通達食店

营业中

休息中

近日看到某免費報紙介紹街邊辣魚蛋，不禁令我想開展個人的「辣魚蛋比拼大賽」，就由油麻地的通達食店開始。通達食店有兩間店舖，相隔一道大廈的出入口，初時我誤會是兩間不同的小食店，細看才知道是一樣的。較近地鐵站的人山人海，相對而言旁邊的略為冷清，又一次證明羊群心理，多人光顧的自然會招徠更多食客。明碼實價，七元一串，有六粒。比預期更辣，正！亦由於很辣的關係，基本上有沒有魚味都分不清，只覺魚蛋頗彈牙，好味道！

再次來到油麻地，個人想找地方完成晚餐，便選擇了這間。畢竟個人是碗仔翅愛好者，便選擇了碗仔翅＋上海粗麪（好像這樣叫）。但食下一口之後，其實麪沒問題的，彈牙，不過碗仔翅湯味很怪，原來是加了冬菜。就這樣，個人旱見地沒有清光今餐就結帳走，只留下一點湯。

從小時侯幫襯木頭車小販，到現在幫襯小食店，腸粉一向都是我的心頭好小食之一。是日工作多得要命，放工後實在累得沒辦法支撐到回家煮飯，忽然想起很久沒吃過的腸粉。既然時間尚早，就早幾個地鐵站喺油麻地落車，到久違嘅通達食店解餓吧！小店位置位於地鐵站出口，實在非常方便，還未正式踏出地鐵站，離遠已傳來辣魚蛋的香味，門口擠滿了買小食外賣的客人，我就快快入內搵位坐，如果人數不足以坐滿一張檯，都要有心理準備鐵定要搭檯，不過好多時都唔需要等位。環境頗擠迫，但都尚算衛生。小店的食物選擇種類繁多，有車仔麵﹑油渣麵﹑普通麵餐如豬扒麵雲吞麵﹑粢飯糯米飯，早市還有粥餐提供，而想吃小食的亦有燒賣魚蛋﹑煎豆腐﹑碗仔翅等等。說回主角腸粉，腸粉本身的質素不過不失，但我很喜歡小店所提供的醬料，每次落單我也一定要求「多醬」，因為醬油不會過鹹，甜醬不會過杰亦不會過稀，味道也不像一些劣質的甜醬有酸味，加上麻醬及芝麻就是最好的醬料組合了！

通達的豆漿粢飯套餐幾好, $16, 淨粢飯, $12, 佢d榨菜切得好幼細, 食落口唔會搶左肉鬆的味道, 中間油炸鬼和糯米的份量剛好, 但可惜無甜豉油可以落, 不過我試過滴少量浙醋, 香味更正! 我逢星期三晚係附近上課前, 必吃一件頂肚o腸粉, $9/4條, 太貴, 而且芝麻太少, 甜醬可以減少, 麻醬適中o

尋晚因為趕時間，所以同個fd打算喺度買d小食就算(之前間唔中都會嚟呢度買下小食)食物質素只係中規中矩(除咗粢飯算幾好之外)；講真，價錢唔可以算平既級別。呢個唔係問題，到收錢果時，我同佢講佢計錯數，佢死都話無錯，又唔肯再計，我同佢講咗好多次，佢先肯再計，計完知道錯咗仲要勁晦氣，態度惡劣到爆，食物好唔好其次(因為只係d幾十蚊既小食)，呢d咁既態度令到我以後都唔會去，各位下次去呢度時留意下啦。

晚上約了食友睇波,總不成餓著肚吧!就在油麻地MTR門前,快快趣來一個車仔麵好了.可能附近多學生客,食品都是乎合學生為主,身邊亦偶爾有其他街客.蘿蔔,豬腸,豬紅粗麵配豆腐都要廿幾蚊,等於一碟飯的價錢.豬腸內的肥膏去得清,少了一份質感,豬紅平平無奇,反而蘿蔔夠清甜,不錯,麵是淥得過火, 太淋了.頂一餐半餐尚可以,下次未必再來.

