逸之燒 (已結業)

朋友介紹，元朗雞地果間逸之燒好食，所以就去左試下，門口裝修得幾靚，好有日本格調。鹽燒油甘魚較, 配上自家製醬汁, 酸酸甜甜的, 味道新穎, 據店員說是師傅自己調校的醬汁, 獨家秘製配方油甘魚魚皮燒得非常香脆, 咬落脆卜卜, 魚肉滑溜, 油份充足, 味道非常惹味。炸沖繩芝麻雞翼，外層炸到好香脆，雞翼內裏肉質非常嫩滑而且入味，有芝麻嘅香味，唔會好油，同埋完全無雪藏味。鹽燒安格斯牛肉粒，初初有點擔心牛肉粒會很韌，但呢間店燒得很軟嫩，入口好味。这里的菜式多样款式多，口感纯正喇。服務：服務態度好，店員臉上常有笑容。 環境ok，消費有比較親民

近排元朗受傷了，終於都係自己地方，心也傷了😪呢日難得早收工，就同老公落去食飯，元朗真係一個好多不同食店，呢晚想食日本野，所以就上openrice search下邊間好啲，搵左一輪，見呢間都不錯，等埋老公就入左去食飯時段都算多人，我地坐近門口的卡位，聽著食店播放的英文歌，很舒服😌看完餐牌，價錢都好大眾化，終於揀定幾款勒海膽手卷$52 - 店員說因好新鮮，提議我地要即食😋加埋啤酒，絕配😝花之戀壽司$45 - 都好大件下，而且三文魚好足料👍🏻皇帝蟹炒飯$128 - 見食評既朋友推介呢個炒飯一定要order當店員拎到來已經聞到好香，急不及待筆嚟食，真係無介紹錯，正正子另外點左兩款串燒：鹽燒牛利串$36 - 肉質好爽口鹽燒安格燒牛肉粒$42 - 好嫩滑👍🏻

經常都在這街道食晚餐，但逸之燒就是第一次吃，見到這店是食日本串燒，環境設計似居酒屋🏮，所以就試試吃。在日本餐廳，當然要試下刺身壽司🍣刺身新鮮，吃下去很有口感。還點了一客我最愛的帶子壽司，帶子鮮甜肥美魚生沙律🥗中的魚生份量也不少，真的很驚訝。當然唔少得串燒啦，唔想只吃肉，所以點了一些肉包蔬菜或水果的串燒，原來這樣配搭是很美味的。這是豚肉荔枝串，肉不太厚，荔枝好甜及爽，好清新的感覺豚肉包菠蘿，菠蘿是新鮮的，不是罐頭的，真材實料。軟殼蟹熱呼呼這個皇帝蟹炒飯，真的美味，內裏真有蟹肉，而且是啖啖肉這餐真的有意外收獲，下次食飯我又多一個選擇啦！

這次到逸之燒又再次嚐到鮮味盛宴！為何我這樣說呢？這次選擇了一飯、一粥，其他的都是小食類別，但每樣食物鮮味十足！先上枱的是 黑松露燒鵝肝多士 HKD 48，多士輕烤過，散發烤香，配上軟綿鵝肚，頂部更有濃郁香味的黑松露，黑松露味道平和了鵝肝油香，多士又減淡了鵝肝的膩感，三者配得非常好。媽媽還是第一次吃到鵝肝，更大讚超好吃！接著上枱的是鹽燒安格斯牛肉粒 HKD 42，雖然只是一串分量，但牛肉外脆內軟，入口即融，油香滿溢，很值得落單！燒皇帝蟹膏 HKD 228 上枱了，皇帝蟹肉感較厚，能夠看到滿滿皇帝蟹肉，而蟹膏更是完美地融合於蟹肉之中，每啖都是鮮甜的厚蟹肉，加上是一直受著炭烘熱的，使蟹味更加濃郁滿溢，愛吃蟹的媽媽實是吃不停。海鮮粥 HKD 128 令我們大開眼界，以為只是百幾元的海鮮粥，內裡海鮮應該是一人分量。誰知內裡有兩隻大蠔、兩隻大元貝、兩隻青口、一隻超大蝦，蝦的面積是大過一隻女性手掌！蠔、元具極具鮮味，口感爽口彈牙，不是冰鮮的，屬高質食材！而蝦更是肉厚、鮮甜、濃濃蝦味，更有蝦膏，當你一咬蝦頭，滿滿的蝦膏就等待著你。粥底軟綿，盛載著海鮮各種鮮甜味，不愛吃粥的我都把它清光了！黑松露和牛

