6KG~2.0KG一Set都要$999，但一想到那鮮紅色澤的帝王蟹，咬咬牙豪一次吧！第一食-燒蟹蓋膏，螃蟹部分肉被現拆下來，和蟹膏一起放在蟹蓋上擺在炭爐上燒，蟹膏甘香，吃到淡淡酒香，完全不腥。每一羹都是蟹肉，而且完全無需多餘調味，蟹膏的濃郁和蟹腿肉的清淡混合一起，是最好的配搭。第二食-燒蟹腳，這裡是半隻蟹的腳，燒烤後蟹肉帶着輕輕的炭香，十分香口，卻仍保留鮮甜肉汁。廚師非常貼心地敲開了螃蟹殼，只要輕輕一剝蟹殼就會脫落。拆開殼後，可以看到每根粗如手指，蘸一蘸廚師調配的蟹汁，酸酸甜甜地特別開胃。第三食-蟹腳SHABU，上檯的有一鍋非常清淡的昆布湯，另外配有顏色豐富的配菜。登登登，同時另外一半的蟹腳也一併送到，還有一筒手打烏冬。以蔬菜墊底，慢慢放上其他豆腐

元朗區一直都是我既美食天堂~今日行下超新又大YOHO mall跟住就到附近既鳳攸南街覓食喇💁💁揀左呢間逸之燒 試下佢既串燒有幾正先~離元朗站5分鐘路程 門面低調得來又很特別環境不錯 日本居酒屋的格局 有特色哇 見到個蟹宴好豐富 價錢又唔算太貴去日本食都差唔多喇 可惜朋友仔不太愛蟹~只好點個蟹蓋淺嘗~~就是點了用炭爐燒的皇帝蟹膏~ 見到好多食客都有點 相當有份量串燒亦相當多選擇 點了鹽燒牛脷串。芝士年糕豚肉串 同汁燒安格斯牛肉串熟食點了個安格斯牛小排壽喜燒這麼熱的天氣 先吃個冷盤 芝麻醬豆腐超開胃 豆腐硬身有豆味 食完整個人降左溫海膽手卷 我的最愛 35蚊1個平過響街吃~海膽新鮮唔腥 紫菜好脆 好想eccore~~到串燒時間 陣陣香味 牛脷食落好淋 肉味濃~安格斯牛肉就充滿肉汁 最驚喜係年糕串 軟綿綿 好好味~芝士大啡菇 芝士多到可以拉絲 啡菇好juice~~芝士迷必吃!湯底好香濃既甜鼓油味 d蔬菜同菇都好入味牛唔算厚 吸收了湯底精華 份量剛好~$98唔貴 鍾意可以額外追加配料最後到蟹膏出場 燒得香噴噴 啖啖蟹肉連蟹膏 好鮮味 份量十足 好快就清左~總括串燒都海鮮都吸引 價格合宜 2個人

We group of three had dinner on Friday night. Food wise it was okay but the service was quite disappointing. There were two people serving 6 tables. The waitress even roller her eyes at us while we kept calling for services. It's the first and also the last visit.

最近發現元朗有間食蟹出名既日本料理，上星期四訂枱同老公去食，大約晚上7:30去到，餐廳入面已經坐滿人，好在之前訂左位～舖入面枱唔係有好多張，日式佈置～依間餐廳既松葉蟹、刺身都好出名，於是同老公叫左個松葉蟹四食$628同什錦刺身$298～首先黎什錦刺身～刺身好新鮮，拖羅好甜～好耐冇食過咁好味既拖羅海膽鮮甜跟住到主餐，燒蟹膏蓋～一邊有爐燒、一邊用匙勺黎食，蟹腳已被細心剪開，拎起唔使用剪刀剪開就食得，啖啖肉Shabu Shabu,啲麵條好食～～蟹粥～鮮甜到不得了，入面好多料、好多蟹肉餐廳入面都有日本人光顧，價錢屬於中檔次，但一分錢 一分貨，完全合理～如果大家想去食，一定要訂位同訂蟹，如果唔係等候時間就耐

與友相聚搵好野食，友人推介次前元朗的日之燒便決定一試。我們一行六人點了一個4人餐，本來打算額外點多一個蟹餐的，誰知餐廳職員很有心的提醒食物量不少的，可以先點4人餐再看哦!還說不是不想賺錢，但不想浪費食物哦! 好有良心的一家食店呀！讚!套餐內有刺身,壽司,生牛肉,蟹蓋(膏),海葡萄, 炸軟殼蟹，蜆，等等等，說真的6位女子也爭點吃不完。刺身壽司等新鮮甜美，燒蟹蓋極香濃美味! 初嘗的牛肉刺身也很新鮮, 入口即溶! 滿滿的驚喜! 下次要一嘗他們的皇帝觸宴呀!

近排天氣真係好好好熱搞到個人都無乜胃口。。。所以好想食d刺身但又唔想去食放題咁多人咁逼所以同老公決定起屋企附近食，食番一年前食過嘅呢間小店好耐無黎喇！入面無乜點變。。。不過人就多左，之前人流都無咁多今日7點幾8點已經full左好多都係熟客仔本來真係好想試。。。可惜老公唔食蟹啦平日食平dd 等我下次約fd食先呢個真係好正呀！抵食！沖繩赤蝦刺身88蚊有4大隻又甜又爽口，隻隻蝦頭d膏都勁爆多我勁想問下可唔可以用黎鹽燒or整個蝦頭湯不過就咁食都已經好驚為天人仲有叫左一隻帆立貝刺身78蚊得兩塊不過係肉厚鮮甜嘅但赤蝦就平d又肉多d囉串燒黎lu 呢到為左保持個熱度會一串一串咁上枱。。。我覺得幾好架因為有d串燒店係會一盤上，易熟嘅都會凍哂不過要小心！真係好熱呢一個係汁燒豚肉芝士金菇串老老實實 芝士味無乜，不過火喉剛剛好個汁甜甜地好香汁燒安格斯牛個汁一樣，肉好滑，可惜係肥牛片串燒食完似食左陣風味道係正嘅鹽燒牛舌牛舌係我的最愛，燒到剛剛好又唔會太乾鹽燒豚肉白菇鹽燒同汁燒分別就係前者食到原汁原味我比較喜歡我欣賞呢到唔會燒到乾真真牛油蒜溶翠肉瓜我好好好推介 燒到一d都唔乾勁香又多水，好正！芝士啡菇都非常出色芝

