通達食店

营业中

休息中

路徑此地，又因肚餓，又臭到咖哩香味，魚旦燒賣，選了燒賣再加咖哩的辣；燒賣只是一般，六元五粒，真的有點貴，但辣汁香又少辣，味亦十分吸引，值得一試的汁呀！

和薑餅人去吃小食, 原本想叫煎釀三寶和酥炸魷魚鬚, 怎知店員説今天沒有炸物, 真沒趣.要了碗三溝, 燒賣, 辣魚蛋, 腸粉和一杯豆漿.三溝味道偏淡, 差點發現不到粉絲, 魚肉是純白色和粒狀, 不是一條條鯪魚肉, 魚味淡但也彈牙.燒賣普通, 有點粉; 辣魚蛋不算很辣但也算香.腸粉反而不錯, 醬料十足, 熱辣煙韌.豆漿不太甜, 冰凍解辣.

每次行過都難以抵抗，點都會買番串辣辣魚旦o黎食~~~"咖哩魚旦": 個咖哩汁好味，夠辣，魚旦又彈牙。

突然之間想食碗仔翅見到呢度有"魚肉翅撈麵"..好似好吸引~就要左呢個$21,再加一杯豆槳$4,外賣$1,呢餐$26~但真係好後悔.....個翅好稀淡到咩咁...魚肉好多,,,不過個味道好怪...唔鮮味,not my cup of tea..仲有d菜咁啦...好一般......最搞笑係我以為撈麵係雲吞麵o個d幼麵原來係烏冬!!!我覺得兩樣野唔match......點解唔改名做""魚肉翅撈烏冬"呢?誤導人......豆槳都好大問題.....一d豆味都冇好淡都唔知點解咁多人幫襯,多人唔代表好味!!!!!!!不過阿姐係幾好禮貌~

作為一條愛吃雜食多過正餐的小金魚,通達真係一間我食到上咗癮的舖頭....小金魚與朋友仔小貓咪一得閒就會去食....(大家唔好介意呢個天敵型的組合，因為我地根本係為食二人組)以下食物基本上係次次都會叫： 三溝 <== HKD2X，我地2個人都認為係花園街個間好食d，但係花園街個間好細又多人，坐得好唔舒服，但係呢間都幾好食~ok啦~ 辣魚蛋 <=== HKD6.00 呢個真係極品(我同小貓都係咁認為啦)，夠辣，個汁辣得嚟香(其實我唔係覺得好辣，仲有少少甜甜地，我係一條辣金魚hehehehe)，又夠實肉，唔會好似其他地方買的魚蛋咁"淋劈劈"，只係可能有時流量大，浸得唔夠耐，會唔夠入味，但係去食十次至少都有九次好好食，一次半次都會失手。 煎爙三寶 <=== HKD5.00 3件，越買越貴，而且越嚟越細件(唉，通賬猛如虎呢...)，但係都幾好食，不過有時撞唔啱時間，會凍冰冰。 腸粉 <=== HKD? 好好食，佢同辣魚蛋真係好食雙雄呀~~~D腸粉滑~我同小貓都係汁怪，所以個醬汁海真係啱矖咀型.....如果只有小金魚一條魚毛的話就會叫呢D： "痴"飯 <==

I don't normally eat in these places, cos the food is usually dirty.However this place seems clean, so I gave it a try, I tried their noodles and the fried treasures.For the noodles, I had vermicelli with spinach fishballs and curry sauce.Tasted ok.For treasures, I had:fishballs, tofu, aubergine, fishcake.All the treasures are commen and can be found in any place that do them, but the fishcake is rather different. Its a bit like a thin cracker with chewy fish paste and sping onion. So I wud reco

4-28-2008遲來的4月回顧(Part 4)。多得友人介紹我到這，吃過頭1次我已經愛不釋手。今次帶女友來她首選招牌油渣麵($18)。可以選不辣的，好像那些日本冷麵1樣，很多配料1組1組的舖上，有蒜蓉，有火腿，有冬菇，健康與否是1回事，但賣相看上去連湯都很清，的確不錯。我就點了魚肉翅撈麵($21)。都已經是第二次試了，很豐富，1定滿足要求高的各位，份量不會馬馬虎虎，整整1半都是碗仔翅，1半是撈麵。最出色就是那些1小粒很彈牙的魚肉，沒有骨，不是鯪魚球那種很腥，真的很好味。另外兩碗麵各加$4就可以有凍豆漿。然後再加蠔油魚蛋($6一串)，還有腸粉($8四條)。水準普通啦很難有特色。總結來說都不錯，夠地道，環境比我想像乾淨。另外要讚就是員工態度，面對人流頻頻轉，難得員工都不會很粗豪很趕急的給你落單，加分加分。有時不1定要超級豪華，超貴價錢才是美食保證的。

若不是見到有關魚蛋既食評，真的忘記要打這一篇。其實早就想試呢間，因為次次經過都有唔少人，尤其係傍晚時分。所以今次剛好經過就問朋友仔試唔試，最後要了魚蛋燒賣(辣)各一串。服務算唔錯，只係叫2串都俾個碗(當然是很不環保!)，我估係因為我地要辣，而佢又係淋唔少辣油，只好俾我地掛。一食，辣得過火，2種小食咩味都食唔出，因為條脷已經麻木喇，只能食到魚蛋是死實的一種。睇黎之前黎呢間既人，好大可能都係門前既人群而被騙入來。唔知隔離果間又係咪咁呢?