是日下着大雨的黃昏晚上, 到訪了這間位於Yoho mall附近的日本料理, 餐廳位置從元朗西鐵站方向走過來大概只需要步行8分鐘左右, 非常方便餐牌上的選擇非常多, 由壽司刺身, 日式串燒小食以及各種日式料理, 應有盡有點了海膽壽司($72)或者火炙三文魚壽司($22),每客有兩件, 海膽吃得出是新鮮的馬糞海膽, 十分鮮甜, 火炙三文魚入口溶化值得表揚的非這個海膽炒飯($98)莫屬, 除了其賣相討好之外, 份量非常大碗抵食, 材料充足, 口感豐富, 炒飯粒粒分明, 內有我最愛的蔥花, 配上新鮮海膽, 好味到忍唔住全都吃光光再來一些串燒, 點了鹽燒雞軟骨($23), 安格斯牛肉粒($42)鹽燒雞翼($33)和芝士年糕($18)雞軟骨香脆可口, 調味相當到位, 安格斯牛肉粒肉汁飽滿, 鹽燒雞翼油香味足, 一口咬下去還有肉汁流出芝士年糕味道恰到好處鹽燒油甘魚較, 配上自家製醬汁, 酸酸甜甜的, 味道新穎, 據店員說是師傅自己調校的醬汁, 獨家秘製配方油甘魚魚皮燒得非常香脆, 咬落脆卜卜, 魚肉滑溜, 油份充足, 並不會燒得乾身, 用了鹽燒的技巧製作, 可吃得出是師傅花一番心機燒出來的高品質作品

在元朗有居酒屋感覺的餐廳不多，逸之燒是其中之一～而且有很多不同類型的食物，一次滿足多個願望！南瓜炸薯餅非常香脆！而且入面的南瓜很香甜。吉列蝦芝士反卷裡的炸蝦肥美香口，壽司上的芝士增添味道，還有蟹籽為口感帶來層次。鹽燒雞軟骨串（上）香脆可口鹽燒牛脷串（中）帶點牛香，口感香口鹽燒安格斯牛肉粒（下）日本黑毛豚肉鍋（豬骨湯）總共有9塊豚肉，新鮮而且口感嫩滑，還有附上不同蔬菜、菇類和豆腐等等。大概是兩人的份量，如果食材不足夠可以追加。

第二次来元郎这家日式料理逸之烧。坐车很方便在形點I或者元朗輕鐵總站下車就可以了。是属于高品質日本料理我最愛就是花之戀，花之戀的三立魚一定要夠厚，而且要一口吃掉，入口即化的三文魚加沙津酱充满了你的整个口腔完美😋😋😘刺身饭也很好吃，盐烧鱿鱼🦑外脆内软是很好的下酒菜哦🤗今天點了一瓶日本米酒名字是「辨天」我平常不怎麼喝酒但是這個真的很好喝。很容易入口，有4%的酒精濃度。又不會辣喉不會苦，強烈推薦不喝酒的朋友

話說Happy Friday就一定係約下三五知己去食下晚chill下，錦先係有生活嘛（對於一個剛剛放工嘅人嚟講，有飯食約到人食已經好好……）我同朋友ss今次去咗元朗 - 逸之燒，見好評都幾多，錦就試下啦～晚餐嚟計，有幾種食法，如果費是煩嘅朋友，可以選擇咩都有嘅壽喜燒鍋；如果想食特別嘢嘅朋友，就一定要試下串燒啦（話哂人地都話串燒係推介嘅）；如果一人行，都可以選擇廚師推介嘅飯或者烏冬！我地就咩都想試下，叫咗一堆串燒同埋二飯一烏冬。講開串燒，一般嘅日本餐廳有嘅，呢道都可以搵到，但最特別，都可算係「菠蘿豚肉燒」同埋「荔枝豚肉燒」啦！水果加上豬肉，灸燒後果糖滲入肉中，有水果嘅香甜加上肉香，perfect match! 另外我地都叫咗幾樣其他串燒：脆玉瓜、帆立貝、茄子、雞軟骨，每一樣都加上七味粉及燒汁，燒至金黃，熟度適中，諗起都流哂口水！由其係脆玉瓜串，牛油灸燒，上碟時配以蒜蓉醬，瓜肉juice，外皮少許焦黃，oh jesus, 無咩形容到我嘅口感（喂，小二，嚟多串呀喂）。講番啲主食先，我同朋友分別叫咗個角切魚生飯、雜菜烏冬 and 黑松露和牛炒飯。角切魚生飯 （朋友食）魚生都幾多下，眼見又幾新鮮