不知是否剛吃完陳記魚蛋有點意猶未盡，立即乘地鐵到油麻地吃多次魚蛋，順便看模型。通達魚蛋乃小弟第二至愛，魚蛋質料和陳記不同，陳記比較硬，而通達的比較鬆軟；陳記的醬汁較特別惹味，通達的是咖哩辛辣，各有特式。每次都要買兩串，貪有個盒和要多些辣汁。魚蛋浸在咖哩汁中，賣相極佳，引起人的食慾。咖哩魚蛋入口辛辣，刺激人的味蕾，好吃非常。咖哩味並不留在口中太久，沒有令人有口渴的感覺。通達魚蛋能成為本人的第二魚蛋（第一仍是陳記），確有實力，值得一試。最後一提，魚蛋是好的，但一蚊一粒就貴了點；其他的食品則較一般，但都可加咖哩汁，自己選擇吧！

呢日胃口大開.途經呢度.我都對方都不禁講一句"好香呀"本來食到飽一飽,但係都停底腳步買返一串試下不過,聞同埋食係兩回事.魚蛋唔夠彈牙.辣味唔夠.魚蛋同汁亦都好淡味真係睇得,聞得,食不得!賣成$6一串.唔抵!!!

上周四，由於趕住入場睇戲，匆匆忙忙響通達以港式小食當晚餐，順道留肚晚點試試首次進駐香港的豪大大雞排。]先來燒賣 ($6)、咖哩魚蛋 ($6) 各一串，燒賣正正常常，入口唔會太粉，而且魚腥味不重，沾些辣油吃就更正；咖哩魚蛋大大粒，彈牙就唔覺，好彩咬落唔算鬆泡泡，咖哩汁說辣不辣，不太吸引。女友要了魚肉菜翅三溝 ($17)，吃前灑些胡椒粉，芡是典型杰杰的質感，菜放得很少，魚肉切成小方粒，配合黑木耳，感覺唔算豐富，比較普通。我對碗仔翅興趣不大，簡簡單單要了一碗魚蛋河 ($18)，四粒魚蛋搭條菜，河粉浸在湯內，夾起比較重身，見湯底好清，乾脆將燒賣的辣汁豉油倒埋落去，味道才稍好一點總括而言，好食就一定唔係，但絕對夠飽肚，第日經過買串燒賣過下口癮，都可以的！

每次經過通達都會買串魚蛋食今日都唔例外~不過今次係坐底慢慢食唔知係因為落雨定係點，幫襯既人好似比以前小左，入到去都唔洗同人迫，唔洗搭枱。叫左一串魚蛋，腸份同埋魚蛋河魚蛋:彈牙，不過唔係好入味 $$ 六蚊一串，還可以接受腸份:$$八蚊四條，都幾滑，點埋醬汁好好食個伙記仲問有咩醬料唔食，夠細心魚蛋粉: $$十八蚊碗，賣相都還可以不過啲粉好薄，口感麻麻，好易夾斷點食 啲魚蛋都幾大粒，但係食落麻麻，基本上碗野唔落調味係無味下次唔會再嗌依個野食