前幾日，上forum見到d人話呢間既魚肉翅好鬼好味~話由kwai chung舊店食到家下，話魚肉翅，魚肉為一粒粒。呢幾日又太忙，個心頂住頂住，好想去食。今日見得閒d，半特登咁出左旺角食。一入到去，就覺得幾乾淨。但就好似幾貴，要成十五蚊一碗魚肉翅。但心諗貴但好味都抵既。碗翅一黎，就呆晒，好多泡係上邊。食左幾啖覺得，得個淡同"hei"字。落左d醋同朝椒粉，先覺得入得下口。再食多幾啖，火都黎埋，原來d魚肉都唔得，又粉又無口感，仲要無味。呆左如果硬要讚既話，就只好話，d服務唔錯

以為通達係好好食既食店,但係只係普通!我食左一串咖哩魚旦,一碗生菜魚肉,咖哩魚旦得個咸字,一d都唔好食,openrice編輯部,喺旺角有一檔好好食既魚旦,位置約係創興後面,叫做南華美食,仲有立味粫米飯食,希望加番佢地既info<生菜魚肉都係唔掂,以後聽到通達都咪搞我!

今日突然想食"痴"飯, 女朋友記得呢度有,就去試下啦. 叫左:"痴"飯<-- OK, 好熱碗仔翅<-- OK啦, 但大碗魚旦(唔辣) <-- 普通腸粉<-- 普通, 叫佢多麻漿竟然加到多過豉油....凍豆漿<-- 好味~Total : $40幾....普普通通啦無乜特別~

跟太太有事在附近跑,下午四時多還未晉午餐,肚子不斷在抗議,唯有怱忙找點東西醫肚.此店外表倒也窗明几淨,食品也是大路的車仔麵,煎釀三寶,生菜魚肉.......等,一般港式小食店格局,果然出品都是大路得不得了,味道濃,味精重,價唔平,野唔得........後悔x2!一碗麵閒閒地都要$20,如果好味都無所謂,但係真係唔得,粗麵底淥唔開,豬腸無乜膻味,得鹵水味,咖喱魚蛋無乜香味,其他野好似牛柏葉,墨魚丸,魚皮餃好多都係現成貨,湯底好咸又無味,以為乜都可以淋d汁去遮掩,如果求其想飽肚都係行前兩步去吉野家或者生記會好得多.

聽說通達的油揸麵,魚肉等小食很出色,於是今天經過這店便吃一碗生菜魚肉和一串辣魚旦!可是生菜魚肉的味道很普通,最大問題係唔夠熱..另外魚肉湯比較淡,沒什麼特別呢..魚旦都只是普通,咖哩味不多好!再問朋友re-confirm,原來她說的通達在花園街嗰邊!

這天肚子餓的時候正好在油麻地，而我就試了這間想試很久的魚蛋。我怕辣就選了不辣的魚蛋，一串要$6，又聽人說很好吃的，就十分期待了。不過吃下去又覺得不怎麼樣。味道不知道怎樣形容，只知道魚蛋不算彈牙。男友試了一粒，也是覺得很普通。也許辣會好吃一點吧，不過看到辣魚蛋汁十分濃烈，何況那裡的服務態度差，真有點令人卻步。

細個果陣係附近學游水，學完家姐就會帶我黎食野。到大左都一直有幫襯，不過加價幅度高，而家腸粉＄８有４條,以前小食＄１有１件，而加＄５先得３件。叫左腸粉，魚蛋，３件小食（紅腸，豆腐同蕃薯餅）同豆漿。腸粉較粗身，一如以往既滑，且有米香，加混醬一齊食，好惹味。魚蛋咖喱味夠，可惜口感太死實，細細粒，唔夠彈牙。小食方面，最愛蕃薯餅，薄薄地，炸得幾脆，唔易同皮分離，點甜豉油食最好。紅腸邊位少燶，連魚肉一齊炸，但唔會搶走紅腸既味，唔錯。豆腐就炸得有點兒過火，太乾，皮位實，較為遜色。豆漿有豆味，不過衰在過甜同明顯溝左水。