逸之燒今晚係元朗搵食，搵到泥呢間位於鳳攸南街既日本餐廳—逸之燒。首先佢門面唔錯，入面都相當整潔，目測可容納20人左右。我地事先book左枱，所以1930到就即刻有位！坐低第一件事 ，當然係叫翻兩客刺身先啦。我分別叫左劍魚腩同鰤魚刺身，老實講，自問並唔係咩食家，品嚐美食都係靠自己直覺同味覺。而呢兩份刺身一食落口，的確係有幾新鮮既感覺，尤其係個劍魚腩，相當肥美。值得一提既係，刺身係用碎冰座著咁上枱，所以涼涼地咁食，更能帶出魚既鮮味。跟住係卷物，我地叫左『吉列蝦芝士反卷』。佢一碟有6件，味道都相當唔錯。壽司方面，今晚淨係叫左『海膽壽司』，壽司軍艦之上鋪滿海膽，一啖擺晒入口，簡直係無與倫比。另外，都叫左啲的燒物。包括豚肉荔枝串，豚肉菠蘿串同牛脷串。其實三串野都好食，特別係兩串豚肉生果串，真係幾特別，有好清新既感覺。你以為我地咁就飽？仲未！最係我地仲叫左一客鵝肝多士同黑松露和牛炒飯，兩款都好好味。最後埋單加埋一，盛惠$605蚊，價錢算幾合理！

這天放假朋友約吃飯 就出來元朗覓食 元朗有很多餐廳都已經試過了 這次想找家沒吃過的 走著走著來到了雞地 經過這間日式小店 以前也經過這家店很多次 但一直沒進去 今日決定試一下劍魚很肥美 油脂豐富 海膽甘甜 如果份量多點會更滿足什錦壽司有十件 每件不同 用料都挺新鮮 海膽軍艦的海膽肉鋪得滿滿的 虎蝦大隻爽脆 磯煮飽魚味道濃郁這是黑松露牛肉炒飯 黑松露醬放在上面 可根據個人口味攪拌 攪拌均勻後跟和牛粒和炒飯一起吃 香味在口中擴散什錦串燒有十串不同的串燒 其中雞骨腸 雞肉棒和牛舌最好吃 啖啖肉

近排返工真心辛苦, 呢晚返工受完氣, 放工想去食好西平衡返!然後我地去左逸之燒。佢個門面都幾靚幾有格調嫁!仲有幾張椅畀等位既客人坐住等添!店入面唔大, 客都好FULL下~除左普通位, 吧枱都有4個位可以坐~然後, 我地叫左好多野食我地叫左: 皇帝蟹炒飯($128),蒲燒鰻魚($98),鹽燒豚肉荔枝串($26),鹽燒豚肉菠蘿串($26),燒鵝肝多士($38),吉列蝦芝士反卷($48),海膽手卷($52),和風牛肉炒烏冬($78)。燒鵝肝多士($38)我地2個係鵝肝怪, 見到鵝肝多士當然要叫來食一人一份~鵝肝夠厚切!海膽手卷($52)海膽好甜!和風牛肉炒烏冬($78)大大碟! 好足料!甜甜酸酸咁, 好開胃!皇帝蟹炒飯($128)嘩! 原隻皇帝蟹蓋上!好吸引!炒飯入面真係好有多蟹肉, 好好食呀呢個真係!吉列蝦芝士反卷($48)呢個賣相都好靚!反卷個餡係脆卜卜炸蝦,面頭就有大大片芝士同蟹籽, 食落係多層味覺同口感享受呀!蒲燒鰻魚($98)呢個好奢侈, 原條熱辣辣就咁食~肥美~鹽燒豚肉荔枝串($26)鹽燒豚肉菠蘿串($26)第一次食串燒夾住荔枝~原來都幾好食嫁啵!好JUICY~食完一餐豐富既,