今日lunch過左黎油麻地呢邊買野順便開飯,呢間食店就正正開係地鐵站出口隔離, 並且租用左兩個舖位,可見其規模之大。當然其中一間則有空調供應,相反另一間就只有風扇。所以如果堂食, 店員都會招呼你去有空調的舖位。舖位面積有限, 座位都擺得很密,坐起上黎難免都有d逼夾。坐下來後, 已被貼在牆身的餐牌吸引目光, 假如都唔岩心水, 客人還可以自行選配食物, 客人最少揀了兩樣配菜已可成一碗麵, 選擇性的確幾豐富。而我就叫左秘製豬扒米粉, 亦可轉海麵或拉麵,如果出前一丁就需再加$5,。 另外,隨餐亦可加$4配豆漿, 而奶茶就要$10, 客人請自行決定。等左一個字度, 餐亦很怏送上, 而係餐度傳出來的是媽咪麵的香味,的確感到疑惑。米粉用大碗裝, 豬扒並沒有一舊舊切開, 豬扒面層的味道雖然香濃,但可惜內裡肉質乾鞋,咬落口感欠奉,米粉方面就問題不大,軟硬適中。而湯即落重了味精, 不易喝多。那兩條菜都新鮮, 口感都爽口, 帶有些少菜甜味。店舖地下其實蠻多垃圾, 尤其係紙碎及木筷子,希望店方多加注意店舖衛生清潔。而店員服務方面都幾親切, 客人對於食物方面的問題, 店員都即刻解決。

是日行程有點趕，因此跟朋友也想想那裏可以吃到快、平、好的午餐最後一致決定去通達，貪近地鐵站，一吃完可以立即繼續起行叫了魚肉菜翅三溝、跟豆漿和煎釀食物!來了來了! 魚肉彈牙、又有大量生菜。湯不會太「杰」，十分足料!大大碗的三溝，吃完額頭已刻上個「飽」字!不過豆漿的味道就有點怪怪的….吃過三溝後，枱上還有很多煎釀食物煎釀食物的味道不過不失，可惜不夠熱，能加熱的話味道會更佳!

以前補習成日都經過, 食過一次魚蛋, 味道係點都唔記得, 只係記得食得好狼狽.....多年後再同fd來食, fd極力推介生菜魚肉同油渣麵(但佢係唔食豬油渣同菜甫XD)一路都唔知呢間都叫通達, 只知花園街有一間,食過腸粉正常.點左: 生菜魚肉($15): 同平時食倒一條條ge唔同, 佢係一粒粒, 味道不錯,但個人prefer一條條個種, 同埋略貴 油渣麵($19) : 入面有冬菇,辣菜甫,豬油渣,火腿. 揀左上海麵, 真係幾好味, 上海麵粗粗地,唔會太淋太硬. 豬油渣第一次食,但聽過老豆講係用油搾晒本身d豬油出來, 所以唔會好肥, 好彈牙, 好好食 價錢合理 辣魚蛋($6 好似) : 用細細粒魚蛋, 彈牙好食, d汁野味, 不錯 香茅雞翼($11/3隻) : 無影相, 但好香, 醃得好入味, 個人幾鍾意香茅味, 同埋算係幾平加埋2杯豆漿,埋單$59 抵食, 一定再來

做完義工,口痕好想食魚旦~次次行過都冇試,好...就同朋友一人一串...辣魚旦唔該!!!超正~唔會太林,仲好彈牙...辣度岩岩好有時食過D魚旦浸得耐,完全冇咬口,林晒,唔掂~而呢度唔會...係彈牙~超好味!!6蚊6粒~OK啦...可以接受!

平常經過這裡總會見到一大堆人圍著,不是在等位入座而是在門口買辣魚蛋及煎釀三寶.熱鬧情況好比登打士街!這天晚上九時多也未吃飯,路過打算試一試這裡也好!探頭一看見到只剩下冰凍的豆腐及青椒,再望望辣魚蛋也剩下無幾...肚餓難耐下見有車仔麵吃便入內一試,車仔麵]點選了最大路的韮菜、豬紅、豬皮、大腸、牛腩、油麵沽清便點了粗麵底加沙爹汁.心想這幾款最基本的配搭,難吃也有個譜吧!韮菜----老得厲害全是渣.豬紅----吃下去是滑,但味道頗鹹.豬皮----硬身有毛.大腸----韌、無味.牛腩----同上.半透明的沙爹汁味道不懂形容,只吃了底部的粗麵便埋單走人.這裡的筷子品質惡劣!有大量木屑及漂劑味道.出門口有點像老夫子那種頭頂有個燈膽,叮一聲跟住打出四個字.