今日同朋友喺元朗yoho mall附近搵嘢食，喺yoho mall再行入啲有一條街有好多唔同食肆，其中有一間日本餐廳，裝修幾有特色就同朋友入去試下。 店內人數唔算太多坐得都鬆動同舒服，望一望個餐牌個二人餐打咗差唔多七折，就同朋友試下個二人餐，再加杯啤酒。 過咗幾分鐘店員首先送上海葡萄，海葡萄感覺幾清新同爽口，海葡萄本身無咩味，要點上啲油先有味，感覺清新唔錯。 之後店員就送上雜錦刺身，總共有六款刺身，每件刺身都係厚切，而且刺身好新鮮，鮑魚都好鮮甜。 跟住係什錦壽司，壽司總共有十件，壽司上嘅刺身都係新鮮，味道唔錯。 之後要食嘅係燒明太子雞翼，明太子雞翼外面燒得啱啱好，外皮脆得嚟唔會燶，而且雞翼入面釀咗好多明太子，口感好特別。 跟住食嘅係日式薄餅，店員已幫我哋分為四舊，薄餅比較鬆軟而且唔會黏。 再嚟係汁燒鮑魚仔，鮑魚味好濃，加上啲燒汁同個鮑魚好夾。 跟住店員送上清酒煮蜆。啲蜆熟得啱啱好 全部開曬，啲蜆好新鮮而且入面冇曬沙，加上清酒味配蜆一流。 之後係二人餐重點之一炭爐燒松葉蟹膏，一個大炭爐上面放著個松葉蟹蓋，蟹蓋入面全部都係蟹嫁膏，再加上松葉蟹肉，唔需要剝殼就食到蟹嘅精

元朗係本尊嘅後花園，成日都搵到好食又新奇嘅野，今次亦無例外！黎到呢間逸之燒，一見皇帝蟹宴，即點！古人唔識食呢隻夾人蟲，直到一次夾人蟲為患，一位叫巴解嘅督工為左對付佢地，挖溝用熱水煮熟佢地，發出陣陣香味，一咬就欲罷不能，先發現呢種蟲係佳餚一道。古人為左記念巴解，用解加虫字，就成為左今日嘅蟹啦！第一道，燒蟹蓋膏，甘香非常，如果可以日日食，本尊係唔會理膽固醇架！第二道，燒蟹腳好鮮味，一齊上個蟹汁更讚，真係好滋味。本身乾物都比較乾，配個汁就天衣無縫，尤其呢個可以撈飯嘅蟹汁！第三道係蟹shabushabu，皇帝蟹腳肉真係鮮甜彈牙，碌完蟹腳嘅蟹湯用黎打邊爐，已經無得輸，索汁手打烏冬更加係集合所有精華係一身呀！第四道蟹粥，食到呢度本尊已經飽，但蟹粥鮮氣沒法擋，都係食左兩碗，木魚味加上蟹鮮味，層次豐富！本尊食呢個皇帝蟹，食到好似做左皇帝咁享受，出巡完飲飽食醉，係時候擺駕回宮。起駕！

自問並不是蟹控，但家人對食蟹非常熱衷，聽到朋友對一家元朗日本料理的蟹套餐讚口不絶，便帶着家人一同前往晚膳。看過餐牌，毫不猶豫的點了一份皇帝蟹餐，這餐有兩個價錢，有足1.2Kg 的及1.5-2kg 皇帝蟹餐選擇，而售價分別是HK$888及HK$998，只差HK$100，當然有大吃大的，除這餐外，點了燒物兩串。燒牛舌估不到是高水準出品，牛舌心燒至七八分熟，軟滑帶汁，而且用的是真正舌心，不帶嚡口舌尖部份。腩肉荔枝卷薄腩片燒得香脆，裹着的荔枝香甜，豬肉碰上多汁荔枝，兩者味道合拍得很！皇帝蟹餐共有四道菜蟹噌甲羅燒以皇帝蟹拆肉，加上蟹噌即黑色的鹹蟹膏，混入蟹肉及昆布湯，置入蟹殼，放在桌上以炭燒煮，未吃已嗅到陣陣炭香，入口更是甘香濃郁，當蟹噌的鹹鮮碰上蟹肉新鮮，有着一等一的味道。炭燒蟹腳腳的肉很飽滿，纖維條條彈牙，鮮味十足。蟹鍋皇帝蟹腳加上两大籃蔬菜，份量很大，以海帶湯先煮蔬菜，最後放入蟹腳，蔬菜新鮮，蟹肉亦一如剛才的鮮甜，惟這蟹鍋最討筆者歡心之處既不是蔬菜，亦不是蟹肉，而是吃至最後，由剩下來的蔬菜蟹腳精華湯所煮成的烏冬麵，它兼收了各樣食材的鮮味，加上自身的小麥香氣，頓然變成了一碗名鑄！三人行，吃過