今日嚟到元朗雞地搵食，見好耐冇食日本料理，就揀咗呢間位於鳳攸南街嘅《逸之燒》。餐廳裝修好有氣氛，牆上邊掛有多幅日式圖畫，和風味濃。燒鱈魚片 ($25) - 薄薄嘅鱈魚片味道鮮美，燒得好香脆。汁燒秋葵串 ($22) - 秋葵串燒到剛剛熟，口感唔會太腍，配上燒汁，份外滋味。鹽燒安格斯牛柳粒 ($42) - 安格斯牛柳粒牛味濃郁，表面燒得香口，裏面肉質又腍又嫩，加少少鹽做調味已經夠好食。炸軟殼蟹 ($58) - 軟殼蟹肉質嫩滑，表面炸得鬆化得嚟帶點煙韌，十分香口好食。汁燒魷魚筒 ($82) - 魷魚筒夠曬大隻，燒得爽口彈牙，配上鹹鹹甜甜嘅汁燒，相當惹味。燒三文魚頭 ($92) - 三文魚頭大大個，燒得十分香口，表面脆脆地略帶焦香味，魚肉 juicy無腥味，點少少醬汁已經夠好食。火炙三文魚飯 ($78) - 火炙三文魚口感嫩滑，肉質肥美，略帶火炙味，配上帶少許酸味嘅壽司飯，再加點wasabi及滋味醬汁，忍唔住一啖接一啖。黑松露和牛炒飯 ($128) - 飯粒炒得粒粒分明，口感爽得嚟帶少少煙韌，和牛粒既爽又有少少咬口，加入芳香嘅黑松露更有畫龍點睛嘅效果。呢度食物味道相當唔錯，我哋會再嚟幫襯。

逸之燒之前聽同事介紹呢間食日本野好好味，所以特登黎嘗試下，結果好有驚喜！睇到餐牌有好多款式，樣樣都想試下，所以都叫左不少野食。首先來的係三文魚刺身，超級厚切同新鮮，咬落去超滿足，絕對給力！然後來的是海膽壽司，滿滿的海膽，入口鮮甜，平常不太好海膽的我都覺得好正！黎到逸之燒當然要試下d串燒，今晚叫左幾款，包括雞軟骨、豚肉芝士年糕、豚肉金針菇串同埋最特別的豚肉荔枝串。各款串燒都入味，芝士年糕串煙韌。最驚喜係豚肉荔枝串，豚肉包裹著荔枝，咬落去出奇地夾，甜得來又去了豚肉的油膩，真係好正！軟殼蟹手卷亦新鮮炸起，如過多點沙律醬就好了！黃金燒帶子醬汁滿滿，熱辣辣食好鮮甜最後要講一講呢個松葉蟹粥，用料豐富，鮮甜的蟹粥是飽肚之選總括黎講食物都係高品質，環境都不錯！下次都會再黎食啊！

鐘意嚟鳳攸街呢邊食飯，貪有錶位停車場方便泊車。天氣熱熱地，就揀左食日本菜既逸之燒什錦壽司有10件，有蟹肉蟹膏、海膽、鮑魚、鰻魚、劍魚、天使、油甘魚、帶子、鯛魚、鱆紅魚同三文魚等...食材新鮮，一啖一件既size啱啱好。忍唔住追加左海膽壽司，滿滿既橙黃海膽份量非常足！花之戀壽司同火炙三文魚壽司既三文魚都係厚切令人滿足既豐富口感雜錦撈麵睇落分量唔多，麵好q彈，有蟹籽、蛋絲、青瓜絲、蟹柳絲同肉絲，食落好飽肚下！燒物叫左牛舌、三文魚柳同鰻魚串，火喉控制得幾好，尤其鰻魚，燒到皮脆肉嫩，好好味估唔到有黑松露鵝肝多士食！黑松露獨有既香氣同鵝肝勁夾，加上脆薄既多士添加口感，正！

琴晚老婆扭計要食好嘢，聽啲同事講元朗有間日本菜叫逸之燒，質素好，就去試下啦。環境方面：雖然地方唔太，但都乾淨企理，ok嘅。服務方面：職員好有禮貌，會同你傾下計，又介紹我飲邊隻啤酒，同推介啲食物，一般啲餐廳都推介最貴嗰一兩樣，呢度又唔會喎！我見隔離枱同啲職員仲傾到有講有笑，氣氛幾輕鬆。食物質素：呢度質素都係唔錯，攪到我叫下叫下，食左十幾款嘢，我推介幾樣俾大家：海膽壽司，海膽好新鮮，味道非常濃郁蟹粥，好夠味，無落薑之餘又唔會腥，唔係太識形容，只可以講，我食左3碗雞軟骨串燒，表面香口，食落唔un，最特別係好入味，呢樣比較少有做過衛生方面：慣常日本餐廳，都係乾淨，專用廁所喺舖外，唔會有味道。總結：諗住舖仔細細，無乜質素，點知試過之後俾佢哋嘅食物質素吸引左，價錢合理，兩個人食左700幾蚊，會再幫襯。